|
Re: التقينا وتناجينا ... ( إفطار بورداب الرياض ).. توجد صور (Re: ahmed haneen)
|
اولا رمضان كريم على الجميع عامة وعلى اخوتي في بورداب الرياض بصفة خاصة ،، وإن شاء الله لمة في الحرم بإذن الله ,, والله منعني الشديد القوي عن الحضور والإلتقاء بكم وقضاء لحظات جميلة في معيتكم ولكن ظروف قاهرة حالت دون ذلك ،، وإن شاء الله في اللمات الجاية لو ربنا ادي العافية نكون من الحاضرين ،،
تحياتي: ياسر العيلفون
| |
|
|
|
|
|
|
Re: التقينا وتناجينا ... ( إفطار بورداب الرياض ).. توجد صور (Re: معتصم دفع الله)
|
Quote: إفتقدنا الكثيرين من البورداب وزي ما بقولوا الغائب عذره معاه إن شاء الله خير .. وفي نفس الوقت إنضم إلينا كوكبة جميلة من البورداب في مقدمتهم .. معاوية عبدالرحمن وحافظ بيشو ومرتضى أحمد عبدالقادر مورتا ومحمد خضر بشير وياسر عوض (بورداب كندا) والفنان هشام درماس .. ذكروني إذا نسيت واحد يا شباب .. |
لا تعليق يا ودفع الله .. سواء أنني كنت من القلائل المحظوظين بحضور هذا الافطار الجميل الرائع ..
والذي زانته أواصر الاخوة والحميمية لهذا الكيان الخالد .. وكذلك بعض الكلمات الرائعة التي القاها الاخوان من بورداب الرياض ..
أيضاً الفنان الشفيف / هشام درماس .. كانت له فواصل ودرر شجيه زانت وعطرت المكان بتلك الحنجره الذهبية الجميلة .. دمت لنا هشام ..
عموماً استمتعت جداً بالعودة لكوكبة النجوم (بورداب الرياض) بعد غياب طويل .. وأتمنى من الله العلي القدير أن يديم هذا التواصل الجميل ..
ورمـــضان كـــريم علـيكم جميعاً ,,
وليد احـمد (399)..
| |
|
|
|
|
|
|
Re: التقينا وتناجينا ... ( إفطار بورداب الرياض ).. توجد صور (Re: ياسر محمد سعد)
|
سعدت شخصيا بهذه اللمة الجميلة لبورداب الرياض وروح الالفة بينهم والكرم الاصيل الذي احاطونا به ،، كما سعدت ان التقي بورداب الرياض (لايف) ولمست روح الالفة فيما بينهم كما سعدت لمن سنحت لي الفرصة للتحدث معه ،، عموما لحظات جميلة دافئة قضيناها في ضيافة بورداب الرياض وهنا اشكر الاخ معتصم دفع الله على الحرص على حضورنا انا والاخ معاوية ابوبكر وتعريفنا ببورداب الرياض ،، لكل البورداب الشكر والتقدير،،
حافظ (اشو)
| |
|
|
|
|
|
|
Re: التقينا وتناجينا ... ( إفطار بورداب الرياض ).. توجد صور (Re: معتصم دفع الله)
|
ياسلام ياسلام علي بورداب الرياض والله احلي واجمل ناس تشوفهم اول مره كانك تعرفهم من سنين واحلي مافيهم ترابطهم الاسري وتعاونهم وتضامنهم .. يوم كان رائع بكل المقايس بس كان بيكون احلي واجمل بوجود طارق ميرغني وابوجهينه والشايقي وودالباوقه وخالد المحرب وكل الغائبين وانشاءالله الجايات احلي من الرايحات وكل عام وانتم بخير
| |
|
|
|
|
|
|
Re: التقينا وتناجينا ... ( إفطار بورداب الرياض ).. توجد صور (Re: الشفيع وراق عبد الرحمن)
|
Quote: بس كان بيكون احلي واجمل بوجود طارق ميرغني وابوجهينه والشايقي وودالباوقه وخالد المحرب وكل الغائبين وانشاءالله الجايات احلي من الرايحات وكل عام وانتم بخير |
الحمد لله انكم افتقدتونا والفوق ديل تراهم مهمين وانا من عصبتم
بالفعل نحن الذين افتقدنا هذه الليلة الرمضانية الجميله وبوجود هؤلاء البورداب الجدد
الشكر للاعزاء هضام درماس والاخ العزيز ياسر ود. محمد حسن وكل من سال عنا
ومن لم يسال
ورمضان كريم _________
تخريمه
انتو وزير الري مالو قاعد مسكين كدي
| |
|
|
|
|
|
|
Re: التقينا وتناجينا ... ( إفطار بورداب الرياض ).. توجد صور (Re: معتز زيزي)
|
Quote: غايتو ، البركه في إسماعيل عباس..
|
ياراجل يابركة...يا أخى محمد المرتضى كيفنك...لعلك بخير وألأهل.
بالمناسبة يا محمد الخرطوش ده بتاع شيشة ودالصايم مولع فى جزء الرجال محل فطرنا وبدخن فى جزء الرجال محل الحفلة...يا أخى الزول ده لما يكون معانا بنحس بدخان البهجة طالع من الشيشة..
بعدين أنا زغت من صلاة الجماعة ديل صليت فى المسجد..للضمان كده.....ديل ناس (ح.ش) زى ماقال طارق نقد صلاتهم يعلم بيها الله.
تقديرى للجميع.
| |
|
|
|
|
|
|
Re: التقينا وتناجينا ... ( إفطار بورداب الرياض ).. توجد صور (Re: ismeil abbas)
|
سعدت كثيراً مثل غيري من الحضور باللمة الحلوة . وكم كنت أتمنى أن يكون كل بورداب الرياض حضوراً في الافطار . هشام درماس أبدع وهو يتغنى بروائع الغناء السوداني . وكم أعجبني وهو يذكر اسم المبدع الصادق الياس الذي كتب أغنية (سيد الناس) . ترحيب وتحية لزميل البورد مزمل رابح الذي حيا الحضور بكلمة وافية أبدى فيها الكثير من الملاحظات . كما لا يفوتني أن أزجي الشكر الجزيل لاخواتنا اللائي أكرمننا وغمرننا بطيب كرمهن و (أكلهن ) .لهن مني جميعا كل الشكر والتقدير .
-------------------------------------------------- وان شاء الله دايماً ملمومين في ساعات الخير .
| |
|
|
|
|
|
|
Re: التقينا وتناجينا ... ( إفطار بورداب الرياض ).. توجد صور (Re: ABUHUSSEIN)
|
Quote: ياسلام ياسلام علي بورداب الرياض والله احلي واجمل ناس تشوفهم اول مره كانك تعرفهم من سنين واحلي مافيهم ترابطهم الاسري وتعاونهم وتضامنهم .. يوم كان رائع بكل المقايس بس كان بيكون احلي واجمل بوجود طارق ميرغني وابوجهينه والشايقي وودالباوقه وخالد المحرب وكل الغائبين وانشاءالله الجايات احلي من الرايحات وكل عام وانتم بخير |
أخونا هشام مداخلتك دي كلها ما شايف فيها كلمة لـيـمـون إن شاء الله المانع خير ....!!!!!!
| |
|
|
|
|
|
|
Re: التقينا وتناجينا ... ( إفطار بورداب الرياض ).. توجد صور (Re: هشام درماس)
|
Quote: بالمناسبه ده ماكسير تلج .. كسيرالتلج اسال منه صديق الموج |
اها انا من امبارح ساكت ما دام جبتو اسمى النوريكم كسير التلج الما سمعتوا بيه ،اخو الزول ابو صلعه سيد الشى زاتو اسمه معاويه من دخل لما طلع ما قال كلمه والغريبه د. محمد حسن وخالد الارباب ويوسف ابو سنينه يصفقوا ليه كلما جابو اسمه فى شنو ما عرفت.. غايتو بكرى ابوبكر كان جانا هنا و مرض انا متأكد عندنا واحدين حا يبلعوا ليه الحبوب ...و الله صحى!! لا بقول حمزاوى ولا بجيب سيرة ابو حسين ولا حا اذكر طارق نقد وما عندى شغله بى ايمن دياب ولا ود الصايم زاتو..لوووووووول تلج فى الرياااااااااااااااااااااااااااض موباااااااااالغة ،،،
| |
|
|
|
|
|
|
Re: التقينا وتناجينا ... ( إفطار بورداب الرياض ).. توجد صور (Re: صديق الموج)
|
ماشاءالله تبارك الرحمن ,, لمه جميله ولا أحلى .. ربنا يديم المعروف بين الناس انشالله ,,
شكرا للناس الكانت قايمه وقاعده قبل الفطور وبعدو , معتصم واسماعيل ويوسف السماني وساره زوجته , وأحمد العمار وحرمه وبناتو الهميمات , والخال محمد الشيخ وأيمن دياب , وكل من سقط من ذاكرتي الخربه (سهوا) ,, شكرا جميلا ,, شكرا أسماعيل وراق .. المتحدث اللبق ذو الذاكره التاريخيه .. شكرا هشام درماس لامتاعنا .. غايتو أمبارح زميل البورد وراني الصور اللي أخدها بي كميرتو , وفيها كم صوره كدا للبيــــع للجادين فقط المراسله على الخاص
--------- أقترح أفطار تاني .. بس يكون قريب .. الويكـ أند الجاي مثلا .. تنسيق الأكل علي أنا, والبرنامج على خالد سعيد
| |
|
|
|
|
|
|
Re: التقينا وتناجينا ... ( إفطار بورداب الرياض ).. توجد صور (Re: صديق الموج)
|
اها انا من امبارح ساكت ما دام جبتو اسمى النوريكم كسير التلج الما سمعتوا بيه ،اخو الزول ابو صلعه سيد الشى زاتو اسمه معاويه من دخل لما طلع ما قال كلمه والغريبه د. محمد حسن وخالد الارباب ويوسف ابو سنينه يصفقوا ليه كلما جابو اسمه فى شنو ما عرفت.. غايتو بكرى ابوبكر كان جانا هنا و مرض انا متأكد عندنا واحدين حا يبلعوا ليه الحبوب ...و الله صحى!!
ــــــــــــــــــــــــــــــــــــــــــــــــــ هههههههههههههه
والله يالموج ضحكتني ..
التحية للجميل / معتز زيزي ..
والتحية لكل البورداب الحاضرين والغايبين فردا فرد .. ( أفتقدنا كل من حالت ظروفه من الحضور )
وتحية خاصة لحبيبنا أحمد حنين ، وعلاء حيموره .. ليكم وحشة والله
| |
|
|
|
|
|
|
Re: التقينا وتناجينا ... ( إفطار بورداب الرياض ).. توجد صور (Re: داليا الكباشى)
|
Quote: رقصه جميله جد جد .. لمن قربتا أقول ليهو تسمح لي بالرقصه دي |
والله يا داليا انا بعرف ارقص كويس لكن لما اعاين لشحرفان وودالموج بيطلعوني من زمني لووووول
مرة عندنا قريبنا مصر يرقص قريب من الفنان الفنان قطع الغنية وقال ليهم سوقو الزول ده من قدامي لانو بطلعني من زمني كويس انو درماس كان مركز مع ود الموج والا.........
ـــــــــــــــــــــــــــــــــ انا في المكتب يا جماعة ولو في صورة نازلة مع المداخلة بتاعة داليا وروني اي صورة مرفوعة برة سيرفر بكي ما بنشوفا الا لما نرجع البيت
| |
|
|
|
|
|
|
Re: التقينا وتناجينا ... ( إفطار بورداب الرياض ).. توجد صور (Re: محمد إبراهيم علي)
|
Quote: والله يا داليا انا بعرف ارقص كويس لكن لما اعاين لشحرفان وودالموج بيطلعوني من زمني لووووول
مرة عندنا قريبنا مصر يرقص قريب من الفنان الفنان قطع الغنية وقال ليهم سوقو الزول ده من قدامي لانو بطلعني من زمني كويس انو درماس كان مركز مع ود الموج والا......... |
والله أنا قصدي أنو الرقصه سمحه جد جد يا هندسه .. براكـ متحسس ساي خليك عميق وعاين لي نفسك من جووة :) بالنسبه لي درماس فـ أعتقد أنو كان مركز مع صفقه أبو حسين القاعد ليهو وش داا , عشان كدا كان الزمن مظبوط (أبو حسين أفتكر ما حرمتكـ من حاجه) شحرفان جهجه الساوند وجهجه بتاع الاورغن وجهجه النجيله زاتها
Quote: انا في المكتب يا جماعة ولو في صورة نازلة مع المداخلة بتاعة داليا وروني |
Cc ود الصايم
| |
|
|
|
|
|
|
Re: التقينا وتناجينا ... ( إفطار بورداب الرياض ).. توجد صور (Re: محمد إبراهيم علي)
|
Quote: مرة عندنا قريبنا مصر يرقص قريب من الفنان الفنان قطع الغنية وقال ليهم سوقو الزول ده من قدامي لانو بطلعني من زمني |
حلوه يا محمد .. علوب العسل راقص الحفلات الشهير جا طالع من الحفل في بداياته فسأله بعض الإخوة ، مالك يا علوب طالع من تيت؟ قال ليهم ياخ دا فنان أشتر وزمنو فارق بيحلج رُكبنا ساي.ملحوظة :إذا وعدتكم داليا أو زميل بورضها بإرسال صور ف أنسو
| |
|
|
|
|
|
|
Re: التقينا وتناجينا ... ( إفطار بورداب الرياض ).. توجد صور (Re: محمد إبراهيم علي)
|
Quote: غايتو بكرى ابوبكر كان جانا هنا و مرض انا متأكد عندنا واحدين حا يبلعوا ليه الحبوب ...و الله صحى!!
|
بريه يا يا به بكري يبري من المرض والله انا ما كنت عارفه انه ده اخو بكري والا امانه ما كنت تشوف كثير تلج يا الموج ياخ الناس ديل شيوخ عرب ويستاهلو الواحد يكون قطبي عديل كفايه بكري خلانا نعرف اخوان واخوات والله ماجادت الدنيا علينا بمثلهم من قبل يكفيك في كبارنا مولانا محمود بكر ويكفيك في رجالنااحمد العمار واالاسماعليين ويكفيك في شبابنا ود دفع الله زينة الشباب كلهم وكان داير بنوتنا اوهووووووووو امانه ده ما كلام براه ابداها بي فوزيه السعيد واختما بي موده ام عمر الزي صباح العيد وتقولي ياالموج كثير تلج تقولي شنو وتقولي منو
| |
|
|
|
|
|
|
Re: التقينا وتناجينا ... ( إفطار بورداب الرياض ).. توجد صور (Re: فايزودالقاضي)
|
تحياتي للجميلين بورداب الرياض.. حضرت الحلقة من مسلسل ليالي الحلمية أقصد ليلة البورداب، وأقصد الشيشة الكاربة لود الصايم وتمبس.. والجلسة الجميلة بعد الافطار مباشرة، حيث تزيغ الأبصار بعد ما لذ وطاب، وإطفاء الخرمة.. وددت أن أحضر مكلمة وراق والسماني والأرباب والأخوات، لأن طولت منهم، وفي خرمة.. أما ود الموج أظرف ظرفاء الرياض فهو الخرمة ذاتا.. طبتم مقاماً وزدتم جمالاً أيها البورداب.. وطعم الليمون الكارب والقونقليز لسة في خشمي.. آخر حلاوة يا شباب بما فيهم حمزاوي ومحمود بكري والكبير أبوجهينة وود الموج أبوالشباب.. الشباب شباب الروح.. كل سنة وأنتم حلوين ولامين وتامين.. ما تنسوا إفطار جمعية الصحفيين الأربعاء..
| |
|
|
|
|
|
|
Re: التقينا وتناجينا ... ( إفطار بورداب الرياض ).. توجد صور (Re: عفاف أبو حريرة)
|
والله باشمهندس ابراهيم محمد علي دا اجمل تعليق اقراهو في الزمن القريب
ونكتة الزمن
اضحك الله سنك
وتعليق صديقي فايز ود القاضي عن ابوحسين برضو بذات الجمال
لكن يا فايز ... ابو حسين بعد ما زميلة البورد سافرت اظنو بقي شغال وردية ليل ... ولا شنو؟؟
اختنا العزيزه عفاف ابو حريره فوزيه هاشم بتقول ليك كتر الف خيرك الذكرتينا واتذكرتينا
| |
|
|
|
|
|
|
Re: التقينا وتناجينا ... ( إفطار بورداب الرياض ).. توجد صور (Re: طارق ميرغني)
|
Quote: اختنا العزيزه عفاف ابو حريره فوزيه هاشم بتقول ليك كتر الف خيرك الذكرتينا واتذكرتينا |
اهلين يا طارق والله الحلو ما بيكمل وضربتين في الراس توجع فما بالك بي لطيش عديل خالد وساميه حامد وانت وفوزيه علي قدر حلاوة اليوم علي قدر افتقدكم شديد سلامنا لي بت السعيد
يا ابو احمد براك ضلمه الله ما ورانا فرقتك يا ابوي
| |
|
|
|
|
|
|
Re: التقينا وتناجينا ... ( إفطار بورداب الرياض ).. توجد صور (Re: عفاف أبو حريرة)
|
Quote: والله يا داليا انا بعرف ارقص كويس لكن لما اعاين لشحرفان وودالموج بيطلعوني من زمني لووووول |
محمد ابراهيم يمكن انت تنافس بعد التفتيش ولوحة وداعاً مديرية الخرطوم يعنى فى فداسى او القلقالة او الدرادر او ابودليق او الدويم ومعاك لى مدنى باعتبار الحتات دى وصلهتهم رقصة الجيرك السنة الفاتت ،لكن معانا انا و ابو حسين ود. محمد حسن و تمبس و طارق نقد اولاد العاصمة ديل مافى طريقة .. وحاتك انا لما شكيت واتلفت و اتصنت قلت يمكن جاييك صوت فنان من استراحة تانى.. غايتو يا باشمهندس لقيتك من ذوى الشتارة الفكرية ودى على وزن الاستنارة دكتورة داليا الزول ده ما تسمعيه كده لانو حا يعمل ليه كم بنطلون سستم ويبارى الاستراحات.. لوووووووووووووول.....
حاجات بالجنبة كده : مصطفى شحرفان نصيحة لوجه الله تانى حفلة ما بى صديق احمد واللا جعفر السقيد و اللا عبد الرحيم ارقى ما تمشى والله صحى.... لانو رقيصك انت ( بالفطرة) وقع ليكم؟؟ لا يزال شتات عاقلا ما دام صامدا فان قال زوجونى فقد جهل ( مثل موجابى) احييك ياود يا صلاح الدين .. ود الصايم شيشتك بقت مبذولة للناس من طرف بصراحة الحركة دى ما عجبتنى .... د. محمد حسن وحاتك الارباب و يوسف السمانى ديل كان جاء البشير الجنو كلام ما يدوهو المكرفون من اول تلاته ساعات ما ممكن اخوك من المطار للمايك .. انا ما بتاع مشاكل لكن الارباب لى هسه فى حركة اخوك دى صارى وشو لوووووووووووول معتز زيزى لو سمحت تانى التصوير من الستيانه ولى فوق يعنى ما ينقطوا لينا واللا شنو؟؟ مورتا انت زول كويس تاكلين بابك الباب ليه ياخى حكاية بتعرف الشفيع وراق دى ما مبلوعة ... بالجد افتقدنا خالد المحرب وطارق ميرغنى وحرمه المصون وسامية حامد والى حد ما ود الباوقة.. شوفو حكمة الله الما افتقدناهم جو .. ابو حسين و ود الصايم والما يتسماش حمزاوى... حميدة انا شخصياً ان شاء الله كان افتقدتك افتقد صلاح غريبة ،،،
| |
|
|
|
|
|
|
Re: التقينا وتناجينا ... ( إفطار بورداب الرياض ).. توجد صور (Re: معتز زيزي)
|
حافظ يا إنقابو
إنت الصور هي أصلاً منزلة في النت الشلاقة ليك شنو تنزلها عندك و بعدين تمشي ترفعها تاني.... و الموقع البترفع فيه الصور دا ما بفتح في كل الدول علشان كدا بتظهر كدا يا برلوم :-
فيا حافظ لم تكون عايز تجيب صورة أعمل Right Click على الصورة و أنسخ عنوان الصورة و أضغط على أيقونة أضف صورة و ألصق فيه عنوان الصورة يعني ما في داعي تتعب و تكرهنا معاك...
| |
|
|
|
|
|
|
|