حوار مع بشاشا حول التحالف ومؤتمر المستقلين

Quote: مافي زول قال الصادق تحدث عن شمال عربي مسلم، باللفظ، ولكن في زول قال مبدأ التقسيم ده للسودانيين الي اجناس مختلفة، الدارعو الصادق قلادة في رقبتو، او حايم بيهو بلا خجلة صاغه الاحتلال الثنائي! نعم مرجعية الصادق في موضوع التقسيم بل جل طرحه، مرجعيتو للاسف الاحتلال الثنائي، او بي كده ده طرح جلابي صرف، موضوع البوست الاساسي! اذا مبدأ فرية التعدد انتا مؤمن بيهو، فخلاص فانت مسؤول من اي تقسيم للسودانيين بغض النظر عن تفاصيل هذا التقسيم! حتي لو ماقتا الشمال عربي او مسلم، باللفظ، فيكفي انك مصر علي مبدا تقسيم السودان والسودانيين الي اجناس، بغض النظر عن الاختلاف في التفاصيل مابينك او بين الاخرين البقولو الشمال عربي تحديدا، بل البقسم السودان لي سودانين، افضل حالك منك بي مراحل، لانك وضعت في كل ميل مربع، جنس مختلف عن الاجناس الاخري،او بالتالي بدل سودانين، انتا قسمت البلد لي 1,000,000 سودان بحيث لغيت حتي حاجة اسمها قبيلة، او حولتا بنية القبيلة داخل العنصر الواحد الي عدد لانهائي من الاجناس! هو ياخي تقسيم السودان لي جنسين، اتنين، فقط، شوف ولع النيران فيهو قدر شنو، لمن كمان تحول كل ميل مربع الي موطن لي جنس بي حالو، مستقل؟ ماهذا؟ او بعد ده لما نسالك الفور ديل كمثال، القتا جنس مختلف او مستقل عن جنس السودان، جنسهم شنو، عملتا رايح!