|
|
 السكر المدعوم في رمضان غش* غش !!
|
ذهبت قبل قليل الي مقر اللجنة الشعبية بالحي لاستلام حصتي التي اعلن عنها وهي عشرة كيلو للاسرة ، وكنت قد سجلت قبل اسبوع واوعدوني باستلامه قبل الاول من رمضان ،، تفاجأت هذا المساء بمطالبتي بالتسجيل من جديد والدفع مقدما والاستلام بعد ايام !!
|
|
  
|
|
|
|
|
|
|
|
Re: السكر المدعوم في رمضان غش* غش !! (Re: العوض المسلمي)
|
السلام عليكم شيخ العوض
Quote:
ذهبت قبل قليل الي مقر اللجنة الشعبية بالحي لاستلام حصتي التي اعلن عنها وهي عشرة كيلو للاسرة ، وكنت قد سجلت قبل اسبوع واوعدوني باستلامه قبل الاول من رمضان ،، تفاجأت هذا المساء بمطالبتي بالتسجيل من جديد والدفع مقدما والاستلام بعد ايام !! |
السكر المعدوم دا قصدى المدعوم دا قالوا للاسر الفقيره .. وانت ماشاء الله مقتدر على حسب تقارير الاستخبارات العالميه
ياخ ادو المساكين فرصه معاكم
ولا رايك شنو ؟
| |
|
|
|
|
|
|
|
|
|
السكر المدعوم (Re: خضر الطيب)
|
وعليكم السلام استاذ خضر الطيب
السكر المدعوم لكل الناس بغض النظر عن فقر وغناء وبيني بينك السودان ذاتو ما فيه غناء بالمعني الحقيقي الا القلة
ولكن قل انت من مستوري الحال وليس من الاغنياء
كمان ده استحقاق عام ومفروض يوصلوه للبيوت فلماذا ندفع مقدما وننتظر احضاره لاحقا ....
| |
|
|
|
|
|
|
|
|
|
Re: السكر المدعوم في رمضان غش* غش !! (Re: Nasir Ahmed Elmustafa)
|
انت ساكن في حوش بانقا يا ناصر ؟ واللا محاور كافوري؟
الاخبار الجاتنا من العزبة والصحافات والسامراب والثورات قالوا فيها تلقي وفيها ما تلقي
ما عارف باقي المليون مربع كبف ؟
مليون شنو ... معليش دي خطرفة صيام هسع بقي كام ما عارف
كان الله في عون الجميع
| |
|
|
|
|
|
|
|
|
|
Re: السكر المدعوم في رمضان غش* غش !! (Re: saif massad ali)
|
عزيزنا العوض، سلام
يبدو أنّكم في حَيـَّيكم ما تظاهرتو صاح!!
واقوليك بأمانة، والله السكر المدعوم ده، خدنا فيهو 3 "جوالات سغيرة" جمعها 30 كيلو، ورمضانّا سُكّر سكّر سكّر.. وحات عــ إلخ,,,
لذا، فهو ليس غِش في غش ولا شيتَيْن!
والحمد لله .. ما يزال الدعم ساريا
بس قصة تسجل جديد وتدفع مقدّم دي، غريبة شويتين!
---
| |
|
|
|
|
|
|
|
|
|
السكر المدعوم غش (Re: محمد أبوجودة)
|
استاذنا محمد ابوجودة رمضان كريم
من ناحية مظاهرات صاح تابع الفيس بوك وشوف ناس شمبات عملوا ايه ؟!
الظاهر انه فعلا انتوا ناس واصلين :)
يشهد الله دفع وكمان لازم تكملوا خمسة اشخاص عشان يقسموا بينكم شوال كبير ، شفته كيف ؟
وتسجيل يتجدد كل يوم فبالله شوف
| |
|
|
|
|
|
|
|
|
|
السكر المدعوم (Re: محمد مصطفي مجذوب)
|
نعم اخي محمد مصطفي السكر غالي وما موجود الا بسعر السوق الاسود
وناصر ده خلي يرسل اسم بلدهم دي عشان نعمل عليها زيارة نقابله ونرجع بالسكر
| |
|
|
|
|
|
|
|
|
|
Re: السكر المدعوم في رمضان غش* غش !! (Re: محمد مصطفي مجذوب)
|
Quote: انت ساكن في حوش بانقا يا ناصر ؟ واللا محاور كافوري؟
الاخبار الجاتنا من العزبة والصحافات والسامراب والثورات قالوا فيها تلقي وفيها ما تلقي
ما عارف باقي المليون مربع كبف ؟
مليون شنو ... معليش دي خطرفة صيام هسع بقي كام ما عارف
كان الله في عون الجميع |
محمد مصطفى رمضان كريم
حوش الجريف غرب
ممكن تجي تعمل معاينة
دعوة للفطور لو كنت قريب
| |
|
|
|
|
|
|
|
|
|
السكر (Re: Nasir Ahmed Elmustafa)
|
والله يا ناصر يا نتوا محظوظين ، يا سيد الدكان عمل نائم من التوزيع او مسجل ناس ما عندهم علاقة بحلتكم
لان شوال السكر في السوق ب ٥٥ جنيه والمدعوم ب ٣٥ جنيه وانت عارف ال ٢٠ جنيه ما بسيطة في الزمن ده ولا شنو ؟!
| |
|
|
|
|
|
|
|
|
|
Re: السكر (Re: العوض المسلمي)
|
| Quote: يبدو أنّكم في حَيـَّيكم ما تظاهرتو صاح!! |
وهذا بالضبط ماسمعته في حينا (الخرطوم 2) الأولوية في توزيع السكر
للمناطق الملتهبة او القابلة لذلك 
لذلك لم يوزع لنا السكر حتى اليوم !!!!!
| |
|
|
|
|
|
|
|
|
|
Re: السكر (Re: omer osman)
|
منتهى قلة الحيلة واليأس والبؤس،
في بلد مترامي السكر، يمتلك شعبه الغني في الواقع 5 مصانع سكر،
واحد من تلك المصانع بطاقة انتاجية تعادل انتاج 3 مصانع في الموسم الواحد،
يسأل شعبه عن رطل سكر،
ذهب عبود ونميري والصادق وكل من يريد الذهاب ذهب،
والسكر هو ذات السكر، والسودان هو ذات السودان،
ذات الشعب،
آمل أن يكونوا محتفظين بذات كروت التومين الخضراء والصفراء والبمبية.
عدد أفراد الأسرة 7
2 رطل
إيه البيحصل ده ؟
نحن في سنة كم؟
على العموم أنا وصلت لقناعة إنو الشعب السوداني يستاهل،
هو ما جنت يدانا
| |
|
|
|
|
|
|
|
|
|
Re: السكر (Re: omer osman)
|
الخرطوم 3 السكر مردوم والله ما لاقي اليشيلو ..!!
العوض أرحل من هناك تعال لا جاي على الأقل قريب من محل شغلك ..!!
الخرطوم تلاتة بيبسي بالخلاطة وقمردين بالشوكولاتة ..!!
| |
|
|
|
|
|
|
|
|
 Re: السكر (Re: ناذر محمد الخليفة)
|
سلام العوض وكل البورداب كل سنة وانتو طيببين ورمضان كريم ..
والله من هنا اسجل صوت شكر لشباب الصحافة مربع 29 تحديدا
لانهم قبل رمضان بي اسبوعين علموا مسح للمربع وبعدها وزعوا الكروت
الكوتة فيها 3 شوالات تمشي تدفع قروشك يختموا ليك الكرت
قبل رمضان بي اسبوع اعلنوا عن توزيع السكر بالجامع
ومشيت والله مع ابوي عشان نجيب كوتتنا ولقيت همة ونشاط منهم تعجب
كل اسرة 3 شوالات
والشباب الشغالين اكتر من 20 واحد كل زول عليه مهمة
واحد يستلم منك الكرت والتاني يراجع كشف الدفع والتالت يمضيك في كشف الاستلام والرابع يجيب السكر من الرصة والخامس يجبوا ليك لي برة
يعني همة ونشاط عجبتني شديد اشيد بيهم شباب خدمي ولو كل حي عمل زي حينا يكون الشباب خدم حيه وبلدو
بعكس في الحي الانا ساكنة فيهو جبرة دفعنا لي 3 شوالات استلمنا شوال واحد ورجعوا باقي القروش قالوا كل عشرة يوم شوال
(عشرة في الرحمة وعشرة في المغفرة وعشرة العتق من النار ) دا التوزيع الجديد للسكر
رمضان كريم وكل سنة وانتو طيببين
| |
|
|
|
|
|
|
|
|
|
Re: السكر (Re: ناذر محمد الخليفة)
|
العشرة كيلو هنا في السعودية بـ 43 ريال وهي تساوي تقريبا 65 الف بالقديم
وعشان نحن هنا في السعودية ماطلعنا في المظاهرات
قلنا بس كده عوارة جعليين الواحد يرسل السكر من هنا ويرتاح
وفعلا هذا ماحدث
30 كيلو وطبعا معاها وزن وسفر الى جدة
وكل هذا من التخبط الحاصل عندنا
والله مفروض نحن الواحد لو جايي السعودية من السودان يجيب معاه السكر
والشيء الذي يحيرك رغم ازمة السكر برضو الناس كلها عندها سكري
| |
|
|
|
|
|
|
|
|
|
Re: السكر (Re: ابوحراز)
|
شكراً عزيزي العوض، على الرد الجميل، وأرجو أن تسمع شعار المرحلة للعزيز ناذر:
العوض أرحل
العوض أرحل
العوض أرحل
العوض أرحل
العوض أرحل
عمر سلامات
السكر ده خلينا منو! إيه اللِّي ما تتسمّاش! (فرحة الكوز) البوزِّعوها الساعة تنين ديك؟
يا أيها العزيز العوض، ووالله لقد فاتكم خير كثير! كأنما تقتدون كلام عنترة:
أغشى الوغى وأعفُّ عند المغنم!
برضو إرْحـــَــلْ!
----
| |
|
|
|
|
|
|
|
|
|
Re: السكر (Re: محمد أبوجودة)
|
العوض المسلمى
سلام ورمضان كريم
| Quote: ذهبت قبل قليل الي مقر اللجنة الشعبية بالحي لاستلام حصتي التي اعلن عنها وهي عشرة كيلو للاسرة ، وكنت قد سجلت قبل اسبوع واوعدوني باستلامه قبل الاول من رمضان ،، تفاجأت هذا المساء بمطالبتي بالتسجيل من جديد والدفع مقدما والاستلام بعد ايام !! |
حاول راجع مواقفك يكون التقارير عنك غير جيدة
شكلك بقيت معارضة ولا تشابهت الاسماء على ناس اللجنه
رمضان كريم وسعيد
القابلة تتحقق الامنيات
قاسم المهداوى
| |
|
|
|
|
|
|
|
|
|
Re: السكر (Re: قاسم المهداوى)
|
Quote: اكيد ياناصر ماحيلقوا البشيلوهو لانو سعروا غالى
التمر ارخص منو |
غير انو سعرو غالى , فى كمية كبيرة من السكر اللى اتوزع للناس سكر هندى مستورد ومضروب وغير مطابق للمواصفات وكانت محجوزة طرف هيئة المواصفات والمقايس من قبل فترة وهى كمية مستوردة بواسطة طفيلى كيزانى !
| |
|
|
|
|
|
|
|
|
|
Re: السكر (Re: خالد حاكم)
|
| Quote: انت عارف ال 20 جنيه ما بسيطة في الزمن ده ولا شنو ؟! |
أها شالوها بالكهرباء .............
إنت لمن تمشي ما تمشي بالبرادو يا العوض اخوي .........
تركبوا مقاسات ما بتقدروا تمشوا بيها ............
السكر المدعوم دا على وزن الرواسي .... ساعه في وإسبوع مرقه بس ...........
| |
|
|
|
|
|
|
|
|
|
Re: السكر (Re: Hisham Ibrahim)
|
أنا غايتو إستلمت
لكن المحيرني الكيس برة مكتوب فيهو (شركة الكرفاب)
أوع يكون ده الهندي المضروب ده ذاتو
والله الناس ديل بقوا ما بنضمنو
| |
|
|
|
|
|
|
| |
العوض المسلمي
خضر الطيب
Nasir Ahmed Elmustafa
محمد مصطفي مجذوب
عكود عبد القادر عكود
saif massad ali
محمد أبوجودة
omer osman
معاوية عوض الكريم
ناذر محمد الخليفة
انعام حيمورة
ابوحراز
قاسم المهداوى
خالد حاكم
Hisham Ibrahim
فيس بوك
تويتر
انستقرام
يوتيوب
بنتيريست