|
Re: يا ود الباوقة : قالو على عثمان هرب (Re: معاوية عبيد الصائم)
|
Quote: الفاتح التبرير عندي وبديهو مجاني الرابطة كوستي كان عندهم تمرين في الميدان امس وبعد ما طلعو نسو الماسورة بتاعة النجيلة فاتحة فالملعب غرق وتهدمت حيطان الاستاد عشان كدة الغيت كلمة الشيخ المعرد
|
او ممكن يقول على المتظاهرين ديل الحلاقين الجربندية *.. ومحتجين على انو البلدية منعتم من الشغل الكيري ..
-------------
* ديل ناس الحقني في البحر .. بعلقوا مراياتم في حيطة الاستاد .. والعدة في مخلاية (جاهزة للخمش - يا قول ناس الامن عن اطارات شذاذ الافاق الجاهزة للحرق) ؤ هو حالق ليك نص .. والنص التاني قااااعد
| |
|
|
|
|
|
|
Re: يا ود الباوقة : قالو على عثمان هرب (Re: الصادق اسماعيل)
|
يا شباب لكم التحية كلكم يبدو ان المعرد الرعديد هو مصطفى عثمان وليس على عثمان فعلى حسب خبر سونا الذي اتانا به مراسلنا في البراري الكندية النصري امين على عثمان ، مصطفى عثمان ، كلو عند الشعب السوداني صابون يا ابقوتة وحيحسى قريب ان شاء الله الموية بقت حارة
Quote: كوستى 16/7/2012م ( سونا ) اكملت ولاية النيل الابيض كافة استعداداتها لاستضافة ختام فعاليات برنامج العمل الصيفى للاتحاد العام للطلاب السودانيين لموسم 2012م يوم غدٍ الثلاثاء تحت شعار: (عزيزُ انت ياوطنى). واكد الدكتور مرتضى مصطفى رئيس الاتحاد العام لطلاب ولاية النيل الابيض اكتمال كافة الاستعدادات لاستضافة ختام فعاليات برنامج العمل الصيفى الذى تستضيفة الولاية لاول مره فى تأريخها وقال ان برنامج ختام العمل الصيفى يشتمل على عرض طلابي فى استاد كوستى وليلة ثقافية وطنية يتم خلالها تكريم الطلاب المتفوقين فى الشهادة السودانية كما سيتم خلال اليوم الختامى تقديم عدد من المشروعات من بينها توزيع المبردات المائية للمدراس والكليات الجامعية التى يأتى فى اطار مشروع السقيا وكذلك توزيع الحواسيب ضمن مشروع بسط التقانة والاذاعات المدرسية بالاضافة للدفتر الجامعى والكراس المدرسى والشنط المدرسية لطلاب مرحلتى الاساس والثانوى. مشيرا الى ان ختام برنامج العمل الصيفى سيشرفه الدكتور مصطفى عثمان اسماعيل رئيس اللجنة العليا برنامج العمل الصيفى وعدد من الوزراء الاتحاديين بالاضافة لمشاركة اتحاد طلاب عموم افريقيا واتحاد الطلاب العرب. |
| |
|
|
|
|
|
|
Re: يا ود الباوقة : قالو على عثمان هرب (Re: ود الباوقة)
|
انت جيت يا رمضان قالو زمان لما المريخ سجل مدافعه التاج حسن واحد من المشجعين بوصف فيهو للتاني قال ليهو ( والله المريخ جاب لاعب جديد جراي جري يا خي ده من شدة جريهو مرة تشوف وشو ومرة تشوف النمرة ) اها قال ليك ناس كوستي الساكين الزول المعرد ده من شدة جريهو مرة يشوفو علي عثمان مرة يشوفو مصطفى عثمان بالله كلم ناس ديل يقللو السرعة شوية عشان نعرفهم
| |
|
|
|
|
|
|
Re: يا ود الباوقة : قالو على عثمان هرب (Re: محمد إبراهيم علي)
|
Quote: واكد الدكتور مرتضى مصطفى رئيس الاتحاد العام لطلاب ولاية النيل الابيض
|
دكتور ؤ رئيس اتحاد طلبة؟ والنيل الابيض!؟
هو ابيض ذاتو؟
----------
Quote: اها قال ليك ناس كوستي الساكين الزول المعرد ده من شدة جريهو مرة يشوفو علي عثمان مرة يشوفو مصطفى عثمان بالله كلم ناس ديل يقللو السرعة شوية عشان نعرفه
|
يا عمك انا شايف انو الخبر دا ما صحيح من اساسو .. والله ان بقى شنو داك ما يقدر على [ناس كوستي] في الجري .. في التمنينات و بداية التسعينات عندنا لاعب في الرابطة كوستي (الحاجة)* اسمو (بير كوكو) دا كان بلعب جناح .. بعكس الكورة .. ويلحقا يدقها هيد هو همسلف .. حتى بالامارة (الحاجة) غلب هلال 1987 وفي عز مجده وكامل بهاء وزارة دفاعه 1/3 والله صحي
* قبل سفلتة شارع الخرطوم كوستي .. لما كان بنمشي الخرطوم عن طريق سنار .. والشارع ردمية ساااي .. النيسانات كان مسمينها (باكات) الرابطة .. تشوف غبار بس .. وكان صدمتها تشوف شعاااااع عديل كدا!
رباعي دفاع الجهاد ساااي دي اسماءهم: ويجا .. جبال .. راجمات .. كاكا
اها تاني بتجوا!؟ الما قادر ما يخاطر عاد
| |
|
|
|
|
|
|
Re: يا ود الباوقة : قالو على عثمان هرب (Re: Ashraf el-Halabi)
|
قيقابايت راجعنا مصادرنا واكدت ان المعرد الرعديد هو مصطفى عثمان وليس على عثمان وقد كان في تلك اللحظة يخطب واحد طلبة المؤتمر الشعبي فناهو بطوبة فايرة ولكن جلتو فاطلق البمبان وجاطت المسالة واخلى المعرد الرعديد بعربة اكسنت مظللة اختلط الاسم على شذاذ الافاق فبدلا من مصطفى عثمان افتكروهو علي عثمان يعملو ليكم شنو ما شذاذ افاق يعني غلطو في البخاري
| |
|
|
|
|
|
|
|