|
|
 حكومة السودان قادة جغرافيا .. اقرأ هذا الخبر وأضحكـ !!!
|
Quote: لقد شاءت الأقدار أن يُعقد المؤتمر الخامس للبيئة بمدينة "استانا"، عاصمة دولة كازاخستان ، بين السابع عشر والثامن عشر من شهر مايو المنصرم ، بدعوة لعدد لا يستهان به من وزراء الدول الإسلامية ، قد بلغ عددهم قرابة الستين وزيرا. كان ينبغي للوفد السوداني المكون من السيد حسن عبدالقادر هلال (وزير البيئة) ، والسيد سيد حاج النور أحمد (مدير الشؤون البيئية) وبعض المرافقين لهما أن يشاركوا في هذا المؤتمر الهام بالعاصمة "استانا"، ولا يهم إن كانت المشاركة تجئ بورقة علمية أم مجاملة وحسب. لكن الشيء الذي يثير العجب أن الوفد وصل بعد لأيٍ وجهد جهيد ، قبل يومين من انطلاق المؤتمر إلى مدينة "قازان" عاصمة جمهورية تتارستان (الروسيّة) وكم كانت دهشتهم كبيرة إذ لم يجدوا مسؤولا كازاخياً واحدا من القائمين بأمر المؤتمر بانتظارهم ؛ وكأن الأرض ابتلعتهم عن بكرة ابيهم. انتفض أعضاء الوفد من وقع الدهشة عليهم بعد أن وطئت اقدامهم أرض المطار وكأنهم يمرون بأحداث فيلم اختطاف بوليسي أو بكابوس مزعج ، فتبدلت طمأنينتهم رعبا وسكينتهم قلقا وتفاؤلهم تشاؤما وظل الصمت مخيّماً على عقولهم حتى كادت نفوسهم من وقع الورطة أن تزهق. لكن بعد (س) و(ج) مع رجال الأمن "بقازان" تبيّن لفضلاء الوفد أنهم يتواجدون في لحظتهم هذه ببلد آخر وفوق هذا كله ، بقارة أخرى. فتساءلوا بينهم: أين نحن الآن يا شباب؟ وجدوا أنفسهم بالقارة الأوربية بمدينة "قازان" التتارية وليس في مدينة "استانا"، عاصمة كازخستان الآسيوية المسلمة! ولسوء حظهم لم يبلغوا ضالتهم المنشودة ففاتهم بكل أسف المؤتمر الذي عبروا البحار من أجله ولم يستطيعوا المشاركة باسم السودان ، وهل افتقدهم أحد؟
في نهاية المطاف نتساءل بكل صدق وشفافية:
- هل ترى هذه الشطحة النور أم تبقى حبيسة ملفات الدوائر الحكومية المغبرّة إلى يوم يبعثون؟
- ماذا يحصد المواطن السوداني من تصرفات مثل هذه؟
- من يجنى اللوم في خطأ كهذا في غاية الغباء والاستهتار؟
|
.
.
.
ههههههههه الغريب أنو الخبر لم تتناقله القنوات ولا المنتديات .. يعني بلع على الناشف كدة يا شباب 
المصـــدر
|
|
 
|
|
|
|
|
|
|
|
Re: حكومة السودان قادة جغرافيا .. اقرأ هذا الخبر وأضحكـ !!! (Re: مهيرة)
|
| Quote: دى حكومة تحفة ياصديق اخوى |
الدكتورة مهيرة سلام عليكم
أصلو حكاية أنو حكومتنا دي تحفة ، فدي مافيها خلاف أصلو ،، دي براحة تنافس الموناليزا ذات نفسها 
Quote: لكن برضو بكونوا الكيزان عملوا المقلب دة فى وزير الاتحادى الاصل الدخلوه حفلة الوزارة العريضة فى الدقايق الأخيرة!!
|
مقلب ؟؟؟ مقلب شنو يا مهيرة ، المقلب دا بكون في دولة لدولة لكن مقلب قارة لقارة دا أول مرة نسمع بيهو .... بعدين أرجوكـ أحكي لينا قصة الوزير الإتحادي الأصل الدخلوه الحفلة في الدقائق الاخيرة . .يا جماعة القصص الجميلة الزي دي ما ترقدوا بيها براكم
لكـ تحياتي وتقديري ومازلت متحير في موضوع وفد البئية دا ... يا ربي يكون أشتروا شنو في رجعتهم ؟؟؟
| |
|
|
|
|
|
|
|
|
|
Re: حكومة السودان قادة جغرافيا .. اقرأ هذا الخبر وأضحكـ !!! (Re: احمد خليل)
|
Quote: ده خبر وكالات الدنيا ما سمعت بيهو
دى قصص بفتشو عليها تفتيش |
الأخ العزيز أحمد خليل
تحية طيبة
فعلاً مثل هذا الخبر لو سمعته أي وكطالة أخبار فتنبهر وتعتبر الموضوع مجرد مقلب كبير وتنسى الموضوع على كدة ... انا عن نفسي لولا ثقتي الكبيرة فمن أورد الخبر لأعتبرته ضرباً من ضروب الخيال ... يعني وفد كامل يطش من قارة كاملة ويمرقها في قارة أخرى ؟؟؟
سبحان الله فهذه العجائب لاتحدث إلا في زمن حكومة العجائب ....
لك التحية أخي احمد خليل لمشاركتي دهشتي وضحكي وبكائي وحزني ... والله صحي
| |
|
|
|
|
|
|
|
|
|
Re: حكومة السودان قادة جغرافيا .. اقرأ هذا الخبر وأضحكـ !!! (Re: Sidig Rahama Elnour)
|
يا صديق رحمه
يا اخي مشتاقين و بركه الشفناك طيب
وين الحي بيك يا راجل؟! اظنك لابد مع اهلك ناس كسلا الحنان في منتديات كسلا وخليتنا هنا؟؟؟
يا صديق يا اخوي دي حكومه مش قاده جغرافيه وبس دي قاده اي حاجه.
عليك الله دي ممكن تحصل زمان؟! زمن الترقيات بالتدرج؟!
يعني وزير البيئه ده مفروض يكون في معرفه ومراسلات بينه وبين المنظمين وبيعرفهم بالاسم
ده لو وصل لمنصبه بالاحقيه و التاهيل.
يعني اتحداهم شفته آمنه مختار دي الحسه بدأت حزب الخضر ما تمت ليها عامين
لا يمكن تقع في خطأ زي ده لانه الطبيعي انه كل المهتمين بالبيئه بتجمعهم قوائم بريديه ونشرات
وغيره وبالتالي بعرفوا مساهمات بعضهم ولما يلقتوا بكونوا زي الاصحاب مش الزول يطلعها في قاره ثانيه!!
يعني ديل ماشين لاطه التحديات البيئه لكازخستان نفسها ما راجعوها عشان يعرفوا
انها وصلت مرحلة تستضيف مؤتمر ليه؟! وليه مهمتمه بالبئيه علهم يغيروا...لكن تقول
شنو هذا قدرنا.....الله في.
| |
|
|
|
|
|
|
|
|
Re: حكومة السودان قادة جغرافيا .. اقرأ هذا الخبر وأضحكـ !!! (Re: Tragie Mustafa)
|
Quote: عني اتحداهم شفته آمنه مختار دي الحسه بدأت حزب الخضر ما تمت ليها عامين
لا يمكن تقع في خطأ زي ده لانه الطبيعي انه كل المهتمين بالبيئه بتجمعهم قوائم بريديه ونشرات
وغيره وبالتالي بعرفوا مساهمات بعضهم ولما يلقتوا بكونوا زي الاصحاب مش الزول يطلعها في قاره ثانيه!! |
الاخت العزيزة تراجي أم حازم
تحية طيبة ومشتاقين كتير والغيبة بسبب مشغوليات شوية بس والله
وحرامي عليك يا تراجي تقارني وزراء اخر زمن بزولة زي امنة مختار .. أمنة مختار دي لولا أننا في وطن غريب لكانت أحد القيادات التي يشار لها بالبنان ... ولو كان رئيسنا ووزرائنا يملكون نصف شجاعة أمنة ونصف تصالحها مع نفسها لكان حال السودان أفضل 100 مرة من الأن ...
أما مسألة أنو الوفد يسافر من قارة لقارة أخرى فلم ولن أجد لها تفسير في تفكيري المحدود ، وتحتاج الى رجل عبقري يعرف كيف تدار الوزارات في حكومة الأنقاذ
ما أظن أنا وأنت يا تراجي نستطيع ان نعرف لماذا وكيف وصل الوفد لدولة أخرى وقارة أخرى بدلاً عن كازاخستان ... وكمان دولة روسية ؟؟؟ يا عجبي
لك تحياتي وسلامي لمن حولكـ
| |
|
|
|
|
|
|
|
|
|
Re: حكومة السودان قادة جغرافيا .. اقرأ هذا الخبر وأضحكـ !!! (Re: Sidig Rahama Elnour)
|
تحياتى
بالمناسبة مداخلتى نزلت غلط والقصة حكاها لى صديق دبلوماسى وهى ان الوفد الأنقاذى سافر الى مؤتمر ولم يكن به احد يتحدث الأنجليزية وليست كما اوردت اللغة العربية !!!واعتقد ان حقيبة الانقاذ مليئة بالمفارقات المبكية والمضحكة فى أن واحد !! ومنها ان ترى سودانيين فى مطار دولى موفودين الى دولة وليس لديهم فيزة الدخول الى البلد المقصد وان يكون التصريح فى جيب احد المسئولين الذين ودعوا الوفد فى المطار وذهب الى زوجه لينام هانئا بعد تعب الوداع !!!
قصص كتيرة بعضها يصلح كتابا للتبكيت وبعضها افلام !!
kofi
| |
|
|
|
|
|
|
|
|
|
Re: حكومة السودان قادة جغرافيا .. اقرأ هذا الخبر وأضحكـ !!! (Re: احمد خليل)
|
الأخ الفاضل أحمد خليل كوفي
تحية طيبة
قصص الأنقاذ في التخبط والعشوائية تحتاج الى موسوعة كاملة وليس مجرد كتاب ...
انا فهمت من مداخلتكـ أن الوفد الذي أرسل لايعرف اللغة الإنجليزية .. وهذا ما أكدته مداخلتكـ الثانية ... وليس بغريب أن يحدث هذا فالأنقاذ قد ولت كثير من أهل الولاء على حساب الكفاءة وكثير من أهل الإنتماء على حساب الوطنية والنزاهة فلاغرو ان يحدث كل هذه السيناريوهات التي تضحكنا وتبكينا في آنٍ واحد ...
لك الشكر والتقدير ..... والتحية للرجل الذي أخذ الفيزا في جيبه بعد أن ودع وفد السودان المغادر الى تلكـ البلاد هههههههههههههه يا أخي دا بوست ممتع جداً وبشكف لينا كل مرة قصة خارقة للعادة هههههههههههه
| |
|
|
|
|
|
|
|
|
|
Re: حكومة السودان قادة جغرافيا .. اقرأ هذا الخبر وأضحكـ !!! (Re: محمد طاهر تكنه)
|
احد قادة مجلس الثورة من الجنوبين, العميد مارتن ملوال, قال لى انا بعظمة لسانو بان الجماعة اوفدته متراسا وفد السودان فى احدى اجتماعات الجامعة الدول العربية "القمة" و قام باللقاء خطاب السودان بالانجليزى و القمة ما كانت مجهزة الترجمة الفورية. لما انتهى من الحطاب, رجع الخرطوم.
مارتن يجيد العربية و سالته ليه عمل كدى, قال :
"علشان ناس ديلة قليلى الادب... ما لقو لهم زول الا الانا دى."
| |
|
|
|
|
|
|
|
|
|
Re: حكومة السودان قادة جغرافيا .. اقرأ هذا الخبر وأضحكـ !!! (Re: Zakaria Joseph)
|
Quote: احد قادة مجلس الثورة من الجنوبين, العميد مارتن ملوال, قال لى انا بعظمة لسانو بان الجماعة اوفدته متراسا وفد السودان فى احدى اجتماعات الجامعة الدول العربية "القمة" و قام باللقاء خطاب السودان بالانجليزى و القمة ما كانت مجهزة الترجمة الفورية. لما انتهى من الحطاب, رجع الخرطوم.
مارتن يجيد العربية و سالته ليه عمل كدى, قال :
"علشان ناس ديلة قليلى الادب... ما لقو لهم زول الا الانا دى." |
الأخ العزيز زكريا جوزيف
تحية طيبة
أصلاً وجود السودان في جامعة الدولة العربية فيه أستخفاف بأفريقيتنا ، وكمان أختيار العميد مارتن ملوال لإجتماع جامعة الدول العربية برضو بزيد من الأستخفاف بالأفريقية التي يتمتع بها السودان ، وطبعاً دا تخبط أنقاذي بشهادة ، لكن مقلب العميد مارتن للحكومة وللجامعة العربية مقلب ذكي وفيه روح تحدي غريب وقد القمهم حجر بهذا التصرف ، وتاني أأكد ليكـ أنو حكومة الإنقاذ دي لو قعدت 100 سنة قدام ما حايختاروا واحد جنوبي ينوب عن عروبة الإنقاذ الموهمة ..
وكمان مصيبة الجامعة العربية في عدم تجهيز الترجمة دي مصيبة تانية ومضحكة ... بتخيل يجيهم واحد من تونس أو الجزائر او المغرب ويشبكهم ليك فرنسي لامن يستغربوا (يا ربي حا يعملوا شنو في الحالة دي ؟؟)
شكراً زكريا فقد ضحكت وأعجبت من تصرف العميد مارتن ملوال وأحتجاجه بطريقة متفردة وذكية ههههههههه
| |
|
|
|
|
|
|
|
|
|
Re: حكومة السودان قادة جغرافيا .. اقرأ هذا الخبر وأضحكـ !!! (Re: محمد طاهر تكنه)
|
| Quote: صلا يا حبيب المؤتمرات دي البهمهم فيها النثريات والحوافز اما حكاية البلد تستفيد منها شنو والتحضير وما الى ذلك فهو اخر اهتماتهم فلا غرابة |
الاخ العزيز محمد طه تكنه
تحية طيبة وإن شاء الله بخير
طبعاً كان من الممكن أن (ينجض) الوفد مهمته ويقبض نثرياته وحوافزه دون أن يعلم به أحد ، ولكن هذا الوفد راح ضحية فلم يشاركـ في المؤتمر (وكشف ستره وشالوا حالوا)
مافي مشكلة أن ينال كل مسؤول حقه من النثريات المنصوص عليها حسب اللوائح والقوانين المالية المنظمة لهذا العمل ، ولكن المشكلة أن معظم المسؤوليين لايكتفوا بهذه النثريات والبدلات بل يتطاولوا ويلتفوا على الكثير من القوانين من اجل المزيد
لك تحياتي وتقديري
| |
|
|
|
|
|
|
|
|
|
Re: حكومة السودان قادة جغرافيا .. اقرأ هذا الخبر وأضحكـ !!! (Re: Sidig Rahama Elnour)
|
الأخ صديق رحمة النور
تحياتي - لعل ما حدث وما يحدث يومياً من عبث الحياة العامة السودانية في سلوك منسوبي الدولة السودانية عموماً في ممارسة مهام تنفيذية تتعلق بالعمل العام ومقتضياته تجلب لك الدهشة بلا إنقطاع ولن تجد أدنى مبرر للذي يحدث إلا أن تضحك وتتأسف وتلعن الظلام الذي تعيش فيه هذه الأرض بإمتداداتها الداخلية والخارجية . ولعل ذاكرة كلٍ منا مليئة بأحداث جسام على هذه الشاكلة عبر تاريخ طويل من الممارسة التنفيذية في العمل العام السوداني وبالذات الخدمي المتعلق بالجمهور ومتابعة قضاياه وحلحلتها .
لكن ما حدث في هذه القصةالتي ذكرتها يُعد ذا بعد أكبر ويُضاف لأخريات من ناس كبااااااار في الدولة السودانية بالنظر لما نحسبة مردود لصالح السودان عموم . ويا ريت يكون هناك جرد حساب ومتابعة ومن ثم محاسبة حتى لا يتكرر الأمر . وأحيلك هنا لمشاركة السودان في مؤتمر بكين حول السكان وكيف كان المشاركين في المؤتمر من حيث الكم والكيف؟
بحيراوي
| |
|
|
|
|
|
|
|
|
|
Re: حكومة السودان قادة جغرافيا .. اقرأ هذا الخبر وأضحكـ !!! (Re: البحيراوي)
|
| Quote: ويا ريت يكون هناك جرد حساب ومتابعة ومن ثم محاسبة حتى لا يتكرر الأمر . وأحيلك هنا لمشاركة السودان في مؤتمر بكين حول السكان وكيف كان المشاركين في المؤتمر من حيث الكم والكيف؟ |
الأخ الفاضل البحيراوي
تحية طيبة
لو كانت هناكـ محاسبة وجرد حساب ومتابعة لما حدث ما يحدث في السودان من فظائع وجرائم ، فهل من المعقول أن لايتم محاسبة أي والي او وزير او مسؤول حكومي طوال 23 عام ؟؟ وهل من الصدفة أن لايتم محاكمة أي مسؤول على الفظائع والجرائم التي حدثت في دارفور وكردفان والنيل الازرق وبورتسودان وإعتقالات الطلاب ، وقتل المعقتلين ؟؟؟
وبعدين أول خطوة للمحاسبة هي إشاعة هذا الخبر ونشره في الصحف والجرائد ووسائل الإعلام ، ويبدو أن الجماعة حاولوا أن يرقدوا بهذا الخبر وحاولوا أخفائه من وسائل الإعلام على طريقة (سمبر ياكل عيش بالدس) .. ولكن للأخبار جنود خفية تخرجها لان الحقيقة مكانها النور وليس الظلام
أشكركـ أخي البحيراوي على الحديث المسؤول ولكن من يسمع ومن يعي ومن يتفكر ؟؟؟
لكـ تحياتي
| |
|
|
|
|
|
|
|
|
|
Re: حكومة السودان قادة جغرافيا .. اقرأ هذا الخبر وأضحكـ !!! (Re: معاوية الأرباب)
|
| Quote: لقد شاءت الأقدار أن يُعقد المؤتمر الخامس للبيئة بمدينة "استانا"، عاصمة دولة كازاخستان |
اولا السلام عليكم اخى صديق رحمه
كدى قبل ماتخش فى تفاصيل المقلب ، عاصمة دولة كازخستان اسمها المآته وليس "استانه"
على فكره "استانه" او الإستانه هى الاسم القديم لمدينة استانبول عاصمة تركيا
القصة دى كلها فيها سقوط جغرافيا وتاريخ تقيل
| |
|
|
|
|
|
|
|
|
|
Re: حكومة السودان قادة جغرافيا .. اقرأ هذا الخبر وأضحكـ !!! (Re: عبدالغفار محمد سعيد)
|
Quote: اولا السلام عليكم اخى صديق رحمه
كدى قبل ماتخش فى تفاصيل المقلب ، عاصمة دولة كازخستان اسمها المآته وليس "استانه"
على فكره "استانه" او الإستانه هى الاسم القديم لمدينة استانبول عاصمة تركيا
القصة دى كلها فيها سقوط جغرافيا وتاريخ تقيل |
الاخ العزيز عبدالغفار محمد سعيد
السلام عليكم ورحمة الله وبركاته
أهدي اليكـ هذا المقتبس من ويكيبديا الموسوعة الحرة
Quote:
أسطانا (بالكازاخية والروسية: Астана، تنطق "أستانا") هي عاصمة كازاخستان منذ عام 1998. أنشأها الرئيس نور سلطان نزارباييف بعد استقلال كازاخستان لتصبح عاصمة البلاد بدلاً من مدينة ألما أتا الحدودية. يبلغ عدد سكانها 600000 نسمة. معنى كلمة أسطانا هو "العاصمة".
أسطانا تقع في وسط كازاخستان على نهر إيشيم في منطقة مستوية شبه صحراوية التي تغطي أغلب أرض البلاد وفي محافظة أقمولا. |
أعفــص هنا لمعرفة مصدر المعلومات والخرطة أعلاه
بالمناسبة يا أخي عبدالغفار لم أعثر على مدينة مأته أثناء بحثي ياريت لو تدلنا عليها وتدينا عنها معلومات يمكن الخطوة يوم تودينا هههههههه ...
لك تحياتي وتشكراتي
| |
|
|
|
|
|
|
|
|
|
Re: حكومة السودان قادة جغرافيا .. اقرأ هذا الخبر وأضحكـ !!! (Re: معاوية الأرباب)
|
Quote: شخصيا فقدت القدرة على الاندهاش عندما قرأت عن وفد الانقاذ المسافر الى باريس للمشاركة في مؤتمر الحد من الأسلحة الكيماوية, في الوقت
الذي تتناوب علينا جيوش الذباب نهارا والبعوض ليلا . |
العزيز معاوية الأرباب
تحية طيبة
يا أخي حرام عليكـ يكون عندكـ خبر مدهش زي دا وتلبد بالدهشة براكـ
ليك حق تفقد القدرة على الدهشة طالما بترقد بالدهشة براك هههههههههه . .لكـ تحياتي يا أخي والتحية للأنقاذ على قدرتها العجيبة في إثارة الإدهاش .. لكن قلت لي الجماعة مشوا لمؤتمر الحد من الأسلحة الكيماوية ؟؟؟ ديل يمكن مروقها في إيران وتخصيب اليورانيوم
| |
|
|
|
|
|
|
|
|
|
Re: حكومة السودان قادة جغرافيا .. اقرأ هذا الخبر وأضحكـ !!! (Re: عبدالغفار محمد سعيد)
|
Quote: هو بلاهى العاصمة مدينة جديده بناها الرئيس سلطان واسمها "أسطانا" بالله شوف انا طلعت ما متابع
انا كنت متصور انا لسع العاصمة هى " ألماطي أو ألماتي أو الما أتا
والعتب على النظر
فتك بى عاقيه |
العزيز عبدالغفار
سلام عليكم ورحمة الله وبركاته
دا أنت مش طلعت ما متابع بس ، دا أحتمال كبير أنت تكون العملت للجماعة بتاعين الوفد ديل الحجز .... هههههههههههه
يا راجل الكلام دا من سنة 1998 قبل 14 سنة ويزيد وتقول لي أنا ما متابع ؟؟؟
والحمد لله الذي قيض للسلطان نور تغيير العاصمة وأسمها وللا كان جماعتنا لهسع لافين صينية وما عارفين يمشوا وين
أشكركـ والله ياغفار للمعلومة الأديتنا ليها بالغلط
| |
|
|
|
|
|
|
|
|
|
Re: حكومة السودان قادة جغرافيا .. اقرأ هذا الخبر وأضحكـ !!! (Re: الرفاعي عبدالعاطي حجر)
|
| Quote: المهم هلال دا لقى حاجت العودة في سوق البلد الما قادر اكتب اسمها دي واللا لا . |
العزيز الرفاعي حجر
سلام عليكم ورحمة الله وبركاته
سؤالكـ دا سؤال تعسفي فكونو هلال رجع السودان بالسلامة دا زاتو إنجاز .... باقي الحاجات هينة تتعوض في سفرية أخرى إن شاء الله
أما عدم التعليق على هذا الحادث فيصب في خانة الشينة منكورة ... يعني متخيلهم يقولوا شنو ناس وزير البيئة والوفد المرافق له ديل ؟؟؟ غير يقطعوها في حنانهم وياكلوها على اللباد
لك تحياتي وتقديري
| |
|
|
|
|
|
|
|
|
|
Re: حكومة السودان قادة جغرافيا .. اقرأ هذا الخبر وأضحكـ !!! (Re: Mohd Ibrahim)
|
Quote: الخبر نشر هنا قبل اكثر من شهرين....وحصل نقاش كتير
...المهم صاحب البوست لم يتثني لة تأكيد الخبر من مصدر مستقل...
لان المراسلات كلها تكون بالانجليزية وحتي البوكين لذلك الاسم بالانجليزية مختلف وواضح .. |
العزيز محمد إبراهيم
سلام عليكم ورحمة الله وبركاته
هذا يعني ان الخبر نزل في أيام المؤتمر نفسه !! ياريت لو تدلنا على الرابط الذي ناقش هذا الموضوع لو في هذا الموقع او موقع أخر لانو بصراحة أنا أستغربت لعدم وجود أي صدى لهذا الخبر في الميديا
ولعل هذا يكون بمثابة تاكيد للخبر من جهة أخرى ..
ولكـ تحياتي
| |
|
|
|
|
|
|
|
|
|
Re: حكومة السودان قادة جغرافيا .. اقرأ هذا الخبر وأضحكـ !!! (Re: الزبير صالح الزبير)
|
Quote: هههههههههههههههههههههههههههههههههههههههههههههههههههه
والله قسس
اها والوزير دة انشاء الله عرف الدرب عشان المرة الجاية ما يتوة |
الاخ العزيز الزبير صالح الزبير
تحية طيبة
طبعاً سيقام المؤتمر في المرة القادمة في دولة أخرى وربما أتى وزير جديد ويحتاج الى تجربة جديدة ههههههه
عموماً سنرى أن أمد الله في الآجال كيف سيتصرف الوزير الحالي أو الذي يليه في المؤتمر القادم إن شاء الله لو فضلت فيها بيئة عشان يعملو ليها مؤتمر
الطف تعليق قرأته عن هذا (الودار) واحد من ناس كسلا قال لي زول ماشي أسيا يلقى نفسو في أوربا (دا حمار نوم كارب لكن) هههههههههه
لك تحياتي يا جدو ورمضان كريم
| |
|
|
|
|
|
|
|
|
|
Re: حكومة السودان قادة جغرافيا .. اقرأ هذا الخبر وأضحكـ !!! (Re: Mohd Ibrahim)
|
Quote: عزيزي صديق
دا الرابط بتاع الخبر....سودانيز اون لاين من انشط ا لمنابر في ترصد الاخبار
ولكن هذا الخبر لم يتم تاكيدة ..خاصة انو اسماء لوزراء موجودة فيهو..هذة سقطة كبيرة ولكنها ايضا يمكن ان تكون مجرد شمارات...ودا سبب عدم تفاعل الناس.............
يا هو دا السودان! |
العزيز محمد إبراهيم
كل عام وانت بخير ورمضان كريم
أشكركـ على جلب الرابط لهذا الموضوع وأشكر الدكتور محمد الذي أثار هذا الموضوع ... وصدقني لو كان هذا الخبر غير صحيح لعمت هذا المنبر طائفة من البوستات المضادة بصورة عجيبة (فالموالين للنظام على قفا من يشيل زي ما المعارضة في هذا الموقع ) ولك في بوست نائب الرئيس وذهابه لكوستي خير دليل على قولي هذا ، ولكن هذا الصمت من الوزارة نفسها ومن الناطق الرسمي بأسم الحكومة وبأسم الوزارة يجعل أمر حدوث هذا الخبر ممكناً
مثل أنه لايوجد شخص عبقري (حسب تقديري الشخصي) لنجر خبر بهذه البراعة وهذه الكيفية .. الموضوع في وجهة نظري ما عندو أي حل غير يكون حصل وإلا سيكون مولف هذا الخبر موهبة مدفونة في التأليف والإخراج هههههههه
لك تحياتي وتصوم وتفطر على خير
| |
|
|
|
|
|
|
| |
Sidig Rahama Elnour
احمد خليل
مهيرة
Tragie Mustafa
محمد طاهر تكنه
Zakaria Joseph
البحيراوي
معاوية الأرباب
Mohd Ibrahim
الرفاعي عبدالعاطي حجر
الزبير صالح الزبير
فيس بوك
تويتر
انستقرام
يوتيوب
بنتيريست