|
Re: شيقوق يحاضر في ندوة رابطة القانونيين السودانيين في قطر (Re: وضاحة)
|
وضحو
ازيك ومشتاقون يا بتي
Quote: شكيتك على الله متين جيت الديرة ياخى انا فى اجازة برة دوحة الخير
والله لكن فاتنى ياخى
وشنو الوجهات والكرفتات دى هههههههههههههه
وشكلك شديد شنب ود الزاكى يا مسنوح ما تنسى ترجعوا ليه
والله ليكم وحشة انت ود الزاكى الشين وين الزول دا هههه |
الله يجازيك يا مسنوحة لي خمسة ايام في الدوحة ما اقابلك؟
وكمان كنت معزوم غداء جوة المجمع السكنى لاطباء مستشفى الشيخ حمد ( السكة 33) وكلما اشوف لي وردة اقول دى زرعتها وسقتها وروتها المسنوحة البتحب الورود وكدا .
| |
|
|
|
|
|
|
Re: شيقوق يحاضر في ندوة رابطة القانونيين السودانيين في قطر (Re: الطيب شيقوق)
|
طيب يا خالي ود البوب طالما انت تعهدت بتنزيل المحاضرة خليني اتعاون معاك لنفي بذلك العهد
الشريحة الاولي من المحاضرة :-
نشأة البورصات في العالم :
يعود أصل كلمة بورصة إلى إسم عائلة فان در بورصن Van der Bürsenالبلجيكية التي كانت تعمل في المجال البنكي و كانت فندقها بمدينة بروج منتدى لإلتقاء التجار المحليين في القرن الخامس عشر . في فرنسا أنشات أول بورصة في ليون خلال العام 1556 م . تأسست أول بورصة في بريطانيا بلندن في عام 1566م وقبل تأسيسها كانت تتم التعاملات في المقاهي واشهر هذه المقاهي هي رويال واطلق عليها فيما بعد Royal Exchange ومن المقاهي الشهيرة ايضا نيو جنسون والذى اطلق عليه مصطلح stock exchange وهو اول مكان في العالم يطلق عليه هذا الاسم . في المانيا انشات اول بورصة في فرانكفورت 1585 م البورصات في اميركا حديثة التاسيس نظرا لحداثة اكتشاف القارة . وقد بدأت اول مضاربات في الاوراق المالية لدى الامريكيين في عام 1792 م وكان تجار الاوراق المالية آنذاك يجلسون تحت احدى الاشجار في شبه جزيرة منهاتن . في قارة اسيا اول بورصة في طوكيو في العام 1878 م اول بورصة عربية هي المصرية 1883 م وتلتها البورصة اللبنانية 1934 م ببيروت .
نواصل
| |
|
|
|
|
|
|
Re: شيقوق يحاضر في ندوة رابطة القانونيين السودانيين في قطر (Re: الطيب شيقوق)
|
الشريحة الثانية :
البورصات عبارة عن أمكنة يلتقي فيه الفقراء بالاغنياء والاجانب بالوطنيين والمؤسسات الاستثمارية الضخمة بالافراد وصغرى الشركات . ومن ثم فلابد أن تتوفر لأي بورصة بيئة آمنه للبيع والشراء تسود فيها الشفافية والعدالة في التعاملات وسيادة حكم القانون واستقلال القضاء . بعد أن إنتظمت العالم ثورة التكنولوجيا في جميع المجالات وتعددت وسائط الاتصال صار التداول في الاسهم يتم عبر الانترنت وما عادت ثمة حاجة لأن يلتقى المتعاملون في الاوراق المالية في أمكنة جغرافية محددة وإنما يتم تقديم عروض البيع والشراء وتنفيذها عبر الوسائط الالكترونيه ولكن تحت إشراف ومراقبة الوسطاء .
نواصل
| |
|
|
|
|
|
|
Re: شيقوق يحاضر في ندوة رابطة القانونيين السودانيين في قطر (Re: عماد الشبلي)
|
العب غيرا يا مسنوح ...
الشبلي
ياخ قلنا ليك استثمر بالفائض بدل تخليهو جوة السحارة ساى - كدا بتكون دخّلت مبلغك المدسوس في الدورة النقدية وبيدار ليك بصورة مهنية وكدا بيكون ليك صوت في اجتماعات الجمعية العامة يعني لما يجيك اعلان لحضور اجتماع الجمعية العامة ممكن ممكن اليوم داك تكلم ام عيالك تغسل ليك وتكوي ليك الجلابية والعمة والشال وتشوف عطر فلير دمور الاخاذ وتقوم تتهندم وتشنق طاقيتك وتتلهم الاجتماع - طبعا قبل بداية الاجتماع بتلتقي بناس كتيرين خارج القاعة فيهم البتعرفهم وفيهم الغرباء عليك - اها في اللحظة ديك طلع علبة السجار والولاعة الما خمج وقدام الناس ديل (توس) ولع السجارة وبخبخ وما تكتر الكلام مع الناس لزوم البرستيتش وكدا .
جاييك تاني عشان اوريك تعمل شنو داخل القاعة
طبعا خالي ود البوب مش زيك شفقان وملهوف للاجتماعات - خالي تقييييييييييل بقوم بشوف ليهو اى حد مقطوع راس وبيعمل ليهو توكيل عشان يصوت نيابة عنو وفي الوقت داك تكون ام اولادو جهزت ليهو السرامس متروسة شاى وقهوة و بدوروا سيارتهم مع الوليدات والبنيات متكاملين الكرنيش ولا يهمهم السهم يربح او يخسر
| |
|
|
|
|
|
|
|