هل تؤيدون الطرد الجماعي للكيزان من المنبر ؟؟

Quote: الأخ صابر تحياتي وإحترامي لك اقدر تماما غضبك وقرفك من بنو كوز و خاصة الطبالة ، كلنا قرفانين زيك والله لكن بصراحة يا خوي وبرضو مجرد وجهة نظر تعبر عن شخصي الضعيف إنه حرية الرأي كلنا بنطالب بيها وحق مشروع لكل العالم الحايمة دي ، ومستنكرين كبت الحريات دي والقمع من بنو كوز ديل فما معقول ننادي بي شيء ونجي نحن نطبقه !! ما جاية صاح ؟ انا معك ضد الكيزان وأسلوبهم القذر حتى في تناول المواضيع لكن صدقني يا صابر يا خوي دي زاتها محمدة كبيرة إنه نكشفهم ونتفرج على جعجعتهم ورجفتهم , دي في حد زاتها متعة لا يضايها فلم لعادل إمام خليهم اليبرطعوا ونحن وراهم بالبسطونة والحق لازم ينتصر في النهاية يمهل ولا يهمل

Quote: I totally agree, I think they should be banned immediately, it's only common sense!

Quote: من السودان قبل المنبر

Quote: إنه حرية الرأي كلنا بنطالب بيها وحق مشروع لكل العالم الحايمة دي ، ومستنكرين كبت الحريات دي والقمع من بنو كوز ديل فما معقول ننادي بي شيء ونجي نحن نطبقه !! ما جاية صاح ؟ انا معك ضد الكيزان وأسلوبهم القذر حتى في تناول المواضيع لكن صدقني يا صابر يا خوي دي زاتها محمدة كبيرة إنه نكشفهم ونتفرج على جعجعتهم ورجفتهم , دي في حد زاتها متعة لا يضايها فلم لعادل إمام خليهم اليبرطعوا ونحن وراهم بالبسطونة والحق لازم ينتصر في النهاية يمهل ولا يهمل

Quote: هل تؤيدون الطرد الجماعي للكيزان من المنبر ؟؟

Quote: قادرون على إفحامهم

Quote: ديل مفحمين براااهم..

Quote: ء -17- الفصل الفوري لكل من يهدد بالـقـتـل أو يدعو إلى قـتـل أو اغـتـيـال أي شخص أو نـشـر مادة تدعو إلى، أو تؤيد، ذلك. ولا يجوز منح ذلك الشخص العضوية مرة أخرى تحت أي مسوِّغ.

Quote: نؤيد و بشدة.. تفتكر إغلاق الموقع في السودان ما عنده علاقة بهؤلاء الرباطة الاسفيريين!!! .. الموقع مؤثر و مؤثر جداً و الدليل محاولات التهكير المتكررة و حجبه في السودان.. بل عمدوا إلى تأسيس موقع شبيه بسودانيزاون لاين بس بدل دوت كوم عملوه دوت اس دي www.sudaneseonline.sd و كنت في بداية الثورة قد طرحت نفس الفكرة لعدم استثاغتي قلة ادبهم و استخفافهم بل و تحريضهم على القتل و يستهزؤن بالطالبات و الطلبة العزل الذين خرجوا ليجاهروا بحقوقهم القضية ليست قضية ديمقراطية او حوار القضية أخلاقية في المقام الاول.. ، هؤلاء مجرمون مثلهم مثل نافع و قوش بل و مثل (الشئ) الذي أسموه رئيس الجمهوية هؤلاء تصرف لهم رواتب ليكتبوا هنا في المنبر هم ليسوا أصحاب فكر او هواة فقط ...بل موظفون.. و يحاسبون على (الدوام) في المنبر.. نفس الطرح قد قدمته في بداية الثورة كما ذكرت( و على فكرة دي أول مرة يرد فيها مسمى رباطة لهؤلاء) و الذي أنتشر و أصبح الأسم الرسمي لعملاء النظام.. على هذا الخيط: نصرة للثوار أعزلوا المحرضين على القتل رباطة ومأجوري النظام بالمنبر

Quote: أها قول تم طردهم (ولو إنو ده حق لايملكه احد هنا) المكسب شنو؟

Quote: نــــــــعم يجب طرد الكيزان لانهم قتلة لانهم لا يعرفون معنى الحرية لانهم مطبلين للتعذيب

Quote: وليه؟؟!! طبعآ لا وألف لا ولا أعتقد أن صاحب المنبر سيرضى أو سيقبل بأي إقصاء للآخر وإن إختلفت الرؤى! ودا الفرق بينا وبينهم .. من الأجدى أن نجتهد لطرد الحية الكبيرة عن السودان قاطبة، بدلآ عن طرد قلة إسفيرية أعتقد أن لا حول لها ولا قوة. وهم/ن حتمآ يعانون كأهلي وأهلك في السودان، بس باقي ليهم شين يعلنوا الأوبة والتوبة عن ومن الحرامية اللصوص الأفاكين تجار الدين .. دعهم باقون أخوة وأخوات أعزاء بيننا فلربما عادوا إلى جادة الصواب نأمل ونتمنى! لك التحية _____ How people treat you is their Karma How you react is yours L.H

Quote: سلامات صابر وعساك طيب اضافة للاسباب الذكروها الشباب و كلام ودالقاضي - حسب ما فهمت من كلامك دعوتك للطرد مبنية علي فرضية انو الكيزان في المنبر بعيقوا الثورة و الثوار ودي زاتها مبنية علي فرضية انو المنبر مؤثر اساسي علي الثورة في الارض شخصيا ما عارف بالضبط مدي تأثير المنبر علي الناس في الواقع والثورة لانو مافي دراسة واضحة - لكن من انطباعي المنبر ما عندو تاثير مباشر بالواقع --والثوار زاتم ما بتأثروا بالحاصل في المنبر و ممكن يكونوا ما عارفين زاتو الحاصل هنا !- دي من ناحية من ناحية تانية المنبر بالتأكيد بأثر علي النظام - كحالة طبيعية لانهم اصلا ما دايرين زول يتكلم ! والتمييز بين التاثير علي الثورة وواقع الناس والتاثير علي النظام بصورة عامة مهم جدا جدا في نظري و دائما بلاحظ انو لو في زول فتح بوست ضد الثورة كتيرين من ناس المنبر بفتكروا انو دا بأثر علي الثورة طبعا ممكن يأثر علي الموود والمد الثوري داخل المنبر لكن ما اظن يأثر علي الموود الثوري بتاع الناس في الواقع ! بمعني اخر : المنبر امتداد للواقع وليس العكس !- لكن عشان معظمنا بنعتبر المنبر "واقعنا " في المنافي بنفتكر الواقع الحقيقي امتداد لينا !! بخصوص سؤالك : لو كنت مقتنع انو الخروج للمظاهرات كان المنبر زي ونوباوي والله كنت بأيد اقتراحك طوالي واضحي ليك "بالديمقراطية" زي الما حصل شئ --- وبعدين في حاجة مهمة نسيت اقولها ! : لو المنبر بقي منطقة محررة احتمال الحرب تقوم بين الاشقاء ! وجود ممثل للعدو في مكان قريب -مهم ياخ للتماسك

Quote: مادام اننا بنؤمن بالديمقراطية كحق لنا وعلينا فانا مازلت ارى عدم طرد الكيزان من المنبر .. بعدين نحن ذاتنا باى صلاحية نطرد زول من منبر لنا ماله فيه من حق ؟!! ده منبر له صاحب وهو اليقرر يطرد منو ويخلي منو .. بعدين نحن ذاتنا عايزنهم عشان نرصد تحركاتهم ونعرف هم وين عشان لو اتحرر السودان نقدر نلقطهم واحد واحد وانا من جدة مسئول اجيب ليكم البشير دفع الله (نظره ضعيف ) وعمك قرشوم (راجل كبير ) واصحاب العضلات نخليهم لرفاعي حجر ومحمد حسن العمدة .. تحياتي ،،

شوف الصحفي ده كاتب شنو ؟؟
الراجل ده أصدر أمر إعتقال أخونا محمد فول من على صفحات الجريدة
وهم الإتنين دفعة وأصحاب حسب زعم الصحفي الأمنجي ..
يا صاحبي الناس ديل بيضربوا من تحت الحزام
شغلهم كله تحسس وتجسس
نحنا ناس الله ساكت - الواحد بيتعامل حسب نيته وتربيته
أنا امبارح وبعد الحادثة بتاعت محمد فول دي
دخلت صفحتي في الفيبسوك قلت افلفلها تِفلفل
عليك أمان الله ألقى ليك واحد من الـــ subscribers - عمر البشير شخصيا (طبعا واحد عامل صفحة بإسمه)
دخلت عليهو ألقى ليك زولي بيحرّض ضد المتظاهرين ويدعو لضربهم
ديل يدخلوا ليك من اي حتة - الله يكرمك - بس ما تغفل ..
تحياتي وشكرا على الــ offer بتاعك
لكن صدقني أنا ح أكون أكتر زول متسامح
وأول زول يقول ليهم "إذهبوا فأنتم المطاليق"
بس خلي النقلبها أول شي

Quote: لا نوافق طبعا

Quote: الاخ صابر لا اوافق علي طردهم من المنبر ولكني افضل مقاطعت بوستاتهم تماما. هم مجرمون يستحقون الطرد من رحمة الله وليس من المنبر.ولكن الحرية لنا ولسوانا دعك منهم فهم قلة ساقطة لقد دنت ايامهم وارهاصات سقوطهم لاحت بشائرها. تحياتي.

Quote: هههههههههههههه أحلى بوست والله خلاص غلبك الحوار قمت على الإقصاء مهما لبستوا من ماسكات فإن حقيقتكم البشعه تأبى إلا أن تطل بوجهها القميء قاعدين ليك في قلبك

Quote: No, I do not agree This is no way to make things better

Quote: أخي صابر و الله الكل يعاني معاناة المريض مع المرض ولكن هذه ثمن الديموقراطية الحقيقية كما اوضحت الاخت بنت الجنيد

Quote: .. تكون حانت مواعيدك يكون وكت المطر قد جا وشرق ضوّا البلد عيدك وطابت نسمته العرجا ونكون يا طيبة تمّينا بدينا ولفنا .. غنينا الغنا الراجا ..

Quote: dear sis Rehab salamat I absolutely respect your views ??just answer this to yourself: would you befriend anyone of them, if yes; do you fully trust them : or let us put it this way ??do you have any of them in your friends' list in the facebook or whatever ??if not; why Saber