|
Re: السودانيون في الخليج العربي واسيا : لماذا لا تتضامنون مع شباب الثو (Re: مني التجاني)
|
هشام عباس مرحب بيم وباقتراحاتك انا ضد الدعم المالي المباشر المغتربين وناس الشتات البعيدين يدعموا اسرهم المتظاهره في السودان والاسر هي التي تتبرع لشباب الثوره لتغطية نفقات انشتطهم وتحركاتهم واتصالاتهم
وسببي في ذلك لا يفوت عل فطنتك يا هشام الثوره السودانيه امامها مهام كبيره وان اتشغل الناس بامر المال لتفرغوا وتخاصموا وفي هذا ضرر اكبر من النفع المرتجي
| |
|
|
|
|
|
|
Re: السودانيون في الخليج العربي واسيا : لماذا لا تتضامنون مع شباب الثو (Re: مني التجاني)
|
يا شباب المهاجر التضامن باي شكل بحقق عدد من الفوائد للثوار وليكم
الثوار 1/ بحسوا بالامان والرغبه في مواصلة مسيرتم حتي تحقيق اخر هدف. 2/ انتشار الاخبار في بقاع الارض بلفت المهتمين وصناع القرار في الميديا والهئيات الدوليه لقضية السودان مما يؤدي الي تعدد اشكال الضغط علي الحكومه لفك الحصار ووقف الاعتقالات والتعذيب. 3/ تجنيب الشباب مالات التجارب السابقه في المنطقه العربيه وده بمشاركتكم ليهم الافكار والخطط .. فالثوره سلميه وكل راي عندو قيمه وبحقق نصر جديد
فلا تبخلوا باعلان تضامنكم علي الملا .. شدو حيلهم وابقو ركازتم
| |
|
|
|
|
|
|
Re: السودانيون في الخليج العربي واسيا : لماذا لا تتضامنون مع شباب الثو (Re: مني التجاني)
|
بالنسبه ليكم انتو وجودكم الحقيقي ومشاركتكم في صنع الاحداث يجعل منكم طرف قوي في التغيير ورقم لا يمكن تجاوزه في ترتيبات الفتره الانتقاليه
اكيد انتو عارفين انو تحويلاتكم لا تستفيد منها اسركم فقط بل تشكل رقم مقدر في موارد الدوله وحسب ما بقرا من تحليلات اقتصاديه ده المور الحالي الشغاله منو حكومة الانقاذ في تصريف اعمالها بما فيها منصرفات حماية النظام وضرب الثوار حاليا
| |
|
|
|
|
|
|
Re: السودانيون في الخليج العربي واسيا : لماذا لا تتضامنون مع شباب الثو (Re: عبدالعزيز حسين عبدالرحيم)
|
للاسف هذه بلدان اسلاميه متخلفه متاثرة بثقافة الكبت والتخويف الاسلاميه المنبع فهنيئا للعرب والسودانيين الافارقه الممزوجين بالعرب غصبا . بلدان شيعيه او سنيه او جمهوريه او ائ نوع فرقه او فهم اسلامي كل علي سيان . ليس هنالك حريه.. هذه البلدان محتاجه لثوره تغيير ديني ومن ثم ثقافي ينتج من تغير الفكر والوجدان نحو الرب . حتي ذلك الحين سوف تكون تللك الشعوب مكبوته ...التغيير يتم عن طريق الاقناع وليس العنف..انا غير مستغرب تماما لممارسة منع الحريات في الاراضي التي اخرجت لنا حروب الرده وجيوش الغزاة بدينهم الاسلامي الذي لايحترم الحريات .
| |
|
|
|
|
|
|
Re: السودانيون في الخليج العربي واسيا : لماذا لا تتضامنون مع شباب الثو (Re: عبدالعزيز حسين عبدالرحيم)
|
ألاخت مني التجاني ناس الخليج ديل فايتين ناس السودان بالشبع ليس إلا.......... فكل تلك الدول تدار بعقلية البشير و زبانيته البركة في اسهاماتهم الاسفرية
الواجب يقع علينا نحن هنا في اروبا و ناس امريكا و استراليا ، واجبنا ان تستمر مظاهرتنا في كل سبت و في كل دولة حتي تدعم استمرارية النضال الداخلي
شدوا الحيل يا ناس الخليج في موضوع قناة الضمير السودانية التي ستطل من لندن انشاء الله، و ذلك بشراء سهم واحد لكل غيور منكم .
| |
|
|
|
|
|
|
Re: السودانيون في الخليج العربي واسيا : لماذا لا تتضامنون مع شباب الثو (Re: أنور أدم)
|
يا أخواننا معروف كلامو واضح قاصد الجامع الغليد بتاع مكة
أنا بقترح إنو بورداب السعودية يعملوا لينا عمرة تضامنية
وطبعاً أنا قاصد المسلمين من بورداب السعودية يعني ناس ود القاضي وود الصايم وصديق الموج وعلاء تمبس والعاملين عليها وأبناء السبيل مافي داعي يحرجونا مع الله
بالنسبة لي بورداب الأمارات أنا بقترح حفلة مشاوي في قهوة الفنانين
أعتقد إنها معبرة :)
غايتو ناس قطر مشكلتهم محلولة
ممكن يعملوا وقفة إحتجاجية صامتة في سوق واقف
| |
|
|
|
|
|
|
Re: السودانيون في الخليج العربي واسيا : لماذا لا تتضامنون مع شباب الثو (Re: حبيب نورة)
|
Quote: وطبعاً أنا قاصد المسلمين من بورداب السعودية يعني ناس ود القاضي وود الصايم وصديق الموج وعلاء تمبس والعاملين عليها وأبناء السبيل مافي داعي يحرجونا مع الله |
يا حبيب نورة وووواحد من ديل علاقتو مع ربنا ما كويس اسع بالله لمن الحبشي فرتق بي قروش الكتاب في زول من ديل رسل ليك سد النقص في الفقد الجلل
المهم
يا منى احنا في السعودية المشكلة مش في السلطات انما المشكلة في السودانيين المنتمين للمؤتمر الوطني الغواصات الذين يحضرون مناسياتنا ويتصلوا بالشرطة لالحاق الاذى بنا
حدث هذا قبل سنتين عند احتفالنا بتأبين شهداء كجبار في الرياض جاءت الشرطة واستجوبت واخذت تعهد من القائمين بالتأبين واثنت علينا كمجتمع سوداني مسالم لذا فنحن لا نود ان نخرب هذه العلاقة المميزة مع الشعب السعودي
| |
|
|
|
|
|
|
Re: السودانيون في الخليج العربي واسيا : لماذا لا تتضامنون مع شباب الثو (Re: أنور أدم)
|
Quote: ألاخت مني التجاني ناس الخليج ديل فايتين ناس السودان بالشبع ليس إلا.......... فكل تلك الدول تدار بعقلية البشير و زبانيته البركة في اسهاماتهم الاسفرية
الواجب يقع علينا نحن هنا في اروبا و ناس امريكا و استراليا ، واجبنا ان تستمر مظاهرتنا في كل سبت و في كل دولة حتي تدعم استمرارية النضال الداخلي
شدوا الحيل يا ناس الخليج في موضوع قناة الضمير السودانية التي ستطل من لندن انشاء الله، و ذلك بشراء سهم واحد لكل غيور منكم . |
eonline.com/db/attention/010_Smile.gif[/IMG]
ما قلنا ليكم اكلو رزكم وانفضوا لكوشتينتكم يرحمكم الله الثورة دي عودكم ما راكب فيها قالو ليكم في حكومة جايه من امريكا شحن
| |
|
|
|
|
|
|
|