|
|
 والله شلت هم من ولادة الغربة يا ناس وثيقة البديل الديمقراطي
|
هذه الأيام اقرا كثيرا مواضيع عن اختلاف بين الأحزاب الرئيسية وهي حزب الأمة والاتحاد الديمقراطي والحزب الشيوعي على وثيقة البديل الديمقراطي بعد إزالة النظام الحاكم الآن.. وان هناك اختلافات حول من الذي سيترأس مجلس الدولة في الفترة الانتقالية وكم عدد سنوات الفترة الانتقالية وهناك من يقترح سنتين ومن يقترح ثلاثة سنوات.. وكذلك الاختلاف حول القضايا المهمة الشائكة التي يجب وضعها على راس قائمة التنفيذ خلال الفترة الانتقالية وهل هي وضع الدستور ام محاكمة الفاسدين من النظام البائد ..و...و.... واختلافات كثيرة لاحد لها..
وهنا فقط تذكرت النكتة التي رواها احد اعضاء المنبر العام( ومتأسفة نسيت اسم البوست) عن احد الفتيات التي كاد قطار الزواج ان يفوتها وذهبت إلى فكي تبحث عن عريس.. وقال لها الفكي بعد تأمل وصمت :" انتي حتتزوجي واحد مغترب" وبدأت الفتاة في البكاء .. وسألها الفكي:" انتي بتبكي مالك هسع مع الخبر المفرح ده" فقالت الفتاة:" والله شلت هم ولادة الغربة" ( بصراحة كلما اسمع النكتة دي أموت من الضحك) والله الاخترع النكتة دي يستاهل جائزة)
وهذا هو بالضبط حال الأحزاب وهم يختلفون في كيفية إدارة الفترة الانتقالية وما زال النظام الحاكم يسيطر على طول البلاد وعرضها بقوة السلاح والمخابرات .. بل ان جميع هذه الأحزاب التي تتصارع حول وثيقة البديل الديمقراطي مشاركة في الحكومة...
الله يديكم العافية يا ناس الأحزاب .. فكروا في الأول في كيفية دعم الثورة السودانية وتأجيج نيرانها بدلا من الاختلاف حول امور لم تحدث بعد... واذا كنتو من هسع بتشاكلوا... بعدما تستلموا السلطة حتعملوا شنو؟؟
|
|
 
|
|
|
|
|
|
|
|
Re: والله شلت هم من ولادة الغربة يا ناس وثيقة البديل الديمقراطي (Re: خضر الطيب)
|
شكرا خضر الطيب للمرور والتعليق
نعم وكما قلت فهناك أولويات يجب الإلتفات إليها قبل الصراع على اشياء مستقبلية في علم الغيب... وهناك من يعتقد انه يجب الاستعداد لكل شئ حتى لا يكون هناك فراغ سياسي أو فراغ دستوري... ولكن هذا لا يستقيم مع وجود هذه القبضة القوية من النظام الحاكم على مفاصل الدولة من الناحية الاقتصادية والاجتماعية والبني تحتية .. ولذلك كان يجب ان تنصب كل الجهود اولا في كيفية ايقاد شرارة الربيع السوداني بدلا من الاختلاف في اشاء تعتبر ثانوية في الوقت الحاضر..
والله يديك العافية
| |
|
|
|
|
|
|
|
|
|
Re: والله شلت هم من ولادة الغربة يا ناس وثيقة البديل الديمقراطي (Re: خضر الطيب)
|
اميره سلامات
كويس انك ذكرتي الحقيقيه دي:
Quote: وهذا هو بالضبط حال الأحزاب وهم يختلفون في كيفية إدارة الفترة الانتقالية
وما زال النظام الحاكم يسيطر على طول البلاد وعرضها بقوة السلاح والمخابرات ..
بل ان جميع هذه الأحزاب التي تتصارع حول وثيقة البديل الديمقراطي مشاركة في الحكومة... |
عرفتي يبقى انهم بكده فعلا يبقوا احزاب ليست لها شرعية التحدث باسمنا؟!
طالما هم مطبعين ومنبطحين الفلسفه عليهم شنو؟!
وكيف اضعفوا الحكومه ولامن سال لعابهم لاقتسام كعكتها وهم محكرين جوا فيها؟!
يا خضر ندعم ثوره كيف ما عارفين ساسها من راسها؟!
وحتى متى يستغفلنا انتهازية السياسيه السودانيه؟!
| |
|
|
|
|
|
|
|
|
Re: والله شلت هم من ولادة الغربة يا ناس وثيقة البديل الديمقراطي (Re: Tragie Mustafa)
|
تراجي
سلامات
وعشان قادة الأحزاب السياسية قاعدين يكسروا الثلج للحكومة.. الناس ما عاوزة تسمع كلامهم .. يعني ما معقول يحرضوا الجماهير للثورة ضد الحكومة وضد النظام الحاكم وهم في نفس الوقت جزء من هذا النظام.. وكان من المفروض ان يقدموا استقالات جماعية من الحكومة ويعلنوا توبتهم امام الشعب السوداني وبعدين يتكلموا مع الناس.. ويتصارعوا في منو الحيقود الفترة الانتقالية
والله يديك العافية
| |
|
|
|
|
|
|
|
|
|
Re: والله شلت هم من ولادة الغربة يا ناس وثيقة البديل الديمقراطي (Re: اميرة السيد)
|
| Quote: يا خضر ندعم ثوره كيف ما عارفين ساسها من راسها؟! |
وراس الثورة دا هسع يعرفوا ليك كيف يا تراجى
ونحن الجابلينا الهوى ياهو نوع كلام نحن الساس ونحن الراس
البلد بقى فيها الف راس وكلو من غير ساس
الاخت الكريمة اميرة
انت ما سمعت حكاية (كدى ارمى بعدين اخنقى )
ياهو دا حال احزاب السجم والرماد من هسع اختلفوا منو اليكون الريس وكم عدد سنوات الفترة الانتقالية لمن المظاهرات زاتا انتهت
وبقت المظاهرات فى هولندا وبريطانيا وكندا ونيويورك والواغ واغ
طالما هكذا هو حال احزاب المعارضة ستبقى الانقاذ جاثمة على صدورنا لوقت ليس بالقصير
(تخريمة ، من عنوان البوست فرحت وقلت السماية حاتكون فى السنترل بارك ............. )
| |
|
|
|
|
|
|
|
|
|
Re: والله شلت هم من ولادة الغربة يا ناس وثيقة البديل الديمقراطي (Re: حسن حماد محمد)
|
كيفك أخت أميرة ، والله الديناصورات ديل حيرونا ظااااتو /
| Quote: وعشان قادة الأحزاب السياسية قاعدين يكسروا الثلج للحكومة.. الناس ما عاوزة تسمع كلامهم .. يعني ما معقول يحرضوا الجماهير للثورة ضد الحكومة وضد النظام الحاكم وهم في نفس الوقت جزء من هذا النظام.. وكان من المفروض ان يقدموا استقالات جماعية من الحكومة ويعلنوا توبتهم امام الشعب السوداني وبعدين يتكلموا مع الناس.. ويتصارعوا في منو الحيقود الفترة الانتقالية |
والله خوفى الشباب يحردوا ليهم الثورة ذاتو ..
| |
|
|
|
|
|
|
|
|
|
Re: والله شلت هم من ولادة الغربة يا ناس وثيقة البديل الديمقراطي (Re: AMNA MUKHTAR)
|
| Quote: (تخريمة ، من عنوان البوست فرحت وقلت السماية حاتكون فى السنترل بارك ............. ) |
...
والله يا حسن ياهو حالتي حال البنت المشت الفكي وحال الأحزاب البتصارع على شئ مجهول.. كدي خلي العريس يشرف بالأول وبعدين ولادة الغربة ساهلة ومستشفيات امريكا أظن الواحدة بترقد فيها ساعتين ثلاثة بعد الولادة وتنزل الشغل ثاني يوم.. والسماية في السنترال بارك والحفلة حتحييها بيونسي وجنيفر هدسون.. والاثنين ساكنات في السفن افينيو في شلسيا في منهاتن..
والله يديك العافية
| |
|
|
|
|
|
|
|
|
|
Re: والله شلت هم من ولادة الغربة يا ناس وثيقة البديل الديمقراطي (Re: اميرة السيد)
|
آمنة .. سلامات
انا شايفة الناس المفروض يقودوا البلد دي لازم يكونوا من شاكلة البطل الصنديد محمد الحسن الذي واجه نافع علي نافع في جامعة الخرطوم وقال ليه كلام في وشه وعبر عن شعور جميع الشعب السوداني تجاه نافع .. وقبض عليه رجال الأمن بعد اللقاء وتم اطلاق سراحه بعد ان بدا الناس يتحدثون عن تعذيبه...مثل هؤلاء هم الذين يجب ان يقودوا البلد... اما الأحزاب ورجالها فحدث ولا حرج... فعلا يمكن الشباب يحردوا الثورة عشانهم.. أحسن يكونوا ساكتين وا يتكلموا هسع .. وبعدين لمن الثورة تنجح يجوا يلقوها جاهزة ومقنطرة ويقطفوا الثمار.. ثمار عرق الشباب..
والله يديك العافية
| |
|
|
|
|
|
|
| |
خضر الطيب
Tragie Mustafa
حسن حماد محمد
AMNA MUKHTAR
فيس بوك
تويتر
انستقرام
يوتيوب
بنتيريست