|
فَـجْـعَـةً كدي أصبحت السلفيةوالسلفيون الشغل الشاغل لبعض أهل المنبر(2)
|
السلام عليكم ورحمة الله وبركاته
فَـجْـعَـةً كدي .. أصبحت السلفية والسلفيون الشغل الشاغل لبعض أهل المنبر!!! والله صحي!
زمان كان في اتنين ماجستير جماعات إسلامية تخصص سلفية ووهابية بكتبو
واحد اسمو عبد الله عثمان ( راجل أوهايو ) وده كان مرة مرة يدي السلفيين هبشة
والتاني اسمو صبري الشريف ( شغال نقلتي من موقع الحوار المتعفن ) وده كان أكتر واحد بكتب في السلفية
يمشي الموقع المخستق داك وهاك يا كوبي بيست بي ضبانتا وجنادبا وصراصيرا
هسي صبوري ذاتو بعد ما جاهو حمادة انشغل يا عيني وبقى في بت أم روحو
والحمد لله .. ربنا ريحنا منو .. إن شاء الله قطر عجيب يا صبوري من المنبر ده ^____^
_________________________
أها بعد ما خلصنا من جوز الحمام الفوق ديل ظهروا لينا ناس تانين وفَـجْـعَـةً كدي
الأول: عاطف مكاوي والذي ألقبه بعاطف ( مُكاوي السلفيين ) .. فجأة كده عاطف ده بداها لينا بموضوع الشيخ حازم صلاح وتناها بي موضوع الشيخ السلفي الذي لفقت له قضيت البت وتاني مواضيع كتيرة لا تحضرني .. ده دكتوراه في الوهابية تخصص سلفية مصرية
الثاني: خالد العبيد ( ود كبوشية ) و ( عريس بنات كلي ) ^___^ الشيوعي الماركسي ... ده برضو زي صاحبو مكاوي مافي فيديو لافي ولا مقطع عن السلفيين إلا جايبو هنا ده غير مواضيعو البقدح بيها في الدين الإسلامي والشريعة الإسلامية
الثالث: محمد جمال الدين ( بتاع سلفيا ) ^_______^ بداها لينا بي موضوع السلفيون والصيد في موية المطرة وللا شنو ما عارف العكرانة وتاني كتب ليهو موضوع كده .. وهسي كمان طلع لينا بي حاجة تالتة داير يعرف راي السلفيين في الصورة ( الثورة )
الرابع: صديقي اللدود/ السلفاوي عمر دفع الله الراجل ده كان في اتفاقية جنتلمان بيناتنا ووثيقة عدم اعتداء غير مكتوبة .. إنو لا تجيني ولا أجيك وكل زول عارف حدودو أها لمن محمد جمال ( بتاع سلفيا ) كتب موضوع داك بتاع موية المطرة وقمنا ردمناهو فيهو ردم الجن أها من ديك قام عمر دفع الله بقى كل يوم والتاني منزل فينا كاريكاتير .. ده كلام يابو عمير ,, يخسي على صحبتك خوتك أخير منها خوة العدريب!!
أها ديل الناس ( معتادي الكتابة عن السلفية ) في غير كده ناس كتااااار داخلين في الخط بنجيهم كلهم إن شاء الله ^_____^
أها ممكن يجيني واحد يسألني: وشنو المشكلة الناس تكتب في السلفية؟
والجواب: مافي مشكلة طبعا .. بس يا ريت الكتابة دي تكون موضوعية وأن تخلو من الاستهداف وشيطنة المخالف ولكن الذي ألمحه عند الكثيرين هو استهداف واضح ورغبة في إسقاط الطرف الآخر وتشويهه بأي طريقة.
واللهم اهد قومي فإنهم لا يعلمون --------------------------------
الموضوع دي ما أخد حقو في الربع الفات .. نواصل
|
|
|
|
|
|
|
العنوان |
الكاتب |
Date |
فَـجْـعَـةً كدي أصبحت السلفيةوالسلفيون الشغل الشاغل لبعض أهل المنبر(2) | محمد جلال عبدالله | 07-04-12, 01:54 PM |
Re: فَـجْـعَـةً كدي أصبحت السلفيةوالسلفيون الشغل الشاغل لبعض أهل المنب | محمد جلال عبدالله | 07-04-12, 01:58 PM |
Re: فَـجْـعَـةً كدي أصبحت السلفيةوالسلفيون الشغل الشاغل لبعض أهل المنب | عبد الصمد محمد | 07-04-12, 02:12 PM |
Re: فَـجْـعَـةً كدي أصبحت السلفيةوالسلفيون الشغل الشاغل لبعض أهل المنب | محمد جلال عبدالله | 07-04-12, 03:43 PM |
Re: فَـجْـعَـةً كدي أصبحت السلفيةوالسلفيون الشغل الشاغل لبعض أهل المنب | محمد الزبير محمود | 07-04-12, 05:58 PM |
Re: فَـجْـعَـةً كدي أصبحت السلفيةوالسلفيون الشغل الشاغل لبعض أهل المنب | محمد جلال عبدالله | 07-04-12, 06:56 PM |
Re: فَـجْـعَـةً كدي أصبحت السلفيةوالسلفيون الشغل الشاغل لبعض أهل المنب | عاطف مكاوى | 07-04-12, 08:28 PM |
Re: فَـجْـعَـةً كدي أصبحت السلفيةوالسلفيون الشغل الشاغل لبعض أهل المنب | عماد حسين | 07-04-12, 10:40 PM |
Re: فَـجْـعَـةً كدي أصبحت السلفيةوالسلفيون الشغل الشاغل لبعض أهل المنب | محمد الزبير محمود | 07-05-12, 00:12 AM |
Re: فَـجْـعَـةً كدي أصبحت السلفيةوالسلفيون الشغل الشاغل لبعض أهل المنب | محمد الزبير محمود | 07-05-12, 09:44 AM |
Re: فَـجْـعَـةً كدي أصبحت السلفيةوالسلفيون الشغل الشاغل لبعض أهل المنب | محمد جلال عبدالله | 07-08-12, 07:58 AM |
|
|
|