|
|
|
 Re: ده كلام...... نحرض ضد بعض....؟ (Re: haroon diyab)
|
Quote: مدرب إنتر كلوب السابق: سودانيون زارونا وحرضونا على تقديم شكوى خاسرة في الحضري
أكد البرتغالي الفارو ماكيلانش مدرب إنتر كلوب المقال أن إدارة إنتر كلوب اندفعت وراء خبر وصلهم عبر الاتحاد الأنغولي بأن حارس المريخ لم يستوفي العقوبة وقال: أعتقد أنه تم إرسال بيانات عبر الاتحاد الأنغولي ومن ثم قام الاتحاد الأنغولي بإخبار إنتر كلوب وعقب وصولنا السودان زارتنا شخصيات لها علاقة بأندية أخرى في السودان أخبرتنا بأن الشكوى في حارس المريخ مضمونة وأن الفريق سيحصل على ثلاث نقاط في حال اشتكى الحضري وتابع الفارو: اندفعت الإدارة وراء هذا الحديث وقدمت الشكوى للاتحاد الأفريقي، ورأى الفارو أن إنتر يجري وراء شكوى خاسرة وقال: لا أعتقد أن نادياً مثل المريخ لا يقع في مثل هذه الأخطاء، وأضاف: إنتر اشتكى للاتحاد الإفريقي ولكنني لا أعتقد أنه أوصل الشكوى للفيفا، وأضاف الحديث عن أن رئيس الإنتر سافر إلى سويسرا من أجل قضية الحضري لا أساس له من الصحة لأن رئيس نادي إنتر كلوب غير مهتم بفريقه ومقيم بصورة دائمة في جنوب إفريقيا يدير أعماله الخاصة وأعمال الشرطة، ورأى الفارو إن إنتر كلوب لا يستحق التأهل على حساب المريخ وقال: المريخ نادي كبير وله جمهور عظيم رأيته في ملعب المريخ، وأضاف: المريخ نادي صاحب إمكانيات كبيرة ويعمل من أجل صنع البطولات لذلك فإن إنتر كلوب لا يستحق الفوز عليه، لأن إدارة إنتر كلوب تنتظر نتيجة شكوى خاسرة والمريخ يمضي لتجهيز فريقه لمباراة الإياب. |
| |
 
|
|
|
|
|
|
|
 Re: ده كلام...... نحرض ضد بعض....؟ (Re: محمد البشرى الخضر)
|
يا خسااااااااارة
كلام يوجع القلب بجد
وين المنافسة الشريفو
وين حب الخير لأخوك وخاصة الفريق لاعب مع خصم غير سوداني
حليل اهلنا زمان
يقولوك انا واخي على إبن عمي بي محنة كمان
وانا وإبن عمي على الغريب
بصراحة عمل شين شين بالحيل
الله يصفي النفوس ويشفي القلوب المريضة
وسودانا فوق بي كل الفرق الرياضية
ود عمي دياب كيفنك واريتك طيب يابا
جمعتك مباركة إن شاء الله
| |
|
|
|
|
|
|
|
|
|
Re: ده كلام...... نحرض ضد بعض....؟ (Re: محمد البشرى الخضر)
|
Quote: بس رجاء يا شباب ما تحاولوا تقلبوا الموضوع لهلال مريخ
لأن الظاهرة دي بدأها بعض المريخاب وتحديدا تحريض فريق
كانو النيجيري على شكوى الهلال في تسجيل سادومبا وكابوندي |
مية مية ياعمك
اذكر هذا جيدا الموسم الماضي
وسفريات مزمل لمتابعة القضية
عشان كده الواحد بعمم القضية .
تسلم
| |
|
|
|
|
|
|
|
|
|
Re: ده كلام...... نحرض ضد بعض....؟ (Re: طارق جبريل)
|
يا خال
جمعة مباركة
ما جديدة عليكم سوابقكم كثيرة يا قريبك
أذكر في عام 1987 رافقت فريق الهلال الي
الكاميرون لاداء مباراة الاياب مع فريق كانون
الكاميروني بعد ان هذمناهم في المباراة الاولي
في الخرطوم بهدف احرزه اللاعب تنقا ...
في تلك الفترة كان يتواجد احد المريخاب ولانو الفترة طالت نسيت اسمو
لكن علي ما اذكر الصهيوني ده كان من كبار التجار و الراجل صديق شخصي
للاعب الهلال مجدي مرجان و القصة دي قالها لي مجدي كسلا بحكم الصداقة
القوية التي كانت تربطني به حيث ذكر لي مجدي كسلا بانه و بكل حسن نية
قال لصديقه التاجر ده عن بعض المشاكل التي تواجه الهلال في تلك المباراة
زولك المريخابي طوالي مشي لي ناس كانون و كلمهم بكل هذه الظروف
شاءت ارادة المولي ان فازو علينا بهدف و لكن استطاع فريق الهلال
بتخطي عقبة كانون الكاميروني بعد ان فزنا عليهم بضربات الجزاء التي
نفذها مجدي مرجان و تنقا و كندورة و وليد طاشين.
منها يا حبيب وصلنا الي المباراة النهائية مع فريق الاهلي المصري
في انجاز غير مسبوق لعموم الاندية في السودان من بينها
مريخك الكسيح
| |
|
|
|
|
|
|
|
|
|
Re: ده كلام...... نحرض ضد بعض....؟ (Re: امير طمبل)
|
طمبلاوي
سلامات
وياريت نسمع الكتير
هذه القصص والاحداث اذا
تم الكشف عنها ولو مرة واحدة
لاتعظ البعض ....!!!!
هذا الرجل المريخابي وامثاله
وصمة عار في جبين الرياضة
وياخي فريقين مسافرين بطيارة
واحدة ولدولة واحدة وفي منافسة واحدة
يصبح الضرب تحت الحزام هي السياسة المتبعة
بينهم....والله كتييييييير .
لكن ولان الرياضة اصبحت تدار من خارج الملاعب
اصبح كل شي مباح
سلام
| |
|
|
|
|
|
|
|
|
|
Re: ده كلام...... نحرض ضد بعض....؟ (Re: اسماء الجنيد)
|
سوما سليلة الفراديس
سلامات ياام رامي
جمعتك مباركة ولاخانا الذي في مسقط
Quote: يا خسااااااااارة
كلام يوجع القلب بجد
وين المنافسة الشريفو
وين حب الخير لأخوك وخاصة الفريق لاعب مع خصم غير سوداني
حليل اهلنا زمان
يقولوك انا واخي على إبن عمي بي محنة كمان
وانا وإبن عمي على الغريب
بصراحة عمل شين شين بالحيل
الله يصفي النفوس ويشفي القلوب المريضة
وسودانا فوق بي كل الفرق الرياضية |
المصيبة نحنا ماقاعدين نمش لي قدام
نفس الحركات دي حصلت الموسم الماضي
نتمني ان تنتهي
الرياضة قبل ان تكون فوز وخسارة
هي اخلاق في المقام الاول .
احترامي
| |
|
|
|
|
|
|
|
|
|
Re: ده كلام...... نحرض ضد بعض....؟ (Re: محمد البشرى الخضر)
|
ابو حتوت
جمعة مباركة
Quote: اي والله حركة تكشف اسرار فريق من بلدك لمنافسيه الأجانب و تحرض عليه بايخة ######يفة وبتضحك علينا الاجانب
لكن تقول شنو بس القصة استشرت وشكلها ماشة على انها تبقى عادية وغير مستنكرة بعد شوية |
خوازيق البلد زادت....!!!!
ياخي نحنا ناقصين مؤامرات....؟
| |
|
|
|
|
|
|
|
|
|
Re: ده كلام...... نحرض ضد بعض....؟ (Re: haroon diyab)
|
هارون سلامات
اذا صح هذا الحديث نحن ندينه ونرفضه بشدة وهذا لا يشبه الهلال
ولكن حدثت احداث مشابهة وكثيرة من الاخوة في المريخ ....الا تتذكر موضوع تجسس التوانسة لاعبي المريخ ضد الهلال العام الماضي وعلي المكشوف وكشف كل اسرار نادي الهلال لهم بمباركة وحماية اداريي المريخ.....
ثم حادثة شكوي النادي النيجيري وبإجتهاد خاص من بعض اعلاميي المريخ
واخيرا ترصد الاتحاد الاحمر لنادي الهلال في كل صغيرة وكبيرة....
للاسف المجتمع الرياضي ممتلئ بالفاقد التربوي ولا يمكن السيطرة عليه
خارج الخط: ياخي الوالي دا قصتو شنو؟؟؟ يقولوا ليهو أدفع يدفع علي طول....ماسورة حالجة طوالي....قروش الحكومة دي حلال علي الجميع حرام علي الهلال....
تحياتي
| |
|
|
|
|
|
|
|
|
 Re: ده كلام...... نحرض ضد بعض....؟ (Re: yasir Abdelgadir)
|
جمعة مباركة ياحبيب
Quote: اذا صح هذا الحديث نحن ندينه ونرفضه بشدة وهذا لا يشبه الهلال
ولكن حدثت احداث مشابهة وكثيرة من الاخوة في المريخ ....الا تتذكر موضوع تجسس التوانسة لاعبي المريخ ضد الهلال العام الماضي وعلي المكشوف وكشف كل اسرار نادي الهلال لهم بمباركة وحماية اداريي المريخ.....
ثم حادثة شكوي النادي النيجيري وبإجتهاد خاص من بعض اعلاميي المريخ
واخيرا ترصد الاتحاد الاحمر لنادي الهلال في كل صغيرة وكبيرة....
للاسف المجتمع الرياضي ممتلئ بالفاقد التربوي ولا يمكن السيطرة عليه
خارج الخط: ياخي الوالي دا قصتو شنو؟؟؟ يقولوا ليهو أدفع يدفع علي طول....ماسورة حالجة طوالي....قروش الحكومة دي حلال علي الجميع حرام علي الهلال.... |
اولا :
نتمني ان لايصح الحديث لانه لايشبهنا جميعا
اتفق معك ومع الحبيب ود البشري
بان هذا قد حدث كثيرا بين الفريقين
وخاصة الاعلاميين....!!!!!
قبل ايام نشر خطاب مروس بترويسة
الاتحاد المصري للاتحاد العام تتحدث
عن نفس الموضوع وان المنتخب المصري
تلقي خطابا من الفيفا بان عقوبة الحضري
لازالت سارية .
اقول ليك حاجة....؟
ياخي انا اعتقد بان علة عللنا الرياضية
هي الصحافة الرياضية .
اما بخصوص قروش الوالي ...براااااك جاوبته
قروش الحكومة ...للحكومة ...والمريخ حكومة 
مودتي
| |
|
|
|
|
|
|
|
|
|
Re: ده كلام...... نحرض ضد بعض....؟ (Re: haroon diyab)
|
Quote: دقائق بس....
واحكي ليكم حاجة غريبة
تنفي كل الممارسات التي نتحدث عنها الان |
في فترة رئاسة الاستاذ ماهل ابوجنة
لنادي المريخ .....اتفق بعض اقطاب
المريخ مع نجم الهلال الراحل ولي الدين
للتوقيع للمريخ واكتمل كل شي تقريبا
ودخل والي الدين غرفة تسجيلات المريخ
بعد ان اجتاز الفحص الطبي واخذ الضوء الاخضر
من طبيب المريخ .....
المفأجاة كما يقول محدثي وهو الذي كان مسئول
عن ملف تسجيل والي الدين كانت عندما قام السيد
ماهل ابوجنة بالاتصال بالراحل الطيب عبد الله رئيس
نادي الهلال حينها واخبره بان والي الدين في قبضة
تسجيلات المريخ فهل انتم راغبون فيه ام نقوم بتسجيله
وكان رد السيد عبد الله الطيب بان الهلال لازال يرغب في
اعادة تسجيله...فصدرت الاوامر مباشرة بعدم تسجيله وتركه
ليعود ويوقع في ناديه الاصلي الهلال بدون اي كلام او حتي
لم تعرف الصحف خبر دخوله لمعسكر المريخ وخروجه منه .
بعدها باقل من عام وبعد ان قام عبد الله السماني سكرتير
الهلال السابق بالاتفاق مع حامد بريمة حارس المريخ العملاق
واستلم مقدم العقد ...فأجا الجميع الراحل الطيب عبد الله
في الاتصال بماهل ابو جنه ورد له الجميل السابق في حادثة
والي الدين بل واقنع حامد بريمة بان المريخ هو بيته الاول
والاخير وانه مهما فعل لن ينجح مع الهلال مثلما نجح مع المريخ .
انتهي....
هذه اخلاق الرياضة والرياضيين التي كانت سائدة في تلك
الفترة .....
الان دخلت السياسة واصحاب النفوس المريضة والغرض والمرض
الي المجال الرياضي من اوسع ابوابه فوصلنا الي ماوصلنا اليه .
| |
|
|
|
|
|
|
| |
haroon diyab
Hisham Amin
بكري عباس علي
محمد البشرى الخضر
اسماء الجنيد
طارق جبريل
امير طمبل
ahmed khidir
عماد الشبلي
فيس بوك
تويتر
انستقرام
يوتيوب
بنتيريست