|
Re: بعد مقتل 400 كيني ....هل نحن جاهزون للانتخابات ....والاقتتال.....؟ (Re: محي الدين أحمد حسن)
|
استاذ / محي الدين مساء الخير
Quote: والله مافي واحد قايل كينيا فيها "عنف الوادي المتصدع"..او أنها خربانة من تحت..شكرا جزيلا على التنبيه..والذي ظهر جزء منه عند مقتل القائد قرنق..ولك كامل التحية.. |
صدقني وفرت علي نص المسافة .... ماحدث عند مقتل الزعيم الراحل جون قرنق ....يجب ان يكون نقطة الانطلاق لتفادي هكذا اقتتال ظهر في اول نكسة بعد اتفاقية نيفاشا .....وليكون منطلقا لفهم طبيعة ماوصل اليه المزاج السوداني من افكار متطرفة وعنيفة ....اصبحت ترفض الاخر دون ان تدخل معه في حوار. وبعد داك نفكر في الانتخابات . ابقي واصل هارون دياب
| |
|
|
|
|
|
|
Re: بعد مقتل 400 كيني ....هل نحن جاهزون للانتخابات ....والاقتتال.....؟ (Re: العوض المسلمي)
|
ابو تسابيح مساء الخير
Quote: انت عارف نحن غير التاملات والحلام ما عندنا شئ امورنا كلها مبنيه علي التوقعات والتاملات يعني نحن والله ما مستعدين لاي شئ والله نحن مطره واحده قاعده تجهجه محلياتنا وكان ساهي جانا ريئس دوله الا ناجز للناس يا هارون اخوي اسال الله ان يلطف بعباده
ودمتم بخير ابوتسابيح |
والله بلدنا دي عزيزة علينا .... لكن الدم بقي يومي.... والتارات بقت كتيرة....انتخابات السجم دي ....في ظروف الرماد دي ... الا اكان تودينا التوج . وبعد داك.... يحلنا... الحله بله . التحايا هارون دياب
| |
|
|
|
|
|
|
Re: بعد مقتل 400 كيني ....هل نحن جاهزون للانتخابات ....والاقتتال.....؟ (Re: haroon diyab)
|
اتمني اني مااكون متشائم اكتر من اللازم....! لكن كل الشواهد بتقول انوا البلد في احتقان دائم . وسياسة العنف والعنف المضاد بداءت تظهر علي خارطة السياسة السودانية . اعتقد .... باننا لازلنا نعيش بالعقلية القديمة التي تفترض حسن النوايا في كل الاحوال..... مادام الزول سوداني يبقي عوجة تب مافي.....! ولكن .... بعد ان اصبحت الساحة مرتعا للمليشيات من كل حدب وصوب.....هل نضمن انتخابات خالية من العنف.... كالتي جرت عام 1986م . اتمني ذلك . وساعود هارون دياب
| |
|
|
|
|
|
|
Re: بعد مقتل 400 كيني ....هل نحن جاهزون للانتخابات ....والاقتتال.....؟ (Re: haroon diyab)
|
الان ..... وبعد ان اعلن زعيم المعارضة الكيني عن ايقاف اعمال العنف كانت حصيلة الانتخابات : اكثر من 1000 قتيل...... اكثر من 8000 مصاب...... اكثر من 22000 مشرد من منازلهم.....
هل سنحاول خلق ارضية مشتركة بين الجميع قبل الانتخابات ....ام بعد ان نصل لهذه الارقام الخطيرة ...؟ بالامس فقط اعلن رئيس مفوضية الانتخابات ان يوم الخميس القادم هو اخر يوم لتقديم اقتراحات جميع القوي السياسية بالموافقة او الرفض علي قانون الانتخابات واضاف بان التاريخ المحدد هو موعد نهائي....ّ!يعني الوافق ...وافق ... والماوافق في ستييييييييييييييين .....! اللهم احفظ بلادنا من كل سوء.....! اللهم جنبها الفتن ماظهر منها ومابطن.....! يارب هارون دياب
| |
|
|
|
|
|
|
|