لمين اشتكيك..؟ انا المجبور عليك..(خوجلى عثمان)

يا طعم الخوف العشعش ما بين الدقن اللامعة وخيط الشال
يا نار الكره الأكلت كل الحاجات السمحة وحسن الفال
الكتل الأصبح يحوم في حاراتنا ليل ونهار
نبكيك يا (خوجلي) ونذرف ليك الدمع الحار
نبكيك ونسطر ضد الناس الغدروا موقف تار
الناس الكتلوا مصلين مسجد واقفين للخالق بإجلال
والناس الأعدموا صوت فناناً غرد وأبد بالأوتار
دي حكاية الناس الوقفت ضد إبداع كل الأجيال
الناس الكتلوا العزل والأطفال
بنقول ليهم: حتجيكم يوم أرواحم إن قصر الزمن أو طال
ومن كل مدافن الشهدا حنصحي الدم السال