|
Re: أقبل الليل...(عثمان حسين) (Re: أبوذر بابكر)
|
Quote: زول يلحن قصائد زى "فى محراب النيل" للتجانى، و "أنا والنجم والمساء" و "لا تسلها" و "شجن" و "قصتنا" و أنتى لى" وباقى ابداعات بازرعة، و"الفراش الحائر" بتاعة قرشى محمد حسن، و "نابك ايه" بتاعة صلاح احمد محمد صالح
ده زول عادى عليك الله ؟
أنا سمعت حسين بازرعة انه الشى الشداه وجذبه لعثمان حسين هو تلحينه وغناه للقصائد، زى "غرد الفجر فهيا يا حبيبى" وعرف انه امام زول ما عادى بكل المقاييس
الأغنية دى طبعا يا محمد معروفة بإسم "اللقاء الأول" برضه
ابو عفان زى ما هو مؤدى طروب حتى ثمالة الطرب وصاحب صوت متفرد، هو برضه كمان ملحن عبقرى ومتميز
بمناسبة الأغنية دى يا محمد
بالله مش حرام تغيب آلة القانون من موسيقتنا؟
بس عمك مصطفى كامل كتر الله خيره وتولاه برحمته فات من هنا واختفى الحضور الحلو بتاع القانون من اغنياتنا
نكهة وحلاوة وتميز اغنيات الخمسينات والستينات جزء كبير منها برجع لقانون مصطفى كامل وبيكلو موسى محمد ابراهيم
شكرا ليك يا زول يا سمح |
الجميل أبوذر..
سلااام كتير يا حبيب و ليك وحشه
اولا نأسف على الرد المتاخر جدا و ظروف كثيره جعلت حضورنا متقطعا فلك العتبى..
ما خليت لينا حاجه نقولها فالراحل عثمان حسين مدرسه متفرده و الحان مميزه و صوت لن يتكرر فهو من ترك لنا كل هذا الجمال الفريد...
شكرا ليك كتير و شكرا ايضا على ذكر اسم الاغنيه الحقيقى...
تسلم من كل شر...
|
|
|
|
|
|