انت ليه سهرت عينى و نمت ليه..؟

Quote: تسلم يا هندسة ,,, دائما رائع في اختياراتك والله الاغنية الجابت عمر القردابي ما ساهلة ,,حبايه الف وحمدا لله علي السلامة.

Quote: يا سلام عليك يا رائع لنك الحفظ يا حبيب

Quote: اها وصلنا وين يا قريبي

Quote: انت ليه سهرت عينى و نمت ليه عودتها البكا والنواح الناس يقولو علينا ايه يا غرام انا ببكي عمري ببكي كل الدنيا فيك كنت تلعب بالعواطف كنت حقو احس بيك لكن انطبعت على المحنة شفت بختي في لون عينيك

Quote: تحية.... في دي انا ما معاك يا عزيزنا محمد عثمان...يجب ان يكون العمل لصاحبه ... من اعطي الحق لسيف الجامعة ترديد ما ليس من حقه تريده...وطبعا هناك الكثير من يمتهنون هذه (السلبطة) دون ان يطالهم القانون... اظن المذكور هو احد اعضاء النقابة الجديدة مذكرين له ان يبدا بنفسه ليكون له سهم مذكور في خارطة الغناء السوداني.. شكرا دائما محمد عثمان..

Quote: سـلامات يا أخونا محمد.. معليش أخوك ما من المواظبين على متابعة البورد بكثرة أو المشاركين كتير زي ما شايف، عليه أسمح لي لو قلت ليك ربما لم أنتبه لأسمك من قبل خاصة وسط وجود أسماء مشابهة وأهو السودانيين كلهم أسماءهم ما بتطلع من إسم نبينا الكريم عليه السلام وصحابته وخلفائه وآل بيته.. سبب الكلام دا كلووو إنو لامن شفت عنوان البوست إفتكرتك جايب فيديو يوتيوب للأغنية، فتمنيت أن أجده بصوت وصورة أستاذنا الراحل أبوخليل، وليس لأحد (نجوم؟) الغد..ولامـن لقيتو Real قلت والله دا برلوم تفتيحة البعرف ينزل فايلات الأوديو دا، حتى بعدها شفت تاريخ التسجيل وعدد المشاركات.. ولمن سمعت لقيتو لأحسن فنان سوداني بعرف يغني أغاني الفنانين الآخرين كلهم أحسن منهم.. وأحسن من يحفظ ويؤدي أغاني الحقيبة.. له التحية الأستاذ سيف.. ولك الشكر يا محمد وكتّر من النوع دا بالله..

Quote: أهلا محمد عثمان تسلم تسلم وتسلم على الاغنية الاول مرة في حياتي أسمعها وماعارفاها بتاعة منو ولا لحنها منو ولا شاعرها منو لكن سيف كان رائع كعادته فيها وشكرا ليهو على الاداء الجميل ولنك الحفظ بالله عليك

Quote: سمعتها لامي وقالت لي لابراهيم عوض وقالت سيف وضح كلماتها وهي مابتشكك في أداءه لكن مازي سيدها تسلم شديد لو يامحمد تسمعني ليها بصوت الفنان الذري حتى لو في الخاص

Quote: أهلا محمد عثمان تسلم تسلم وتسلم على الاغنية الاول مرة في حياتي أسمعها وماعارفاها بتاعة منو ولا لحنها منو ولا شاعرها منو