رفاق مصــــــــر .................(الجزء الثالث)

Quote: عاطف واصحاب الانسانيه ..........كل عام و الجميع بخير .............مبروك الثالث و عقبال الخامس .....و الجميع متأهب والزومه مضايقي والزميل متأبطا أوراقه يسب و يلعن يومه هذا والذي عليه ان ينجز ما عليه وظيفيا وحزبيا واجتماعيا واعمال أخرى اضافيه غير محدده الزمن والعائد.....و في سره قال الجماعه الدايرين يغيروا الاسم ديل خلي بالك دايرنه تبقى زي يجو غاشينك زملاء في المكتب يقولوا ليك دايرين لينا 50000 ج نتمبيها حق حبر دايرين نطبع لينا بيان اتفقنا نعملوا باسم الحزب وزي ماقال مدحت اهم حاجه نكتب سابقا...و لا زي قصة السيد ( ما عارف يمكن يغيروا كمان السكرتير) دايرك . تلقى الفرع (الفرع حيسموه شنو ) كلوا منتظر الخبر ياربي السيد دا داير فلان ليهي يمكن داير يدخلوا المجلس الوطني و لا داير يفرغوا ... و لا قصة الزميل ( لكن هو الزميل دي لسع بتكون في ولاحيغيروها برضك زي مابقولوا اهل المحروسه ) يجي يقوليك زي دايرين نتفق انو فلان داك نجليهوا من الاجتماع 0 لأنو براي ( دا اذا في اجتماعات من اصلوا,),و الزميل صاحب الاوراق المتأبطه مازال سارحا في ملكوته واخرج اهة لفتت انتباه من كان يسير بجواره...والذي قال له يازول قول بسم الله مالك ؟.. رد قائلا.مالي شوف الزول دا بيقولي مالي ياخي عمرنا كلوا بنضاير ونخفس من محل لي محل والشغلانه عاجبانا ولاقين نفسنا فيها واحدين يخلوا قرايتم ويسكوها وناس يدمسوا شغلتم ويباروها وتانيين قالوا للدنيا ذاته باي باي ومشوا الاخره عديل في .......راضييين وقبلانيين بنصيبنا دا يجوا يقولوا لينا شنوا ولاشنوا ...ياخي البلد لمن تكون مضروبه والزول لابت ماعارف يسوي شنو مما يسمع ليه خبر بكى بيلف عمته ويجري على الاقل بيعزي ويعمل واجبوا ويناقش ليهو نفر نفرين خرمه ساكت يمكن يلقى ليهوا خبر كدا ولا كدا الحزب يستفيد منو ماأصلوا البكيات بتلم صغير وكبير ...... حسع دايرنا نبقى زي ناس فلان لاطعم ولاريحه