الثنائي/ د.( محمد جعفر +الصادق حسن).. بجمهورية مصر في الثمانينيات...تجربة ثرة يجب أن لا ننساها

Quote: إنها خواطر تكشف عن جمال كاتبها ،، "محمد طه" ،، كتبها من بين أكوام الجليد و برد الشمال البعيد ،،،، و هى تفضح شوقه و حبه و حنينه لحر للخرطوم و تمورها ،،، وصلتنى منه قبل أيام معدودة ،،، أعجبتنى و أحببتها ،،، أما الإبداع فلم يدهشنى ،،،، و فى المحروسة ، و من أيام شبين الكوم ، المنصورة ، جسر السويس ، شارع القبة ، و أم المصريين محمد كان فى جدو و هزلو مبدع و صاحب رؤيا ،،، و من أجل أن ننال البر ،،، سننفق مما نحب و نهدى لكم هذه الخواطر >>>>>>> هباني بقلم "ود الفكى" بي ثمن ارضك) ثلاث مناظر من الخرطوم( منظر أول الون بنى تكسوه علاله عالقه، والانفاث تُلقط لقطاً كأنما آخرُ ذرات الاكسجين تريد ان تودع هواء الخرطوم. ميدان ابوجنزير يضجُ بالباعه (مساويك تمباك ممطور عطرون يجرح في الحلق وجمعٌ آخر يتبول علي حاْئط الجامع الأكبر الذي صار فيما بعد ملاذاً وهرباً من لزعات الشمس الحارق وكشات الشرطه العشوئيه. ثلاثه صبيه ممن فات عليهم قطار حياه تحت النيم معطونى الفمِ بي خرقٍ باليه عليها رائحه بنزين أو سلسيون......عجباً عجباً هو السوق العربيُ ما هذا الأسم قطعاً قطعاً سقط سهواً ولكن هنالك آخر يُدعى أفرنجياً ما هذا الخازوق الثاني، هُنالك جلابيه افرنجيه وواحدهٌ أُخره تُدعى بأنصاريه مولاي هل للسوق العربيُ علاقة بالدين أم ان الفرنجه يتاجرون به..... .بلدٌ تتقاطع فيه الأشياء إلى أشلاء، عياده دكتور و كُشك ليمون واحداً يفتح للآخر مربح لكن الصف الأطول لليمون أما الربح الأغزر فللدكتور ذلك واضح لأن الدكتور بدل الكشف العادي يصبح مالك للكُشك وأخصائ سياسه وعلم إقتصاد وكمان خبير للأوصاف الشرعيه والاشرعيه، طلاق و عقار للبيع و علاج في الأُردن لزوم السوق و الشُُهره............ منظر ثاني لمن كُنا صغار سمعنا كلام بتقال قدام الشفع و الكُبار واحد قال ياخرطوم وينك وينك ياخرطوم شن هب وقلبك ولما نصفق نسهي بعيد نشوف في كتاب مختوت بي القلبه فيه كتابه وصعبه قرايته بس لازم تقراه بي القوه لأنه كله أوامر ومحظورات زي نوع لازم تمشي صلاه العيد علي شرط يكون بي جلابيه و تحضر الخطبه في الشمس الحاره بعدها تجري جري تأكل شيه و تشرب عرقي بكِرى اصيل بعدها ممكن تبارك العيد أصلو الزول حقو معاه ومافي ذنب حتى لو عاصاه............... أذكُر مره كُنا تلاته قاطعين الشارع فجأه ظهر سائق بوكسي سايق كالعاده بي سرعه وقرب يصدم واحد أخينا قام في الحال شابي عليه وقام بالمره قايل ليه ياحلبي انتى بليد رد عايه صاحب البوكسي آي، ضحكنا معاه و صبحت ونسه........هدا الحال في الخرطوم كان ايام و ليالي عشان اصلو حضرنا آخر ايامك يا خرطوم............خرطوم بي الليل فندق ليدو أو البثتان ممكن بى المره تمشي كدارىِ من الرويل لحدي ال بي نْ بدل البوليس يعطل سيرك لا أبداً يشيل منك سفه و يوصف ليك درباً آمن ده أصلو كان في الخرطوم....................... منظر ثالث في آى وزاره شيدوا جامع و محل مفصول عينو واعظ وواحد تاني يراغب ساكت مهمته أصلو بنات الكلب يقعدن في البيت ويطبخوا ليه أو يصبحوا زاد للشهدا الماتوا فطيسه وزاد إيمانهم بعد ما ماتوا أو يتعرسوا للأجداد...... بلدك يا الخرطوم عجيب وغريب رئيسهُ بحلف بي الطلاق وكمان بالجن وبرقص عرضه و جرك وسامبا ،مره رقص و حلف بي دينه أصلو بلدنا مافي عين خدره توطي ترابه......زي ما قالوا في المنصوره بنات حلوات إمكن عشان أجدادهم خواجات ....بس بس إمكن صاحبنا صدق كلام أولاد بمبا قام بي سرعه فاجي المُركب و صلح قعده طويله للحكم التركي الأنجليزي الأمريكاني الأفريكاني الغربي المصري......إمكن يكون جاي معاه بريمر أو إمكن يكون واحد تاني....لكن ماتخاف يامولانا ممكن تحلق دقنك و تحفر حفره رخام أعمق و أطول من حفره صدام أصلو بترولنا شايل ماله إمكن تنجا أوممكن تخلي (عيالك) بره علشان يكبروا عند الخواجات بيها تحفظ دِينك وكمان عِرضك وتحِل دَينك بي تمن أرضك. محمد طه تُكسفوش/ السويد 2007-06-15