الثنائي/ د.( محمد جعفر +الصادق حسن).. بجمهورية مصر في الثمانينيات...تجربة ثرة يجب أن لا ننساها

Quote: نور الدين ... آل الدوحة آل , خليها ساكت يضع سره فى أصغر بلاده لك تحياتى ولأسرتك الكريمة ... تحياتى لعادل وعلى فكرة ناس حرف العين ديل ع ودالبيه ع ود الجعلى عصام يس و محمد حسان وصدر الدين و ص ع ص طبعا كلكم عرفتوه صلاح الأمين جمال فارح وووو...... القائمة طويلة طويلة جدا كانوا قاطعين نفسى فى الشغل معاهم لأنى كنت خلاص كملت وهم عايزين يعرفوا أى حاجة . الزناتى ... يا كل الجمال .... أتابع بشغف واعجاب كل مداخلاتك وكتاباتك ورغم أننا زى ما بيقولوا ما طقينا الحنك مع بعض لكنك بتمثل لى كل الناس الجميلة القابلتهم فى حياتى ... مشتاق لى لى قعدة - بريئة والله - معاك وزى ما بيقول أمير خليل الله يطراهو بالخير لينا يوم . الشاذلى ... شذى زهر ولا زهر فأنت الظل و النهر ربيع رياضنا ولى .....الربيع يعود الينا ... ثورى الأصل انسانى التربية ... السهل الممتنع ومتين يامسافر عودة للأوطان .... ونتلاقى فى عصر العولمة . نزار عتيق ... أرجوك يا نسيم روح ليهو بأشواقى وصرح ليهو الصدق والأمانة ... الجود والكرم ... جيل التضحيات ... المبادئ الراسخة ... العقل و التفكير والتدبير ... الرزانة وووو ياربى بتتذكر الشيك بتاع تذكرتى لمن أنا كنت مسافر لى قطر وانت بتنحت فى الصخر عشان تسافر ما وراء البحار ... واحد من مواقف لا تنسى لك يا أبو شادى تحياتى وشوقى لك وأسرتك الكريمة كمال قسم الله ... سمعتك وابتهجت وين يا غالى انت وين وين وين ياغالى انت ........... ما عايز أختصر مشوارك وتجربتك وأقول ليك ياكا كمال قسم الله بتاع التمانينات ذاته الكلماته وتعليقاته فى التمنيات ... أحاول أن أتخيل فى كمال قسم الله نضج المحاربين الاشاوس العودوم خالى الشق وما قال طق ..... يمزجون الفكر والعلم بنبضات الجماهير والتغلغل فى قلوبهم فى سهولة ويسر . من نوادر محسن شبيكة واستعجاله زمان : فى أوائل الثمانينات مشينا أنا وهو دار الفنانين فى السودان نتفق مع أبوعركى البخيت لعرس خالى مروان شبيكة . قالوا لينا انتظروا واحد اسمه ركن الدولة ( هو ذاته اسمه يخلع ) . ونحن قاعدين فجأة جاء داخل المكتب مجذوب أونسة وسلم علينا بترحاب شديد كأنه صاحبنا , وكان وقتها يادوبك طالع فيها . صاحبك محسن ماكان سمع بيهو ولا بيعرفه ولا شافه وراح داخل فيهو شمال بطريقته ال أنت عارفها ديك على انه ركن الدولة وأنا بحاول أفهمه أنه طاشى شبكة . لكزته مانفع عضيت ليهو شلوفتى ما نفع وشبكه ليك ياأخ ركن نحن فى الحقيقة عايزين ......... والموقف اتكهرب لامن مجذوب قال انتوا باين عليكم ما عرفتونى ياجماعة أنا ما مجذوب أونسة الفنان ومحسن ما مركز.... أنا مرقت بره وبعد فترة جانى محسن و سألنى ببراءة انت مجذوب ده منو واحد من أهلنا ولا شنو ؟ محسن شبيكة يتنقل الآن بين السودان وأمريكا . ونواصل ..... ياسر شبيكة