|
|
 Re: كذب اساسي ولو صدق (يريدون ركوب موجة الثورة) (Re: الخير محمد عوض)
|
اخونا سيف .... سلام
اساسى عبر عما بداخل مايفوق الخمسة وتسعين فى المائة من باقى الشعب السودانى الفضل ... شعب اغلب همو الان انو كيف يوفر لقمة عيشوا وحياة كريمة ليهو وسط الضغوط المعيشية والاقتصادية الضاغطة الحواليهو دى !!!! الشعب اللى قاعد يحاول قدر الامكان انو مايفقد كرامتو فى وسط مكابستو دى عشان يظل حى وعلى قيد الحياة !!!! الشعب ده بالمناسبة الان اتجاوز كل ادعياء الوصاية الزيك ديل واتجاوز كل تفاهات السياسيين وانصاف المثقفين ومدعى النضال !!!! هو براهو حدد وجهتو وباذن الله هو قادر انو يصل بالمركب المقدودة لى بر امان وقريب جدا !!!
اكتبو يا شباب واتونسوا بالثورة وخلوا الثورة تصل للناس الحقيقيين .... خلوها تصل للشعب الصابر ده فى بيوتو وفى اماكن تجمعوا كلها فى بيوت عزاهو وفى صيوانات افراحو وفى تجمعات شبابو وفى كل مكان ممكن يتلموا فيهو سودانيين .... الثورة دى عمرها ما حتنجح بى حزبى وحزبك وبى دعوات الثورة المتعالية وصكوك النضال اللافة دى ...... الثورة هبة شعب كامل واعى ومعلم وفاهم تماما انو الانقاذ الان الى زوال والانقاذ فهمت تماما انو الشعب ده كرهها ظاهرا وباطنا .... الثورة جاية ممكن ما تكون الليلة وممكن ماتكون بكرة لكنها فى الطريق !!!!
|
|
 
|
|
|
|
فيس بوك
تويتر
انستقرام
يوتيوب
بنتيريست