|
Re: لايضر بالمعارضة الا هؤلاء.. توجد صور مفبركة وصكوك وطنية (Re: على ميرغني)
|
من الأول شكيت في صحة الصورة دي اولا لان سيارات الشرطة ليسا هي المستعملة في قمع المظاهرات ربما هي اقرب للتي تستعمل في تغطية زيارة الشخصيات المهمة ثانياً السماء الصافية وظل رجال الشرطة الواضح في حين انو الخرطوم من صباح الرحمن غبار وضو شمس مافي
شئ تاني مهم جداً الزول النزل الصورة بتاعت المواطنين النزعو لافتة قسم الشرطة عليك الله انت اسع ما غواصة عديل كدا يغني الناس ديل، لوصحت الرواية، وديتم للمحكمة بالثابتة
| |
|
|
|
|
|
|
Re: لايضر بالمعارضة الا هؤلاء.. توجد صور مفبركة وصكوك وطنية (Re: على ميرغني)
|
دي تقولها للزول صاحب البوست الانا شلت منو الصور مشيت اجيب الصورة التانية عشان الناس تشوف وضوح تقاطيع الناس النزلوا لافتة قسم الشرطة لقيتو مسح الصورتين... نقول مسح الاولى عشان ما يوقع الناس الفيها.. رغم انو ناس الامن قبيل بيكون عملوا منها الف نسخة اها المبرر شنو لمسح صورة ناس الشرطة القال انم قافلين شارع مدني ـ الازهري واذا كانت الصورة ما صحيحة يبقى اكيد الخبر ما صحيح
مش قلت ليكم ديل اخطر على المعارضة من ناس المؤتمر الوطني ذاتم
| |
|
|
|
|
|
|
Re: لايضر بالمعارضة الا هؤلاء.. توجد صور مفبركة وصكوك وطنية (Re: معاوية عبيد الصائم)
|
علي
Quote: امكن ليك فيها مآرب أخرى |
جاي من البيت ماشي السوق العبي فـ مريت بيها لقيت الكتمة قت اخش دخلت وحلت جوة المهم فقي النهاية لقيت مخرج واتخارجت
اصلا اليومين دي انا بعافية شوية راقد في البيت
________________
الطفل المعجزة جي فارة
Quote: يشهد الله يا استاذ على ميرغنى صدقت معرووووووووف |
وحاة الله الخلقني وخلقك انت اكبر مضلل في سودانيز اونلاين والمنابر المجاورة
قووووووووووووووم لق يا يا بلاع يا منافق
| |
|
|
|
|
|
|
Re: لايضر بالمعارضة الا هؤلاء.. توجد صور مفبركة وصكوك وطنية (Re: علاء الدين يوسف علي محمد)
|
Quote: ثانياً السماء الصافية وظل رجال الشرطة الواضح في حين انو الخرطوم من صباح الرحمن غبار وضو شمس مافي |
خلاص يا علي. يا مقرض........ حسي الهواء كرس..والسما صافية....نحدس الناس ديل يمشو باكر شرقة الشمش يتصورو تاني..... عشان تاني تجي تقول ضل وما ضل!!!
تاني شي.... الهواء الضرب الخرتوم الليلة جايي من الجهة الجنوبية الشرقية..ويظهر انو البطانة اترشت 0/2.....وقام الهوا دا وكل ما اتجهنا جنوب غرب كل ما قلت كمية الهواء ....الي ان نصل بكان ناسك القاعدين قدام العربيات ديل.......فيكون الجو صحوا....والشمش مااااارقة والضل خاتي.....شعب غلااااات خلاس...في هواء الله دا تغالتو؟؟؟....
تالت شي وزير المالية قال لكم :- السكر القاصدو الريس في خطابو..ما قاصد سكر الشاي والشربات....أخاف انت قايلو قاصد سكر الشاي والشربات؟.. لا لا قاصد سكر الجلكوز اللليل الدربات....بس الناس يلفحو النضم ويحومو بيهو.......شعب لفّاح!!! تلفحو السكر بلا تعرفوهو سكر شنو؟؟....وبعدين تعال هنا...السكر دا مش بي يجبوهو بالدونار..والدونار مش سعرو زايد... خلاس سعر السكر بيزيدد..حتى لو الريس قال خلو الجمارك....انتو يا ناس ما بتعرفو تحسبو واللا شنو؟.... انت يا علي ما حافض جدول الضرب؟؟؟؟؟؟ سبعة في تمانية بي كمممممم؟....
والله يا علي يا اخوي...كلهم بيضحكو علينا!!!!!!
| |
|
|
|
|
|
|
Re: لايضر بالمعارضة الا هؤلاء.. توجد صور مفبركة وصكوك وطنية (Re: Osama Siddig)
|
Quote: والله ياهو الحنك العاضي زاتو يا قول وليد كم خذلت فيك يا أستاذ علي |
زيّاد .. لا ما خذلتك فهمي للمساندة او المعارضة بيقوم على المواقف والافكار والبرامج معارضتي للمؤتمر الوطني ما عايزة تبرير لانو الغلط راكبو من راسو لكرعيهو ومصداقا للحديث الشريف ان الرجل مايزال يكذب ويتحرى الكذب حتى يكتب عند الله كذابا وديل تقريبا وصلوا المرحلة دي اما المعارضة فانا ضددها لانها غير جادة.. وبدون تفاصيل كدا فلفل كل الاحزاب السودانية المعارضة والمتوالية.. تلقاها عبارة عن حزب العائلة الواحدة او الرجل الواحد لا برامج لا فكر لا خطط لاصلاح سياسي خليك من دا كلو.. اسع الانتخابات الجاية فضل ليها سنتين تقريبا ولا حزب قدر يعمل المؤتمر العام بتاعو يا زياد لو ما شباب السودان خرجوا من جلباب الحزبين التلقيديين ولو ما شباب السودان تحرروا من القيادات الديناصورية مافي اي امل لتحقيق التقدم وتطوير البلاد ـــــــــ عموما اشكرك على حسن ظنك بي وان شاء الله ما اخذلك
| |
|
|
|
|
|
|
Re: لايضر بالمعارضة الا هؤلاء.. توجد صور مفبركة وصكوك وطنية (Re: على ميرغني)
|
اسامة صديق.. طاب يومك
Quote: هذا الشــبل من ذاك الأسد "بفرض أن عثمان يكبر عليا ســنا" فان كان العكس يكون الامر:ذاك الشــبل من هذا الأسد |
نهائيا كدا مافي تشابه بينا من الناحية الفكرية هو اسلامي ايبرالي وانا مسلم سوداني عندي الصاح صاح ولو جا من ابليس ذاتو والغلط غلط ولو جا من الامام واول خلاف فكري بينا اعتراضي على حكاية (اسلاميين) دي لانو تضييق لواسع.. اصلا سيدنا ابراهيم سمانا المسلمين وليس الاسلاميين تانيا انا ثوابتي القران والسنة بس، واي انسان تاني حديثو فيهو اخذ ورد يعني مش لانو الترابي شيخ ويحمل درجة الاستاذية يبقى كل شئ منو (اب جزم) عموما قد يكون هو اسد لانو اكبر مني، لكن انا برضي اسد بس من غابة تانية
| |
|
|
|
|
|
|
Re: لايضر بالمعارضة الا هؤلاء.. توجد صور مفبركة وصكوك وطنية (Re: على ميرغني)
|
Quote: واول خلاف فكري بينا اعتراضي على حكاية (اسلاميين) دي |
كنا نؤمل أن يستغل أؤلئك الصحافيون, سواءات هذا النظام. لاتساع مداركهم وينظروا الي المجتمع السوداني وحكمته. أن لم يكن فيها عطف, فليس فيها وصايا. ولو فعلوا ذلك لعلهم كانوا يزحزحون ولو قليلا مالبس بعقولهم من خطل . لكن خيرا لهم. من اخبار الفضائح والتفاهات, التي تطغي علي صحفهم.
| |
|
|
|
|
|
|
Re: لايضر بالمعارضة الا هؤلاء.. توجد صور مفبركة وصكوك وطنية (Re: على ميرغني)
|
Quote: فهمي للمساندة او المعارضة بيقوم على المواقف والافكار والبرامج |
دا كلام معروف و كلنا بنقولوا يا علي..
Quote: اما المعارضة فانا ضددها لانها غير جادة.. وبدون تفاصيل كدا فلفل كل الاحزاب السودانية المعارضة |
هذا ليس له علاقة بمناداة الشعب بالديمقراطية و أستبدال نظام الانقاذ بنظام ديمقراطي (حتى لو أتى بالمؤتمر الوطني حكومةَ)
Quote: اسع الانتخابات الجاية فضل ليها سنتين تقريبا |
نظام المؤتمر الوطني لا يتحمل نقد الصحف او تصريحات تلفزيونية تجي تقول لي إنتخابات؟؟ فشل الاحزاب سياسياً و ايدولوجياً ليس مبرر لعدم الانتفاض و إزالة نظام المؤتمر الوطني..لا تخلط الاوراق
| |
|
|
|
|
|
|
|