قنصل سفارة السودان يقرر مدينة الرنك تابعه لدولة جنوب السودان

Quote: شوف يا الموج هذا ما ادخلنا فيه الكيزان اكلى مال الشعب السودانى وسارقى قوته نفق ضيق السير فيه كل يوم يشق ويصعب والرجوع منه مستحيل يعنى كدى ووب و كدى ووبين رحم الله الاخ عبد الرحمن نول واسكنه جناته والى عليين

Quote: صحيح يا موج الرنك تبع الجنوب. لاحظ للخريطة، أعالى النيل داخلة فى بطن النيل الابيض. بل جودة التى تقع شمال الرنك اظنها ضمن الجنوب.

Quote: كتر خيرك على المعلومة لكن لى هسة انا ماعرفت الغلطان القنصل ام السفير اها عندى اولاد خالات مكان الميلاد جوبا ومنهم هنا كم واحد ديل نأجل موتهم كان سيد الوداعه جاء ياخد وداعته والا كيف؟؟

Quote: هههه و الله دي حكاية. انا عندي اخت مواليد مريدي، ابوى كان جلابى فى الاستوائية فى السبعينات. بمشي نكلمها توفق اوضاعها.

Quote: Quote: شوف يا الموج هذا ما ادخلنا فيه الكيزان اكلى مال الشعب السودانى وسارقى قوته نفق ضيق السير فيه كل يوم يشق ويصعب والرجوع منه مستحيل يعنى كدى ووب و كدى ووبين رحم الله الاخ عبد الرحمن نول واسكنه جناته والى عليين الاخ بشير .....سلام عشان تعرف دولة الكيزان كل زول يقرر فيها حسب اجتهاده ، يعنى ده شأ ن قنصلى ومفروض القنصل البجى هنا ده يكون عارف اقل شى حدود دولته والممنوع والمسموح لكن ابتلينا اخر الزمان فى هذا العهد الغيهب بقناصل لا يعرفون كوع الدبلماسية من بوع الانسانية زاتا.. القنصل يصدر قرار والسفير يلغى القرار لو كان السفير مسافراً مثلاً.. مواطن يحمل جواز سفر سودانى ، فلنفترض انه اصبح بقرار سياسى غير سودانى وتوفى الى رحمة مولاه ، ومسلم ويعلم قنصلنا الهمام ان دولة جنوب السودان لم تنشىء لها سفارة فى السعودية فهل يكون مثل هذا التعامل. مع متوفى؟ ياخى المتوفى ده يرفع عنه القلم وينقطع عمله ويكون بين يدى الرحمن خلى مشكلتك مع الاحياء وامنعهم الهواء ان كنت تملكه .. اللهم طولك ياروح ،،،

Quote: يا أبو بكر بالله كان لقت ليها سكة لي توفيق الأوضاع ما تبخل علينا بالمعلومة ..أنا مواليد جوبا

Quote: يا صديق الموج...هناك اشياء تمارس والقصد منها الإنتقام من كل شخص ينتمي لجنوب السودان أو حتى ضد اي من السودان يتعاطف مع اي شخص من جنوب السودان وهو سلوك نازل من اعلى مستويات الحكومة المركزية في الخرطوم وللأسف فهناك فئات كبير من الجمهور دخلوا تلك اللعبة الخطيرة حيث يظهر ذلك في الخرطوم خاصة وقد بان أكثر في الشهرين الماضيين في ولاية سنار وفي ولاية النيل الابيض وحدث ولا حرج في جنوب كردفان المهم ما أود تأكيده لك هي أن مدينة الرنك واحدة من مدن جنوب السودان أما كون السفير قد قام بما عليه فقد سجل لنفسه موقفاً تأريخياً سواء كان إيجابياً أم سلبياً فلابد له من التناول مستقبلاً. تعرف الحكومة السودانية تماماً بأن المستندات الرسمية لم تتم إستخراجها لكل من اراد الإنتماء لجنوب السودان ولذا تريد اللعب على هذا الحبل فصار ما حدث في السودان بعيداً عن السياسة إنما صار العنصرية هي الفاصلة وأفيدك بأننا يعمل معنا هنا في جوبا سيدات سودانيات أب عن جد طردن من وظائفهن لأن متزوجات من اشخاص من جنوب السودان وتم طرد عدد من السودانيين من الوظائف لأنهم كانوا ينتمون إلى الحركة الشعبية لتحرير السودان اي أن جنوب السودان لو قام بالمثل لما كان هناك وجود لحزب المؤتمر الوطنى الذي تراسه اقنس لوكودو حالياً بل لها مقعد وزاري. ما يحدث حالياً ليس هو المستندات الرسمية فأود إفادتك بما يشبه الخيال في الشهر السابقة عندما إستدعت الخارجية السودانية سفيرها في تلك الدولة الإفريقية...أتعرف لماذا؟..ببساطة لأنه كان يقوم بتجديد جوازات السفر أو إستخراجه لأبناء دارفور وقد اصر السفير على منحهم حقوقهم لأنهم حسب رايه سودانيين فكان التخلص منه. فإذا كانت التعليمات غير المكتوبة تقضي بالا يعطي من بقوا في السودان الذي يحكمه البشير فكيف يكون الحال بمن قرر شعبه الإستقلال؟. الاسبوع الفائت كنت في إتصال مع كور ولم يتسنى لي التواصل معه لفترة نسبة لإنقطاع المكالمة وخططت أن اتصل هذا الاسبوع بهم مبتدئاً بأسرة الفقيد عبد الرحمن لكن الموت اسرع مني. تحياتي قير تور