|
|
 يا الله!!! صديقي المطرطش!! كم أنا حزينٌ لفقدك أيها الرجل الجميل
|
غلبني أكتب
كتبت وكتبت وكتبت عنك يا المطرطش ومسحت كل اللي كتبتو
راسي ضارب عديل كدا والله ما مصدق
ما أحزنني أكتر في فاجعة صديقي المطرطش، هو أنه راسلني
في المسنجر ذات يوم وقال لي: ياخ أنا دار أصاحبك
بلهجته الشايقية المعروفة ووضع لي تلفونو وقال لي إتصل
علي أو أديني تلفونك فإعتذرت له بسبب إني خارج بلاد العم
سام فأنا عادة لمن أكون خارج أمريكا لا أتصل بأصدقاء الشات
ووعدته أنني سآتي قريب إلى أمريكا ونكون على إتصال،
رد علي بطريقته الفكاهية وبلهجته الشايقية المعروفة:
سبب عدم إتصالي به لأنو أنا عندي مثل بقول معرفة الضكير
للضكير النوم أخير، قام قال لي في معنى كلامه يعني صُحبتي
دي أخير منها النوم؟
وكتير من الرسائل الاخوية الصادقة والضحك والفرفشة في الماسنجر
دارت بيني وبين صديقي الصدوق المطرطش، وما يحزنني الآن بأنني وعدته بأني
سأتصل عليه فور وصولي أمريكا ولم أستطع أن أوفي بوعدي فأنا لم
أزل خارج أمريكا.
والله لحدي هسا أنا ما مصدق يا مطرطش، وبقول يارب يكون الموضوع
دا حلم وما حقيقة، بالجد سأفتقدك كثيراً كثيراً أيها الرجل
الجميل، وتاني اللي بضحكني في ماسنجري منو؟!
ألف رحمة ونور تغشاك أيها الرجل الجميل.
|
|
  
|
|
|
|
النذير حجازي
فيس بوك
تويتر
انستقرام
يوتيوب
بنتيريست