بيوت راقية جداً جداً للبيع و بأقل من 50 ألف دولار وبالتقسيط (صور)

Quote: Quote: حتى لو توفرت طلمبات المياة وعربات الأطفاء فالكثير من الشوراع في العاصمة لا تستطيع عجلة أو ركشة ان تمر فيه من كثرة العوائق والمطبات أهي دي السطحية و السذاجة و ( قلتا شنو تاني؟؟) بعينها. انت قايل المشكلة في توفر عربات الإطفاء و ضيق الشوارع؟؟؟؟ المشكلة يا سيدي اكبر من كده. المشكلة في شبكة المياه. و هل فيها ضغط كفاية عشان تشتغل عربات الإطفاء عشان تطفي النار. و هل fire hydrants في الشارع كفاية و علي مسافات معقولة. دي هي مشكلة الخرطوم مع الحرائق. و الموضوع ده عشان يتعمل في الخرطوم بس عاوز بلايين الدولارات.

لا فض فوك يا سمارت،

يا سمارت وفرانكلي والزبير و العوض وكل المهتمين بمناقشة
دراسة الجدوى ما بين البيوت الخشبية والخرسانية، أظن أن هذا
الإختلاف والنقاش جيد جداً علشان الناس تستفيد، وكثير من الناس
أمنياتها تطبيق المباني الخشبية الأمريكية في السودان والبوست
دا بكون مفيد بالنسبة ليهم عن أشياء خافية عنهم وشكراً للزبير
لفتحه لهذا الموضوع.

بالإضافة يا فرانكلي لكلام شقيقتي سمارت أعلاه سأضيف بعض
المعلومات عن نظام مياه مكافحة الحريق Firewater System
أولاً: كما قالت سمارات نحن في السودان محتاجين لبلايين الدورلات لإنشائها،
هل تعلم يا فرانكلي بأن أقل قطر لماسورة شبكة مياه الحريق هو 6 بوصات؟!
شوفتها ضخمة كيف؟! بالإضافة لازم تكون مصنعة من أجود الأنواع وهو الـ RTR Pipe
هل تعلم يا فرانكلي بأن أقل ضغط لشبكة مياه الحريق يجب ألا يقل عن 125 psi؟
عشان ما نكون بنكتب أرقام ووحدات يجهلها القارىء العادي ، الـ 125 psi بتعادل زي
كأنك عندك صهريج مياه إرتفاعه يساوي حوالي 90 متر وليك تتخيل ضغط المياه
قدر شنو من الإرتفاع دا؟

وهل تعلم بأن أقل كمية المياه المطلوبة في الـ Fire Hydrant لازم تساوي 500 جالون
على الدقيقة الواحدة؟! وليك تتخيل لو عايز تعمل صهريج ح يكون حجمو قدر شنو؟!

Fire Hydrant

تنويه: الكمية أعلاه فقط في المناطق الأقل خطورة (Low Risk Area)

إنت قايل الموضوع إنتهى هنا؟!
لسا
لازم برضو بالإضافة للـ Fire Hydrants والتى تكون على أبعاد 90 متر في المناطق الأقل خطورة
أي في كل 90 متر إنت عايز Fire Hydrant واحدة وشوف إنت محتاج لكم واحدة لتغطية ولاية الخرطوم؟!

ولابد أيضاً من وجود Fire Sprinklers داخل المبني وفي سقف كل غرفة من غرف المنزل وتحتاج لكمية مياه
قدرها على الأقل 300 جالون على الدقيقة الواحدة ومعدل ضغط لا يقل عن 65 psi وتشتغل أوتوماتكلي
أثناء الحريق عندما تحس بالحرارة العالية

Fire Sprinkler

إنتهينا هنا؟
أقول ليك برضو أبداً، إنت قايل حياة الناس دي رخصية كدا؟
برضو محتاجين لجهاز إنذار يعمل بالاستشعار عند وجود دخان لإنذار الناس
في حالة وجود حريق في المنزل، بس دا رخيص ومقدور عليه في السودان

جهاز إنذار الحريق

يا فرانكلي الفرق بين المهندس والهاوي المهندس شغلو بعتمد على الحفظ على
أرواح الناس ودي مسؤولية ضمير قبل إنها تكون مسؤولية قانونية، وبالمناسبة
لا أظن بأن القوانين في السودان تسمح ببناء بيوت خشبية، لا أظن بأن إدراة
الشئون الهندسية توافق على ذلك وتصدق على بناء بيت خشبي، ح تقول لي طيب
الرواكيب والقطاطي في السودان، ح أقول ليك غير مصدقة من وزارة الشئون
الهندسية.