****))))))))))))))))) ****

Quote: قاعده من بعيد لي بعيد بتاوق بس لكن يدي اكلتني عارفين المساله دي ساهله جدا الرجال ابسط حاجه بترضيهم وابسط حاجه بتذعلهم والمراة الفاهمه بتكون عاقله وواعيه بتعرف كيف ترضي زوجها وتعرف تقاط ضعفه وتستغلها وترضيه وتريحه الحياه ما حاجه سهله وعاوزا تفاهم كبير بس سر سعادة الاسره برتكز بدور اكبر علي المراه

Quote: رومانسية الزوجة للزوج ماعايزه مجهود ,, بأشياء بسيطه ممكن تسحرى زوجك وتدخلى قلبو فالرجل بطبيعته يحب الاغراء والحنان الزايد ,,,, حواء الفقرة دى برعايتك انا مالى

ما مشكلة ياختى ، نحن اهل لذلك
خبرة سنين وكدا

Quote: الصباح بتصحى معاهو وتعملى ليهو الشاى وتتونسو ونسة الصباح وتقدميهو لحدى الباب ولا بتكونى نايمه والحبشية بتعمل ليهو الشاى وتقدمو للباب ؟؟؟؟ طيب لمن تصحى من النوم بتتصلى بيهو ولا بتعملى ليهو مسج ولا بتطنشى ؟؟؟؟ طيب لمن يرجع من الشغل بلقى البيت مرتب والشفع نضاف والاكل جاهز وريحة البخور والعطور ماليه البيت ولا بلقاك يادوب حلتك فى النار وانتى وشفعك حالتكم حاله وريحة البصل ماليه البيت ؟؟؟؟

Quote: عند خيوط الفجر ، بعد يوم عمل طويل ، مـرهــق المرافـئ ، تفيأت ظلال سودانيزاون لاين ، وموضوع الرومانسية بعد الزواج أمر استهلك قتلاً ، في رفـوف سودانيزاون لاين ، عموماً ،تتباين درجات تلك الحرارة الوضاءة ، بين المراة السودانية في ارض المهجر ، عن تلك المراة الموجودة داخل ارض الوطن ، عن الاخري في القري والحضر السوداني ،، وعن زوجات المغتربين في السودان ، المغلوب علي أمرهن ، وأزواجهن في ارض المهجر ، والتواصل عبر النقال ، والحديث البلاستيكي المر ، الخـاوي الوفـاض ، والثرثرة الـعـمياء ، بمعول الظروف الاقتصادية الحرجة ، وأكثرهن حظاً بناقوس الرومانسية العرجاء ، تلك المراة في القري السودانية ، فقط قبل أن يلج جهاز الـسـتلايط ، وقبل غـزو الاطباق الفضائية الـمـضـاجـع ، والسهر المسـويـس أمام التلفاز ، والقران الكريم ، اختصر تلك الرومانسية بقوله ، ( وعـاشـروهـن بالـمـعـروف ) ، مع خالص الود ،،، ،،،