|
|
 ما كان هذا ليحصل دون سودانيز اون لاين
|
- انها اوضحت بجلاء ان كل من لا ينتمي للمعارضة السودانية ليس كوز او انقاذي كما كان يظن اهل المعارضة .
- وان ليس كل المثقفين السودانين والمستنيرين ينتمون لليسار السوداني . وان المعارضة السودانية ليست كلها من اهل اليسار .
- وان المعارضة السودانية الموجودة في الساحة من اقل السودانين وطنية .
- وان الحكومة السودانية ليس لها خطاب فكري متماسك وتعمل برزق اليوم باليوم وانه ليس لها اطروحة جاذبة سوى للانتهازيين " وان لم يساهم هذا المنبر كثيرا في ذلك بقدر ما ساهم الاعلام الحكومي نفسه "
- ان كثير من السودانين لديهم معتقدات فكرية وعقدية غريبة جدا ما سمعنا عنها لولا سودانيز اون لاين
- وان العنصرية في اذهان المثقفين السودانين اكثر منها في الواقع السوداني .
- وان الكثير من المثقفين السودانين لديهم مشاكل وخلافات عقدية كبيرة مع الاسلام يواجهون بها الحكومة الي درجة انهم يخلطون بين عمر البشير وعمر بن الخطاب
- ان تكوين الاحزاب السياسية لا يحتاج لاكثر من زول زعلان من حزبه ولديه طاقة عالية للكتابة والغلاط وستة اصحاب اسفيريين لتكوين لجنة تنفيذية
- ان الذين يعيشون ويقتاتون من مشكلة دارفور اكثر من سكان دارفور انفسهم
- ان اسطورة جهاز الامن السوداني في اذهان المعارضين اكبر من حقيقة الجهاز نفسه الي درجة انه اصابهم بالوسواس القهري الذي جعلهم يتحسسون كل حرف لا يتوافق معهم انه صادر من جهاز الامن السوداني .
- ان جهاز الامن السوداني ورط كثير من المعارضين في غربة قسرية اختيارية لعشرات السنوات علي اساس انهم مطلوبين امنيين , ليتفاجؤا عندما يعودون الي السودان ان لا احد يذكرهم حتى . وهنا تذكرت قصة سيدنا سليمان مع الارضة التي اتت علي عصاه
- ان سودانيز اون لاين وفرت حياة بديلة كاملة وسكن لاكثر من عشرة الف مواطن .
- ان اهش واضعف جسم ثقافي اجتماعي سوداني يمكن ان يقوم يعتمد علي صلة هذا المنبر او ما يطلق عليه بورداب المكان الفلاني
- وان الكثير من اساطير الثقافة والفكر والفن والادب السوداني لست بحاجة لاكثر من الاقتراب منهم في هذا المنبر لتدرك انهم مواسير اكثر منهم اساطير
- وان الحزب الشيوعي السوداني حزب طائقي اكثر من الحزب الاتحادي وحزب الامة .بل اكثر من ذلك ان اطلقنا علي عضوية الامة والاتحادي طائفين , سنطلق علي عضوية الشيوعي " قطيع " تحمى بعضها بعضا وتعظم رموزه الي درجة القدسية . ولا تجرؤ علي تقديم الانتقادات او حتي الملاحظات .
- ان هناك سودانين شيعة .
- ان هناك سودانين يعيشون في العالم الاول يقدسون الاصنام مثل هبل ومناة و امون .
يتبع بعد حين باذن الله
|
|
  
|
|
|
|
|
|
|
|
Re: ما كان هذا ليحصل دون سودانيز اون لاين (Re: Barakat Alsharif)
|
أساسي
تحياتي يا زول يا كلس
انها اوضحت بجلاء ان كل من لا ينتمي للمعارضة السودانية ليس كوز او انقاذي كما كان يظن اهل المعارضة . ( تمام )
- وان ليس كل المثقفين السودانين والمستنيرين ينتمون لليسار السوداني . وان المعارضة السودانية ليست كلها من اهل اليسار . ( تمام )
- وان المعارضة السودانية الموجودة في الساحة من اقل السودانين وطنية . ( أشك في ذلك )
- وان الحكومة السودانية ليس لها خطاب فكري متماسك وتعمل برزق اليوم باليوم وانه ليس لها اطروحة جاذبة سوى للانتهازيين " وان لم يساهم هذا المنبر كثيرا في ذلك بقدر ما ساهم الاعلام الحكومي نفسه " ( تمام )
- ان كثير من السودانين لديهم معتقدات فكرية وعقدية غريبة جدا ما سمعنا عنها لولا سودانيز اون لاين ( شأنهم شأن كل مرتادي المنابر الإسفيرية في كل دول العالم - تمام )
- وان العنصرية في اذهان المثقفين السودانين اكثر منها في الواقع السوداني . ( على العكس تماما يا السماني - العنصرية كانت لها أنياب وأطافر بائنة ومُشْرَعة ، الآن العنصرية تتوارى خلف عشرات المسميات وهذا دليل بعض العافية سيعقبها بعض الأندثار )
- وان الكثير من المثقفين السودانين لديهم مشاكل وخلافات عقدية كبيرة مع الاسلام يواجهون بها الحكومة الي درجة انهم يخلطون بين عمر البشير وعمر بن الخطاب ( تمام )
- ان تكوين الاحزاب السياسية لا يحتاج لاكثر من زول زعلان من حزبه ولديه طاقة عالية للكتابة والغلاط وستة اصحاب اسفيريين لتكوين لجنة تنفيذية (تمام )
- ان الذين يعيشون ويقتاتون من مشكلة دارفور اكثر من سكان دارفور انفسهم ( النسبة فيها شوية مبالغة )
- ان اسطورة جهاز الامن السوداني في اذهان المعارضين اكبر من حقيقة الجهاز نفسه الي درجة انه اصابهم بالوسواس القهري الذي جعلهم يتحسسون كل حرف لا يتوافق معهم انه صادر من جهاز الامن السوداني . ( تمام )
- ان جهاز الامن السوداني ورط كثير من المعارضين في غربة قسرية اختيارية لعشرات السنوات علي اساس انهم مطلوبين امنيين , ليتفاجؤا عندما يعودون الي السودان ان لا احد يذكرهم حتى . وهنا تذكرت قصة سيدنا سليمان مع الارضة التي اتت علي عصاه ( دي بالغت فوكا يا أساسي ، تمام جدا )
- ان سودانيز اون لاين وفرت حياة بديلة كاملة وسكن لاكثر من عشرة الف مواطن . ( تمام جدا )
- ان اهش واضعف جسم ثقافي اجتماعي سوداني يمكن ان يقوم يعتمد علي صلة هذا المنبر او ما يطلق عليه بورداب المكان الفلاني ( ودة كريدت كبير لسودانيزأونلاين )
- وان الكثير من اساطير الثقافة والفكر والفن والادب السوداني لست بحاجة لاكثر من الاقتراب منهم في هذا المنبر لتدرك انهم مواسير اكثر منهم اساطير ( لا يمكن أن نقول الكثير ... ممكن نقول البعض )
- وان الحزب الشيوعي السوداني حزب طائقي اكثر من الحزب الاتحادي وحزب الامة .بل اكثر من ذلك ان اطلقنا علي عضوية الامة والاتحادي طائفين , سنطلق علي عضوية الشيوعي " قطيع " تحمى بعضها بعضا وتعظم رموزه الي درجة القدسية . ولا تجرؤ علي تقديم الانتقادات او حتي الملاحظات . ( بعلاقاتي اللصيقة الشخصية بأعضاء ومتنفذين في الحزب من أسرتي، لم أجد شيئا من هذا القبيل ، بل وجدت هذا في أحزاب أخرى كالأمة والإتحادي وهو أمر بائن بينونة كبرى )
- ان هناك سودانين شيعة .( الشيعة إنتشرت في العقد الأخير من القرن المنصرم في معظم دول العالم الثالث )
- ان هناك سودانين يعيشون في العالم الاول يقدسون الاصنام مثل هبل ومناة و امون . ( وهناك من يعيشون في العالم الثالث ويقدسون رموز في العالم الأول أكثر من بوذا ودالاى لاما وكريشنا )
يتبع بعد حين باذن الله
متعك الله بالعافية
واصل
| |
|
|
|
|
|
|
|
|
|
Re: ما كان هذا ليحصل دون سودانيز اون لاين (Re: ابو جهينة)
|
احييك والله يا اساسي
لعبة معلم
-------
البوست دا ذااااتو ح يؤكد كتير مما يبدو انو (مسلّمات) او لغة تقريرية في صدره ..
النشوف (المثقفين) و (الكتاب) و الديموغراطيين ح يكونوا على قدر ادعاءاتهم ويتعاملوا مع (النقد) بحقو ومستحقو .. ول ح يتموها عوارة ساااي!؟
حليل الحبشي ياخ ..
وحليل سجعتو في مهمتو (الرسالية السيزيفية) الفاااخرة النجرا لي نفسو:
تأديب الادباء .. وتثقيف المثقفين .. وتعليم المتعلمين ... اللخ اللخ!
| |
|
|
|
|
|
|
|
|
|
Re: ما كان هذا ليحصل دون سودانيز اون لاين (Re: بدر الدين اسحاق احمد)
|
سلامات يا أساسي ..
بوست محفز بلا شك ..
ما دام جبت السيرة خليني اهب الجمرة دي..
| Quote: ان هناك سودانين شيعة |
لا استغرب ..
لإن الكثيرين من المثقفين والكتاب وعامة الناس لا يعرفوف الكثير عن تاريخهم حتى الإسلامي منه..
و أن مبتدأ اسلمة الحياة والناس في السودان كان في العصر الفاطمي ..
وأن ثورة السودان التي وصفت بثورة العبيد ضد صلاح الدين الأيوبي كانت بسبب تحويله للأزهر والحياة الإسلامة في مصر من منهج أهل البيت للمنهج السلفي..
ولعل المزاوجة بين المذهبين في المنهج الصوفي حدث لتجنب غضب أهل السلطان بعد فرضهم للمذهب السني بالقوة.
Quote: الجامع الأزهر (359~361 هجرية)/ (970~975 م). هو من أهم المساجد في مصر وأشهرها في العالم الإسلامي.
وهو جامع وجامعة منذ أكثر من ألف عام، بالرغم من أنه أنشئ لغرض نشر المذهب الشيعي عندما تم فتح مصر على يد جوهر الصقلي قائد المعز لدين الله أول الخلفاء الفاطميين بمصر |
http://ar.wikipedia.org/wiki/%D8%A7%D9%84%D8%...A3%D8%B2%D9%87%D8%B1
| |
|
|
|
|
|
|
|
|
|
Re: ما كان هذا ليحصل دون سودانيز اون لاين (Re: خالد عبد الله محمود)
|
بوست روعة
شكرا أساسي .. و بعد اذنك
الاخ محمد الملك
| Quote: وأن ثورة السودان التي وصفت بثورة العبيد ضد صلاح الدين الأيوبي كانت بسبب تحويله للأزهر والحياة الإسلامة في مصر من منهج أهل البيت للمنهج السلفي.. |
لماذا وصفت الشيعة بمنهج اهل البيت و السنة بالمنهج السلفي ؟؟؟
تحياتي
| |
|
|
|
|
|
|
|
|
|
Re: ما كان هذا ليحصل دون سودانيز اون لاين (Re: وليد التلب)
|
طيب يا وليد .. لعلك ما فهمت القصد من السؤال ...
ادعاء الشيعة بانهم مذهب اهل البيت ما جديد ... و كذلك حزب الله .. و ما هم بحزب الله....
و لكن سؤالي عن وصف منهج اهل السنة و الجماعة بالمنهج السلفي بمعناه " الضيق" في سودانيز اون لاين
مع كامل احترامنا لاخوانا " السلفيون " الذين نراهم من صميم اهل السنة و الجماعة
| |
|
|
|
|
|
|
|
|
|
Re: ما كان هذا ليحصل دون سودانيز اون لاين (Re: وليد التلب)
|
ولولا سودانيز اونلاين لما عرف الكثير من المثقفين السودانين من بقاعهم المختلفة أمتهم وثقافاتها المختلفة وكيف تفكر ولأستمر ظلم الاطراف لإنسان المركز كله ولما عرفت الاطراف ان هناك وطنيين في المركز يعيشون مأساتهم وليس كل المركز ظالم .
شكراً اساسي
| |
|
|
|
|
|
|
|
|
|
Re: ما كان هذا ليحصل دون سودانيز اون لاين (Re: Galaleldin Abdalla)
|
الاخوة
ABUHUSSEIN
تسلم يا صحبي
المر
لك التقدير والتحية
نور الدين عثمان
تسلم يا نور تحية وتقدير
البشير دفع الله
صبحك الله بالرضا والسعادة يا بشير
محمد ميرغني عبد الحميد
ولك التحية
Barakat Alsharif
اضافة مقدرة والله يا بركات
ابو جهينة
تسلم يا عمدة ورايك محل تقدير واحترام كما تعلم يا زعيم
قيقراوي
ولك التحية يا قيقا , طبعا هي ملاحظات وان بدات كمسلمات لدواعي ابداء الاراء , وزي ما قلت نسمع مع المثقفاتية وان كنا نشك في اننا سنمع شيئا تحياتي
بدر الدين اسحاق احمد
يعني من خلال تجربة شخصية في جدة وفي الخرطوم منذ 2003 وجدت ان جسم البورداب يتكون وينتهي سريعا وتتغير وجوه كثيرة وتختفي وجوه وفيه كثير من التناحر لان ما يجمعهم غير راسخ ولا يتفقون علي الحد الادني وهو امر طبيعي لان رابط الناس هو لنك في السايبر اذا قدر لك ان تتوقف لاي سبب ستجد نفسك قد ابتعدت عن ذلك الجسم واذا السيرفر ضرب ساكت الناس راسها بيضرب بالاضافة لانه الناس متباينة اصلا ولا تجمعها فكرة واحدة والبورد ارض للتناحر اصلا لذا هذا الجسم المسمي بورداب لاي منطقة جسم هش وضعيف
محمد على طه الملك
شكرا لهذه الاضافة يا ملك وحقيقة اعجبتني مداخلتك واتوقع مزيدا من التحليل والمعلومات حول هذا الامر
esam gabralla
شكرا لمرورك يا عصام
خالد عبد الله محمود
انهيت المداخلة الاولي بوعد المواصلة وهناك اشراقات ولكنها ليست كثيرة ولكن سناتي اليها باذن الله
عمر موسي منجي
ولك الشكر ايضا وفتح باب المحاورة
أبو عبيدة البصاص
كما ذكرت للاخ خالد لي عودة باذن الله
وليد التلب
شكرا للمرور يا وليد
ادم شحوتاي
وجهة نظر مقدرة يا عمدة وراي صائب
Galaleldin Abdalla
لك التحية
| |
|
|
|
|
|
|
|
|
|
Re: ما كان هذا ليحصل دون سودانيز اون لاين (Re: esam gabralla)
|
| Quote: اتوقع مزيدا من التحليل والمعلومات حول هذا الامر |
أساسي وزواره الأكارم..
خشيت من ملل الزيادة..
بالنسبة لكلامي الفوق..
من يرغب في التثبت والاستزادة الرجوع لـ :
1ـ الخطط ـ المقريزي ـ طبعة بولاق.
2 ـ الكامل ـ ابن الاثير.
3 ـ تاريخ دولة الكنوز الاسلامية ـ د. عطية القوصي.
ولمن لايجد سبيلا يمكنه الاطلاع على هذا المقال في الشبكة العنكبوتية على الرغم من تحيزه :
http://www.islammemo.cc/2004/05/04/1450.html
.
.
الأخ منجي :
بلإضافة للأخ وليد وما حوته المصادر المطبوعة أدنيي إليك هذا البحث في الشبكة العنكبوتية:
Quote: اصطلاحًا: مذهب "السلف" -أو السلفية- والمراد به: ما كان عليه الصحابة -رضي الله عنهم- والتابعون لهم بإحسان إلى يوم الدين، ومَن تَبِعَهم وشُهِدَ له بالإمامة في الدين، وعُرِفَ فضلُه وعَظُم شأنه فيه، وتلقى الناس كلامه بالقبول؛ كالأئمة الأربعة:
أبي حنيفة، ومالك، والشافعي، وأحمد، وسفيان الثوري، والليث بن سعد، والنخعي، والبخاري، ومسلم، وأصحاب السنن.
فكل مَن التزم بمنهج وعقائد هؤلاء الأئمة من السلف؛ نُسِبَ إليهم وإن باعدت بينه وبينهم الأزمان، وكل مَن خالفهم في المنهج أو العقيدة؛ فلا يُنسَب إليهم وإن عاش بين أظهرهم وخالطهم.
فالسلفية هي المدرسة التي حافظت على ما كان عليه صحابة النبي -صلى الله عليه وسلم- في المنهج والاعتقاد خاصة بعد أن ظهر الافتراق العقائدي في الأمة،
وكثرت الفرق المختلفة التي خالفت -وخرجت- عن منهج الصحابة وما اعتقدوه،
وقد تعددت مسميات هذا المذهب -أو قل: ترادفت- مع ثبات المضمون، فلما كان علماء الحديث في زمن التابعين هم ورثة علم الصحابة -رضي الله عنهم- وفهمِهم للكتاب والسنة؛ تَسَمَّى السائرون على منهج وعقيدة الصحابة بـ: "أهل الحديث".
ولما تفاقمت البدع وشذ أهل الأهواء عن الجماعة في المنهج والاعتقاد؛ تسمى المتمسكون بمنهج وعقائد الصحابة وأهلِ الحديث في عهد تابعي التابعين
بـ: "أهل السنة والجماعة" في مقابلة "أهل البدعة" من المعتزلة، والخوارج، والمرجئة، والرافضة، ونحوِهم،
ولما حاول الخَلَفُ من الأشاعرة نصرةَ عقائد سلف الأمة بالمنهج العقلي -كطريقة المبتدعة من المتكلمين-؛ سـُمِّيَ المتمسكون بمنهج السلف بـ"السلفيين"،
فظهور مصطلح "السلفية" من الناحية التاريخية ارتبط بظهور "مذهب الخلف" من الأشاعرة الذين زعموا نصرة عقائد السلف بمنهج المتكلمين |
http://www.salafvoice.com/article.php?a=3405
معذرة يا جماعة ما غرضي البوست يقلب اتجاهه للخلافات المذهبية.
.
.
بالنسبة لكلامك دا يا اساسي:
| Quote: ان جهاز الامن السوداني ورط كثير من المعارضين في غربة قسرية اختيارية لعشرات السنوات علي اساس انهم مطلوبين امنيين |
على الرغم من صحته ..
لكن النظام كان دوره أكبر باتباعة سياسة التمكين وتركيز الثروة وفرية الصالح العام ..
والذي كان في حقيقته يمثل صالحها الخاص ..
وافر التقدير
| |
|
|
|
|
|
|
|
|
|
Re: ما كان هذا ليحصل دون سودانيز اون لاين (Re: Elhadi)
|
| Quote: يعني من خلال تجربة شخصية في جدة وفي الخرطوم منذ 2003 وجدت ان جسم البورداب يتكون وينتهي سريعا وتتغير وجوه كثيرة وتختفي وجوه وفيه كثير من التناحر لان ما يجمعهم غير راسخ ولا يتفقون علي الحد الادني وهو امر طبيعي لان رابط الناس هو لنك في السايبر اذا قدر لك ان تتوقف لاي سبب ستجد نفسك قد ابتعدت عن ذلك الجسم واذا السيرفر ضرب ساكت الناس راسها بيضرب بالاضافة لانه الناس متباينة اصلا ولا تجمعها فكرة واحدة والبورد ارض للتناحر اصلا لذا هذا الجسم المسمي بورداب لاي منطقة جسم هش وضعيف |
لم يتوقع منه أكثر من ذلك فهو ينشط خارج إطار الاختلاف الفكرى / السياسي فى ( الاطار الاجتماعى )
شكراً يا زول ...
بورداب الخرطوم ( مثالاً )
إستثناء فى المنطقة الواحدة يمكن ان يكون هناك اكثر من جسم يتقاربون فى كثير من الاشياء ويختلفون فى مثلها لكنهم يحتكمون الى الحد الادنى من التماسك الاجتماعى
| |
|
|
|
|
|
|
|
|
 Re: ما كان هذا ليحصل دون سودانيز اون لاين (Re: بدر الدين اسحاق احمد)
|
تحياتى يا اساسى
وفعلا يا اساسى انت اساسى قبل الكراسى ..
عموما دى انا عجبتنى عجب شديد..
| Quote: وان الكثير من المثقفين السودانين لديهم مشاكل وخلافات عقدية كبيرة مع الاسلام يواجهون بها الحكومة الي درجة انهم يخلطون بين عمر البشير وعمر بن الخطاب |
كثيرون يهاجمون الدين من حيث هو دين مبطنين ذلك بهجومهم على الحكومة وعلى الاسلاميين او المتاسلمين دون ان تستطيع ان تميز بين ما هو الهدف الحقيقى لاى من الهجومين ..
| |
|
|
|
|
|
|
|
|
|
Re: ما كان هذا ليحصل دون سودانيز اون لاين (Re: بدر الدين اسحاق احمد)
|
تحياتى يا اساسى
وفعلا يا اساسى انت اساسى قبل الكراسى ..
عموما دى انا عجبتنى عجب شديد..
| Quote: وان الكثير من المثقفين السودانين لديهم مشاكل وخلافات عقدية كبيرة مع الاسلام يواجهون بها الحكومة الي درجة انهم يخلطون بين عمر البشير وعمر بن الخطاب |
كثيرون يهاجمون الدين من حيث هو دين مبطنين ذلك بهجومهم على الاسلاميين او المتاسلمين دون ان تستطيع ان تميز بين ما هو الهدف الحقيقى لاى من الهجومين ..
| |
|
|
|
|
|
|
|
|
|
Re: ما كان هذا ليحصل دون سودانيز اون لاين (Re: على محمد الخير)
|
Quote:
- وان العنصرية في اذهان المثقفين السودانين اكثر منها في الواقع السوداني . |
سلامات يا اساسي. جملتك دى غلط عديل كده.
انا ما بعد روحى مثقفة، لكن العنصرية الشفتها في البورد ما شفتا ذيها في الدنيا.
ما حصل سمعتا في السودان زول بيقول لزول يا عب، لكن سمعتها هنا
ما حصل سمعنا زول بعير زول بمهنته، لكن سمعتها هنا
ما حصل سمعنا زول بعير زول بالفقر، لكن سمعتها هنا
و كتير جداً من انواع العنصرية و التمييز.
طيب، قبل ما تقول ان كلامي إثبات لملاحظتك بان الحجات دى ما حاصلة في الواقع. ح اقول ليك ما دام في زول قالها هنا معناها موجودة في السودان.
كونى انا ما سمعتها في الدنيا ما دليل علي عدم وجودها. دليل علي أني انا ( والحمد لله و الشكر لله) كنت عايشه في بيئة نظيفه.
العنصرية الموجودة في البورد ( و أكيد السودان ) مقرفة. و ما عاوزه أجيب ليك أمثلة للقرف و الناس المقرفين.
كونك ( بعد كل اللى قريناه هنا) تقول انها في أذهان المثقفين بس، ف ده فهم غريب جداً
| |
|
|
|
|
|
|
|
|
|
Re: ما كان هذا ليحصل دون سودانيز اون لاين (Re: Abdlaziz Eisa)
|
و اللة يا قيقا يا صاحب مستغرب إنك راجي المثقفين والأدباء يجو يردو
يردو يقولو شنو وكيف
أساسي الله يطراة بالخير سماهم بالكثيرين و قال مواسير
حسي دة نقد ولا نبذ وإترد علية كيف
ياخي في بوست فضيلي جماع اللي هو أديب وشاعر سوداني تفتخر بية أجيال ولية إنتاج وبصمة تجي تكتب بوست بعنوان ينشر سمومة العنصرية
... أها فضيلي لو عاوز يرد يرد كيفن...ياخي تعال بنفس هادي قول دة بتختلف معاه في كدة وكدة وكدة لكن ما تجي داخل شمال سموم ونبذ وتتوقع يجو المواسير أقصد المثقفين يردو عليك...
وكمان نسمية نقد هو النقد دا بقي مطلوق ساي كدة دا ....لا عندة أدوات لا بتقرا وتحضر لية لا بتتخير الأسلوب واللغة والكلام
سلام يا أساسي بوستك دة حيصفقو لية ناس كتار
لانو بوست بتاع ونسة ساي كلة تعميم وكلام زي بتاع أمريكا لمي جدادك وأهو كلام والسلام ما مدعوم بحقايق أو احصاء
وطبعا كلام زي السودان ما فية عنصرية و الإسلام مستهدف والمعارضة ما وطنية والمثقفين مواسير حيجو يهتفو بيهو الناس ويقولو آي صحي إحنا ما عندنا عنصرية و العبادة والفروخ البكوركو وبحاربو وبموتو مجانيين ساي وبهضربو ساي وإحنا في حلتنا غايتو ما في عنصرية وكنا بلعب كورة سوا وكل حاجة
أما موضوع المعارضة فدي الحيطة القصيرة البجي كل من هب و دب يبول فيها ثم يستنجأ فيبصق ويمضي لحال سبيلةوكأنها المعارضة دي هي جسم وكيان معروف و عندها تنظيم وممثليين عنها هنا في سودانييز حقتنا دي و نا طقيين بي إسمها...ناسي يا أخ أساسي إنة المعارضة هي فكرة وبالزات هنا دة .....فكرة لأي زول شايف البلد الدردقة في هاوية وبسرقو فيها ويغتصبو فيها وما راضي ....المعارضة هي أي زول شايف إنة الإنقاذ ظالمة و مستبدة و بتسرق وبتظلم وبتدمر ولازم تتغير ....وديل في البورد دة تسعمية في المية إلا من رحم ربي
| |
|
|
|
|
|
|
|
|
|
Re: ما كان هذا ليحصل دون سودانيز اون لاين (Re: Haitham Elsiddiq)
|
Quote: يردو يقولو شنو وكيف
أساسي الله يطراة بالخير سماهم بالكثيرين و قال مواسير
حسي دة نقد ولا نبذ وإترد علية كيف
ياخي في بوست فضيلي جماع اللي هو أديب وشاعر سوداني تفتخر بية أجيال ولية إنتاج وبصمة تجي تكتب بوست بعنوان ينشر سمومة العنصرية
... أها فضيلي لو عاوز يرد يرد كيفن...ياخي تعال بنفس هادي قول دة بتختلف معاه في كدة وكدة وكدة لكن ما تجي داخل شمال سموم ونبذ وتتوقع يجو المواسير أقصد المثقفين يردو عليك...
وكمان نسمية نقد هو النقد دا بقي مطلوق ساي كدة دا ....لا عندة أدوات لا بتقرا وتحضر لية لا بتتخير الأسلوب واللغة والكلام
سلام يا أساسي بوستك دة حيصفقو لية ناس كتار
لانو بوست بتاع ونسة ساي كلة تعميم وكلام زي بتاع أمريكا لمي جدادك وأهو كلام والسلام ما مدعوم بحقايق أو احصاء
وطبعا كلام زي السودان ما فية عنصرية و الإسلام مستهدف والمعارضة ما وطنية والمثقفين مواسير حيجو يهتفو بيهو الناس ويقولو آي صحي إحنا ما عندنا عنصرية و العبادة والفروخ البكوركو وبحاربو وبموتو مجانيين ساي وبهضربو ساي وإحنا في حلتنا غايتو ما في عنصرية وكنا بلعب كورة سوا وكل حاجة
أما موضوع المعارضة فدي الحيطة القصيرة البجي كل من هب و دب يبول فيها ثم يستنجأ فيبصق ويمضي لحال سبيلةوكأنها المعارضة دي هي جسم وكيان معروف و عندها تنظيم وممثليين عنها هنا في سودانييز حقتنا دي و نا طقيين بي إسمها...ناسي يا أخ أساسي إنة المعارضة هي فكرة وبالزات هنا دة .....فكرة لأي زول شايف البلد الدردقة في هاوية وبسرقو فيها ويغتصبو فيها وما راضي ....المعارضة هي أي زول شايف إنة الإنقاذ ظالمة و مستبدة و بتسرق وبتظلم وبتدمر ولازم تتغير ....وديل في البورد دة تسعمية في المية إلا من رحم ربي |
هيثم .. كلامك فى السلك
يا عزيزى القديم اساسى انا ما عارف الدافع الانت كتبت بيهو البوست دا - وطبعا ما ضرورى اعرفو - هل هو بدافع الخستكة ساى .. ولا بدافع النقاش الهادف .. ولا عشان تلفت نظر الناس لمواضيع اتفق معاك انها فى غاية الاهمية
لكن برضو مهما كان المقصود من البوست دا .. انت لا يمكن أن تطلق على زول ماسورة ودايرو يجى خاشى هنا .. يعنى انت أقصيتو .. وحرمتو من اللتداخل معاك واخونا هيثم مشكور وضح النقطة بصورة واضحة
الشى التانى ما ممكن تكتب (الكثير) وهو اصلا البورد واصل فقط لفئات معينة من السودانيين اللى هى الفئات البدخل النت وفى النت البتخل سودانيز اونلاين يعنى (الكثير) دى ممكن تدخل فى ما يعرف بالتعميم المخل
اساسى النقاط الذكرتها فيها حاجات بنتفق معاك فيها وفيها حاجات بأختلف معاك فيها لكن من زماااان انت لعبك خشن وبكدا قاعد تخسر حوارات كتيرة كان ممكن تتحاور مع ناس ممكن تستفيد منهم وتفيدهم
محتاجين نقرب من بعض شوية أقصد محتاجين فى البورد دا كلنا نقرب من بعض شوية رغم اختلافاتنا الدينية والمذهبية والثقافية وغيرو
محتاجين ما نبقى عنيفين مع بعض عشان على الاقل نحترم كتابات بعض وافكار بعض
مع كل الاحترام لما كتبت
| |
|
|
|
|
|
|
|
|
|
Re: ما كان هذا ليحصل دون سودانيز اون لاين (Re: Abdlaziz Eisa)
|
Hani Arabi Mohamed
كلامك حقيقي جدا ومنطقي وحاصل يا هاني لك التحية
esam gabralla
كنت اعرف من المداخلة الاولي ان هذا رايك لذا تريثت الي ان تقوله , سطرين اختزلوا حصيلة معايشة ومشاهدة يومية لعدة ساعات لاحد عشر عاما في هذا المنبر تؤهل قائلها لاستنباط حكما وقول رايه دون حجر من احد واظن ان فترة المشاهدة والمعايشة والقراءة لاحد عشر عاما لنفس الاشخاص والافكار اكبر فائدة من اي بحث يتقعد ليهو , وهذا لا ينفي ان كان هناك رايا اخر ان نسمعه .
محمد على طه الملك
تسلم يا ملك وشكرا علي هذه الروابط وهذه المراجع والتي سنحاول العودة اليها والبحث عنها لانه لدي اهتمام القراءة في هذا الامر اكثر مما هو مطروح حاليا
Hussein Mallasi
بعكس ذلك يا ملاسي عرفت عن الفكرة الجمهورية والجمهوريين ومعتقداتهم ما لم يتاتي لي معرفته طوال سنوات عمري السابقة , وحمدت الله وشكرته ان هيأ لي هذا المنبر لاعرف خطل فكرتهم واتجنبها ما استطعت
Elhadi
بل خليها مستورة يا الهادي ههههههه
على محمد الخير
تسلم يا علي , وهذه حقيقة بائنة بينونة كبرى اسهم هذا المنبر في كشفها وعكسهاء بجلاء واضح
smart_ana2001
في حديثك وجدتك رددت علي فكرتك , خذي اي شريحة من هذا المنبر لن تجدي من يتحدث عن انه سمع عن ذلك في الواقع مثلك الا في هذا المنبر , انا لم انفي وجود العنصرية في الواقع مطلقا ولكن وجودها كما اسلفت في اذهان المثقفين وتصويرها باكبر من حجمها
معاوية الأرباب
كلامك صاح يا ارباب اذا اعطوا المشكلة حجمها الحقيقي , لكن ان يساهم المثقفين في هذا المنبر في تاجيج نار العنصرية والنفخ عليها بل واكثر من ذلك تصنيف العباد علي اساس عرقي " مفردتي" جلابة ومهمشين لن تجده في الواقع مطلقا بقدر ما تجده هنا الي درجة التبشير بالحرب والدعوة لها ليس دورا للمثقف مطلقا
Hisham Amin
تسلم يا ابو الشوش
Abdlaziz Eisa
انا اجد في الكثير مما ذكرته جوانب مشرقة جدا ولسودانيز اون لاين الفضل في توضيحها وعكسها بصورة ايجابية , تصنيف الاخرين الجمعي , اختزال الماثر للبعض دون الاخرين وغيره وغيره مما كتبت
| |
|
|
|
|
|
|
|
|
|
Re: ما كان هذا ليحصل دون سودانيز اون لاين (Re: اساسي)
|
سلام العزيز اساسي
| Quote: - وان المعارضة السودانية الموجودة في الساحة من اقل السودانين وطنية . |
معقولة اقل السودانيين وطنية وهم المهمومين بقضايا والوطن والمواطن السوداني والتغيير حتىالاعتقال والتعذيب و التغريب و الموت
Quote: - ان اسطورة جهاز الامن السوداني في اذهان المعارضين اكبر من حقيقة الجهاز نفسه الي درجة انه اصابهم بالوسواس القهري الذي جعلهم يتحسسون كل حرف لا يتوافق معهم انه صادر من جهاز الامن السوداني .
|
الايده في الموية ما زي الايده في النار
والله يا اساسي الكتابه والتنظير ساهل
لكن الفعل صعب جدا
| |
|
|
|
|
|
|
|
|
|
Re: ما كان هذا ليحصل دون سودانيز اون لاين (Re: الرفاعي عبدالعاطي حجر)
|
صدقت ورب المكان..
------------------
الاساطير التي حسبناهم كذلك ثم مرقو مواسير دي قوية يامعلم..
في الحقيقة كل الاساطير مواسير بس لم تتح لهم فرصة باص ويرد..
وزي ماقال محمد المرتضى حامد قدس الله سره:
اجمل النساء تلكم اللوائي لم يسعفنا الحظ بلقائهن..(او فيما معنى ذلك)
وقس على ذلك في مسالة الاساطير الذين لم نلتقيهم في هذه الكيتا..
| |
|
|
|
|
|
|
|
|
|
Re: ما كان هذا ليحصل دون سودانيز اون لاين (Re: عاطف رميتي)
|
Haitham Elsiddiq
انت جمعت راي في تسعطاشر بوست عن مواضيع مختلفة وجيت كبيتو كله في هذا البوست وبديت تشرح وتفصل , زمان كتبت عن العناوين في البورد وانها مثلها مثل العناوين التي تتخذها الجرايد لابد ان تكون جاذبة , وهذا لا يبيح لي التجني علي احد ولكن عندما افصل ما دفعني لكتابة العنوان الذي تعترض عليه واصل في النهاية الي رأيٌ الذي بنيته عليه ليس كمن اتجني عليه بكتابة عنوان مجاني بدون تفصيل ,
العجبني في ردك انه ذاته كان هتافي كما اعترضت مسبقا , جمع واختزال واي حاجة انا عملتها انت جيت طبقتها في ردك ,
ثم انه انا عندما كتبت لم ابحث عن ردا من احد , هذا راي كما ذكرت لعصام جبر الله وصلت له بعد قراءة ومعايشة في هذا المنبر لذا كان عنواني واضحا ان الامر الذي ساهم في حصوله وتوضيه المنبر وهي وجهة نظر تحتمل الصواب او الخطأ ولكن تظل وجهة نظر الي حين اصل بالمعايشة في هذا المنبر انها اختلفت او تغيرت
Mekki M Alhassan
ولنا الشرف بك اخ كريم
ود العجمي
جزء من ردي علي الاخ هيثم يخصك وباقي رايك علي العين والراس اشكرك عليه جدا
طارق عبد اللطيف نقد
والله يا طارق بناء علي فهمي الشخصي للوطنية والتفريق بينها وبين الميول السياسية وصلت لهذا , لم ولن تجد شعبا في هذه الدنيا يفرح ويبتهج لسقوط اراضيه , ولن تجد شعبا يحتفي ويشمت ان تضرب الطائرات بلاده لذا بنيت راي علي هذا
عاطف رميتي
كل التقدير عاطف
قيقراوي
قيقا ظلموك الحبايب ^_^
| |
|
|
|
|
|
|
|
|
|
Re: ما كان هذا ليحصل دون سودانيز اون لاين (Re: اساسي)
|
سلامات يا آساسي...
وين أنا ـجبت سيرة التسعطاشر بوست ياراجل وكلام شنو الكبيتو...أنا رديت علي نقاط محددة
إنت ما مكن تنتقد عمل أدبي أو مقالة سياسية أو إقتصادية برأيك الشخصي بدون إستخدام أدوات النقد الصحيحة ولا يبقي كلام كورة ساي....وما ممكن تبدا نقاش مع أي مجموعة وفي موضوع جدلي زي الحرب في جبال النوبة وإرتباطها بالعنصرية بالنبذ والسموم اللغة اللي ما بتخلي الناس تدي وتجيب إلا إذا كنت أصلا جيت زول شكل ساي
أنت بوستك دة فية تعميم واضح وريني أنا عممت وين....أنا رديت علي نقاط محددة في بوستك دة وهي مهاجمة مايعرف بالمثقفين والأدباء ة تسميتهم بالمواسير....عدم وطنية غالبية المعارضة و تضخيم العنصرية ...مهاجمة الإسلام.....ودة كلة كلام و السلام.... تعميم و ،ظلم للحقيقة....وردي عليك جا هنا بس.... باقي كلامك ما عندي معاة مشكلة ....
| |
|
|
|
|
|
|
|
|
 Re: ما كان هذا ليحصل دون سودانيز اون لاين (Re: طارق عبد اللطيف نقد)
|
Quote:
و اللة يا قيقا يا صاحب مستغرب إنك راجي المثقفين والأدباء يجو يردو
يردو يقولو شنو وكيف
أساسي الله يطراة بالخير سماهم بالكثيرين و قال مواسير
حسي دة نقد ولا نبذ وإترد علية كيف
|
ياهيثم مالكم كيف تقرأون!؟
والله ما قريت باقي مداخلتك و لا اي مداخلة تانية!!
وين انا قلت راجي زول يرد؟
هل التعامل مع النقد بحقو ومستحقو هو (الرد)!؟
السلوك دا انا وصفتو قبل كدا بـ(حركات الشفع)
ودي العوارة ذااااتا القصدتا في مداخلتي اعلاه!
------
كرهتونا اللحفي وختف المحافض ذاااتو ياخي
لخير كدا الواحد ينتحر .. اويتلاشى عديييل كدا!
| |
|
|
|
|
|
|
|
|
|
Re: ما كان هذا ليحصل دون سودانيز اون لاين (Re: Hussein Mallasi)
|
الأخ السماني
لك التحية أولا ولكل المتداخلين
| Quote: في جوانب مشرقة كتيرة يا أساسي ما كانت لتحدث لولا سودانيزأولاين لماذا تجاوزتها |
ومنها فكرة هذا البوست الجميل ما كنت لتكون هذة الفكرة لولا تداخلك هنا في الموقع ومن ثم استنتاج فيه كثير من الصح
ولكن لولا سودانيزأون لاين لما عرف اساسي هذه المعلومات والأستنتاجات وهي عافية حقيقية تحسب لصاحب هذا الكيان وحتي
كتاباتك ما كانت لتوصل لنا ولم يعرف مجدي السماني وهذا السايبر تعارفنا فيه علي أفكار واشياء ما كنت تجدها لا في
منهج ولا في مجتمع الحي الضيق ولا في القبيلة والعافية هنا تلاقح الافكار والآراء لك الشكر يا صاحبي ومجتمع جده ما زال
بعافية بس انت غائب عنه منذ فترة طويلة.
،،،،أبوقصي،،،،
| |
|
|
|
|
|
|
|
|
|
Re: ما كان هذا ليحصل دون سودانيز اون لاين (Re: مجدي عبدالرحيم فضل)
|
DKEEN
ازيك يا ديكو , دائما محمد المرتضى حكيم واقواله مأثورة هههههههه
Hussein Mallasi
شايف الكلام لامس وجدانك ^_^
مجدي عبدالرحيم فضل
اووووو صديقي مجدي ياخ قسما بالذي فلق الحبة اني خلال شهرين بتصل عليك كل حين ولا واحد من جوالاتك العندي شغال يبدو انك غيرت رقمك وما عملت لي ابديت , يا اريت تتصل ياخ تديني اخر ارقامك , بالعكس انا معظم الحجات الكتبتها دي بعتبرها مشرقة جدا كونه مفاهيم كتيرة تتغيرة وتابلوهات جاهزة تتفكفك في اذهان الكثيرين وهو امر ايجابي يحسب لصالح هذا الموقع وكتابه وحتي قرائه , اما مجتمع جدة الما عنده نشاط بيقيمه فانا بختلف معاك اللهم الا يكون تم اختزال بورداب جدة في شلة واحدة لانه انا بلاقي ولي اتصالات كتيرة مع بورداب جدة كلهم يتسائلون عن اين نشاط البورداب ؟
لك التقدير يا صاحب وشوق كتير وطولة شديدة والله
| |
|
|
|
|
|
|
|
|
|
Re: ما كان هذا ليحصل دون سودانيز اون لاين (Re: اساسي)
|
قمة الدردقة تحياتي لك وانت تلتف كما الدبيب
التحية للجميع ووالله ما كان هذا ليحصل دون سودانيزاونلاين
اذن التحية لسودانيز اون لاين .
.................................................................حجر.
| |
|
|
|
|
|
|
|
|
|
Re: ما كان هذا ليحصل دون سودانيز اون لاين (Re: قيقراوي)
|
| Quote: النشوف (المثقفين) و (الكتاب) و الديموغراطيين ح يكونوا على قدر ادعاءاتهم ويتعاملوا مع (النقد) بحقو ومستحقو .. ول ح يتموها عوارة ساااي |
يا قيقراوي أنا خليني زول بتاع لفحي و مفاحض....
الكلام الفوق دة حقك .
...خلاس عليك الله أخدني علي قدر عقلي و فسر لي ياخي
باقيلك انا ما بفهم عربي
وداير اعرف المثقفين الانت طلبت انهم ما يتعاورو يدددوهو حقو ومستحقو مفروض يعملو شنو
رغم انو انا ما مثقف ولا يحزنون لكن عشان المثقفين والدمقراطيين يفهمو حقو و مستحقو دي معناها شنو
وعليك الله بالمرة ورينا الاسلوب العوير الانت قاصدو دة ياتو بالتحديد عشان قبل ما نرد ما نلفح لينا مفحضة ساي
| |
|
|
|
|
|
|
|
|
|
Re: ما كان هذا ليحصل دون سودانيز اون لاين (Re: mekki)
|
تبارك شيخ الدين جبريل
(الله يخلّي لينا سودانيزاونلاين الرائدة في الديموقراطية وحرية التعبير ... والأولو شرط آخرو نور!)
القول ما قلت يا تبارك
د.نجاة محمود
لم اجد تناقضا يا بيان واضحا لهذا الفعل كما في سودانيز اون لاين , الحاجة الجميلة انه المنبر دا بيوثق كويس جدا كل المواقف دي ومن السهولة العودة للارشيف وليس ابلغ دليلا من ذلك موقف طه جعفر الخليفة المستنير جدا والشيوعي جدا واساءاته البالغة للاخوات هنا والموثقة جيدا له ولتاريخه المخزي ومن علي شاكلته من مدعى الاستنارة
mekki
تسلم يا مكي ودي حقيقة اوضحتها سودانيز بجلاء وبلسان المعارضين انفسهم
| |
|
|
|
|
|
|
|
|
|
Re: ما كان هذا ليحصل دون سودانيز اون لاين (Re: اساسي)
|
لو لا سودانيز اون لاين
لمـــــــا صارت الزاي (ذال) والسين صاد
ولما اقتنعنا بان تعليمنا مـــــاسورة ,
+++++++++++++++++++++++
ولو لا سودانيز اون لاين
لما تيقنت ان اهل السودان ما زالوا اهل نجدة وشهامة وسباقون للخير
وكل ما عليك ان تكتب مشكلتك هنا ,, لتجد الحل
| |
|
|
|
|
|
|
|
|
|
Re: ما كان هذا ليحصل دون سودانيز اون لاين (Re: عمار عبدالله عبدالرحمن)
|
ما كان عرفت: انو احمد ناجي و احمد عوض (ربشة) ماهم سودانيين..
ياخي الموضع فيهو تنظير و فيديوهات.. وعارفك مكجن محمد حيدر المشرف..لكن عليك الله تاوق بي هناك للنقة عن التأريخ و التاريخ البديل..و الفيديوهات.. لأني اللحظة ماني قادر على العتالة..وود الصايم يتفرج و يعمل نايم.. !!!
في وكت تاني ممكن نجيب النقة و الفيديوهات..كل حاجة باثباتها..!
كبر
| |
|
|
|
|
|
|
|
|
|
Re: ما كان هذا ليحصل دون سودانيز اون لاين (Re: Kabar)
|
عن إذنك يا أساسي
| Quote: إنت قلت لي القنصل داك ببقى ليك شنو ؟؟؟ |
Quote: قمة الدردقة تحياتي لك وانت تلتف كما الدبيب
التحية للجميع ووالله ما كان هذا ليحصل دون سودانيزاونلاين |
أصلاً يا الرفاعي حجر عادتك دي ما حا تخليها ولا حا تنعدل يوم وتاني الناس لمن تشوفك تجعر في البورد دا وتسف في التراب بنجيب ليهم حاجاتك دي
الشخصنة والابتزاز ياهو طبعكم أنت ومعاوية الصايم وجيلكم علموكم ليه الشيوعين وبقت طبع في شخصكم
رغم أنه أسلوب قديم وبايخ ومدان ومافيه فايدة وما بضر شخص غيركم ما عارف بستخدموه ليه
غاظك البوست والقبول اللقاه وما لقيت ليك حاجه عدمت الحجة وفقدت المنطق وما قدرت على أساسي قلت تستخدم أسلوبك المعهود وتبتزة وتشوه صورته
هسع لو الواحد فتش في كل الحتات البتداخل فيها بلقاك بتستخدم الأسلوب دا رغم أنك بتنصح في معاوية وبتمثل دور الواعظ التقي ولمن يقبضوك تجي تكورك وتعتذر وترجع تاني تعمل كدا
يوم أستخدموا معاك الاسلوب دا اتجرست وبكيت عدييييييل كدا وفنجتطك وفرنتبك ملت البورد عجاجة فمدام أنت ما بتتحمل الحاجة دي اخير ليك تخليها يا الرفاعي والبيته من قزاز ما بجدع الناس
قول تؤأم اساسي السيامي المتلصق معاه كوز ووزير وإنقاذي وعذب الناس دا علاقته بي كلام أساسي شنو ؟ ولا علاقته بي اساسي شنو ؟ ولا علاقته بالبوست دا شنو ؟
لو الناس بتحاسب أي زول بي قرابته بي مسؤول ولا كوز ماكان في معارض كتب في البورد دا
| |
|
|
|
|
|
|
|
|
|
Re: ما كان هذا ليحصل دون سودانيز اون لاين (Re: Haitham Elsiddiq)
|
Quote:
وعليك الله بالمرة ورينا الاسلوب العوير الانت قاصدو دة ياتو بالتحديد عشان قبل ما نرد ما نلفح لينا مفحضة ساي
|
انت لسة مصر (ترد)!؟ يا هيثم!؟
والله عقدتني عديييل كدا!!
يا اخوانا انا بكتب عربي ول بلغة قاطعا من راسي دا!؟
يا هيثم (الرد) هو بالضبط الغير مطلوب على (النقد)
هكذا ارى المسألة
متذكر زماااان -لمن كنا شفع- اها لمن واحد يوجه ليك (نقد) بتقوم تعمل شنو كدفاع وهجمة مضادة؟
وكتها -طالما كنا شفع- المسألة مقبولة ..
هل اسي مقبولة؟
يا هيثم ياخ لخير كدا كلامي خليو في محلو .. ما تقلبن لي كلامي
واعفيني من قرايتك الرغبوية دي ..
ما عندي زمن والله لمماحكة ولت وعجن
------
ما ترد على دي .. برضو!
ما سألت او منتظر اجابة انا هنا
وسم سانين وكت معترف:
Quote:
رغم انو انا ما مثقف ولا يحزنون
|
الغاغة فوق كم طيب!؟
بالجد والله انا كرهت المكان دا رسمي ي ي ي ي ي
| |
|
|
|
|
|
|
|
|
|
Re: ما كان هذا ليحصل دون سودانيز اون لاين (Re: ASHRAF MUSTAFA)
|
نعم والله لولا سودانيز ما شفنا العجب العجاب
لولا سودانيز ماكان زي الروبيضه حجر يقدر يقول لي أمثالي كلمة تالتن
يارفاعي ياها شجاعتك ورجالتك وقدرتك بس ورى الشاشة تقولها قدامي إلا اقطع رحطك ويوم بتلقاني قدامك
يعني بتحرش أساسي علي قايلني حا أخاف من أساسي قوم لف والله أساسي يقيف نفس موقفكم دا يترشه لمن يعرف الله واحد
خليه يجي يكضب ، خليه يجي يبتز ، خليه يجي ينافق والله نكون أقسي عليه من قسوتنا عليكم لأنكم ما منكم رجاء
ما في راجل بخوفني ولا عندي البخاف منه ، أنتو بتخافوا أساسي وبطلع عينكم وبتهابوه وتتمنوا ينعدم من الواطه الليله عشان تاخدوا راحتكم لكن ما بتسألوا نفسكم أساسي دا بخوفكم ليه وسبب قوتة البترهبكم دي شنو ؟ وسبب ضعفكم وإنهزامكم قدامه شنو ؟ وليه بجي يلعب بيكم ويتمسخر بيكم وهو زول ساي لا شيوعي لا أديب ولا قليل أدب زيكم ؟
بسيطة جداً أساسي واقف في المكان الصح القوي وأنتو واقفين في المكان الغلط الرخو وخاتين نفسكم مضحكة وإلعوبه
أخييييييي عليك جاري تتضارى ورى أساسي وما قديمة عليك قبل أيام في البوست المحذوف جريت اتضاريت ورى توب دكتورة نجاة استحقرتك وأزدرتك لموقفك الخيبان وأنت تتنايص
أنا متأكد أنه أساسي بكون قرى كلامك دا لكن ما عرف يقول شنو من القرف ؟
Quote: اطلع من الحتة بيني واساسي دي والله تدخل المطب دا تلقى نفسك في السهلة
وانت اصلك في السهلة خلقة الله فاطلع منها |
ما بطلع ياهو دا أنت وأساسي خليه يجي يقول والله ما أخليك ، أنت زول حاقد البوست حرقك وخاتيها في نفسك الحقودة لي أساسي قلت تجي تبتز أساسي هنا لمن وضحنا غرضك الرخيص قلت تتمحلس لي أساسي
Quote: دي علاقة غربة وونسة جيناتها
طيبة دي انت ما عندك فيها حاجة |
علاقات الغربة دي مكانها هناك في القهوي والصوالين و العزومات والزيارات والمجابرة مكانها ما هنا حاجاتكم الخاصة خلوها بيناتكم هنا دا بورد عام مش تربيزة في قهوة ولا لستك في الحلة أي حاجة تقولوها هنا من حقنا نتكلم عنها
بعدين أنت قايلنا قاعدين وين برضه نحنا في غربة وعلاقتنا ببورداب المنطقة الموجودين فيها بنخليها بيناتنا وما بنجيبها البورد
شنو حكاية ناس السعودية والحركات البعملوا فيها دي زول يجي ينبذ ليه زول ويتهمه تتكلم يقول ليك اسكت الزول دا صاحبة ولا قريبة وأنت ما تتدخل
اغرب حاجة اكتشفنا انه البوستات المسخنة في البورد بتكون ونسه بين شله اصحاب في السعودية ينتدروا بيها على المتداخلين
| |
|
|
|
|
|
|
|
|
|
Re: ما كان هذا ليحصل دون سودانيز اون لاين (Re: عبدالعزيز حسين عبدالرحيم)
|
المسكين الما فاهم اي حاجة في اي حاجة تالتن
والله زمااااااااان قلت ليك انا بناقشك فقط من
باب انك زول سااااي ما فاهم اي حاجة وبشفق على
ضغفك عليه شوف ليك بالله حتة اسند فيها طولك لتقرأ
اولاً ثم تفهم ثانياً شفت انت زي النكتة بتاعة الغبي
العذب ابليس واحد يوسوس ليه وعشرة يفهموه طيب بالله
شوفوا لينا زول يفهم الزول دا .
.........................................حجر.
| |
|
|
|
|
|
|
|
|
|
Re: ما كان هذا ليحصل دون سودانيز اون لاين (Re: عبدالعزيز حسين عبدالرحيم)
|
الرفاعي صديق شخصي وبينا علاقة صداقة اسرية , ومن الاعزاء الذين اعتز جدا بمعرفتهم في الواقع و وبينا جلسات وجلسات وود لا يحد افقه هذا السايبر
والاخ عبد العزيز ومن خلال هذا المنبر رغم اني لم التقيه الا ان مواقفه الفكرية والسياسية اقرب الي ما اؤمن به من افكار من معتقدات فكرية وخط سياسي
الا اونه الحق لابد ان يقال
انا ما كنت احب ان اكون بينكما حكما لهذا او لذلك , انا افصل جيدا بين العلائق الشخصية وبين ما هو مكتوب في منبر عام يقراه العامة والذين ليس لهم علم بعلائقنا الشخصية ولان ما يكتب هنا يبقي للغد والمستقبل والتاريخ , يجب علينا ان نسجل مواقفنا ناصعة دون تزييف
انا احترمت موقفك جدا يا رفاعي في بوست الاخ المشرف , وانه رغم علاقتنا الشخصية كنت تكتب نفسك وما تراه حقا , بل وقفت مع الجانب الذي تراه وهو حقا لك لا اقمطك فيه وان اعترضت علي ذلك الموقف في سياق البوست الا اني لا استطيع ابتزازك علي ما تراه من افكار ورؤي تمثلكها وتقيفها في هذا المنبر
بالمقابل اانت يا رفاعي لم تستطع الفكاك من سطوة ذلك البوست للمشرف الذي كتب متزامنا مع هذا البوست لذا كانت مداخلاتك هنا في نظري ظل لموقفك في ذلك البوست ولن اخفيك اني وجدتها مداخلات دون المستوي الذي كتب به البوست واذا راجعت البوست من البداية ستجد انك الوحيد الكنت فارق زمن في المداخلات عشان كدا انا ما عقبت علي اي من تلك المداخلات سلبا او ايجابا وتركتها تعبر دون تعقيب , واخذتها كما اسلفت انها ظل لموقف عام في بوست الاخ المشرف الذي لم تستطع الفكاك منه وانت تعلق في هذا البوست
ولا اعتقد انها تؤثر علي الود الشخصي بيننا والدليل علي ذلك اتصالنا والحديث بينا في التلفون والضحك علي تجاهلي في الرد
والود محفوظ لا غبار عليه
الاخ عبد العزيز
ولاني اقرأ جيدا في هذا المنبر اعرف انك اقرب الي وجداني في المواقف والروي , كما واني لا يعوزني الرد علي مداخلات الرفاعي , واعتقد اني رددت عليها بطريقتي الخاصة
ولاني اعلم جيدا ان الود المنبري مفقود تماما بينك والرفاعي كنت لا احب كما اسلفت ان يتم اقحامي في موقف لاكون بينكما ,لان من يقف موقف بينكما لا بد ان ينحاز الي طرف دون الاخر لانكما اوصلتما الامر الي نهاياته وقطعتم سبل التواصل المحترم واصبحتم تتبادلون انت والرفاعي نعوتا اراها غير كريمة في حقكما الاثنان
لذا اطلب منكم شاكرا الاثنان ان لا يكون هذا البوست امتداد لهذه القطيعة الدائمة بينكما ومكان لتبادل النعوت لانها لن تخدم قضية البوست كثيرا سوى تعميق الجفوة بينكما
الرفاعي صديق شخصي , وعبد العزيز صديق منبري
وكلاكما لم تكتبا في موضوع البوست شيئا يخدمه فكفا عن ذلك واوقفوا هذه المداخلات الي هذا الحد
فهذا البوست لا اريده امتداد لصراعكم المنبري
ولدي مشاركون اخرين لارد عليهم
| |
|
|
|
|
|
|
| |
اساسي
الرفاعي عبدالعاطي حجر
ABUHUSSEIN
نور الدين عثمان
البشير دفع الله
محمد ميرغني عبد الحميد
ابو جهينة
قيقراوي
بدر الدين اسحاق احمد
محمد على طه الملك
خالد عبد الله محمود
أبو عبيدة البصاص
وليد التلب
ادم شحوتاي
Hani Arabi Mohamed
Hussein Mallasi
Elhadi
smart_ana2001
معاوية الأرباب
Hisham Amin
Abdlaziz Eisa
Mekki M Alhassan
ود العجمى
طارق عبد اللطيف نقد
مجدي عبدالرحيم فضل
تبارك شيخ الدين جبريل
mekki
عمار عبدالله عبدالرحمن
Kabar
ASHRAF MUSTAFA
فيس بوك
تويتر
انستقرام
يوتيوب
بنتيريست