|
|
 Re: الوالى احمد عباس والفلاته فى ولاية سنار ... (Re: محمد عبدالرحمن)
|
السلام عليكم
يا سيدى احمد عباس لم تسلم منه كل الولاية
تدهور مريع فى كل النواحى
سنار من اغنى ولايات السودان (المفترض)
سنار الما فيها شنو؟؟؟؟؟
كوادر بشرية
اراضى خصبة جدا
موية
ثروة حيوانية
وبعد ده كلو امشى سجل زيارة لمستشفى سنجة او سنار.. او.. او.. وشوف العجب
اقسم بالله العظيم افضل ليك تموت وما تدخلها.
المشاريع الزراعية الولاية كانت من اولى الولايات فى زراعة القطن معظم القرى ان لم يكن كلها بها مشاريع زراعية وهاك
مشروع ام مرح
مشروع التوفيقية
الليونة
ام بنين
الرماش
كناف ابو نعامة
دار السلام
كمبو تسعة
و .. و .. و
دى جزء قليل جدا من المشاريع غرب النيل الازرق
اليوم المشاريع دى بور بلقع
القنوات والترع حالها يغنى عن السؤال اتدفنت وبقت كانها اثار من الزمن الجميل
البيارات صدئت ماكيناتها وينعق فيها البوم
مأساة مأساة مأساة
اذكر جيدا ونحن اطفال وحتى عهد قريب موسم زراعة القطن و الحش والكديب ثم اللقيط ثم الوزن
والمشروع طلق والبهائم شبعت اللبن رااااقد والناس مبسووووطة.
والطامة الكبرى قبل فترة واحد من ناس الولاية كاتب مقال عن انو الوالى عايز يبيد جزء كبير من غابات محمية الدندر الطبيعية بدعو استغلالها للزراعة وكأن الاراضى عدم.
وكل هذا تدهور فى زمن وجيز جدا.
اما التعليم فيكفى ان ما اثير حوله هو ما نفض الغبار عن تلك المأساة.
والساقية لسه مدورة
حسبنا الله ونعم الوكيل
حسبنا الله ونعم الوكيل
حسبنا الله ونعم الوكيل
|
|
 
|
|
|
|
فيس بوك
تويتر
انستقرام
يوتيوب
بنتيريست