|
|
 سقطة أخلاقية جديدة لسودانير
|
عند الرابعة من عصر الأمس الرابع من مايو أنا وأسرتي الصغيرة كنا نقف قبالة موظف كاونتر الرحلة رقم 102 الخطوط الجوية السودانية المتجهة للقاهرة وجرى الحال بيسر مريب لنجد أنفسنا في أقل من لمح البصر نجلس في صالة السلامة والتي هي آخر المحطات قبل الصعود للباص الذي يقل الركاب لسلم الطائرة وبدأ الركاب في الإصطفاف بمخرج البوابة 5 للتفويج بالباصات التي راحت تسير بانتظام وكنا وأسرتي ننتظر موجة الزحام الغير مبرر بالبوابة فكلنا سنسافر بنفس الطائرة ...
قليلا وتعود الباصات أدراجها معبأة بذات الحشود ويبدأ مسلسل التساؤلات : في شنو؟ قالو الطيارة متعطلة ... لالا قالوا لسه ما جاهزة ... لا قالوا طيارتنا ح تمشي جدة وفي واحدة كبيرة ح تجي من البحرين ...
ويبدأ الزمن يمضي ببطء قاتل حتى تجاوزت عقارب الساعة الثامنة والنصف دون إجابة قاطعة ... ثم ينادي أحد الركاب : قالوا ليكم الطيارة ما ح تقوم هسه .. العاوز يمشي بيتم يجي يسجل إسمو في الكاونتر والعاوز الفندق ينتظر ... شاورت زوجتي ولكن مخاوف بأن يسقط إسمك سهوا في طيراننا الغير محترم يجعلك ترفض فكرة أن تتتعتع من مكانك خشية أن تفوتك الرحلة برغم المرارات وقررنا خوض تجربة كنا نحاول عبثا أن نتخيل أدمى أشكالها ....
بعد العاشرة طلب منا موظف الخطوط إلغاء التأشيرة والإنتظار بكاونتر الخطوط لنبقى حتى الحادية عشر بدون حتى كلمة إعتذار ...وما زاد الألم أن غالب ركاب هذه الرحلة من النساء كبار السن والمقعدين بعامل المرض والسن بعد الإحتجاج وصلت حافلتين من حافلات مواصلات الصحافة لتقل المسافرين لفندق البحرين وهو لعمري سبب كافي يجعل حكومة دولة البحرين ترفع دعوى قضائية لتحرير سمعة دولتهم من الإقتران بهذا العبث والفوضى ...فندق أبسط ما يقال عنه أنه أدنى من مستوى لوكاندة بالسوق العربي ...
بعد أن رفض موظف الاستقبال بالفندق تقديم أي وجبات بحجة أن الخطوط أخطرته بأن المسافرين تناولوا وجبة العشاء قبل مغادرة المطار فجلست أمهات سودانيات في احتجاج صارخ لعدم حملهم نقود سودانية بعد أن ودعوا أهلهم ببوابة المغادرة فأطفالهم يبكون جوعا وموظف الفندق رجل إتجاه واحد ... الآن أنا ببهو الفندق أندب حظي بعد أن أفرغت جام غضبي في وجه أطفالي الذين كنت قد وعدتهم برحلة ترفيهية تنسيهم ضغط الدراسة والتحصيل وتكون بمثابة مكافأة حصولهم على الترتيب الول بمدرستهم ...فبدأت إجازتي بشركة طيران غير محترمة ...
|
|
 
|
|
|
|
|
|
|
|
Re: سقطة أخلاقية جديدة لسودانير (Re: Samer Osman)
|
بعد عدة لسعات قاتلة من الشمس المشرقة
انتقلت إلى ناقل وطني آخر
مارسلاند
منضبطون في مواعيدهم
وإجراءات سلامتهم
وهدوء طائراتهم
باستثناء المزعجة
4l-AJA
ويعيبهم فقط سوء وجباتهم
وحداثة خبرة طاقم الضيافة
وبخلهم في توزيع أنصاف أكواب من العصير.
- تجربة ممتدة عبر المسارات الداخلية والدولية -
| |
|
|
|
|
|
|
|
|
|
Re: سقطة أخلاقية جديدة لسودانير (Re: Samer Osman)
|
ليس اللوم على سودانطير ولكني اضع اللوم عليك لأنك أدخلت يدك في جحر الدبور
وأنت ترى مئات المقالات التي حفل بها المنبر عن سودان طير وعدم احترامهم للبشر
وتعاملهم السخيف ، فمن كانوا يديرون هذه المؤسسة عندما كانت بخيرها تشتتوا في بقاع الارض لأسباب دعتهم لذلك
ووالله احمل هماً ثقيلاً حتى أجتاز مطار الخرطوم داخلاً أو خارجاً في زياراتي للسودان من مقابلتهم للقادمين بوجوههم المكفهرة
واستقبالهم الذي يوحي للزائر والقادم بعدم الرضا ، وبحثهم الدؤوب في اوراق القادمين
أو المسافرين ليجدوا ثغرة من مافي ليمرمطوا المواطن
كنت اتمنى أن يكون سودان طير ناقلاً وطنيا وخياراً أولاً لي في ترحالي ولكن !!! هيهات
فيا أخي هذه المؤسسة تعدت مرحلة الاحتضار وليجدوا لها مرقداً لتستكين إليه
ولك الود والجاتك في رحلتك سامحتك وتاني أوعك
| |
|
|
|
|
|
|
|
|
Re: سقطة أخلاقية جديدة لسودانير (Re: Samer Osman)
|
شكرا سامر علي البوست
و ربنا يعوضكم
ادناه علي اعتقد جملة اسباب لتدهور خدمات الخطوط الجوية السودانية
تشريد الكوادر المدربة
التلاعب في موارد الشركة المالية
الحصار الاقتصادي الناتحج عن سياسات النظام الرعناء
فضلا عن استسهال فكرة اذلال المواطن السوداني من قبل اي جهة يفترض فيها ان تخدمه
لان النظام جعل فكرة اذلال المواطنين عملا عاديا لا بل مرحب به
كل هذه الامور تجعل السفر علي سوداناير فكرة رحلة ضنك
طه جعفر
| |
|
|
|
|
|
|
|
|
|
Re: سقطة أخلاقية جديدة لسودانير (Re: عبدالله محمد أحمد)
|
سلام لكل المداخلين بالفعل أنا من فعل بنفسه هذا الجرم وهاانا أجني حصاد فعلتي بل ومعي أطفالي .... الآن خرجت من الفندق لسوء الخدمات ولذت فراراً ببيتي .... المساعي جارية لتغيير التذكرة على شركة طيران محترمة لأنه وحتى اللحظة لا توجد معلومة عن الرحلة البديلة ولأني أتحاشى هم التفكير في العودة والتي ستكون أسوأ من هذه المحنة لذا لابد من تغيير الخطوط كتبت هنا لأحذر الآخرين من خطر الوقوع في نفس المشكلة .... سيما والإجازات على الأبواب والموسم على وشك البداية وسودانير كعادتها ستنصب شباك الخديعة والمكر بعروض تبدو مغرية من حيث لا يدري السوداني البسيط" أن السم في الدسم" دعوتي للجميع بالمقاطعة والحذر والسعي بكل ما أوتينا من قوة من بتر هذا الورم الذي أرهقنا وذهب بسمعتنا لمنتهى الوحل فأصبحنا محل سخرية بين شعوب الله في المعمورة
الناقل الوطني
المؤتمر الوطني
جهاز المخابرات الوطني
ياللقبح ...
قلبي على "وطني"
| |
|
|
|
|
|
|
|
|
|
Re: سقطة أخلاقية جديدة لسودانير (Re: Samer Osman)
|
| Quote: ..فبدأت إجازتي بشركة طيران غير محترمة |
اتخاذك لقرار السفر علي سودانير وانت بصحبة أطفال يثبت انه ليس لديك ثقافة السفر
يا اخي سودانير دي أنا المسافر عليها ما بودعه ولا بوصلة لا للمطار ولا من المطار
مشكله سودانير في العنصر البشري الذي يقودها اولا وآخرا
طائرات تتعطل وتقع ومكن تقع مشكله تعطل الرحله في اخر لحظة كلة وارد في كل شركات الطيران في كل أنحاء العالم
ولكن ما يميز شركة عن اخري هو درجة استجابة الموظفين للمتغيرات وتعويض المسافر المتضرر اولا بتفهم مشكلته والتخفيف عنه
وسرعة التصرف براحة المسافر سواء بتقديم خدمات اللجو لفندق او تقديم خدمة بالمطار نفسة مش تنتظر ساعات وساعات وبعدين يودعون بفندق بالسوق العربي
| |
|
|
|
|
|
|
|
|
|
Re: سقطة أخلاقية جديدة لسودانير (Re: الزبير صالح الزبير)
|
.
الطير مخلوق من خلق الله سبحانه و تعالى له كرامته و لا يشبه الخطوط السودانية سودانزxx بتاعتكم دى.
أرجوا عدم تدنيس سمعة الطيور بإلحاقها بسودانزxx.
كان والدى (رحمة الله عليه) مسافرا غلى الخطوط الهولندية من مدينة اوربية أظن لندن الى الخرطوم.
حينما حضر للمطار أخبروه بأنه لسبب ما لن تكون هناك رحلة للخرطوم و سيوصلوه لجدة و حجزوا له من جدة الى الخرطوم برحلة على سودانزxx.
رفض والدى العرض و أصر أن لا يركب سودانزxx . فى النهاية أقنعوه بأنه الناقل الوترى (بوترك من ركوبه مرة أخرى).
المهم أبوى أخد و رطة لا توصف فى مطار جدة. بات على الاقل ليلتين على الكراسى.
أول ما وصل السودان كتب خطاب شكوى طويل عريض لمدير الخطوط الهولندية فى السودان.
طلب منه المدير مقابلته فى مكتبه. و ذهب والدى له بالمكتب. حيث إستقبله أحسن إستقبال و أعتذر له بشدة على المرمطة التى حدثت له من قبل سودانزْْxxx و عوضه بتذكرة مفتوحة ذهاب إياب إلى لندن على الخطوط الهولندية.
| |
|
|
|
|
|
|
|
|
|
Re: سقطة أخلاقية جديدة لسودانير (Re: الزبير صالح الزبير)
|
عارف ياسامر فى نهاية نوفمبر المنصرم قالو حضور للمطار سبعة صباحا .. ركبت عربتى وشلتا اولادى الساعة اربعة فجر من القصيم للرياض فى برد شديد ده غير انو العفش رسلتو قدامى لواحد صاحبى ومشيت ختيت عربيتى عندو وركبنا انا واولادى فى عربيتو ومشينا مطار الرياض قالو الطيارة تاخرت لحد تلاتة عصرا وبقيت قاعد فى الارض مع وليداتى رقدت معاهم ونومتهم فى ارض صالة المطار بتاعين سوادانير يجو ماشين وجايين فينا بلا اى اهتمام - لما جات الساعة تسعة مسا قعدت اتساءل ياجماعة الناس ديل مواعيدهم كدا معناتو طيارتم دى سلوكا ضاربة وصيانتا معدومة ياجماعة دى ورطة شنو دى الولد الصغير قال لى يابابا انا جعان والبنت الصغيرة قالت عاوزة عصير -مشيت نزلت تحت اشتريت دونات السعر فى المطار غالى مقارنة بالخارج ، لاقيت مدير الصالة كان مصرى قلت لى ياخى انا عاوز اشتكى الخطوط السودانية الخطوات كيف قال لى اقولك لكن ماتقولش انا الى قلتلك عشان مايزعلوش منى الاخوان السودانين فى سودانير قلت لى قول قال لى تمشى لمدير ادراة عمليات المطار وهمس لى على فكرة عندهم انذار اخير هنا وبالفعل اتحركت كلمتا مجموعة من الشباب معاى وبدينا نتحرك ونتجمع فى اللحظة دى تخوفو وقامو ندهو بالمكرفون انو عندنا وجبة عشاء -جلو وجبة الغداء طبعا وادونا عشا بس - البايخ فى الموضوع انو العشا بتقيف ليهو صف وبتسجل اسمك واسم وليداتك غايتو حقارة ومهانة وزلة الواحد حسة بيها لى يوم الدين ماتطلع منو انا غايتو اتكلت باعلى صوتى وكشفت حالهم *المهم واحد منهم جانى قالى لى ياخ ماف داعى للكلام ده قلت ليهو سؤال واحد بس انتو فى الارض بتسو لينا كدا فوق فى الجو حاتعملو شنو طيارتكم دى اوعا تكون صيانتا برضو كدا عطلة فى عطلة قال لى لا بخصوص الصيانه فى قواعد دولية بتحكما قلت الحمدلله قال لى مجرد ماتوصل فى لجنة من المطار بتفحصا وبتحدد جاهزيتا قلت لى اهم حاجة مايكون فيها سودانى واحد ياريت يكونو البصينوا فى الطيارة دى كلهم من الفلبينين الاكفاء وهنا نظرت لكلامى وقلت ياجماعة شوفو سودانير دى وصلتنى لاحساس بالدونية قدر شنو حتى فى مقدراتى ومقدرات عدد هائل من المهندسين اصحابى البعرفهم جيدا .
المهم باختصار نحنا وصلنا الخرطوم تانى يوم واحدة صباحا - اولادى عيانين وانا عيان وزوجتى عيانة الناس تسلم علينا ونحنا ماقادرين نتكلم كانت اجازة مريرة خلتنى خايف من الاجازة الجاية مع قسم غليظ بعدم التعامل مع هذا الناقل ابدا ابدا ابدا منتهى القبح كانت بداية سيئة لاجازة سيئة والآن قدر ما اشتاق للسودان بتذكر الالام والاحباط بسبب هذه الرحلة فيهبط شوقى .. واقول انا ماماش .ماماش عديل كدا .
| |
|
|
|
|
|
|
|
|
|
Re: سقطة أخلاقية جديدة لسودانير (Re: بابكر عثمان مكي)
|
- لو تقدم كل مسافر أصابه تقصير من سودانير بشكوى ضد سودانير لدى سلطات المطار الذي سيسافر منه - سيصل إليه
لاضطرت الشركة لإصلاح حالها.
المجاملة والطيبة الزائدة من قبل المسافرين هي التي أدت إلى إساءة موظفي تلك الشركة للأدب.
| |
|
|
|
|
|
|
|
|
|
Re: سقطة أخلاقية جديدة لسودانير (Re: مصطفى محكر)
|
* شكرا باشمهندس بكري للإهتمام
حتى الآن أنا وأسرتي محلك سر ...عدنا لبيتنا .... قبل قليل ذهبت للمطار لسحب التذكرة وإرجاعها .... أخبرني الموظف المسئول أنه لا علم له بكروت صعود الطائرة ولا ملف طائرة الأمس !! نصحني بمراجعة مكتب المطار .... كاونتر مكتب المطار : شاب يبدو أن لديه من الواسطة ما جعلته يتخطى كل الشروط والمعاينات ليتم تعيينه بالكاونتر فيمشي منتعلا "سفنجة" ويبدو غير مهندم بالمرة ولا يملك من الذوق ما يعينه على القاء التحية أو ردها .... قال لي" أنا إستلمت الوردية هسه وما عارف حاجة بخصوص موضوعكم ده ... أمشي اتصل على العمليات "!!!!!! ضحكت وقلت له وأنا أجرجر أطراف دهشتي ... " إنتو مدهشين...إنتو بختاروكم بمواصفات عالية من حيث عدم الإحترام للذات قبل الآخرين" إتصلت بصديق لي لديه بعض المعارف بالخطوط ...أخبروه أن المساعي جارية لتأجير طائرة شريطة أن تكون بمستوى فندق البحرين .... لا تذهبوا بعيدا ... تابعوا مسلسل " طائر الشؤم الخرافة" سودانير...
| |
|
|
|
|
|
|
|
|
|
Re: سقطة أخلاقية جديدة لسودانير (Re: ايمان بدر الدين)
|
عاجل من مطار الخرطوم
إتصلت بي زميلة دراسة لتخبرني بأن الطائرة التي استنجدت بها الخطوط السودانية لن تسع جميع الركاب ... قالت لي أسرع فالخطوط ستقل أول 160 راكب والبقية سيبقون لحين حل آخر ....
الآن أنا بالصالة وفي انتظار الفرج .... فلنتحد لمقاطعة هذه الخطوط لإيجاد نهاية لهذه المهازل
شكرا لكل من كتب مؤكدا بأن المسألة ليست سوء طالع وإنما سوء إختيار .... وأنا ربما أسمي حالي وركاب الرحلة بضحايا جدد لفخ شركة الخطوط السودانية التي نطالب "الأياتا" بوضع حد لتجاوزاتها
كونوا معنا فربما لا تكون هي الحلقة الأخيرة
| |
|
|
|
|
|
|
|
|
|
Re: سقطة أخلاقية جديدة لسودانير (Re: ايمان بدر الدين)
|
سلام للجميع
سامر الان فى المطار مع اولاده قال شنو قال فى واحد صاحبو ضرب ليهو قال
احسن يكون فى المطار لانو الطيارة صغيرة!!!!!!!!!!!!!!!!!!!!!!!!!!!!!!!
لا اذيع سرا اذا قلت لسامر صديقى
اللهم شماتة
اعتقد اننا موعودون ببوست العودة 
| |
|
|
|
|
|
|
|
|
|
Re: سقطة أخلاقية جديدة لسودانير (Re: Samer Osman)
|
| Quote: يبدو أن لديه من الواسطة ما جعلته يتخطى كل الشروط والمعاينات ليتم تعيينه بالكاونتر فيمشي منتعلا "سفنجة" ويبدو غير مهندم بالمرة ولا يملك من الذوق ما يعينه على القاء التحية أو ردها |
ده يا سامر مشكلة تواجه الخدمة المدنية في السودان بصورة عامة .. والسبب الأساسي هو عدم وجود ادارات متخصصة (للجودة) ..
والتي أصبحت من الأساسيات في أكثر دول العالم .. فلا يوجد Supervision من القيادات الإدارية للتأكد من أن كل الخطوات سليمة
وأن (المسافر) يجد كل الإحترام والتقدير .. عدم وجود شخص مسئول في مكان (الحدث) يستطيع السيطرة ويحسن التصرف ويستمع للشكاوي
ويسعى بجد لحلها .. حتى الإيتسامة والكلمة الطيبة (حرمنا) منها منذ زمن بعيد ..
صحيح لقد تأثرت (سودانير) بالمقاطعة الإقتصادية .. ولكن ما هو المانع أن يتم التعويض عن ذلك ( بالتصرف السليم والمسئول والمحترم)
من المسئولين ؟؟؟؟!!!!
ربنا ييسر أمركم ويعينكم على ( بلواكم) .. فالسفر على سودانير حقيقة إبتلاء ...
| |
|
|
|
|
|
|
|
|
|
Re: سقطة أخلاقية جديدة لسودانير (Re: Dr. Ahmed Amin)
|
Quote: شاب يبدو أن لديه من الواسطة ما جعلته يتخطى كل الشروط والمعاينات
ليتم تعيينه بالكاونتر فيمشي منتعلا "سفنجة" ويبدو غير مهندم بالمرة
ولا يملك من الذوق ما يعينه على القاء التحية أو ردها |
والله غلبنى الا ان اضحك
| |
|
|
|
|
|
|
|
|
|
Re: سقطة أخلاقية جديدة لسودانير (Re: النصرى أمين)
|
أذكر آخر مرة ركبت فيها طيارة سودان ايرويز ..
كان ذلك قبل عشرين عاما أو يزيد ..
وحرقتنى تلك السفرية بالتحديد لانى أحمل تذكرة درجة اولى ..
وحضرنا ولم نجد الدرجة الأولى ..
نهائيا مافى ..
قاموا جابوا ستاره بينا وبين ناس الدرجة السياحية التعبانين ..
وكانت آخر تذكرة درجة اولى أقطعها فى حياتى ..
وآخر رحلة بسودان ايرويز ..
| |
|
|
|
|
|
|
|
|
|
Re: سقطة أخلاقية جديدة لسودانير (Re: محمد حيدر المشرف)
|
حسب معلوماتي وتحرياتي في الموضوع
انه فعلا كان هنالك عطل ادى الى تأخر الطائرة ونسبة لان الركاب كانوا في
مرحلة ما بعد البوردينق فلابد من نقلهم الى فندق .....
والفندق ليس بهذا السوء الذي ذكر .
في نفس الوقت الركاب في القاهرة تم اعلامهم بالرسائل عن تأخر الطائرة
وتم بالفعل تأجير طائرة خطوط مصرية وقامت بحل المشكلة .....
ولازلت اتحرى الموضوع وغدا صباحا سامر على مكتب الخطوط السودانية بالتحرير
واتحرى من الاستاذ / ياسر المدير الاقليمي بسودانير بالقاهرة عن حقيقة الامر ...
صلاح غريبة - اعلامي وصحفي مقيم بالقاهرة
| |
|
|
|
|
|
|
|
|
|
Re: سقطة أخلاقية جديدة لسودانير (Re: صلاح غريبة)
|
| Quote: والفندق ليس بهذا السوء الذي ذكر . |
عن فندق البحرين:-
استضاف الهلال فريق افريكا اسبورت واستضافة في هذا الفندق ولكن الفريق سرعان ماغادر وكتب هذا التعليق
أشار تقرير منشور في الموقع الرسمي لآفريكا سبورتس إلى أن بعثة فريقهم
لم تجد في استقبالها بمطار الخرطوم ممثلاً لنادي الهلال، وأن البعثة رفضت
الإقامة في فندق البحرين العالمي القريب من السوق (وصفه التقرير بأنه فندق
2 نجمة)، وأكد انتقال البعثة للإقامة في فندق كورال الخرطوم (هيلتون سابقاً).
| |
|
|
|
|
|
|
|
|
|
Re: سقطة أخلاقية جديدة لسودانير (Re: Mohd Ibrahim)
|
سودانير ناقل
وطني ممتاز و ملتزم
اكثر من اللزوم
وما سمعناه اتخر يوم
و فندق البحرين خمسة نجوم
وفيهو احواض سباحة و ملعب قولف
والرحله ده ما اتخرت الا لخير
خلاص يا غريبة ما تمش تسأل
-------------------
دعوة صريحة مني لمقاطعة سودانير حتى ينصلح الحال
ياخونا دي بتاكل من اعصابنا وكرامتنا قبل لحمنا
ويقول ليك اشان الوزن ومرات شوية فرق في السعر
| |
|
|
|
|
|
|
|
|
|
Re: سقطة أخلاقية جديدة لسودانير (Re: صلاح غريبة)
|
مرة وانا في مطار القاهرة
انتظر صديقاً قادم من الخرطوم
على طائرة سودانير
لما إتاخرت الطيارة
سالت الموظف المصري
بلهجة مصرية
هي السودانية حاتوصل إمتى .....
كان رده كوميدياً ومضحكاً
أزال الكثير من نكد الانتظار
- بتسأل عن مين ؟
- السودانية راح توصل إمتى ؟
- يا راااااجل ... دي ستهم ... تروح وأأت (وقت) ماهي عايزه وتيجي وأأت ماهي عايزه
دي ستهم ... ماتسألش عن ستهم ... هي حرة ... ستهم مالهاش مواعيد ... هي حرة لانها ستهم
| |
|
|
|
|
|
|
|
|
|
Re: سقطة أخلاقية جديدة لسودانير (Re: كمال الشادي)
|
في واحد بحكي لي قبل كدا .. غايتو ما عارفها ( مكنة ) ولا حقيقة
المهم..
قال الدنيا كانت وقفة عيد
والزحمة في مطار جده مافي طريقة تحك كراعك
اخيرا اتفتحت الابواب وأعلنو عن رحلة الخطوط السودانية المشتتة للخرطوم
واتقصت تذاكر (الصعوط) للطائرة
والجماعة ركبو الطيارة وكلو متفاجئ انو مقعدو فيو زول قاعد
وشوية شوية الشماعة ابتدت تزيد
والمقاعد بقت مستفة فل والشماعة كمان
والناس ابتدت تجض وتطنطن
واخيرا خرج الكابتن بنفسو على الناس وقال ليهم :
- يا جماعة كلو سنة وانتو طيبين .. وزي ماعارفين يا جماعة الدنيا وقفة عيد وكدا
ومافي وكت والناس كلها عاوزة تعيد مع اهلها .. دحين النفوس تطايب يا جماعة والناس تتشايل لحدي ما الطيارة تقوم وبعد داك ممكن تقيفو عادي
وهكذا ..
الطيارة مشت ( شماعة ) لحدي مطار الخرطوم ..
| |
|
|
|
|
|
|
|
|
 Re: سقطة أخلاقية جديدة لسودانير (Re: مازن الجمّال)
|
Quote: في واحد بحكي لي قبل كدا .. غايتو ما عارفها ( مكنة ) ولا حقيقة
المهم..
قال الدنيا كانت وقفة عيد
والزحمة في مطار جده مافي طريقة تحك كراعك
اخيرا اتفتحت الابواب وأعلنو عن رحلة الخطوط السودانية المشتتة للخرطوم
واتقصت تذاكر (الصعوط) للطائرة
والجماعة ركبو الطيارة وكلو متفاجئ انو مقعدو فيو زول قاعد
وشوية شوية الشماعة ابتدت تزيد
والمقاعد بقت مستفة فل والشماعة كمان
والناس ابتدت تجض وتطنطن
واخيرا خرج الكابتن بنفسو على الناس وقال ليهم :
- يا جماعة كلو سنة وانتو طيبين .. وزي ماعارفين يا جماعة الدنيا وقفة عيد وكدا
ومافي وكت والناس كلها عاوزة تعيد مع اهلها .. دحين النفوس تطايب يا جماعة والناس تتشايل لحدي ما الطيارة تقوم وبعد داك ممكن تقيفو عادي
وهكذا ..
الطيارة مشت ( شماعة ) لحدي مطار الخرطوم .. |
لية يا مازن مستبعد حاجة زي كدة
أنا احكي ليك حاجة مشابهه حصلت لي شخصيا
كنت مسافر من الخرطوم لعطبره اول التسعينات والطائرة فوكرز 50 ركبنا الطيارة ودورت ومشت اتجاة الرن وي وبعد شوية وقفت ورجعت تاني مكانها
وفتحت الأبواب وركب واحد من ناس سودانير وخاطب الركاب يا جماعة معليش شيخ الطريقة البرهانية الشيخ محمد عثمان عبدة البرهاني / الله ورحمة ماشي عطبره وعنده حولية محصلها
وعشان كدة عاوزنكم تتضايروا وهو راجل بركه وإنشاء الله بيسهل ليكم السفريه دي . وقفت أنا علي حيلي وعاينت للركاب لقيت ليك الطيارة فل مافي مكان واحد فاضي
ومافي دقيقتين وجاء الشيخ ومعة زي عشرين بين راجل ومرة اغلبهم أجانب - بعد سنين لمن سكنت جار الشيخ عرفت انهم حيران المان - المهم كل كرسيين مع بعض
زادوا ليهم واحد من جماعة الشيخ وانا وجاري كان نصيبنا ألمانية توزن ثلاث أرباع الطن وطبعا لك ان تتخيل حالي بعد الجلوس لحوالي الساعة مع هذا البلدوزر في هذا الحيز
الضيق
مع سودانير وعمايلها مش حا تقدر تغمض عينيك
| |
|
|
|
|
|
|
|
|
|
Re: سقطة أخلاقية جديدة لسودانير (Re: الزبير صالح الزبير)
|
Quote: وفتحت الأبواب وركب واحد من ناس سودانير وخاطب الركاب يا جماعة معليش شيخ الطريقة البرهانية الشيخ محمد عثمان عبدة البرهاني / الله ورحمة ماشي عطبره وعنده حولية محصلها
وعشان كدة عاوزنكم تتضايروا وهو راجل بركه وإنشاء الله بيسهل ليكم السفريه دي |
الاخ الزبير
وناس البوست كلكم
الموضوع بتاع الزول بتاع سودانير ده
ذكرني مرة مشيت أديس ابابا بسودانير
المهم في الكاونتر ,,, الموظف قال لي الطيارة مليانة ,, ومامكن تشيل الشنطة بتاعتك فوق في الطيارة ,,, الشنطة كانت ذي ثلاث كيلو كده
الحقيقة دي كانت أول مرة اركب فيها الطيارة دي
ختيت في رأسي , أنو الطيارة زحمة - ذي بقية الشركات الثانية - قلت خير
ما في مشكلة
المهم ركبت الطيارة ,,, لقيت عدد المسافرين بين 10 إلى 15 شخص
كومنا آخر الطيارة
جات المضيفة ,,, تقدم الوجبة
يعني مربطه بي بالحجاب ,,, ومكشرة ,,, تقول عندها مشكله ,,, عاينت لي من فوق لي تحت , قلت ممكن تكون معجبة بطريقة شاذة شوية
لم جات ختت الوجبة , بالجد احترت ,,, رمت الوجبة على طوالة ,,, ذي التقول مشاكلاني
من ديك
والله - خوف ساي - ما قدرت اطلب شربة موية ,,, ح دي ما وصلت أديس
نزلت من الطيارة ,,,
فتحت عديييييييييييل
وماعاينت وراي تاني
| |
|
|
|
|
|
|
|
|
|
Re: سقطة أخلاقية جديدة لسودانير (Re: Samer Osman)
|
حضرت قبل قليل من مطار القاهرة الدولي الصالة ( 1 )
الرحلة المغادرة هي رحلة الخرطوم السودانية رقم sd103 المتجهة للخرطوم
قامت الرحلة في مواعيدها
على الرحلة زوجتي وكنت قلق على تاخر الرحلة
الساعة 7 مساء امس وصلتنا رسالة sms بالحضور للمطار الساعة الحادية عشر ونصف صباحا
ومن شد قلقي كثفت اتصالاتي مع الزملاء في سودانير
وصباح اليوم ازعجت حتى الاستاذ ياسر مدير مكتب سودانير بالقاهرة
وكانت اجابتهم واحدة بان الطائرة في مواعييدها ......
وفعلا قامت الطائرة في مواعيدها ولكن ملاحظات زوجتي والتي تلقيتها بالهاتف كانت
تاخر المسافرين فيى الحضور رغم ان الميزان فتح من الساعة الحادية عشر صباحا
ان اغلب المسافرين يحملون في ايديهم كراتين وامتعة يصعدون بها الى الطائرة ...
ونشدد جدا بضرورة ثقافة السفر وحمل الامتعة فلازالت ثقافتنا ضحلة جدا في هذا
فاكل يود ان يشحن امتعته ويحمل في يده ويد ابنائه بعض الامتعة والملاحظ ان المسافرين في الخطوط الثانية
لا يفكرون حتى في هذا
واغلب ا يحملونه هو اللابتوب او شنطة صغيرة جميلة تسر الناظرين
ساواصل
| |
|
|
|
|
|
|
|
|
|
Re: سقطة أخلاقية جديدة لسودانير (Re: صلاح غريبة)
|
| Quote: اعلامي وصحفي مقيم بالقاهرة |
غريبة يا غريبة
آمل ألا تكون معرفتك بالإعلام كمعرفتك بسودانير ...
الكل خطأ وأنت الصحيح ؟؟!!
فندق البحرين ليس بهذا السوء؟؟؟
أنا نمت في الأرض لعدم توفر غرفة تسعني وأطفالي وقفل الباب مكسور .. عمرك سمعت بباب غرفة فندق بايظ؟؟!!والله مكيف الغرفة متعطل !! الصباح لما نزلت الميزانين للمطعم قالوا الشاي مخلص ...نزلت شربت عند ست الشاي ... طيب شوية كدة ومشيت سألت من الفطور ... بعد ذلة وطول مهانة جاء واحد (...) شايل صحن فيه بطاطس مقلي وبيضة وعيشة قال لي ده الفطور !!! والله على ما أقول شهيد ...
يا عزيزي هذه الخطوط وجه كالح لا يغبر عن الوطن لذا لي أن انعتها بكل صفات القبح والدون ....والدليل أن وصول الرحلة التي أقلت زوجتك تعتبر مفاجأة وإلا لم تكن تحتاج لـ :
Quote: ومن شد قلقي كثفت اتصالاتي مع الزملاء في سودانير
وصباح اليوم ازعجت حتى الاستاذ ياسر مدير مكتب سودانير بالقاهرة
|
ولي مثلك عودة
| |
|
|
|
|
|
|
|
|
|
Re: سقطة أخلاقية جديدة لسودانير (Re: Samer Osman)
|
ما أود توضيحه أنني لا عداء لي مع فندق البحرين ... فأنا لا أعتبر عميلا ولم أختر النعامل مع هذا الفندق .. ولكن سوء تعامل سودانير مع المشكلة جعلتني وأسرتي نمضي أسوأ ساعات بالمطار والفندق
لا علاقة لي برداءة الفندق زلكني أدعو لمقاطعة هذه الخطوط
| |
|
|
|
|
|
|
|
|
|
Re: سقطة أخلاقية جديدة لسودانير (Re: Samer Osman)
|
سامر حمد لله على سلامتك والاولاد والمدام
قلت لى تدعو للمقاطعة
سا مر شكلك الوحيد فى البوست ده الما مقاطع
رغم شماتى فيك لكن بالجد اتمنى ليك اجازة حلوة شدييييييد
وابتهل الى الله ان يهبك عودة الى ارض الوطن كعودة زوجة صلاح غريبة
اللهم امين يا الله قادر على كل شى
_______________________
افتقدناك فى الاجتماعات
الايام مدورين كويس
والجائزة ان شاءالله تطلع ابهى
| |
|
|
|
|
|
|
| |
Samer Osman
Hani Arabi Mohamed
ترهاقا
طه جعفر
Mohamed Foto7li
Al-Shaygi
الزبير صالح الزبير
بابكر عثمان مكي
مصطفى محكر
ايمان بدر الدين
Siham Elmugammar
محمد حيدر المشرف
صلاح غريبة
Mohd Ibrahim
محمد علي شقدي
كمال الشادي
مازن الجمّال
حاتم محمد
أسامة البلال
SILVER MOON
فيس بوك
تويتر
انستقرام
يوتيوب
بنتيريست