|
الف سلامة عليك ياABUHUSSEIN .. ربنا يديك قوة التحمل
|
هسه سمعت بما اصاب اصبع يدك اليمين من فكك ولا كسر ماعارف .. فالف الف سلامة عليك ياحبيب . واعذرني انا قايلها الضربة القديمة عشان كده ماكفرت ليك بس قالوا ديك في اصبع الرجل الشمال ودي في اصبع اليد اليمين مما يعني انها ضربة جديدة ..
اجر وكفارة ان شاء الله
إحتسب ..
|
|
|
|
|
|
|
|
*** دخل القش .. وما قال كش *** (Re: طارق جبريل)
|
سلامات أبو حسين إنشاء الله ما تشوف شر يا رب .. أجر وعافية إنشاء الله
.................... أكيد الكبشرة سوت فيك كدا؟؟ (ههههههههههههه) هسة يا فايز في داعي تمرق الموضوع دا ؟؟ كدا ح تخلينا نسرح ونلف وندور بدون ما يكون في زول بكبشر لينا
تحياتي فايز والف سلامة ابو حسين
| |
|
|
|
|
|
|
Re: الف سلامة عليك ياABUHUSSEIN .. ربنا يديك قوة التحمل (Re: احمد التجانى احمد)
|
الأخ الكوز ابو حسين الف سلامة وما تشوف شر حسنة وأجر واجازة وجيفارا ومعاوية الصايم باذن الله وطالما ان مصابكم باصبع يدكم اخي الكريم فأبشر انها بشارة بنصركم بعون الله
الاخ الاجنبي المناضل الجسور فايز ود القاضي ..
احسن الله الي عزاءكم فقد سمعت ان اسياس افورقي اتلحس ..! أفرحكم الله بمصابكم الجلل يا صنديد ويعوضكم الله بخليفة اكثر انفتاحاً على همومكم ومشاكلكم واكثر عدالة عسى ان تستقبلكم اوطانكم عند عودتكم مرة اخري بزراعين مفتوحين
| |
|
|
|
|
|
|
Re: الف سلامة عليك ياABUHUSSEIN .. ربنا يديك قوة التحمل (Re: ساميه حامد)
|
Quote: لجميع محبي ابو حسين بالإنجليزي:
الرجل لم يصبه أي شيء،،
الموضوع مزاح من العيار الثقيل (ههههه) من حبيبنا ود القاضي،،
وبما أن بورداب الرياض كلهم من ذوي الدهون الثلاثية (شية وشيشة)، فإني ومن مبدأ الرفق بهم أنفي هذا الخبر الذي أزعجني جملة وتفصيلا ،،
هاردلك ياود القاضي ،،
شوف اصبع تاني!! هههههه
عذبتنا ياخ،، |
تسلم يا ابو خالد وما تشوف شر إن شاء الله
انت عارف كده انت طمنت الناس على ابو حسين من ناحية
ومن ناحية تانية طلعتني من تهمة خطيرة وملفقة من الزميل (العميل ) ود القاضي
| |
|
|
|
|
|
|
Re: الف سلامة عليك ياABUHUSSEIN .. ربنا يديك قوة التحمل (Re: ساميه حامد)
|
فرقك شنو من هشام آدم.......؟؟؟؟
علشان قلت ليك المفروض تعزم بورداب جده و مكة لي سماية الولد عملت عمليتك ال########ة دي ...؟؟؟
قول ما عندي حق السماية... بنعمل شيرنق و بنعمل السماية و معاها حفلة كمان
إنتو وقت ما قادرين على السماية معرسين لي شنو ..؟؟
يا جماعة أنا لا أصبعي مكسور و لا بعرف الزول دا زاتو علشان إفتح ليه بوست زي دا
شكراً للجميع
| |
|
|
|
|
|
|
Re: الف سلامة عليك ياABUHUSSEIN .. ربنا يديك قوة التحمل (Re: ساميه حامد)
|
Quote: تسلم يا ابو خالد وما تشوف شر إن شاء الله
انت عارف كده انت طمنت الناس على ابو حسين من ناحية
ومن ناحية تانية طلعتني من تهمة خطيرة وملفقة من الزميل (العميل ) ود القاضي |
ظهرتي ياكسارة الكسرا ...انا احملك مسئولية اصبع صديقي وحبيبي ابوحسين .. الشي شنو ماعندك رحمة ؟ مامؤمنة باليوم بالاخر وانو في حساب وجنة ونار يامفترية !!
عدم ظهور صديقي ابوحسين حتى الان يؤكد صدق ماقاله ود الصايم .. ولانامت اعين الصباعين ...
| |
|
|
|
|
|
|
Re: الف سلامة عليك يا .. ربنا يديك قوة التحمل (Re: على محمد على بشير)
|
كامل تضامنى مع ابو ABUHUSSEIN
ود القاضى انت زول بتاع دعايات دحين ما تخلينا تشيلنا الهاشميه ونقف مع هذا الكوز لانك قبل كم يوم شتت افكارى السمك والكسره بملاح احد الورقيات الخضراء ما نفعتنى فى يوم الزياره شكرا ساميه الكسره وملاح الورق كانت قمه وتركت السمك ل الاخ التانى الكان معاى لانى اكتشفت انو بحب السمك قلت مافى داعى اضايقو
| |
|
|
|
|
|
|
Re: الف سلامة عليك يا .. ربنا يديك قوة التحمل (Re: على محمد على بشير)
|
Quote: طبعا الشوابقة معروفين ناس طيبين وحنان لا بتاعين كسير ولا فليق |
شايقي مشي يشوف ابوه في المستشفي ابوهو كاسر اصبعو !! قابل الممرض الممرض .. اشر ليه علي غرفه مكتوب فيها انعاش الشايقي قال ليه : وان ما عاش اجي اشيل قريشاتي !!!
------------------------------- مادام ابوحسين جعلي انا معاو على طول
ويسقط ادروب !
| |
|
|
|
|
|
|
Re: الف سلامة عليك يا .. ربنا يديك قوة التحمل (Re: خالد العبيد)
|
Quote: عليك الله يا اخ علي ممكن تصدق انو شايقية تعمل عملة زي دي طبعا الشوابقة معروفين ناس طيبين وحنان لا بتاعين كسير ولا فليق |
سلام ياسامية والله حاشاك بس عشان هلالابية مابتعملى كدا .... على العموم لو دا حصل من نتيجة المبارة الاخيرة فكفارة..... سلام يا صاحب البوست.
| |
|
|
|
|
|
|
Re: الف سلامة عليك ياABUHUSSEIN .. ربنا يديك قوة التحمل (Re: فايزودالقاضي)
|
Quote: وبما أن بورداب الرياض كلهم من ذوي الدهون الثلاثية (شية وشيشة)، فإني ومن مبدأ الرفق بهم أنفي هذا الخبر |
أها يا لطيف الشين التالتة دي إلا تكون شاي، شربوت، شمار، شربات ولا عنب؟ ويا حليل الرياض الكانت لينا مرتع في زمن لا بورداب فيه ولا يحزنون!
_____
تحياتي يا فايز... وطبعاً الزول ده عضى روحو ولا خشر اصبعو في الكيبورد ساي! مع أمنياتنا له بالسلامة... وكفارة لزنوبه الكتيرة الكان لازم تتكفر بأي طريقة
| |
|
|
|
|
|
|
Re: الف سلامة عليك ياABUHUSSEIN .. ربنا يديك قوة التحمل (Re: Mohamed Yassin Khalifa)
|
محمدياسين الختمي ..سلامات ياحبيبنا الجميل ..
Quote: وطبعاً الزول ده عضى روحو ولا خشر اصبعو في الكيبورد ساي! |
فعل فاعلة وانت الصادق ..
Quote: مع أمنياتنا له بالسلامة... وكفارة لزنوبه الكتيرة الكان لازم تتكفر بأي طريقة |
حتى انت البعيد عارف ذنوبه ؟!!! لكن الكفارة دي لو ادوها ليهو جرعة واحدة مالا ؟!! ماممكن كل شهرين يكسروا ليهو اصبع.. كده بقى تعذيب ..
لكن هو يستاهل ..
| |
|
|
|
|
|
|
Re: الف سلامة عليك ياABUHUSSEIN .. ربنا يديك قوة التحمل (Re: وضاحة)
|
Quote: يا جماعة و الله أصابعيني كلها سليمة ما فيها أي شئ
أجيب المصحف هنا دا و أحلف و لا كيف يعني |
لا لا ياخ معقوله نوصلك لدرجة انك تحلف لينا المصحف !! بتيالغ ياخ والله ..
بس عشان الناس تصدق صور لينا اصابع ايدينك كلهن مع صحيفة الوطن السعوديه الصادره اليوم وبجانبك الايمن تمبس والايسر ابو جهينه وخلفك ود الموج
وشوف تانى لو فى واحد جاء داخل جاب سيرة اصابعينك
| |
|
|
|
|
|
|
Re: الف سلامة عليك ياABUHUSSEIN .. ربنا يديك قوة التحمل (Re: ABUHUSSEIN)
|
Quote: شكيتك لي تراجي يا ود القاضي |
انا ذنبي شنو ؟!!.. قالو ناقل الكسر ماكاسر ... معقولة ود الصايم يكون كذاب زي حيدر الزين !! ماظنيت ..
Quote: يا جماعة و الله أصابعيني كلها سليمة ما فيها أي شئ أجيب المصحف هنا دا و أحلف و لا كيف يعني |
مامحتاج حليفة ..جيب صورة شخصية واشعة حديثة بعد تاريخ البوست لاصبعك . واحتياطي اختمها من الكفيل وصدقها من الغرفة التجارية ..
| |
|
|
|
|
|
|
Re: الف سلامة عليك ياABUHUSSEIN .. ربنا يديك قوة التحمل (Re: ساميه حامد)
|
Quote: مادام ابوحسين جعلي انا معاو على طول
ويسقط ادروب ! |
تسلم ياخالد
من ناحية يسقط ادروب اثني ومعاك فيها مية المية
بس نحن عملنا ليك شنو ؟؟؟
Quote: شايقي مشي يشوف ابوه في المستشفي ابوهو كاسر اصبعو !! قابل الممرض الممرض .. اشر ليه علي غرفه مكتوب فيها انعاش الشايقي قال ليه : وان ما عاش اجي اشيل قريشاتي !!! |
| |
|
|
|
|
|
|
Re: الف سلامة عليك ياABUHUSSEIN .. ربنا يديك قوة التحمل (Re: ساميه حامد)
|
Quote: سلام ياسامية والله حاشاك بس عشان هلالابية مابتعملى كدا .... على العموم لو دا حصل من نتيجة المبارة الاخيرة فكفارة..... سلام يا صاحب البوست. |
تسلمي يا ستهم
بس الصهاينة ديل ما مضمونين هسه انا خايفة راجلي يكون متفق مع الصهيوني بتاع جدة ده عشان يطلعوني إرهابية بس بيني وبنك الجماعة معزورين صاروخ بشة عمل فيهم عمايل
| |
|
|
|
|
|
|
Re: الف سلامة عليك ياABUHUSSEIN .. ربنا يديك قوة التحمل (Re: ABUHUSSEIN)
|
والله العظيم عرفتها نجرة من ود القاضي من أول يوم وقلت ابداااااااااااا ما بخليه يمسكنا ضنب الككو الجنا ده كدي النصبر نشوف آخرتها مع ابا حسين , وفعلا صدقت توقعاتي لكن يا ود القاضي لقيتك هجااااااااااااااااام ورجااااااااام مالك داير تشارك ناس بنو جكة في افكارهم البهلوانية , ابو حسين يا خوي لازمك سلاح فتاااااااااك لي ود القاضي ده وانا اصلي عندي معاه تار قديييييييييييييم ، والله صحي بساعدك بي رفع البوست وحراسته بس خلينا إنت وسمو وأختكم بت الجنيد ننجرلنا فيه بلية جديدة
ود القاضي صبراااااااااااااا آل يعقوب
| |
|
|
|
|
|
|
Re: الف سلامة عليك ياABUHUSSEIN .. ربنا يديك قوة التحمل (Re: منال)
|
الاخ الفاضل ABUHUSSEIN
حياك الله
الف حمد علي السلامة ، أخوي ابوحسين ، بوست ظريف ، خفيف الظل ، دل علي شعبية ابو حسين ، الكثيفة ، ومعجبيه ، ومحبيه ، مع خالص الود ،
تحياتي الخـاصـة ، للاخ فايزودالقاضي، ولكل مشارك في البوست ، ولو عابراً ،
عزالدين عباس الفحل ابوظبي ..
| |
|
|
|
|
|
|
|