|
|
|
 Re: يا اخوانا خلونا في الجد ... مازمبي دا حله شنو ؟ (Re: nazar hussien)
|
اساسى وعمنا حمزاوى ونزار لكم التحية ...
صراحة انا تابعت باهتمام مباراتنا مع اهلى مدنى وكان كل همى اشوف مدى جدية لعيبة المريخ
ولكن للاسف بت متيقن تماما باننا بهذا المستوى فده حدنا :
دفاع لايجيد التغطية والتحرك وقت الهجمة وسط تائه وهجوم عقيم خاصة سكواها والله صراحة شى يجنن
والادهى والامر بطء يخليك تطلع من هدومك وخاصة القلنا عليه جمل شيل واقصد العاجى .
| |
 
|
|
|
|
|
|
|
|
Re: يا اخوانا خلونا في الجد ... مازمبي دا حله شنو ؟ (Re: محمد عبد الماجد الصايم)
|
ارتفاع درجة الحرارة هذه الأيام سبب ( أساسي ) لشرب كمية أكبر من المياه
اتضح في كثير من الأحيان أن درجة حرارة (المشروب) مهمة جداً لري المساحات العطشى داخل (جوف) الفرد في الحالة العادية
وكلما ارتفعت مؤشرات ارتفاع درجة حرارة الجسم فإن المياه العادية بالتالي ليست كافية لأن تقوم (بري) كل المساحات الموجودة داخل جوف الفرد في الحالة العادية
عليه وبسبب البحوث الجادة في هذا الإتجاه إتضح أن مشروبات الشعير الخالية من الكحول قد تساهم أكثر في ري عطش الكائن الحي وخاصة بني إنسان .
عليه ولحرصي على التمسك بإنسانيتي فإنني أنصح بني مريخ بتعاطي البيرة البااااااااااااردة هذه الأيام إستعداداً ليوم 29 أبريل 2012م والذي من الواضح
ومن خلال المعطيات الحالية بأن بني مريخ في الحالتين ( لعيبة مشجعين ) يعانون من ردة فعل الأهلة العندهم تار بايت
وبالتالي فإن العار لا محالة لاحق بهم
هذا البوست مقدمة من السيد أعلاه
عاوز يعمل ساتر بدري بدري
...
وين بتاع أمريكا ؟؟
شوف ليكـ جحر ضب أدخل فيهو
المصَاصة مهمة جداً عشان (الجقمة) ما تكون كبيرة
بتنشرقو 
كما أنني لا أنصح باقتراح ود الصايم ( يؤثر على الإحساس العام )
______
نصائح مهمة لبني هلال وعلى رأسهم تمبس ملك الإرشيف
بلاهي شوف لي ملفات مباراة هلال ومازمبي :)
ويا ود القاضي
ومحمد عمر الفكي
وباقي رهط بني مريخ
شيلو شيلتكم من الحقد المالينا
حريقة تحرق ريكاردو معاكم
_______________________
أوف من كترة النقة ، ياخي أنا موضوع هجليج وسلفا ما كتبت فيهو قدر ده
عشان تعرفو قلوبنا عاملة كيف
بلا يخمكم
| |
|
|
|
|
|
|
|
|
Re: يا اخوانا خلونا في الجد ... مازمبي دا حله شنو ؟ (Re: وليد محمد المبارك)
|
الهلال مازمبي بإستاد الهلال 2/ 5 لصالح مازمبي ... مازمبي الهلال بالكنغو 0 / 2 لصالح الهلال
مجموع المباراتين 5/4 لصالح مازيمبي ... يعني مازيمبي قدر يتفوق على الهلال بهدف
واحد فقط ولو جاء لتغيرت الأمور ...فأي فريق قدر يقهر الآخر وسط أرضه وجمهوره ، وده عادي في
كرة القدم الحديثة ، إنو اللاعب كلما ابتعد عن الشد العصبي أداؤه بيكون أفضل (( والشد العصبي
سببه صياح الجماهير )) ... فما عارف الزوبعة في شنو !!!
| |
|
|
|
|
|
|
|
|
|
Re: يا اخوانا خلونا في الجد ... مازمبي دا حله شنو ؟ (Re: ABUHUSSEIN)
|
احمد ود المجذوب بقول
ماف زول يجي..ويسأل عن الوطنية
يا مازمبي اخوي اضرب بدون حنـية
لاقيت الوصيف دي هدية مجانيــــة
بالمعني الشفيف..القرعة جات طحنية
وين كانت زمان...وطنية جد مافيشا
يا مازمبي اخوي...ديل كرهونا العيشة
الوزن الثقيل...الليلة لاقا الريشة
اضرب بالتقيل...واقهر وصيفنا الكــيشة
| |
|
|
|
|
|
|
|
|
|
Re: يا اخوانا خلونا في الجد ... مازمبي دا حله شنو ؟ (Re: جمال السنوسي)
|
سافروا فأن في الاسفار (5) فؤائد ان لم تأتي في شباككم (5) اهداف ....
فبدلا من تفرج هم تفرجوا في اولاد مازمبي ...
فأكتساب المعيشة ان تستلموا حوافزكم قبل السفر..
وعلم وآداب الكرة مؤكد في حوجة اليها ( ودي فرصة ) ..
اما صحبة ماجد فخياركم ان تصطحبوا اسطورة الكرة كابتن ماجد ...
______________________
اساسي طبعا قلبو مع اي فريق ينازل الهلال وان كان مازمبي لا يحتاج الى قلوبنا معه ..
| |
|
|
|
|
|
|
|
|
 Re: يا اخوانا خلونا في الجد ... مازمبي دا حله شنو ؟ (Re: محمد يوسف الزين)
|
| Quote: مازمبي دا حله شنو ؟ |
يا سلالالالام ياخ ..
بي صورة اوضح :
احييي انا ياخ ..
ستــة راسة عديل ما بتحلكم الليلة .. تمنية .. عشرة .. كببب بس وما تحسب ..
بعدين ما تشبكونا .. نحن نهواك .. ورغم المحن والحنك العاضي دا .. لالالالالالالالالالالا .. نحن اي حاجة عندنا بي نظام .. دا اليوم الدايرنو ليك زاتوووو البقصدو ..
إنت قايلنا بننسي ؟؟
إن أنسى لا انسى .. رقصة حارس المرمى التي ذبحنـا بها كل مريخابي . اتمنى الليلة يرقصة القوون
اقوليك حاجة .. ؟
القوون ما يرقص .. بس هم يبصرو والرقصة خليها علي انا القدامك دا ..
تتذكر الفريق السوري الكنا لاعبين معاهم وغلبنا في الخرطوم داك ..؟ تتذكر العندهم المدافع اللمن يجي يجدع الكورة رمية تماس كان بقلب معاها هووبا داك وفي واحدة من جدعاتو دخل فينا قوون .. تتذكر .. كتبت وقلت بتاعين الشاوورما غلبونــا ..؟ احييي انا دا كلووو قاعد
قال شنــو ..؟
أخوي قال لي انا زعلان منك لانك ما شجعت الاهلي المصري شديد ..
اها النجيضة.
الليلة زوووطاتي قاعدة مع زوطااات فيصل نوبي دا في الفولدر بتاعك من حسع دي .. يرسل ليك زوطاتك براك وحقات اخوك براهـن .. انت افرز بس
وليد الشفت كمان زوطاتووو براها .. اصلو ما بنقصر معاكم اي حاجة عندنا بي نظام
ح يوسعوووووووووو
| |
|
|
|
|
|
|
| |
اساسي
نور الدين عثمان
aydaroos
محمد عبد الماجد الصايم
فايزودالقاضي
عمران حسن صالح
Fadl Karrar
فيصل نوبي
محمد يوسف الزين
وليد محمد المبارك
ABUHUSSEIN
د.يوسف محمد طاهر
تاج السر محمد حامد
جمال السنوسي
علاء الدين حيموره
مرتضى احمد عبد القادر
tmbis
غباشي
أمجد الزين
فيس بوك
تويتر
انستقرام
يوتيوب
بنتيريست