كُل البشر الإنْتخبوهُم البشرِية الما "مؤتمر وطني".. كُل مُرشحي القوائِم الكانت ضِد المؤتمر الوطني.. كُل الكانو واقفين ضِد الإنقاذ أيام إنْتخابات الجالية.. ديل يجو كسِر رقبة كَدي ويندِدو ويهنئو، لأنهم بِمثِلونا نحن الأديناهُم أصواتنا..

ياها دي ديمُقراطِيتكُم، فهمك إنت وقناعاتك تفرِضا علي أنا ده وترفُض التنديد مِن داخِل السِفارة وترفُض التهنئة مِن داخِل السِفارة، السِفارة البتعملو فوقا إجتماعاتكم.. السِفارة السمحت إنو يِقوم مِن أصلو جسم واِقف ضدها.. السفير يا فيصل الزبير، شوف عيني ألد الأعداء ممن يدعون الكره الإسْفيري للإنقاذ وناس الإنقاذ، بِتْمسِحو فوقو في أي ملف، في عرِس في دافنا في مؤتمر في تجمع في أيُتها مصيبة، يجو يتْحكْحكو فوقو وحرم يحرِصون على التصوير حَداهو ومعاهو والبسمة تدور تشْرطو شَرِطْ..

أها يا فيصل الزبير أنا جاوبت على سؤالك، بتقدر تنفي كلامي؟ بقدر ود تسعة يِقولي إنت غلطان يا عزام فرح، مُرشحي القوائم حضروا ونددوا وهنئوا حين تدافع الجمع التكنو كان يوم الخمج!
ـــــــــــــــــــ

Quote: - ام هو نفس المنهج الذي يقوم على اتهام الاخر ، وكل من حضر هو "الوطني" ؟

يعني أنا هسِع بقيت "مؤتمر وطني"!
سبحان الله
البخْتلِف معاك/معاكم، طواااالي تحيلوهو إلى المؤتمر الوطني"
طَيِب بِفرض إنو كلامك (الإقْتِباس أدناه) صحيح يا فيصل الزبير:

Quote: ليس غريبا ان تنطلق حمى المكارثية، والتخوين،فهذه النبرة بدات تظهر "خائبة" وهمسا،

إنت أحلْتني علشان سألت سؤال مشروع ومِن حقي جِدًا:

Quote: سؤال إلى الجالية السودانية المُنْتخبة بدَولة قطر

هل تم مِن قِبَلِكُم أي إشارة مُوثقة بِالتنديد بِإحْتِلال "الحركة الشعبِية لِتحرير السودان" لِهِجْليج؟

- إذا فعلتُمْ، أرجو التَوضيح مع الإثْبات.
- إذا تقاعسْتُم.. خسِئْتُم ولعنه الله علَيكُم كُلكُم أجْمعين.

علشان سألت سؤالي الفوق ده طواااالي جعلت مني مؤتمر الوطني، وإنت الكتبت في أول مُداخلة ليك:

Quote: - ام هو نفس المنهج الذي يقوم على اتهام الاخر ، وكل من حضر هو "الوطني" ؟

الكلام ساهل يا فيصل الزبير.. إنت ما قدرت تصمُد مُداخلتين ونقضت نفسك وما قدرت تجاوِب على سؤال العمود.. صنفت سؤالي على إنو "حمى مكارثية" و"تخوين" و"خائبة".. تفتكِر سؤالي الفوق ده بستحِق إنك تطلعني مِن التجمع وسقطو وترميني في أتون المؤتمر الوطني!

أنا ما حأقول ليك "مكارثية" و"تخوين" والكلام ده، بس أنا عاوز أثبِت إنو قليل جدًا الناس البقولو قول وبعْملوهو.. الإنشاء ورص الكلمات مو قاسي، القاسي كَوْنك تكتِب الحاجة الإنت مؤمن بيها ومُسْتعِد تسَويها، هسِع في زول واااااحد مِن البِكوركو في أضانا الصباح الصباح: [إن الإنقاذ قد أفل نجمها، فهِبوا هِبوا] مُسْتعِد يِنْضم إلى أي جسم عسكري ويقاتِل الإنقاذ؟! طَيِب سيبك مِن دي، في زول وااااحد بس مِن مُناضِلين الإسفير بِما فيهم إنت ده، مُسْتعِد يدعم مالِيًا أي جسم بِقاتِل الإنقاذ في الأرض الأن؟!
شُفت كيف الكلام ساهل.. إنتو شُعراء حرم، تقولون ما لا تفعلون، الفرق إنكُن لا تهيمون في كُل وادٍ، بل ترفلون في دمقس الخليج ونعمومة حريره.. الزول المُشْتهي البِطولات، يِسوي البِسووهو الأبطال، لكِن كوراك ساي + طول المدة + شلة مآزرة ذات أجْندة = مُناضِل! حليلكُم حرم مِتِل ما بنْقاتِل الإنقاذ بِالكلِمة، أكان نقاتِل النوع ده، لأنو النوع ده عاوِز شيتًا أعلى مِن إمكانِياتو.. والنوع ده بِسوي النِضال جوباق ساي يعلم الله، ياخ الكلام أكان بقنع زول، ظنك في بنو آدم بكفر بِالله، ما أهو نزل قُرآن غير النِقه فوقو شنو؟ نفع منو في الـ7 مليار حايِم هسِه دي في ها الكَوْكب العجيب الراكزين فوقو؟! النِقة بتدورلا دفره يا خوي، سَيِدنا محمد (ص) بِرغم إعجاز القُرآن، إحتاج لِملايكة يِحاربوا معاهو.. إحتاج لِكرامات يثبِت بيها أصحابو.. أحتاج أن يؤلف قلوب البعض بِالمال.. نقتكُم دي حرم أكان راجنها تزيل الإنقاذ، يبقى الأمل معدوم تاااب.. علشان كِده رفضنا تسييس الجالية.

يا فيصل الزبير كلامي واضِح وإنت بتجاوِب على البنفع معاك وتهمِل دونو.. ليه ما جا مُناضِل وااااحد مُقيم في دَولة قطر، بِما فيهم إنت ده يا فيصل الزبير، وكتب أنا لامِن كُنت في السودان كان عندي مَوقِف من الإنقاذ بِسببو أعتقلت وعذبت وتركت البلد وجيت أواصِل نضالي عبر الإسْفير والكلِمة، تركت البلد بعد ما وصلت حدي مِن النِضال في أرض الواقِع.

حرم لو إسْتثنيت واحِد ولا إتْنين، ما تلقى ليك في البِجوعرو هِنا ده بِأن [أطلعوا أيها الجماهير.. إن الصُبح لآت] قبضوهو مُعرِج سااااي في كونْكان، خليهو يقبضوهو في مُظاهرة ولا في إجْتماع..

(عدل بواسطة عزام حسن فرح on 04-26-2012, 09:54 AM)
(عدل بواسطة عزام حسن فرح on 04-26-2012, 10:02 AM)

العنوان	الكاتب	Date
سؤال إلى الجالية السودانية المُنْتخبة بدَولة قطر	عزام حسن فرح	04-21-12, 10:15 AM
Re: سؤال إلى الجالية السودانية المُنْتخبة بدَولة قطر	هجو الأقرع	04-21-12, 12:49 PM
Re: سؤال إلى الجالية السودانية المُنْتخبة بدَولة قطر	معتز القريش	04-21-12, 01:07 PM
Re: سؤال إلى الجالية السودانية المُنْتخبة بدَولة قطر	احمد الزبير	04-21-12, 01:56 PM
Re: سؤال إلى الجالية السودانية المُنْتخبة بدَولة قطر	هجو الأقرع	04-22-12, 05:15 PM
Re: سؤال إلى الجالية السودانية المُنْتخبة بدَولة قطر	Faisal Al Zubeir	04-22-12, 06:49 PM
Re: سؤال إلى الجالية السودانية المُنْتخبة بدَولة قطر	Faisal Al Zubeir	04-22-12, 06:59 PM
Re: سؤال إلى الجالية السودانية المُنْتخبة بدَولة قطر	عبد الملك يوسف الملك	04-22-12, 07:03 PM
Re: سؤال إلى الجالية السودانية المُنْتخبة بدَولة قطر	هجو الأقرع	04-22-12, 08:22 PM
Re: سؤال إلى الجالية السودانية المُنْتخبة بدَولة قطر	Faisal Al Zubeir	04-22-12, 08:43 PM
Re: سؤال إلى الجالية السودانية المُنْتخبة بدَولة قطر	Faisal Al Zubeir	04-22-12, 09:27 PM
Re: سؤال إلى الجالية السودانية المُنْتخبة بدَولة قطر	Faisal Al Zubeir	04-22-12, 09:42 PM
Re: سؤال إلى الجالية السودانية المُنْتخبة بدَولة قطر	هجو الأقرع	04-23-12, 09:30 AM
Re: سؤال إلى الجالية السودانية المُنْتخبة بدَولة قطر	Faisal Al Zubeir	04-23-12, 10:11 AM
Re: سؤال إلى الجالية السودانية المُنْتخبة بدَولة قطر	Mutwali Malik	04-23-12, 10:29 AM
Re: سؤال إلى الجالية السودانية المُنْتخبة بدَولة قطر	Faisal Al Zubeir	04-23-12, 10:44 AM
Re: سؤال إلى الجالية السودانية المُنْتخبة بدَولة قطر	Yasir Aloob	04-23-12, 10:45 AM
Re: سؤال إلى الجالية السودانية المُنْتخبة بدَولة قطر	هجو الأقرع	04-23-12, 11:21 AM
Re: سؤال إلى الجالية السودانية المُنْتخبة بدَولة قطر	معتز القريش	04-24-12, 09:17 AM
Re: سؤال إلى الجالية السودانية المُنْتخبة بدَولة قطر	معتز القريش	04-24-12, 09:34 AM
Re: سؤال إلى الجالية السودانية المُنْتخبة بدَولة قطر	معتز القريش	04-24-12, 09:51 AM
Re: سؤال إلى الجالية السودانية المُنْتخبة بدَولة قطر	عزام حسن فرح	04-24-12, 09:55 AM
Re: سؤال إلى الجالية السودانية المُنْتخبة بدَولة قطر	معتز القريش	04-24-12, 10:21 AM
Re: سؤال إلى الجالية السودانية المُنْتخبة بدَولة قطر	معتز القريش	04-24-12, 10:37 AM
Re: سؤال إلى الجالية السودانية المُنْتخبة بدَولة قطر	Faisal Al Zubeir	04-24-12, 07:00 PM
Re: سؤال إلى الجالية السودانية المُنْتخبة بدَولة قطر	معتز القريش	04-25-12, 05:53 AM
Re: سؤال إلى الجالية السودانية المُنْتخبة بدَولة قطر	بشير أحمد	04-25-12, 06:18 AM
Re: سؤال إلى الجالية السودانية المُنْتخبة بدَولة قطر	معتز القريش	04-25-12, 07:45 AM
Re: سؤال إلى الجالية السودانية المُنْتخبة بدَولة قطر	معتز القريش	04-25-12, 09:48 AM
Re: سؤال إلى الجالية السودانية المُنْتخبة بدَولة قطر	هشام كمال عبادي	04-25-12, 12:27 PM
Re: سؤال إلى الجالية السودانية المُنْتخبة بدَولة قطر	معتز القريش	04-26-12, 06:20 AM
Re: سؤال إلى الجالية السودانية المُنْتخبة بدَولة قطر	عزام حسن فرح	04-26-12, 09:34 AM

[رد على الموضوع]

صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]