|
|
 خبر ال2 مليون فدان للسعودية ... حكومتنا وصحافتنا !!!!
|
فجأتن وبلا سابق ارهاصات او مقدمات ..صرح رئيس الغرفة التجارية بجدة بأن الحكومة السودانية (وافقت) على منح
السعودية مساحة وقدرها 2.000.000 فدان كمنطقة حرة من القوانين السودانية ..مع بعض التفاصيل الأخري ..........
والخبر طارت به اول طارت قناة العربية ومنها انتشر وبنفس العبارات الى صحف ومواقع أخري ...وصحافتنا او ما
يسمي بصحافة الخرطوم نقلت مأجورة كغيرها من صحافات الدنيا الأخري الخبر كما صاغتة العربية دون أضافات ..
ومن الواضح ان الغالبية من أهل السودان مثل صحافتهم لم يستوعبوا حجم واهمية الخبر حتي الآن ..فالمساحة المقصودة
ببساطة تماثل الا قليلا مشروع الجزيرة التاريخي .. وبالمقارنة تماثل (12) ضعف مساحة دولة البحرين مجتمعة ..وقريبا من
مساحة دولة قطر او لبنان ...وانتظرنا حتي يتبرع رئيس الغرفة التجارية بجدة ويقرر نشر الخبر ..
وقد يكون او هو كذلك فعلا تجربتنا التاريخية وخبرتنا السابقة مع الحكايات التي (تفكها) الحكومه سبب فى عدم أخذ الموضوع
بجدية ..والحكاية الاقرب فى الذهن (جزيرة البحر الأحمر ) التي وضع حجر اساسها الرئيس شخصيا على وعد ان تتحول الى ما
يشابه دبي قريبا ...او حكوة المليارات القطرية والتي نامت على انغامها الخرطوم بضع اسابيع ..
لكن دلالة الخبر (ان صح) بكل هذة التفاصل ان حكومتنا وصلت الى الشوط النهائي فى عدم احترامتنا ..او مجرد التوجس من رأي عام
مخالف ..ليس لأن القرار خاطئ .. لكن لأنه كبير ومؤثر على مئات الألوف من الناس المسميين مجازا بالموطنين ..
ونحن لا نطلب الشوري الا كما يطلبها برلماننا الموقر ..لكن على الأقل التنوير والشرح والتفصيل او حتي التمهيد ..
|
|
 
|
|
|
|
|
|
|
|
Re: خبر ال2 مليون فدان للسعودية ... حكومتنا وصحافتنا !!!! (Re: عبد الحميد حسين)
|
الأخ عبد الحميد
سلام
طيب ديل ما باعوا السودان....
زمااااان لما كنا طلاب زراعة درسونا أنو السودان فيه 200 مليون فدان صالحة للزراعة ...
يلا أخصم أراضى حكومة جنوب السودان وهى الجزء الأكبر
وأخصم أراضى وسط وغرب السودان والنيل الأزرق
أخصم أراضى النيل
...
النتيجة الواضحة أنو الناس ديل حا يبيعوا للسعودية كل الأراضى الزراعية فى شرق السودان ودى هى أراضى الأمن الغذائى للسودان كما هو معلوم... وما يغشو الناس.. منطقة بورتسودان ما فيها أراضى صالحة للزراعة...
لا أفهم كيف دولة فقيرة تبيع أراضى أمنها الغذائى لتحقيق أمن غذائى لدولة تانية....
والعمالة اللى حا تشتغل دى حاتشترى عيش من السعودية بالعملة الصعبة ولا هم وباقى السودان ياكلوا شنو؟؟؟
تحياتى
سيف
| |
|
|
|
|
|
|
|
|
|
Re: خبر ال2 مليون فدان للسعودية ... حكومتنا وصحافتنا !!!! (Re: Hisham Ibrahim)
|
الأخوه سيف وهشام ..شكرا على المرور والتوقيع ...
اسوأ ما فى مثل هذه الحكايات ..ان الشعب الفضل اصبح لا يندهش او يستغرب
او ينفعل فلو اضافوا لهذه المليونين صفر تاني مثلا مافي زول حيقول كتيرة يا جماعة
انا فى قناعتي ان هذا الخبر مضروب من بدايته ..هذا العدد من الفدادين المليونية تساوي
8400 كيلومتر مربع او مستطيل طولة 400 كيلو(الخرطوم-كوستي) وعرضة 200 كيلو (كوستي-سنار) ولف راجع
.. فهل هناك مساحة بهذا الحجم فى
طول وعرض السودان بدون موانع ليمنحها مصطفى اسماعيل للسعوديين فى قعدة واحدة
الكلام ونسة ساي ..من نوع الوعود المجانية الكثيرة التي يتم توزيعها فى الازمات ..
وزولنا السعودي الذي طار بالخبر الظاهر ما عندو تجارب كافية مع هؤلاء الثعالب ..
| |
|
|
|
|
|
|
| |
SAIF MUstafa
Hisham Ibrahim
فيس بوك
تويتر
انستقرام
يوتيوب
بنتيريست