|
|
|
 Re: 2,300.000 ريال تورد فى حساب سفيرنا بالرياض ياخارجية سفيرنا شغال (Re: صديق الموج)
|
Quote: لا زلت لا أفهـم
لماذا يكتب لك شخصاً ما شيكاً ..... بمبلغ كبير جداً , ثم ترده إليه (وفي حضور آخرين)
لماذا ؟
هل أخذ موافقتك في البدء لكتابة الشيك أم لم يأخذها أم فهمها ضمناً ؟
لا أفهـم لماذا,
هل كتب الشيك في حضورك أم في غيابك .. وبمناسبة ماذا ؟؟؟
لا أدعي سرعة الفهم والبديهـة ولكني ناقشت الخبر الوارد بالصحيفة وبالانترنت مع آخرين ووجدتهم آيضاً لا يفهمون ....
أحمد الشايقي |
احمد الشايقى .............زسلام
ياخى كلك نظر
اول شى قال رجعوا طوالى وفى حضور منو؟
فى حضور امين عام المغتربين الذى تعرف!!!!!!!!!!!!!
طيب يا احمد السؤال التانى مباشرة:
لما رجع الشيك مباشرة صورة الشيك وصلت الصحيفه كييييييييييييييف؟؟
نعود عندما نجد اجابه للاسئلة المطروحة،،،
| |
  
|
|
|
|
|
|
|
|
Re: 2,300.000 ريال تورد فى حساب سفيرنا بالرياض ياخارجية سفيرنا شغال (Re: طارق عبد اللطيف نقد)
|
.Quote:
صديق الموج سلام
طبعا السودان الدولة الوحيده في العالم
المقنن فيها الفساد
يعني عادي ممكن
المتعافي والي الخرطوم ويمتكلك شركات مقاولات ونظافه
وممكن عادي عبد الرحيم محمد حسين يكون وزير الدفاع
ومساهم في جامعات خاصة وشركات مقاولات
وامثله كثيرة والكل يعلم واولهم البشير
يعني عادي الموضوع انه
يدخل سفير بي منصبه الدبلوماسي
ويتوسط في عمليات تجارية وتطلع الشيكات بي اسمه
اللهم ارفع مقتك وغضبك عنا ولا تؤاخذنا بما فعل السفهاء منا ... |
طارق يا حبيب .........سلام
اول شى الله يقبل دعواتك دى
وتانيا يعنى كان لقينا السفير فارش ليه عراريق فى اونيت جنب جامع يكون عادى؟
والله دى اكبر محنة يمر بيها السودان واسود ايام حكم
يا حليل الدبلماسيين الزمان كان الدبلماسى ماتشوفه الا نادراً...
ربطة عنقه من كريستيان ديور وعطره شانيل وبدلته من ايتين اقنر وحذاؤه من قوتشى
هسه جاتنا الدبلماسية ام صديرى وشراب مع المركوب دى ..
فعمايلهم لا تستبعد ان جاءت هكذا ، عارفين نفسهم لم يأتون بكفأة فقط الانتماء للمؤتمر
الوثنى هذا هو الذى حملهم الى المناصب فعايزين يغنوا فى اسرع فرصة والسودان فى ستين داهية
بس يحلنا الحلا بله،،،
| |
|
|
|
|
|
|
|
|
|
Re: 2,300.000 ريال تورد فى حساب سفيرنا بالرياض ياخارجية سفيرنا شغال (Re: Mohammed Ahmed Saeed)
|
Quote:
أقع فيك العدو
ما نجضتو نجاض قبورة عقبال اقع فى دربك واحد كان قنصل فى الرياض من ناس القضارف اللة لايذكرو بالخير طردنى من السفارة قبل كدة اسمو عبداللة الازرق مستحيل اكون دبلوماسى ولازلت اذكر كلامو بانو لو قابلنى برة بضاربنى حطب ( عكاكيز) .
عجبنى توصيفك لا اماكن التسوق لناس السلك الدبلوماسى
وياشيخ صديق محدودية المعرفة وعدم المعرفة لمعظم المسئولين فى البلد دى أس كل بلاوينا |
lمحمد احمد سعيد .....................سلام
اول شى عبدالله الازرق الكان معانا هنا المن ناس القضارف ما دبولماسى
داك كادر امن معروف وابعد لعلمك وداك بلاويه بجيها ليك يوم براها..
وبعدين بالله نجضتوا انا واللا نجضونا هم 23 سنة مشت من عمرنا ساكت...
طول لى بالك انت، انا حدي عقاب السنه دى مع البوست ده،،،
| |
|
|
|
|
|
|
|
|
|
Re: 2,300.000 ريال تورد فى حساب سفيرنا بالرياض ياخارجية سفيرنا شغال (Re: صديق الموج)
|
عن ابى هريرة رضى الله عنه قال:
قال رسول الله صلى الله عليه وسلم:
آية المنافق ثلاث : إذا حدث كذب وإذا وعد أخلف وإذا أؤتمن خان
على الكرار والتجانى عبد الباقى و ود الباوقة الحديث ده اعنيكم به تماماً
وريثما تصلنى بعض الافادات حا اخصص ليكم كم مداخلة ان تصحى ضمائركم
لآجل ان تقولوا كلمة صدق طوال عمركم حتى لاتكتبون عند الله كذابون،،،
| |
|
|
|
|
|
|
|
|
|
Re: 2,300.000 ريال تورد فى حساب سفيرنا بالرياض ياخارجية سفيرنا شغال (Re: صديق الموج)
|
هذا ما كتب المتزمزغ الاكبر ود الباوقة:
Quote:
موج
يا اخ ما ينشر في الصحف ليس كلاما منزلا من السماء
وبعدين رجل الاعمال زاتو يدي السفير المبلغ دا عشان شنو
حتى لو افترضنا انه غشيم لا يمكن ان يتصرف هكذا تصرف
ثانيا
طالما ان الامر بينه وبين السفير كيف وصلت ارقام الشيكات
للصحيفة المذكورة
الكلام واضح انو مدغمس وما بدخل الراس
قدر انا ما قلبتو ما عرفت كوعو من بوعو
ما تلفح يا صديق
وزي كلامك دا بقولو عليهو ( كلام جرايد )
والله المستعان |
وهذا ما كتب على الكرار احد الذين يتمدد النفاق فى إمعائهم الغليظة والدقيقة:
Quote: موضوع الشيكات
أتمني أن يكون الكلام صحيح لانو في الحالة دي
هناك مبلغ سوف يصل لخزينة الدولة أو لجهة أخري صاحبة حق
وسوف يبقي السفير كبيرا فوق الشبهات
وثقتنا فيه لا تهتز بهكذا شيكات وترهات يستطيع أي شخص ان يرويها |
وهذا ماكتب أمين إعلامهم المبجل الاستاذ التجانى عبد الباقى وأظنه يفوق مسيلمة درجات
Quote:
لسعادة السفير التقدير والاحترام ،
والصحف بدون تعميم تبحث عن أى شئ يرفع المبيعات في ظل منافسة محمومة .
عجبي !!!!
|
وهذا ما كتب السيد السفير بيده وهو يعترف بانه استلم الشيكات وهو ما جعل القوم تركو ارتياد حتى الاماكن العامة:
Quote: سفارة جمهورية السودان
الاخ القنصل العام دبى
السفير محمد الحسن ابراهيم
السلام عليكم ورحمة الله وبركاته
بالاشارة الى ماورد فى صحيفة اخر لحظة الصادرة صباح الاثنين 9/4/2012
تحت عنوان ممنوع من النشر ارجو توضيح البيانات التالية:
بناء على اتصال من الاخ الوزير المفوض عمر اورك الدين بخصوص استحقاقات لصالح المواطن السودانى
معاذ بشير من المواطن السعودى د.سلمان سعد محمد صالح -وبموجب اتصال هاتفى من الاخ مخلص حامد
يؤكد وجود استحقاق لصالح المواطن السودانى معاذ بشير لدى المواطن السعودى د.سلمان سعد محمد صالح
وانطلاقاً من حرصنا على التصدى لقضايا السودانيين فى الخارج تسلمت شيكاً من المواطن السعودى د.سلمان
سعد محمد صالح بمبلغ ثمانمائة وعشرون الف ريال واخر بمبلغ ثمانمائة الف ريال.
وتنفيذاً لاخطار القنصلية العامة بدبى للوفاء باستحقاق المواطن احمد سعد لدى معاذ بشير قمت بتسليم شيك بمبلغ
ثمانمائة وعشرون الف ريال لصالح مؤسسة فتون الرياض للمقاولات كما تم تحويل مبلغ وقدره ثمانمائة
الف ريال لصالح شركةAGRIARABIAN بدبى وفقاً لافادة مخلص حامد بتاريخ 21/8/2011(صورة التحويل طرفنا)
اما بخصوص الشيك الشخصى من حساب المواطن السعودى د. سلمان سعد محمد صالح بمبلغ مليون وخمسمائة
الف ريال والذى كتبه باسم السيد عبد الحافظ ابراهيم محمد فتم اعادته لصاحبه شخصياً وفقاً لطلبه بحضور
د. كرار التهامى الذى تصادف وجوده بمكتبى بمقر السفارة السودانية بالرياض ، كل هذا تم من جانبى سفيراً
للسودان ، عليه حماية مصالح المواطنين السودانيين بالمملكة
وتفضلوا بقبول وافر الشكر والتقدير
عبد الحافظ ابراهيم محمد
السفير |
والله انا مكسوف تماماً للموقف الذى ادخل فيه هولاء المنافقون انفسهم ، قالوا كل هذا ولم يهتز لاحدهم طرف
و ما زالو يقولون انهم المسلمون وحدهم علماً بان المسلم يمكن أن يفعل اى شى إلا اته لايكذب ..
وأعجب ان يقول الواحد منهم كل ذلك ومستعد ان يحلف مغلظاً وبعد تكذيبه من صاحب الشأن ينصرف
وهو فى الحالين ينصرف وهو راض عن نفسه تماماً، اى جلود يملك هولاء...
إن لم تستحى فافعل وقل ماشئت ،،،
| |
|
|
|
|
|
|
| |
صديق الموج
طارق عبد اللطيف نقد
Mohammed Ahmed Saeed
معتصم دفع الله
فيس بوك
تويتر
انستقرام
يوتيوب
بنتيريست