|
Re: غدا 6/ ابريل امسيه للشاعر الكبير هاشم صديق بنادى الجسرة بقطر (Re: خالد حامد الجزولي)
|
الأمير: هاشم صديق عبقرية شعرية - أستأذنو منو و سجلو و أدونا من فضل ظهركم لأنو هاشم صديق شغل الخمّ و التسجيل من طرف ما ينفع معاو :)
- القصيدة أدناه ملفوحة من سودان للجميع-
انا لا وارغو لا افياني للشاعر هاشم صديق
إسمي خميس ود كوة العاتي كان عجلاتي وأمي مهيرة وأبوها بشارة كان ساعاتي أبوي من بارا
وأمي إتولدت في حلة غميسة ما بتنشاف في أي خريطة بأي طريقة بأي شطارة كان بي عين أو نضارة أمي وأبوي صدفة اتلاقو في الدنيا الشاسعة والرحمة الواسعة في قطر الهم الدرجة الرابعة كانو عوايل في السفر الصدفة ملح وملاح ونسة وعرفة تسالي وترمس وقهوة بقرفة وفي الونسة السمحة في قطر الزحمة قلب الوالد حن ورف وقلب الوالدة اتخج وخف بعد شهرين صبحو اتنين زوجين طيبين اتلمو في اسرة في بيت (البقعة) وسط ( العرضة)
أبوي فقران لكن بدبارة مهر الوالدة كان سحارة تلاتة جنيه.. سعفة ووردة وفركة وفردة تبروقة ومصحف .. وبمبر ومبخر تربيزة يتيمة .. نص دسته كبابي كفتيرة قديمة .. وكم هبابي جابونا تلاتة.. بتين ووليد ربونا بكسرة.. كسونا السترة شربنا اللبن الصافي الاصلي ما اتمطقنا اللبن البدرة شبينا كبرنا.. فهمنا نطقنا وكسبنا القدرة وأنا كنت مقرم .. وود تفتيحة والدنيا دي كانت طيبة فسيحة سينما (برمبل).. باسطة (بيَن) الترماج حبوبة عجوبة والنفاج
| |
|
|
|
|
|
|
|