|
Re: ...و ا نا لافي ..في شارع ما في (Re: خطاب حسن احمد)
|
سبيل الشارع فاتح وشارعك
فاتح فينا سبيل لي شارع
يفضح رجل البمشوا حفايا
ويقدح رجس اللسه يصارع
نبض الناس ...الكاس التالت
و الوسواس الباني مزارع
ضد النفس البطلع صافي
وضد النخل الببني موانع
اصلو الصحراء بتدفن شارعك
وتدفن فيك الحس السابع
وبرضك لافي
| |
|
|
|
|
|
|
Re: ...و ا نا لافي ..في شارع ما في (Re: Mohamed Ahmaed Olyesh)
|
النخلة بتدى الريح شبال والقبلى الشالع سحابو اتمايع شال النخلة تميل الريح كان مال الخير باسط ياولدى تعال لمتين نازح بى هادى الحال؟ رسلنا فى دربك كم مرسال منعول المال ...... ..... ..... هاك دى يافرجونى ولينا بى حالك اتمنا لك التوفيق فى تلك المضارب الحنينات اخوك عثمان
| |
|
|
|
|
|
|
Re: ...و ا نا لافي ..في شارع ما في (Re: Mohamed Ahmaed Olyesh)
|
.... ... ..العليش ..مرحب بيك سلامات .مرورك زين .خبر عنا كل الحلوين .بالساحل الشرقى الان .بس لى جوه شويه
.... ..ابراهيم ود الدويم ..للمدينه .. اسمرا ذلك السحر فينا ..تلك الماطره تماما بعد الظهر... ..جوها السياسى الصاخب ..نقاشاتهاالمتفرعه فى كل الاتجاهات ..هبوط واقلاع الشخصيات جوا وبرا ..ياه ....
.... ..صلاح الامين ..ماابهاك ..ايهاالرفيق ..وانت تنصف ..كومشتاتو بذلك الخطو العنيد ...شكرا لهذه اللقطة المعبره ..وانت لافى..فى شارع حميم .... ..لكم الورد ... .. .
| |
|
|
|
|
|
|
Re: ...و ا نا لافي ..في شارع ما في (Re: خطاب حسن احمد)
|
قدلة يا خطاب .. ماشى حافى فى صوانى الغربةلافى ياما تهنا وتوهنا المرافى ورحنا فيهاوضاع الكلام..
من عمايل الغربة وصقيعا ومن هموم الناس الصريعة فى بلادى باسم الشريعة بى غناك يبقى حضورنا تام
لك الحب.. والحضور فى حضرة من نهوى ... صلاة.
نورالدين منان
| |
|
|
|
|
|
|
Re: ...و ا نا لافي ..في شارع ما في (Re: خطاب حسن احمد)
|
الحبيب خطاب تحية من الأعماق والله لقد ظلمت نفسي كثيرًا لعدم دخول هذا الشارع المافي وقدري ان اكون
في السودان وكل الشوارع مافي , لك الحب كله يا شفيف .
وانا لافي في شارع مافي
لقيت الكون كلو منافي
لقيتك واقف اخر الشارع
وشارع بيتنا اكلو البعاتي
ومعاك بفتش لشارع في
يمكن الاقي الناس المافي
ولو بكلمة اقول وصفي
حليل شارعنا الكلو مآسي
موية المطرة والبالوعة
والباعوضة البتعضي الزول الماشي
خلاس يا خطاب كفاية كده , واشكر هذا البوست الذي جمعني بيك .
| |
|
|
|
|
|
|
Re: ...و ا نا لافي ..في شارع ما في (Re: خطاب حسن احمد)
|
لفينا ضهر الدنيا لف تفينا هم الغربة تف الاطلسى البحر الممدد جينا كف
فتشنا لى الحلم السعيد حاولنا نلبس او نلبس باقى ايام روحنا عيد حاولنا نسمع صوتنا لى الركن البعيد نطمبر احلام الرحيل وننقرش الاحزان نشيد لفينا لف تفينا هم الغربة تف
.... .. راجع
| |
|
|
|
|
|
|
Re: ...و ا نا لافي ..في شارع ما في (Re: Osman Musa)
|
عزيزى خطاب عينى بارده انا مشيت البكان البعيد داك وجيت لقتيك عامل عمايل ومعاك كل الناس الحلوين فى مقدمتهم ابراهيم ادريس وكلام اتلحن واتغنى عشان كده انا قاعد ليكم هنا . الخوف لو مشيت بلقى الفيديو كليب طلع يعنى البيع حا يحصل يلا انا فى انتظارك فى الحله
عمك احمــد خضر
| |
|
|
|
|
|
|
Re: ...و ا نا لافي ..في شارع ما في (Re: خطاب حسن احمد)
|
Quote: لفينا ضهر الدنيا لف تفينا هم الغربة تف الاطلسى البحر الممدد جينا كف
فتشنا لى الحلم السعيد حاولنا نلبس او نلبس باقى ايام روحنا عيد حاولنا نسمع صوتنا لى الركن البعيد نطمبر احلام الرحيل وننقرش الاحزان نشيد لفينا لف تفينا هم الغربة تف |
لو كان وقف شارعنا تف وختفنا كف ما كان هتف غربتنا كف او قام نتف ريش القرف جوانا تف وادانا كف وقفنا صف حق الغرف جارو ولغف حق النجف والحلقو جف مسكين رجف ابريق خزف احلامو رف ممتد طويل العافية فيهوبقت ترف واذا انجرف تفاهو تف ما الشارع اتلفت وقف وبغير لف ... .. خطاب ارح يا الله شن هادا القرف؟ّّ!! عثمان ارح بالله شن طعم الاسف؟!! وعقلنا ساجناهو الغرف؟
| |
|
|
|
|
|
|
Re: ...و ا نا لافي ..في شارع ما في (Re: عبدالله وداعه الامين)
|
أب أحمد الخضر ندهت ليك النداهة الكايسة لـ عزوة الفريق فى المحبة الشاردة الواردة والخاطفة للزمن العنيد والمفرهدة بين صوت الشهب والرعد الصريح وينك يا أخوى وين الونسة و الشوفه وقعدة الشاى والصحبة الهناك ... .. . يا هـو العم سام والضريبة والسكة البعيدة القريبة حالنا الجديد! متفرقين والحبوب الخطاب يا هـو فك فينا عنوان مرة لافى ... ومرة جاى ياها... عشرة الزول المسافر فى الوقت الغريب! حلفتك تجيب الصورة والعصفورة والوردة وحاجات جديدة ماهو طبعك من طبع التفنن الما بيختى حال التمرد فى دروب السكة الجديدة.
.. ودعتك للمحبة والقصيدة.
| |
|
|
|
|
|
|
Re: ...و ا نا لافي ..في شارع ما في (Re: Elmosley)
|
.. ...كلا مك ..كلا م.. ..تكف القدور البتطبخ ..حصى . ..اترفع حظر الكلا م* .. وابدى .. بالجد السلا م.. .. مشيك الحمام .. موسيقى .. تصدح من التراب ..معاك ..المشى , حفل راقص .. ..و بدونك ..صحيح العمر .. ناقص .. والعمر بيك ... تمام التمام ........................ ........................ * ..كانت ..حظر التجول ..فى ازمنه غابره ..لذا وجب التنويه.. .... ... .. (حاشاك الكياشه ( لكنك يا صاحب ( سكيت السماح ..) .. ..
| |
|
|
|
|
|
|
Re: ...و ا نا لافي ..في شارع ما في (Re: خطاب حسن احمد)
|
... .. .جرايد النخيل الصباحى بتشيلك .سبايط ..توزع .لكل البيوت .. ... .. . فراش الضحى . المنتشى .. مياسم . ورود ! . بيشيلك . و افوت .. .. كحل للعيون .. .. و بكون قد رسمتك ! حدايق و لون.. ..و اكون قد .. لقيتك .. ..و اقدر اكون .... ... .. .
| |
|
|
|
|
|
|
Re: ...و ا نا لافي ..في شارع ما في (Re: خطاب حسن احمد)
|
ياجمل الشيل ارتاح انجم نزل احمال السفر الهم عارفك مورود حيلك مهدود والدنيا رهاب عارفك فتران برقك ما بان عطشان تعبان والجبل امد تابع للميس واصل للحد الدنيا براح تتعب ده الحين باكر ترتاح انشاءالله صلاح انشاءالله رباح
....... ......
| |
|
|
|
|
|
|
Re: ...و ا نا لافي ..في شارع ما في (Re: Osman Musa)
|
... ... ....
سرب العصافير ... .... تجى و بتروح ملا محك يابلد تغيب و تلوح .. ..حاضن .ايدك الدافيه, وماشيبك .على السكه... .. ..حليقه, روؤسنا ..و اقدامنا , على طول الزمن .. حافيه..! .. أسأل فيك ! .. و اجاباتك! .. لي مرض ..السؤال , عافيه .... ... .. .
| |
|
|
|
|
|
|
Re: ...و ا نا لافي ..في شارع ما في (Re: خطاب حسن احمد)
|
... .. ..تغزو المفردات وجهك واقراك : -:..البستلف فمي ..ياكل بيهو خبز جايع اغضبنى :..البلبس مراكيبي ..يمشيبها ..المشاوير الغلط ..تراب ..سحاب ..ظلط اغضبنى اغضبني :.. والبختلس فرحي ..البسو للرياح .. ..والبضطهد حزني اغضبنى اغضبنى اغضبني ..
| |
|
|
|
|
|
|
Re: ...و ا نا لافي ..في شارع ما في (Re: Osman Musa)
|
... ... ... اغضبنى ... .. وانتر عرق الغضب .. من جبهتك .. مدرار , افيض الوجه .. بموية النار .. والقى ايديا.. أتلقاالعمار, ..دوايه يديا تتحول وتتجول , بين روؤس ريش شُعرا ظمانه , تتلقف عمارك , كما سرب العصافير الضال , البعترلو فوق بركه , و تشرع مناقيرو .. تتعارك .. .. ..يا سرب العصافيرالضال, أكتب:. : أهو الافق . قدامك , لون بي جراحاتنا . السما . غني العزابات كلها .دوزن أنينها . ونغما.. .ياسرب .العصافير .. ..
| |
|
|
|
|
|
|
Re: ...و ا نا لافي ..في شارع ما في (Re: خطاب حسن احمد)
|
ذات فى ليل رتقتا القلب العشعش حزن الكان مكسور اكان مشحون والنبض مخيف لكنو بشيل الامال نور مسكين مسجون بى كتاف السفر اكان معزور
شايلك ياسمين يا بلدى الضو فوق راسى غناء وفى صدرى كلام وسلام لى قيف نيلك مدخور مدسوس مدخور مخزون مطمور شوف كيف بنريدك يا بلدى ؟ ذات فى ليل رتقتا القلب .......... ........................ 20/7/2006 بعد الخروج من مستشفى Alexandria va بحمد الله
| |
|
|
|
|
|
|
Re: ...و ا نا لافي ..في شارع ما في (Re: خطاب حسن احمد)
|
نعم ده كان من سنه يا صديقى العزيز والحمدلله . _ كنت وحتى الان قرمان قرم شديد مشتاق الى تلك الديار التى لم تحتجب عنى يوم. كم أطربنى غناء مغنيها حتى وانا اخترف تحت البنج بارك الله فى تلك البلاد وبارك الله فيكم انتم يا خطاب _ بعونكم نحاول أن نواصل النم سلامات .
| |
|
|
|
|
|
|
Re: ...و ا نا لافي ..في شارع ما في (Re: Osman Musa)
|
العزيز عثمان شكراً لقولك ,,, بقدر ما أحببتها لكنها أثارة فى الرهبة و الحافى فى شارع "لافى"
سأحكى لك هذه القطعة التى تشبه " الحكى" الفرح و الحذر! - "كنت أراقبه من بعيد عندما أجد الفرصة ، كان دوماً يجلس عند الظهيرة عندما يأتى للمقهى الخاصة والمهمومة بالكتابة و الأبداع . فى نفس المقهى كانوا يأتوا الأخرين متزعهم حيناً كبيرهم توفيق الحكيم يوم الأربعاء و نجيب محفوظ عملاق الرواية و القصة و الحكى الشفاهى وقدرة الصمت و الإصغاء.
- وتخيل ياصديقى : عندما يكونوا هؤلاء هم المركز كيف سيكون الأخرين الذين شكلوا بقية الحلقة و " الحولية" فى ساعات أخرى و لحظات محددودة قبل إنتحاره كنا نسمع بعض الضجيج فيقولوا إنه نجيب سـرور فى أحد حالات التشرد وهو قد صعد للطاولة التى كان يجلس فيها وحيداً. .. .. . وفى لحظات أخرى يقف أمل أدنقل ليتمطع أو يمارس مواقف الإستفزاز الغاضبة من الذين عملوا مع السلطة أو كما كان يقول: خانوا القضية. والرحلة لا تقف عند هذه الصورة والحكاوى ستجدها مدد ياشعرا وقصاصين وسواح وسماسرة العقارات وكل المصنفين بزوار مقهى " الريش".
أرجع بك للشخص الذى كان يأتى ويجلس وحيداً فى داخل المقهى..عكس الأخرين كان ينزوى بدرجة خاصة هو الدكتور يوسف إدريس! يتناول مشروبه المعتق وينفخ فى تبغه ومن يجلس معه فى تلك الحظات كثيراً ما يصاب بالدهشة وتسمعه من بعدها وهو يقهق بينما هو يزيد من دفع حبائل تبغه للسقف ولا أقول للسماء لآنه إختار ..أن يجلس فى داخل مقهى الريش وليس فى الفسحة ؛ تلك المنطقة التى تشبه المقاهى الباريسية بين حى سان ميشيل وسـان جرمان التى قيل أنها اصبحت مواقع عبدالواحد وهو يخاطب الصحافة العالمية وبعض الرؤساء او المهتمين بقضية دارفور.
هل تدرى بعد كل هذ ما وددت أن أقول: اليك ما أحب من حديث الدكتور يوسف إدريس. : الكتابة هى التحقيق الإرادى للذات. وها ما نفعله الأن مع الصديق الودود الغاضب المرح الضاحك المنتشى فى فضاء اللغة وعتبات أبواب القصيدة "و ا نا لافي ..في شارع ما في"
ابداً سيكون أمثال : الخطاب. مقهى سايرة فى هذه الغربة و العالم الفضائى لنمارس عادة السمع والقراءة و كحالنا الأن الكتابة.
لك الود
إبراهيم
| |
|
|
|
|
|
|
Re: ...و ا نا لافي ..في شارع ما في (Re: خطاب حسن احمد)
|
كم لفينا شوارعك نحنا و
اتغطينا ... حكينا جرحنا وجرحك يفضح اهة سجينة ما جرحنا الرمل الناعم وانك طاعم ماها غريبة الا غريب الحزن الفينا وما مكفينا الدرب الواقف بين احلام تتحدى الواقع وسورا واقع بابو علينا .. .. . وبرضك لافي
| |
|
|
|
|
|
|
Re: ...و ا نا لافي ..في شارع ما في (Re: خطاب حسن احمد)
|
Quote: ابوصلاح طبعا نحن بقينا كيشه ده ياتو شارع هسع |
استادنا الما كيشة يوسف الموصلي
يا اخ دا شارع كموشتاتو او شارع الحرية ودا اشهر شارع باسمرا في العصريات تلقى اسمرا كلها حايمة في الشارع دا وياما لقيت صاحبنا الجميل خطاب حايم في الشارع دا يا استادي الموصلي لك الود.
| |
|
|
|
|
|
|
Re: ...و ا نا لافي ..في شارع ما في (Re: Elmosley)
|
Quote: ياسلااااااااااااااام ياعبد الله ياسلام |
يا سلام على بسمة منك
فينا تفتح الف شارع
يا الـ شارع فينا حبك
فرض عين من دون موانع
قلب مليان بالمحبة
وفينا يشتل لي الروائع
كل سكة يطول مداها
او يقصّر طوله مانع
ياما تتفتح محنة
ويبقى اسمك فيها طالع
وانت ذات برضو لافي؟
| |
|
|
|
|
|
|
Re: ...و ا نا لافي ..في شارع ما في (Re: خطاب حسن احمد)
|
.... ... .. . .. .. و غنى ليهو .. الغنوه ديا .. يا وطن . مرسوم عليا . يا اسم ممضى ف كلامى . ويا يديا .... .. . ... ... سيد البيت .. يوسف .. انه شارع الحريه وما ادراك ما كمشتاتو .. او شارع الحريه , كما أورد .. الرفيق الرائع صلاح الامين .. .. و يرجع تسميته .. بالحريه .. لان الدخول اليه, كان محظورا ابان .. عهود الظلم .. .. لذا سمي . بالحريه ... حين توفرها لاحقا, .. وهو بدايات المساء . يتحول الى حديقه . كاملة البهاء ... ... . لكم ورد الثوره . ... ...
| |
|
|
|
|
|
|
Re: ...و ا نا لافي ..في شارع ما في (Re: خطاب حسن احمد)
|
خطاب ماتغيب كتير ================= واخترنا ليك المقطع ده من قصيدة ابوذر (المطر)
فى حدائق وجهِها تأتلفُ العصافيرُ تكتبُ على خدِ الصباحِ الذى فى كلِ يومٍ يُفتّح أبوابَ الضياءِ ثم يخلعُ شمسَه عند بابِ الوردِ لتأتلقَ الأزاهيرُ
يغمسُ نومَه فى نهلِها العبيرِ
| |
|
|
|
|
|
|
Re: ...و ا نا لافي ..في شارع ما في (Re: Osman Musa)
|
.... ... .. الغيبه ما بالايد .. يا يوسف . ما اروع هذا المطر , الاباذري وصباحه الا صيل .. شكرا لك على جلبه هنا.. ... ... .. ود موسى .. جيدا جيت . دميره .. تساب . شن راجيه تكون . غير التيراب .!! ... ...
| |
|
|
|
|
|
|
Re: ...و ا نا لافي ..في شارع ما في (Re: Osman Musa)
|
... ... وغنى ليهو الغنوه ديا.. لمن العب .. اجري و اتعب القاك تضحك في مسامى .. و لمن انعس .. ألفانى بحياك فى منامى .. و لمن اصحي .. القانى بتنداك .. كنت : : يا مدى كحل عينى : يا وطن مرسوم علي : يا اسم ممضي ف كلامي : ويا يديا.. ... ... .. التحيه للملحن الفنان .. د. محمد عبد الله محمد صالح .. وهو يكسى هذه الكلمات لحنا قشيبا ... ... .. التحيه للمغنى الفنان .. عمر احساس .. الذى يسعى بها .. طربا الى كل الاذان .. ... ... .. والتحيه من قبل ومن بعد.. .. لحبيبتى الصغيره .. الكبيره .. وهى تفجرها شعرا .. .. فى عيد ميلادها الرابع ... ... لهم الورد ... ...
| |
|
|
|
|
|
|
Re: ...و ا نا لافي ..في شارع ما في (Re: خطاب حسن احمد)
|
... ... ... : تتعدد الانهار يا صديقى : والنيل واحد.. ... ... : هذا ما يعترينى .. صراحة . ضفة كل نهر .. ... ... ( حوار البوتاماك ( والنيل .. ) ... ... .. ضفه . من ذات الضفاف . كنا . وموج حنين .. ما تعرفو . بغازل . ولا بغسل فى الحجر . و مطر . كالمافيش .. لا عارف اسكت . ولاا يحكى للشجر .. ... ...
| |
|
|
|
|
|
|
Re: ...و ا نا لافي ..في شارع ما في (Re: Ibrahim Idris)
|
شيخي ابراهيم
ابا شاول حي الفقراء الاغنياء باسمرا وهي حي الفنانين والمناضلين والصعاليك الجميلين ايضا ولهدا الحي العريق ينتمي يماني باريا والدي غني لهدا الحي ايضا مع ابن الحي الاخر الفنان الامين عبداللطيف
ولف زي ما انت عايز يا خطاب ياكتاب
| |
|
|
|
|
|
|
Re: ...و ا نا لافي ..في شارع ما في (Re: salah elamin)
|
... ... ... ما ان تقبل اقدامك ارض هذا الشارغ . حتى تشرع فى تصفح جريدة المساء . اليس كذلك . يا ابراهيم .. يا صلاج الامين !! . نعم .. . يتساقط عليك تمر الأنباء . سياسه و ماذا حدث بخصوص كذا !! . من اتى ومن غادر الى تحت .. او فوق .! . من يجلس مع من واين .! . مع اول كباية شاى حمراء .. على شفتها . شريحة ليمون , تكون قد طالعت العناوين . الرئيسيه .. ... ... يا لها من جريدة مساء . تصفق نحوك ضحكة عبدالغنى محمدنور . فى هدوء اقرب الى الهمس يجذب كرسياالى . الى جانبك . عادل القصاص .. يخرج من ضباب . الشارع رجل الفضاء ..ياسر سكر , حالد محمد طه . يدبر مقلبا , تفضحه نظراته التى تدور فى حنكة . دارسة للاوضاع , و مثل الوقت تماما ياتى حكيم . . ... شكرا على قيم المعلومات يا ابو خليل ... شكرا على جلب المغنى الاسطورى .. ... ايمانى باريا .. يا ابو صلاح .. ..... ..... لكم الورد ... .
| |
|
|
|
|
|
|
Re: ...و ا نا لافي ..في شارع ما في (Re: خطاب حسن احمد)
|
الفارع ... الخطاب
تسلم شديد
Quote: لو شفتى كيف ....بنزف نزيف الورد ....بالشوك انطعن ... ....وقتين عيونك ما يجن ....و ألقى المواعيد .. ا نتهن ..و ا صبح حليف ا لصحرى .. والريح ا لحفيف كنتى سا بقتى الزمن وانتظرتى على ا لرصيف ...... |
كيف تحبك الحروف هكذا وتهرع إليك كلما وسلالا من ذهب ... فإن كنت فارعا هكذا ... فمن مستحقاتنا الرطب الجني .
مع مودتي
| |
|
|
|
|
|
|
Re: ...و ا نا لافي ..في شارع ما في (Re: HAYDER GASIM)
|
... ... ... . الصديق حيدر قاسم . لك خالص الود . وعظيم الامتنان , سعيد انك واجد عندى . ما يبهجك .. .. .. . تعرف يا قاسم أن القصيده التى كنت قد . بدأتها اعلاه .. ( .. حوار البوتاماك و النيل ) . يشتغل عليها الاخ . الصديق الفنان : الهادي حامد . ذلكم الجبل .. .. .. . اذا يا صديقى .. التوقيت . تماما سليم .. ..
| |
|
|
|
|
|
|
Re: ...و ا نا لافي ..في شارع ما في (Re: HAYDER GASIM)
|
... ... ... . الصديق حيدر قاسم . لك خالص الود . وعظيم الامتنان , سعيد انك واجد عندى . ما يبهجك .. .. .. . تعرف يا قاسم أن القصيده التى كنت قد . بدأتها اعلاه .. ( .. حوار البوتاماك و النيل ) . يشتغل عليها الاخ . الصديق الفنان : الهادي حامد . ذلكم الجبل .. .. .. . اذا يا صديقى .. التوقيت . تماما سليم .. ..
| |
|
|
|
|
|
|
Re: ...و ا نا لافي ..في شارع ما في (Re: Osman Musa)
|
... ... ... شارع من الخرطوم اخيرا . شكرا يا هندسه .. . ما مهم ياتو فيهم .. . تعرف يا بكرى , خرم الكرعين ده . اصعب خرم . !!! . ده الخلى شيخنا الخليل . اقول بي كل حسه الجمالى : : :.. قدله يا مولاى :.. حافى .. حالق .. بالطريق الشاقى .. الترام .. ... ... وبالنسبه لكل ما زكرت من سلبيات ايهاالصديق , فنرجو جميعا الا تكون هناك ... خصوصا الناس اللا فين - يوميا- ديل !! ... ولا شنو !! ... لهم ولك الورد .. .
| |
|
|
|
|
|
|
Re: ...و ا نا لافي ..في شارع ما في (Re: Ibrahim Idris)
|
شارع في
وجوانا بيسال
ولسه نعوس.....
ونكوس... في المافي
ومهما ندوس جوانا شوارع
نلقى تروس جواها منافي
يا غلطان الشارع وكافر
او غلطان الكفر الخافي
وفي الحالتين الشارع شارع
وما محتاج شارعنا مطافي
محتاجين نتعلم نمشي
ونسند فينا القدم الحافي
وبرضو نلف
| |
|
|
|
|
|
|
|