|
Re: اسماء لقرى سودانية .. بتعرفوها ؟, وللا كلكم ناس بندر؟ (Re: حافظ انقابو)
|
رمانة شكرا لتطوافك هنا
اغلب القرى اعلاه
فى ولاية النيل وتنحصر ايضا فى ولاية الجزيرة ومنطقة التماس بين
النيل الابيض والجزيرة او امتداد المناقل..
ولبدى الاسماء الجاية دى فى اقصى ناحية الذكرى
ابو قمبيل
البريسى
الهشيب
الصباغ
الصفية
قيلى
التكون
السادّه
الباهوقى
هذه قرى تتبع للبطانة تحديدا محلية الصباغ
وهى مناطق الشكرية فالتحية لهم
| |
|
|
|
|
|
|
Re: اسماء لقرى سودانية .. بتعرفوها ؟, وللا كلكم ناس بندر؟ (Re: حسين يوسف مكى)
|
سأبدأ بقريتي { ودربيعة } الأنثى الجميلة التي تتكيء كل يوم على صدر القمر ودربيعة المدينة عرب ود جليد ود شاور ام جير التكل أبوحجير ود حسين الخوالدة الرقلة حماد برتبيل الجبلية ود الجمل ود البر زنقاحة محمد زين الصراف الهجليجة الكمر { بضم الكاف } الطلحة ود الطريفي مهلة بيكا الكريبة الحجاجاب وغيرها الكثير من القرى التي ربما تأتي لاحقا معظم هذه القرى تقع على خط المناقل مدني وبعضها يتفرع من الطريق الرئيسي تاخذ ليك خفسة شوية لو أردت ان ترى هذه القرى مجتمعة فتعال الى سوق المدينة عرب أيام الثلاثاء والسبت حاجة روعة 00 هنا ترى كل شيء الخيل والبقال والحمير والحلاقين والشطة وفكي الحب وفكي العرس وفكي الطلاق وكل ما تشتهي الأنفس أنا اسميه سوق أم دفسو ولي معه وفيه الكثير من الذكريات وأكثر ما يعجبني فيه واشتاق له الحلاقة على الهواء مباشرة مرايا توضع على شعبة وبجوارها تربيزة بسيطة ومن ثم يبدأ الحلاق في جز الشعر وبسعر زهيد جدا ويمكن ان يسلم عليك لحظة الحلاقة 175 واحد وياويلك لو كنت تحلق وجات كشة الخدمة الالزامية فلا تجد سوى الفوطة بينما يطلق الحلاق ساقيه للريح !! يجري بكامل عدته وعتاده !!!! يوجد جزء من السوق خاص ببيع الحمير والمدهش أن سماسرة الحمير هنا أكثر ثراءا من سماسرة العربات وحينما يسوقونك لشراء حمار فاول شيء يفعلونه هو فتح خشم الحمار وذلك لمعرفة عمره الحقيقي بعدد اسنانه من الداخل وبعض الحمير تاتي للسوق عشرات المرات دون ان تباع وما يعجبني فيها انك لو اتيت مع السمسار لتراها فإن الحمار يبدأ في فتح فمه تلقائياً قبل ان تصل اليه!!!!
اذا اردتم التوثيق الحقيقي فاكتبوا القرى القريبة من بعضها وموقعها بالضبط وبعض الذكريات فيها هنا يكون البوست رشيقاً وكامل الدسم ايضا
| |
|
|
|
|
|
|
Re: اسماء لقرى سودانية .. بتعرفوها ؟, وللا كلكم ناس بندر؟ (Re: ابوحراز)
|
ابو حراز
نرفع قبة الاحترام اجلالا لاهلنا العركيين اهل القبب
نواصل
ام زريّبة
ام صيقعون
الشوافة الاحامدة
بيبليس
الكويهنة
الزريقة
لقيّه
ام عود
الشريك
العليقة
دبة القرع
الحُمُرَا
ابو حمرا
فاقه
امبا
ام كويكه
درّه
دبّة تور
دبّة جمل
ام لحا
ام بريّكه
الضريساية
القليعة
عيال ازرق
بقبقت
هذه قرى تقع جنوب غرب مدينة الدويم ويقطن بها قبائل الشانلة , البزعة وبنى جرار وتتبع لمحلية تندلتى
اتوقع زول يجى ناطى من داوننغ ستريييت يقول لى تندلتى دى وين.. نواصل
| |
|
|
|
|
|
|
Re: اسماء لقرى سودانية .. بتعرفوها ؟, وللا كلكم ناس بندر؟ (Re: حسين يوسف مكى)
|
حسين يوسف الفكي
اول حاجة هل انت مولانا القاضي حسين يوسف الفكي ولا اسم على اسم؟
ثانيا قرانا بالدندر :
المدينة الكبيرة كان زمانا اسمها ( القويسي ) لكن تغير للدندر وهي شرق النيل الازرق - غرب النيل الازرق سنجة وسنار الاولى على بعد 20 كيلو من الدندر اما سنار فهي على مسافة 72 كيلو من الدندر . قرى الدندر :
غرب نهر الدندر :
ام محار التكينة كسلا البردانة ( دي قرية العبد لله وهي اكبر قرية وعدد سكانها اكثر من عشرة الف) اللويسة كاكوم كسيد عمارة ود الصديق نجم الدين خميسة كامراب حلة بلة ابو البنات ابو هشيم تاما الحجير عبد البنات بيضاْء درابة الاشبة الشبعانة ابقرة ثم حظيرة الدندر القومية
بوست لذيذ ومفيد وسنواصل لنتعرف على قرى شرق الدندر
| |
|
|
|
|
|
|
Re: اسماء لقرى سودانية .. بتعرفوها ؟, وللا كلكم ناس بندر؟ (Re: منتصرمحمد زكى)
|
الحشرو عباس ام قنينيطة الحمار نكس.. ام صفقا عراااض .. ح نتوب القنابيل.. كبمبورة.. البويضاء.. ودآدم . فداسى.. كركوج.. قسومة.. الكريبة.. الكوة.. البشاقرة.. الخوى.. لقاوة.. عصار.. القدنبلية.. شلعوها الخوالدة.. الشكينيبة.. الدبيبة.. ود المنسى.. طربقوها الكوازنا زنقاحه.. ود مطر.. ودرعيه.. حليوه.. الرتينه بقت.. ركبتي زاقت.. كاب الجداد.. السديره.. كجنة الخلوات.. جابو أجلك.. أبقدوم.. طبقة.. معصورين.. البردانـة.. عد الغباش.. عد الحاج.. ودساوي.. دبيرة.. أرقين.. أشكيت.. دغيم.. فرس.. سره.. جمي.. دبروسة.. امبكول.. أمكة.. صاي.. صيصاب.. أبوديس.. مبيريكة.. كنور.. حجر الطير.. حجر العسل.. العسيلات.. حوش بانقا.. ودحسونة.. أبودليق.. قيلي.. تمبول.. الصباغ.. أم شديدة.. ريرة.. السبعات.. أصبري.. شلكي.. المقطع.. الشجراب.. أم جداد.. كاب الجداد.. ود الحليو.. قدمبلية.. الشبارقة.. البشاقرة.. ود الفادني.. الدونيب.. أم دقرسي.. القريقريب.. اربجي.. القلقالة.. الضقالة.. البطاحين.. الشاوراب.. قنب.. الطالباب.. العيكورة.. أبو حراز.. التلكة.. التكلة أبشر.. فداسي العامراب.. فداسي الحليماب.. وادي شعير.. طابت.. صراصر.. الكريمت.. ودعشانا.. الجاموسي.. قنيدة.. حلة بر.. الهبوب.. ام شدق.. مجرور..
| |
|
|
|
|
|
|
Re: اسماء لقرى سودانية .. بتعرفوها ؟, وللا كلكم ناس بندر؟ (Re: Saifeldin Gibreel)
|
تعمل شنو؟ لو الوطن اتغابا فيك المعرفة؟ شقيش تقبل لو الدروب بخلانا انك تألفا ككيف تغير منهلك لو جف بس نبع الوفا؟
سيف الدين جبريل لكن لقييتك رحالة عدييل تسلم على هذه السحنة والتى اكيييد طفنا معاها طبعا انا فى قري عرفتهم وواحدات سمعت بيهم من ايام ركن الاطفال
لكن مكرمك نركم مثواك اها هاك :
ام دكّت
الدويرة
ام ارضه
ود المنسى
ام شراع
طرطشت ,,سموها بانت بعد تقصير الظل الادارى
قوز اب قنبق
الرضيمة
ام عويد
ام جحر
هببنا
وهذه قرى اغلبها تتبع لمحلية العزازى وسكانها يمتهنون الزراعة وتتالف تركيبتهم السكانية من قبائل شتّى.
| |
|
|
|
|
|
|
Re: اسماء لقرى سودانية .. بتعرفوها ؟, وللا كلكم ناس بندر؟ (Re: الطيب شيقوق)
|
انا حسين يوسف مكى احي عبرك مولاانا حسين يوسف الفكى
فينى منّك ومن تفاصيل العروبة حبه من نهرات بلدنا وسحنة من عُربان ونوبه ضجّه فى كل الشوارع نحن فى الاهات نصارع وطفلة تتقطر عذوبه
الطيب شيقوق جميلة تلك الفيافى والاصقاع نجأر بحب انسانه وطيبة محياه وسودنته الموغله فى الطيبة..
نواصل :
الكلاقى
السريحة
الشطيب
ابو سنيقد
السمْرة
وغيرها .. تتبع هذه القرى لريفى الشيخ الصديق التابعة لمحافظة القطينة وهى تقع على الضفة الغربية للنيل الابيض بمحازاة مدينة القطينة
| |
|
|
|
|
|
|
Re: اسماء لقرى سودانية .. بتعرفوها ؟, وللا كلكم ناس بندر؟ (Re: حسين يوسف مكى)
|
مسافر خبارك؟ إذا ما اتانا حنين السؤال مهمل ديارك.. علي كل حال ... إذا في مدارك وضاق المجال وفارق نهارك معاني الجمال نفتش نكوسك لعل في شموسك يطيب الخيال
الجميل منتصر محمد زكى
شكرا لاثرائك هذا البوست كما تفضلت
وزيد فوق العندك :
ود اب بعرة
الكداريس
الحموراب
المندرابة
الكريدة
الدبيبة
بوجو
السراحنة
دردق
اب شوك
الجميلية
الخير بجيك
الدقيناب
ايد الويكة
القردود
وكره
| |
|
|
|
|
|
|
Re: اسماء لقرى سودانية .. بتعرفوها ؟, وللا كلكم ناس بندر؟ (Re: ندى صالح الطيب)
|
بلقاكِ فى حضن المغيب والشمس حانية تقبّلك فى زفة الفرح القريب بمشيك وجهة واقبلك جاييك بى نفس الدريب على كل حال ياخ بقبلك التحية لبلادى وهى تمنحنا الانتماء ونحن فى البلد البعيييد.
شكرى وتقديرى ندى صالح
التحية عبرك لاهلنا الشوايقة
نواصل :
الملقه
ام علقه
ود السفورى
الشاتاوى
موية
القوّه
اب عتود
الوادى الرقيّق
ام عّرف
كجبى
اللدية
ايد الحد
الفرجاب
الفريجاب
ام مرحى
ونواصل
| |
|
|
|
|
|
|
Re: اسماء لقرى سودانية .. بتعرفوها ؟, وللا كلكم ناس بندر؟ (Re: الطيب شيقوق)
|
مسافر خبارك؟ إذا ما اتانا حنين السؤال مهمل ديارك.. علي كل حال ... إذا في مدارك وضاق المجال وفارق نهارك معاني الجمال نفتش نكوسك لعل في شموسك يطيب الخيال
الطيب شيقوق يا بنفسج الروعة الممتد
ام جر هى ضمن مشاريع الاعاشة وتتبع لمحافظة الدويم
بها حوالى 28 قرية ذكر اكثرها علواً
ومن ضمن قراها المنيدريب كما اوردت
اما شبشة فهى محلية تضم عددا من القرى وهى منطقة الشيخ برير ود الحسين والمثل معلوم اكرم شبشة
اما كوستى فهى مدينة عريقة تعتبر صرة النقل النهر بطول البلاد
ياخ والله السمح انت ده
| |
|
|
|
|
|
|
Re: اسماء لقرى سودانية .. بتعرفوها ؟, وللا كلكم ناس بندر؟ (Re: محمد على حسن)
|
بوست جميل ورغم أنو بدأ كبوست طريف لكن بقليل جدية وبصورة علمية ممكن يتحول لأطلس بأسماء القري والحلال السودانية خاصة عضوية المنبر تغطي كل مساحة ما تبقي من السودان
فياريت كل عضو يذكر أسماء القري والحلال بصورة ترتيبية ويذكر موقعا بدأ بالولاية والمحافظة والمدن الكبيرة
سأبدا بالقري الواقعة في ولاية نهر النيل مباشرة علي الضفة الشرقية من النيل بين مدينتي شندي والدامر متتبعا خط السكة حديد والطريق السريع إبتداءا من مدينة شندي وشمالا حتي مدينة الدامر:
الشقالوة جزيرة ساردية المسيكتاب التراجمة الدوشين القبلاب ديم القراي قوز الحاج المشايخة كبوشية البجراوية قدو جزيرة الشبيلية وادي الدان أم علي المطمر المحمية شرق قباتي العالياب المكابراب الزيداب الحصا
وهناك بعض الفرقان الصغيرة تقع بين هذه القري
| |
|
|
|
|
|
|
Re: اسماء لقرى سودانية .. بتعرفوها ؟, وللا كلكم ناس بندر؟ (Re: أسامة البلال)
|
ود المكي
يطول عمرك وربنا يقسم ليك فسحة في كل قرى وبوادي السودان
Quote: اما شبشة فهى محلية تضم عددا من القرى وهى منطقة الشيخ برير ود الحسين والمثل معلوم اكرم شبشة |
يا اخي ناس الشيخ برير ديل محل تناخ رحالهم بشتتوا اللقمة للجعانين - والله يا ود المكي معنا في مدينة مسقط هنا الاخ محمد الطيب السعيد المحامي وهو منسوب لاسرة الشيخ برير يعلم الله بيتو في مسقط نارو ما إنطفأت يوم .
يا رب توسع رزق اخينا محمد الطيب السعيد وكل اهل شبشة
Quote: اما كوستى فهى مدينة عريقة تعتبر صرة النقل النهر بطول البلاد |
صحيح يا ود المكي خلوني اجيكم متدلي من حدب كوستي لصقيع سنار شرقا .
كوستي
اللّية ( عيك دي فت عبار مريسة منها يخلي راسك يدوّر زى الثورو)
ربك
عسلاية
جبل دود
جبل موية ( عيييييييييك دي فيها جنس عنكوليب يحير عديل)
سنار التقاطع ( مكوار سابقا)
كبوش
وطوالي سنار المدينة
خليكم معاى عشان ادوس بيكم ابنص من سنار واتلهم بيكم مدينة سجنة عبد الله ومن سجنة اتكامل بيكم الدندر او الدمازين أنّى شئتم.
| |
|
|
|
|
|
|
Re: اسماء لقرى سودانية .. بتعرفوها ؟, وللا كلكم ناس بندر؟ (Re: الطيب شيقوق)
|
الشقالوة جزيرة ساردية المسيكتاب التراجمة الدوشين القبلاب ديم القراي قوز الحاج المشايخة كبوشية البجراوية قدو جزيرة الشبيلية وادي الدان أم علي المطمر المحمية شرق قباتي العالياب المكابراب الزيداب الحصا ----------------
أقطع البحر عوم وجيب لنا البي غادي...
بس أم كديسة ما تنساها...أنا ما حافظن بالترتيب ولو غلبنك بجتهد فيهن وحا اجيب كل قرية قصاد رفيقتا
دي الحتة زاتا الجاء منها (مبدأ حق القصاد) يا مولانا ود شيقوق
| |
|
|
|
|
|
|
Re: اسماء لقرى سودانية .. بتعرفوها ؟, وللا كلكم ناس بندر؟ (Re: nazar hussien)
|
نزار ود الحسين
Quote: دي الحتة زاتا الجاء منها (مبدأ حق القصاد) يا مولانا ود شيقوق |
عييييييييك باقي لي ناس قراكم ديل اي واحد فيهم لابس حجباتو وبارم سكينو ومتلبب عكازو المضبب عشان يتلهم أي حد يقول الحدبة القامت جوة البحر ديييك حقتو .
دحين ناس الجودية عندكم هناك عندهم سلب عاشميق عشان يقيسوا بيهو المسافات شرقا وغربا ولا بالشبحة ساي ؟
أكيد لو صارت بالشبحة الشبّّاح لو عصروا ليهو في جيبو بتلاعب في جدعة كراعو ( لزوم يطول او يقصر الشبحة الليلتو حسب مقتضى العصرة ) ناس قراكم ديل بموتوا في القراصيييييييي صاح؟
| |
|
|
|
|
|
|
Re: اسماء لقرى سودانية .. بتعرفوها ؟, وللا كلكم ناس بندر؟ (Re: عباس محمود)
|
اخي حسين.....أستاذنك في المواصلة
الخندق شبتوت Shabatot دمبو Dambo سلقي Salagi شبعانة القولد رومي البكري سلنارتي Sellenarti البرقيق قرونتي Gronti السرارية دار العوضة تبو Tabo دبلا Dibela كودي Koddi السير كلتوس Kaltos مجرب ايماني حاج زمار Zommar حامد نارتي الهمك Hamok الترعة ناوا امنتجو Amentago
وكذلك اسماء بعض الجزر:-
بدين ارتقاشة Artigasha مروارتي Marawarti موسي نارتي Moosanarti مقاصر لبب كومي Komi
لك التحية اخي حسين يوسف
| |
|
|
|
|
|
|
Re: اسماء لقرى سودانية .. بتعرفوها ؟, وللا كلكم ناس بندر؟ (Re: عبد القادر شادول)
|
تم ابدال الاسم لـ(المتصلة) وهي ريفي 24 القرشي، ريفي المناقل .. وينحدر منها صديقي الفنان شرف الاهلية
كريعات (كوريا الجنوبية و الشمالية/جعليين و شايقية في رواية شبابنا) .. كان في محاولة رسمية لابدالها بـ (عرفات) .. لم تنجح
-----
في حزام كوستي
الشوافة اباريق العليقة جعيبات (تم ابدالها لـ"قوز الريف") الفاششوية قلي الوساع ام دبيكرات
سلامات يا حسين .. ياكا!؟
| |
|
|
|
|
|
|
Re: اسماء لقرى سودانية .. بتعرفوها ؟, وللا كلكم ناس بندر؟ (Re: قيقراوي)
|
بوست جميل ورائع يسعدني المساهمة فيه وساذكر قري شرق البطانه شمال وجنوب وشرق مدينة تمبول وسأبدأ بالقري التي تقع شمال تمبول بداية بقريتى الحبيبه:
فاتحة الجعلين
ومن ثم قرى: العيشاب القبه ودالفضل ودابوعشر الموته بيكا ريبا الجعافره ود الكباشي القليع حداف الدناقله أم بلي الموسياب أم حجير الغنوماب ود ابوشام السكيرانه ام شنيشين مقيعيره/ جبره حاليا كوير موسى ودأكرت النصوراب الحار موسى البادياب
| |
|
|
|
|
|
|
Re: اسماء لقرى سودانية .. بتعرفوها ؟, وللا كلكم ناس بندر؟ (Re: ابوبكر قسومة)
|
يا سلام عليكم.. على كده "الترنك" الجيت أشيل فيه أسماء القرى ما ح يكفي، لازم أشوف لي حاجة أكبر بس لكن بعض الاسماء كده يفتقد فيها الحس الذوقي والشاعرية ياخ.. معقولة يعني الاسماء كملت عشان يسموا قرية (ود اب بعرة) ، (قرادة) و(قمل) ..! وفي المقابل شوف أسماء مناطق المحس دي كيف حلوة ، ليها وقع موسيقي مش؟ :) ممكن حد كمان يكلمنا عن قري منطقة الجابرية (الجوابرة) في الشمالية..؟! ومن هذا البوست أقترح تغيير اسم السودان لــ (طربقوها الكوازنا) .. انسب كتير :) حسين: أسأل عن تندلتي ناس ابراهيم مالك لكن خليني أسألك عن العزازي دي وين؟ .. المحليات دي ذاتها دايرة تعريف شكرا للجميع على هذا البوست
| |
|
|
|
|
|
|
Re: اسماء لقرى سودانية .. بتعرفوها ؟, وللا كلكم ناس بندر؟ (Re: وضاحة)
|
Quote: بس لكن بعض الاسماء كده يفتقد فيها الحس الذوقي والشاعرية ياخ.. معقولة يعني الاسماء كملت عشان يسموا قرية (ود اب بعرة) ، (قرادة) و(قمل) ..! |
هههههههههها الل يجازي محنك يا رمانة كتلتيني بضحكة
ياخ انت شهادة عربية ؟
ياخ الاسماء الشينة دي عندها ايقاع خااااااااااااااااص عند اهلها المسألة خليها في معايير ال objectivity مش ال subjectivity بتاعتك دي ياخ
| |
|
|
|
|
|
|
Re: اسماء لقرى سودانية .. بتعرفوها ؟, وللا كلكم ناس بندر؟ (Re: حاتم محمد حاج المهدي)
|
سلام الاخ حسين بوست خفيف الظل تسلم.
Quote: بس لكن بعض الاسماء كده يفتقد فيها الحس الذوقي والشاعرية ياخ.. معقولة يعني الاسماء كملت عشان يسموا قرية (ود اب بعرة) ، (قرادة) و(قمل) ..!
|
تجازي رمانة موتنى من الضحك..
Quote: ومن هذا البوست أقترح تغيير اسم السودان لــ (طربقوها الكوازنا) .. انسب كتير |
دى حلوة خالص وعلى وزن شلعوها الخوالدة.
القرى جنب تندلتى او بين تندلتى كوستى أتذكر.. الوساع سليمة العبيساب كما سمعت ب قرية الغزالة جاوزت.
| |
|
|
|
|
|
|
Re: اسماء لقرى سودانية .. بتعرفوها ؟, وللا كلكم ناس بندر؟ (Re: Nagat Sid Ahmed Elshiekh)
|
Quote: ههههههههههههههههها دي قلبت فيها الهوبا يا ود الحسين
عليك الله كدى جيب الجكس وناس الشهادة العربية وأسألهم منها .
على اليمين يطلعوها ليك واحدة من ال Generations بتاعين النوكيا او الآي باد او ال apple
قال دبليبة !! يتبلك بعنكوليبة في فقرتك يا ود الحسين |
ههههههههههههههههههههههههه يا مولانا
المقطعنو في حشانا دا كتييييير...
وكان بدينا نهابش الناس ديل بمرقونا من الملة وبعدين: الشهادة العربية شنو؟ جيب بكري زاتو سيد الحوش دا خليه يفتي في الدبليبة دي...واديه مدة إرشيف أرشيفين...
شايف وضاحة نفسها أنقطع من اسماء أربعة قري بس وديل نحن رعينا فيهن بي كرعينا....وغنمنا سادرات قدامنا.
| |
|
|
|
|
|
|
كل حتة من ترابك بنتمي ليها ياوطني (Re: Nagat Sid Ahmed Elshiekh)
|
منتصر الامين ماكنت عارفاك من هناك ولا متخيلة زول بيعرف الخريريشة بلا فخر عشنا أجمل سنين العمر شرق النيل الازرق وقضينا الاجازات في أغلب مناطق الجزيرة وامتداد المناقل وجبنا القصب المحروق من الجنيد والقطن من تنبول وحداف يومداك في لمة هنا وناس من قرى الجزيرة لقيت روحي بقول ليهم أجمل شاي بلبن تشربه في المحيريبا (شاي كبير) البوست عموما غرقني في كمية من الذكريات وأنا اليومين ديل خلقة مابتحمل الهبشة (إيموشنلي) ومع كل الحزن دا عندي خالي الله يرحمه ويوسع مرقده ويجعل الجنة مثواه محمود إبراهيم التني من اول يوم إجازة مدارس كان بياخدنا عنده في الجزيرة كان باشمفتش في مشروع الجزيرة وكان حلو وعشري وجميل وبسيط كنت في مدني بنات القسم الداخلي وكانن معانا بنات من أغلب قرى الجزيرة كان بيساعدنا ويصر أننا نزورهم في قراهم من قوز الناقة مابنسى أسماء الشيخ النور وأستاذ أحمد بتاع الرياضيات ومن برتبيل بنية حلوة إسمها عواطف وكنا بنستنى سوق الربع لانه اليوم داك بناكل لحم سنكيت وام فتفت
وإحنا من النوبة والفادنية والمكنية وحبوبتي ساكنة الجابراب المحمية غرب (قوز نعيم)
ويانزار حبوبتي عاشة بت الحسن الله يرحمها بتعمل القراصة بالسمن والسكر والفطير باللبن بالتبادل للفطور والعشا (يومي) وطبعا الكسرة
| |
|
|
|
|
|
|
Re: كل حتة من ترابك بنتمي ليها ياوطني (Re: Rawia)
|
الأستاذة راوية 00 تحية ليك ولكل الأهل
Quote: منتصر الامين ماكنت عارفاك من هناك ولا متخيلة زول بيعرف الخريريشة بلا فخر عشنا أجمل سنين العمر شرق النيل الازرق وقضينا الاجازات في أغلب مناطق الجزيرة وامتداد المناقل وجبنا القصب المحروق من الجنيد والقطن من تنبول وحداف يومداك في لمة هنا وناس من قرى الجزيرة لقيت روحي بقول ليهم أجمل شاي بلبن تشربه في المحيريبا (شاي كبير) البوست عموما غرقني في كمية من الذكريات وأنا اليومين ديل خلقة مابتحمل الهبشة (إيموشنلي) ومع كل الحزن دا عندي خالي الله يرحمه ويوسع مرقده ويجعل الجنة مثواه محمود إبراهيم التني من اول يوم إجازة مدارس كان بياخدنا عنده في الجزيرة كان باشمفتش في مشروع الجزيرة وكان حلو وعشري وجميل وبسيط كنت في مدني بنات القسم الداخلي وكانن معانا بنات من أغلب قرى الجزيرة كان بيساعدنا ويصر أننا نزورهم في قراهم من قوز الناقة مابنسى أسماء الشيخ النور وأستاذ أحمد بتاع الرياضيات ومن برتبيل بنية حلوة إسمها عواطف وكنا بنستنى سوق الربع لانه اليوم داك بناكل لحم سنكيت وام فتفت |
والله ماشاء الله عليك حمتي الكثير من قرى الجزيرة اها برتبيل قريبة من ودربيعة وراح عليك سوق المدينة عرب لأنو السوق قريب يعني قبل سبعة او عشرة سنوات
كتير من المفتشين اتوحلت عرباتهم بجوار ودربيعة هذه القبيلة رائعة 00 اي قبيلة المفتشين كانوا يخلقون الكثير من الصداقات مع المزارعين وكان المفتش بالنسبة لينا زي كوفي عنان أو بان كي مون كنا بنحترمهم شديد
هذه القرى مليئة بالذكريات طبعاً كنا بنغير جدا من أولاد المفتشين لأنهم كانوا وسيمين وكنا بندقهم وبنلبد ليهم في الترعة 00 يا الله قابلت أحدهم مرة بالكلية فتجددت الصداقات بيننا والمدهش أنه اصيب في احدى الفترات بفقدان الذاكرة وعادت له الشبكة مرة أخرى الغريب ان فترة فقدان الذاكرة هي الفترة التي جلدناهو فيها بالقرب من الترعة والحمد لله لم يتذكر ذلك اطلاقا
Quote: ويانزار حبوبتي عاشة بت الحسن الله يرحمها بتعمل القراصة بالسمن والسكر والفطير باللبن بالتبادل للفطور والعشا (يومي) وطبعا الكسرة |
الواحد لمن يكون من أهل العوض ويغترب وياتي الى الخرطوم وتكون معاه سيارة طبعا دي مشكلة زي حالتنا كده أنا والمدام قلنا الا نزور عفراء هم الناس الفيها احسن مننا وللا أحسن مننا جاتنا واحدة بيضاء وظريفونة انا اعاين فيها والمدام ست النفر تعاين فيني
المهم قالت ليها اسم وجبة غريبة كدي بالانجليزي 00 سوملينييا بالفانيليا 00 انا لا اتذكرها الآن قلنا ليها يابت اللذين الا ناكل سوملينييا بالفانيليادي وليكن مايكون 00 سجن سجن غرامة غرامة !!! تصدقي طلعت قراصة بي سمن معتت !!!! ياها ذاتا البتعملها حبوبتك وحبوبتي وكمان سومينلية حبوباتنا محمرة ونجيضة ومطمئنة لأنك بتاكل لحدت ماتشبع والله حقت عفراء دي لقمتين وجدعنا ليهم الصحن !! والله لمن جينا ندفع الحساب قربنا نطرشها ليهم في السراميك ياخي 75 الف جنيه و75 في حلتنا تجيب شوال دقيق وتعشي ناس ودربيعة كلهم قراصة بي لبن !! وباقي العجين يعملوه لقيمات !! قال بالفانيليا قال !!!
| |
|
|
|
|
|
|
Re: كل حتة من ترابك بنتمي ليها ياوطني (Re: ابوحراز)
|
يا زول ارفع قلمك وشيشك على ناس البندر
جن سادرات امات مطارق فيهن نجم اريتو طارق الرسمو فوق خدودو بارق دق قلبي بقالو مارق حضن هواهو فضل معانق ** حتى النظر فضل يسارق للوهج الفاق المحارق شبت نارو غلبو يفارق شوفة وضاحة ام شلخا شارق
لقيتني كيف؟
| |
|
|
|
|
|
|
Re: كل حتة من ترابك بنتمي ليها ياوطني (Re: الطيب شيقوق)
|
سلامات يا منتصر يا بلدينا
كريعات ست اللسم (جعليين و شايقية) الرقيل العيشاب عد الحاج الفكي ود العمارة
-------
يا وضاحة يا مسطحة .. ما عارفة السخينة بطبخوها كيف!؟ بتعرفي ام شعيفة و ام تكشو طيب!؟
لا طبخ هناك في كل ما ذكر اعلاه انا بعملم .. والله صحي
القاسم المشترك الاعظم بينن كلهن انو لا (لحمة هناك) برضو و السخينة ما في اي شئ ذاتو غير بصل ساااكت! ام شعيفة بلايقوها بالويكة وام تكش بالخدرة (الملوخية) الناشفة
تعال نسغفك بمنطقتكم
من وواسي لحدي العلياب و دامر المجذوب
حجر الطير حجر العسل ام الطيور الدويمات ديم القراي التراجمة بانقا (القبة والمحطة) المحمية قباتي ... (في بلد ناس محسن خالد دي نسيتا و الله اسي!) العالياب (شرق وغرب) الزيداب
قصرت معاك!؟ يقصر الملح
| |
|
|
|
|
|
|
Re: كل حتة من ترابك بنتمي ليها ياوطني (Re: ابوحراز)
|
الى صاحب البوست والى اولاد القرى والريف والى محبى القرى والى اولاد السكه حديد وناس البوليس واولادالمفتشيين والضباط الاداريين والاد النظار( مدراء المدارس) واولاد المعلمين وولاد الحكماء(الدكاتره والاطباء) واولاد المساعديين الطبيين والى كل من اتيحت له فرصة السكن او زيارة القرى ليكم كثيف المحبه وعارم الشوق شكيره الوادى شكيره حاج الصافى شكيره الحليواب ودشنينه ام حمد ودالامين ودبترو جاد العين ودالبصير الفوار ابو عرف مهلا عجان مقدر ام وزين تورس سليم ابو شنيب كنبو الكوده ديل جزء من ريفى المحيريبا (شريمات) شريم الناظر شريم المدير شريم الكرامشه ريفى بارا اشتهرت هذه الشريمات بزراعة السمسم وعصاراته؟ زايد البطيخ والتسالى _______----- حلة عباس التقر+كافى النقرابى ودشنينه حمد الله العديد نمره عشره مع ودى وحبى من اعلاه جانا الفنانون بادى محمدالطيب عوض الكريم عبد الله عبد الله محمد ساميه عبدالله(معرابز)ممثله انور عبد الرحمن(عقد الجلاد) عزالدين ود العمده اسماعيل كافى 0 عازفكمان اوركسترا الاذاعه) ولنا زياره اخرى
| |
|
|
|
|
|
|
Re: كل حتة من ترابك بنتمي ليها ياوطني (Re: ابوحراز)
|
الأخت العزيزه راويه تحياتي .. وعساك طيبه وأحسن الله عزاك وعزائنا في نقد وحميد وكل الجميلين الذين رحلوا عن دنيانا نسأ الله أن يتقبلهم قبولا حسنا .. وإن شاء الله آخر الاحزان
Quote: منتصر الامين ماكنت عارفاك من هناك ولا متخيلة زول بيعرف الخريريشة بلا فخر عشنا أجمل سنين العمر شرق النيل الازرق وقضينا الاجازات في أغلب مناطق الجزيرة وامتداد المناقل وجبنا القصب المحروق من الجنيد والقطن من تنبول وحداف
|
هي الاقدار يا راويه والحال المائل الذي أجبرنا علي مغادرة تلك الاماكن وفعلا الواحد عاش أجمل سنين العمر في منطقة شرق النيل الازرق والفزع للقش او حطب القطن او قصب السكر هي عادات مشتركه بين كل اهالي المنطقه كما السرحه بالغنم والبقر في العصريه والسربه بالليل في حواشات القطن قليلون من لم يمارسوا تلك الاشياء الجميله .... تعلمنا ربط البقره من قرونها وربطها بالمحويب عند الحليب كما تعلمنا حليب الضان والماعز وكيفية عمل الصرار لهما حتى لا يرضعها صغيرها
بحكم دراستي المتوسطه في قرية ود الفضل حيث كانت توجد واحده من القليل من المدارس المتوسطه بالمنطقه تعرفت إلي اسماء العديد من تلك القري وإلي إبنائها خاصة القرى التي تقع شمال تمبول مثل بيكا وريبا والموته والقليع وسر الكل
وبحكم وجود اكبر أسواق المنطقة بل السودان بمدينة تمبول والذي يرتاده الناس من مناطق مختلفه من حلفا الجديده ومناطق شرق رفاعه والكاملين وود راوه وتتسوق فيه كل قري الممتده بين تلك المناطق وتمبول تعرفت في هذه السوق علي الكثيرين وعلى كثير جدا من القري ورغم العدد الكبير من القرى الذي ذكرته فأنا متأكد ان هناك اسماء جزء كبير من القرى سقط سهوا
| |
|
|
|
|
|
|
Re: كل حتة من ترابك بنتمي ليها ياوطني (Re: منتصر الامين)
|
Quote: سيف الدين جبريل(بالانجليزي) من وين في المناطق دي؟ |
عمي الشيخ بابكر محمد سعيد راجل كريعات وكنا فى الاجازات نمشي نقضي الاجازة فى كريعات وناس الدخاخين و زرقة ناس نهيض وهمبتة ساكت كانوا بحقرو بينا لكن لما اعرفونا اهل الشيخ بعداك بحترمونا
| |
|
|
|
|
|
|
Re: كل حتة من ترابك بنتمي ليها ياوطني (Re: منتصر الامين)
|
Quote: سيف الدين جبريل(بالانجليزي) من وين في المناطق دي؟ |
عمي الشيخ بابكر محمد سعيد راجل كريعات وكنا فى الاجازات نمشي نقضي الاجازة فى كريعات وناس الدخاخين و زرقة ناس نهيض وهمبتة ساكت كانوا بحقرو بينا لكن لما اعرفونا اهل الشيخ بعداك بحترمونا
| |
|
|
|
|
|
|
Re: كل حتة من ترابك بنتمي ليها ياوطني (Re: منتصر الامين)
|
الأخ العزيز قيقراوي تحياتي وسعيد بكل بلدياتنا بسودانيز اونلاين وأشكرك علي التفصيل الخاص بمجمع قري كريعات واعتقد انه سقط سهوا مني ومنك ان الاسم الحالي هو طيبه الشيخ عبد الهادي
Quote: يا وضاحة يا مسطحة .. ما عارفة السخينة بطبخوها كيف!؟ بتعرفي ام شعيفة و ام تكشو طيب!؟ |
بالطريقه دي عصرت شديد على أختنا وضاحه :) ولكن بالرغم من دا كلوا ذكرتنا لقيط (خدرة الخلا) ودي طبعا المصدر الاساسي لملاح ام تكشو ...
| |
|
|
|
|
|
|
Re: اسماء لقرى سودانية .. بتعرفوها ؟, وللا كلكم ناس بندر؟ (Re: rummana)
|
مسافر بالخيال راحل لى حلتنا والسمحين سماح نهراتنا فى شفع بتلعب بالطمل والطين ليل حبان وجو طربان حِسْ زومبارة عِنْ رعيان على طرف الفريق نازلين زمن ديوانّا عاجّى ضيوف ديل ماشين وديل جايين
الاميرة رمانة يا سلام عليك انتى دى عمدت على اظهار المخفى من اسماء بعض القرى وطبعا هسى بعد تقصير ظل الادارى غيروها وعنونوها ستبقى اصالة القديم بعمق وجمال قاطنى تلك البطاح. تندلتى دى انا الا كان عبر الثقافة السماعية لكن ممكن سؤالك يكون عن القطينة وناسا شكرا لتطوافك هنا رومانة
| |
|
|
|
|
|
|
Re: اسماء لقرى سودانية .. بتعرفوها ؟, وللا كلكم ناس بندر؟ (Re: عبد القادر شادول)
|
بعض المنافى تكون ديارى وطول البعاد بطعم اصطبارى بهمس حنيني دوما أُدارى جراحى ودمــــــعى وبعض حروف تُعيـــــــــــن انتظارى (النذير ابو الوفاء)
استاذنا انيق الحرف عبد القادر شادول هههههههههههه ياقولك طلعونى متبندر لكن البندر بى ناسو البعرفو رطانتو ومولانا ود شيقوق مرق الحد فوق الطندبه والجاى اجمل
تسسلم شاعرنا عبد القادر شادول
| |
|
|
|
|
|
|
Re: اسماء لقرى سودانية .. بتعرفوها ؟, وللا كلكم ناس بندر؟ (Re: rummana)
|
Quote: يا زول ارفع قلمك وشيشك على ناس البندر
جن سادرات امات مطارق فيهن نجم اريتو طارق الرسمو فوق خدودو بارق دق قلبي بقالو مارق حضن هواهو فضل معانق ** حتى النظر فضل يسارق للوهج الفاق المحارق شبت نارو غلبو يفارق شوفة وضاحة ام شلخا شارق
لقيتني كيف؟ |
نحن غايتو بنقول: المرعفيب بعرف جعري أخوه إنتو لأنكم قريبين من نواحي الدندر...أتلقي بتسموه بي اسمو الصحيح.
| |
|
|
|
|
|
|
Re: اسماء لقرى سودانية .. بتعرفوها ؟, وللا كلكم ناس بندر؟ (Re: الطيب شيقوق)
|
التحية لصاحب البوست وضيوفه الكرام
بوست جميل
يا واضحه
دي كان ما وريتك ليها أنا ما كنتي حا تعرفيها
عارفه يا واضحه بقروسي دي قطعة من الجنة وقعت في نهر النيل بها أخصب أراضي في السودان يغسلها النيل بالخصوبة سنويا
سألنا عن سبب تسميتها ببقروسي قالوا زمن الممالك النوبية كان يسمي الملك بج وكانت الممالك تسمى على الملك البحكمها وكان يحكم المنطقة ملك أسمه روسي لذلك سميت حاضرته بج روسي حتى أصحبت بقروسي حالياً حالها كحال بج راويه بجراويه
بها عناصر جمال المكان مكتمله فالنيل في شرقها به جزيرة جميلة خلفها يقيف في هيبة جبل أم علي أو جبل الشيخ حامد حيث أن الشيخ حامد أب عصا مدفون هناك حسب وصيته نشأت بعده قرية جبل أم علي
منظر للجبل من بقروسي
تحفها الخضرة من ناحية ومن كل شيئ فهناك أي شيئ لونه أخضر
تشتهر بزراعة البصل والبقوليات كالفول والفاصوليا فيها بعض الجنائن
أجمل ضفه غربية للنيل موجوده في بقروسي أظنها تنافس شواطئ هاواي
أجمل مافي بقروسي أهلها طيبين وجميلين وكرماء والمميز أنهم مش من بطن واحد زي بقية قرى نهر النيل يعني هناك بتلقي قرية كاملة جدهم واحد لكن في بقروسي أكتر من فرع من فروع الجعليين حاجة كدا زي الوحدة الوطنية الجعلية
فيها كل مقومات المدينة كهرباء ومياه ومركز صحي ومسجد كلها قامت بجهود أبناءها والخيرين منهم
إن شاء الله لو أتلاقينا في السودان إلا أوديك تزوري بقروسي
--------------------- الصور العندي ما موجوده حالياً أستعنت بي صور من قريبي حمدي بشبكة الجعليين ممكن مراجعتها برضه من هنا http://www.darg3l.com/showthread.php?t=13108
| |
|
|
|
|
|
|
Re: اسماء لقرى سودانية .. بتعرفوها ؟, وللا كلكم ناس بندر؟ (Re: Ali Sirelkhatim)
|
نحن عندنا : كجينة الدنكوج سنقي اللديات المصلحة حلة عمر اب قيدوم ابو طليح الديوماب الزراقنة ست ابوها تندلتي العَمده الكندرية وادي العبيد ( الوادي السعيد ) الحميداب وادي الدومة اولاد حسان الشيخاب ود نصر الحسناب الفقيراب الزرق الكرباب المريماب قلعة ود جمال البسابير ود الكتي الديم الملاحة
هذه القرى كلها جنوب شندي ..
| |
|
|
|
|
|
|
|