|
علي بالطلاق عمودي (خشم الباب) علي صحيفة الجريدة 24\3\2012
|
علي بالطلاق خشم باب زنك : حملت تلك الطفلة ذات السنتين وسلمت عليها .. جاءتني أمها من بعيد بحرص وفضول واهتمام زائد نظرت في الأم كان وجها يشير الي أن عمرها في حوالي (ثمانية عشر إن لم تنقص( سلمت عليها أدرت معها حواراً خفيفاً اكتشفت أنها (مطلقة ) استغربت واندهشت جدا لأنها علي قدر من الجمال والاحترام بادرت بالسؤال عن الأسباب أجابت أنها تزوجت بناء علي رغبة أبيها وأمها( في سترها والعريس كويس عندو قروش وزول شكليا مافيهو كلام وسئلو عليهو لقوهو تمام المهم أتزوجت بعد شهر اكتشفت انو زول كعب شديد ويضربني ويحبسني في البيت ودائم الشك فيني .. هربت الي بيت أبوي وأطلقت وانا حامل في الشهر الأول وضعت بتي واستلمت ورقه الطلاق).. صمت وبادرت باستفسار هل كنتي مرتبطة مع احد قبله وأجابت نفيا لا بس لم يكن هو الشخصية التي احلم بها لكن قبلت بناء علي ضغط الأسرة .. بادرتها بسؤال:عندك رغبة في الزواج مرة أخري .. صمت وبقوة أكيد لان بعد الزواج هنالك كمية الناس بحاولو التودد الي لسحبي لطريق الرزيلة باعتبار ان ليس لدي شي اخسره واختلفت نظراتهم الي جدا حتي المجتمع المحيط كلة ينظر الي انا زوله كعبة لاني أطلقت بعد شهر وكثير من الكلام والحكايات نسجت حولي وحول سمعتي وانا ليس لدي أي تاريخ سيئ أخاف منة في حياتي لذلك فضل راجل أحسن من معاكسات ونظرات الناس الي .. لكن أخاف ان أقع في نفس الحفرة مرة أخري لان الاختيار صعب جدا قلت لها احرصي علي ان يكون زواجك القادم موفق في المرة القادمة وكوني واثقة من ربك انة معك حملت طفلتها ورحل كلها أمل بغد جميل . خشم باب سُنط : هام في الافق كثيرا قطعت شروده بكلمة وين سارح قال لي داير أعرس قلت ليهو تأني بضحكة قال لي أي يا صديقي إياك من تختار لي زوجة بشكلها وجمالها مؤسسة الزواج دايره ليهو زولة واعية تقدر علي تقدير ان الحياة مشاركة واهتمام بالأخر وليس نفسها فقط أنت عارف انا اتزوجت لي بت حلوة و اهلها ناس كويسين وما فيها شي ظاهريا بس . . اهتماماتها غريبة جدا بتدي كتير من وكتها لي البنات صحباتا والانترنت ولي روحا وانا في بيتي ما بلقي نفس الاهتمام ما عندها علاقة بالمطبخ ولا أي تفاصيل تخصني العرس عندها كان تفاصيل صالة وفنان كبير ورقيص عرويس وحنة وشهر عسل في حتة سياحية بس فهمها بقيف لحدي هنا ما قادرة تتصور انو ربنا أمرها بالاهتمام بي في اكلي ومشربي ولبسي ما بالمظاهر الخداعة لي الناس البره البيت دا ..الهوه الفكرية بعيدة جدا وانا كرجل داير احس انو الحب مالي البيت اجي من برة ألاقي أي شي مرتب ومنتظم وفي كامل اناقتو بس العرس بقا طلبات دهب وتياب وزيارات وشكليات وانا الطرف فيهو ما حاسي بالأمان والراحة لانو الاهتمام بي اخر اولويتا .. قاطعتهو بسوال .. داير تعرس تاني .. قال لي طبعا الان المغريات كبيرة والوضع الحاصل دا لازم اكون عندك زوجة التجربة الفاتت فشلت ما مني ولا منها بس من الأسر البتخلي المجتمع والشارع اربي الأولاد ودي النتائج.. وحتعرس من وين .. ضحك البنات راقدات بس لازم اكون حرص المرة دي يا صديقي .. ضحكت وقلت ليهو ربنا أوفقك يا رب وهام مرة أخري في خيالاته .. خشم باب حديد: رؤيتي ألان لمجتمع أصبحت قاتمة جدا لان الرسول الكريم قال (اقلهن مهرا أكثرهم بركة ) وهنا يتضح ان اغلب فشل الزيجات لانعدام البركة أولا نسبة لمظاهر البذخ من مهور والي ما يله من مظاهر الاستعراض الكبيرة في طقوس الزواج بالإضافة الي ان الأمهات والآباء يجب ان يقدموا توعية لي الطرفين بما في الزواج من مسئوليات وواجبات ومسببات لعكر العلاقات الزوجية وان الحياة تستمر بالتفاهم والتنازلات من الطرفين لكن الشكل أهم أصبح من المحتوي .. في الزواج واختلاف الأجيال دوما سبب رئيسي في الطلاقات التي أصبحت نسبتها تفوق 40% من جملة الزاجات في العام .. وان البعد عن الدين الذي أمر بالتروي والشورى في الأمر والاستخارة والعقد بمجرد طلب البنت يودي الي عدم المعرفة والسؤال الجيد لطرفين والخطبة أمر مهم مذكور في الدين لمعرفة كل طرف الثاني والعقد يعتبر توريط لشاب لان الغالبية العظمي غير جادة في الزواج نسبة لكثرة الطلبات وعدم المقدرة المالية لشباب وعلية ندق اول مسمار في نعش الزواج لذا يجب تأجيل العقد ليكون مع مراسم الزواج وعدم تقديمه لتقليل نسبة الطلاق . نطالب تسهيل أمر الزواج لان الخطيئة هي الفعل العكسي لإحجام الشباب من الزواج وتنجب لمجتمع أبناء فاقدي السند في شريحة أصبحت مهمة اذ ان نسبتهم في دار المايقوما 900 طفل سنويا .. هم اتو من رحم هذا الواقع وليس سواه يجب ان يعم الاحترام بين الطرفين والود والرحمة لكي ننعم بمجتمع معافى من الإمراض المودية الي الطلاق والأطفال فاقدي السند والشذوذ وعلي الأسر والإباء والأمهات تقليل المهور والشكليات لزواج وجعله بسيطا حتى يسهل أمر الزواج ولتقليل نسبة الطلاق ليكن مبني علي البركة والحب . خشم باب حزن: اطل مارس والقلب يدمع علي الفنان محمد وردي فنان أفريقا الأول واحد أعمدة الغناء السوداني وتوالت الأحزان في رحيل هامة الشعر السوداني واحد مؤسسي المدرسة الشعرية العامية حميد ظل يعبر عن الغبش والبسطاء وأحلام المواطن البسيط وطلبات المسحوقين في بلادي ظل عبر أشعاره يقدم أمثلة حية لمعاناته الشعب السوداني عبر الحقب المتتالية نموذج لسوداني النظيف وصاحب المبدي له الرحمة والمغفرة ولكل قبيلة الشعراء والشعب السوداني الصبر وحسن العزاء ..بعدها رحل المناضل السوداني سكرتير الحزب الشيوعي الأستاذ محمد حسن نقد بعد ان صارع المرض كثيرا وكان نعم الثائر واهم رموز النضال الوطني منذ الاستعمار الي الان وهو يمثل احد ركائز المفكرين والثورين في السودان لة الرحمة ولكل الشعب السوداني وأعضاء الحزب الشيوعي التعزية في الفقيد الوطن خشم باب بيتنا: مارس .. فية رحل ابي أبوالقاسم محمد سليمان قبل سبع سنوات من ألان بعد ان كان نعم الأب والصاحب والمربي افني حياتة في دروب العمل العام كموظف في الغابات منذ الاستعمار الي ان نزل الي المعاش ظل .. نموذج لاستقامة والنزاهة كان دائم الترحال في مدن السودان وغاباته ربنا علي الاستقامة والتصوف والعدل وحب الخير . الاحترام لكبير والصغير والنقاش والديمقراطية في طرح الآراء أساس التعامل في الأسرة في احترام قدمنا الي المجتمع أطباء ومهندسين ومحامين وضباط و أدارين .. لم البر والاهتمام بكل تفاصيل حياتنا شاركته أمنا أمال محمد خليل في ترتيب امور البيت الداخلي والتربية والحب اعزي نفسي وكل أخوتي وأصدقائه ومعارفه برحيل ابي واهني أمي بعيد الأم وأقول ليها ربنا خليك لينا وأحفظك من كل شر وأحفظ كل الأمهات واشفي المرضي منهم ولهم في عيدهم كل الامتنان والحب والتقدير خشم باب آخير: حلم الناس الصابرة غلابة لقمة عيش وكلمة حنينة جبرة خاطر بسمة فرحة لمت ناس في ساعة خير -------------------------------- وتمتد الرؤيا بعد الرؤيا إلى الأبد
|
|
|
|
|
|