|
محجوب شريف يعطر ليالي الرياض ابداعاَ . (فديو ) وصور .
|
اكتست مدينة الرياض بحلة إبداعية زاهية تدثرت ثوب الوطن و تلفحت عمائم الشعر وصدحت بأوتار الثورة الغائبة ولوحت بعصي العصيان الاكتوبرية فهتفت الجموع بأصوات هادرة تقسم بالوطن الحر فلم تهدا إلا علي صوت الثوري المبدع الإنسان محجوب شريف الذي خاطب الحضور الذين بادلوه الحب بالوفاء وبادلهم المحبة والسماحة, وتقاسما ثروة المحبة الوطنية وسلطة القيم الشعبية . وقدم ود مريم محمود كشف حسابه للشعب السوداني الذي طوقه بالحب كما قال في كلمته وتم ذلك وسط حضور شعبي تدافعت جموعه لا تبتغي وزارة أو إمارة ولكنها تبادل حبيبها وفاء تقديرا لعطائه .
تفاصيل البرنامج لاحقا أرجو من الأخ معتصم دفع الله إنزال الفيديو . ومن بقية الإخوة إنزال الصور
|
|
|
|
|
|
|
|
Re: محجوب شريف يعطر ليالي الرياض ابداعاَ . (فديو ) وصور . (Re: يوسف السماني يوسف)
|
تمددت الجمعية السودانية للاداب والثقافة والفنون علي اريكة الابداع تتلمس خطي المبدعين لاقامة ليلة وفاء لمحجوب شريف فبسطت دعوة المهرجان علي طاولة شباب وشابات يتوهجون نشاطا ويتقدون وعيا فبذولوا انفسهم وتييموا شطر الوطن وتوشحوا مسادير المعرفة لذا كانت ليلتهم شمس تضئ عتمة ليل الثقاقة السودانية المغيبة منذ عقد من الزمان . التحية للجمعية السودانية والتحية للاصدقاء الذين سهروا وتعبوا من اجل تلك الليلة الرائعة التي كانت بقامة الشاعر الشعب محجوب شريف
| |
|
|
|
|
|
|
Re: محجوب شريف يعطر ليالي الرياض ابداعاَ . (فديو ) وصور . (Re: عبدالمنعم الزين)
|
ازيكم
كانت امسية زاهية ونحن شايلين محجوب شريف جوانا
وهو يجيد زحزحة الخراب والخيبات من دروب الحياة لاجل عالم
اكثر نقاء وانسانية وحب وطهر نبيل
كانت امسية لمحجوب شريف باصدقاء يحملون لمحجوب انهار الوفاء ورهان المحبة
وكلهم امل ان يتعافى محجوب شريف سريعا ويعود ((للجميلة المستحيلة))ويمطرنا شعرا
يلملم شتات نفوسنا ويمنحنا القدرة على التماسك ..
شكرا لكل اصحابي الرائعين اللي ساهموا في نجاح هذه الامسية بحب جدا
| |
|
|
|
|
|
|
Re: محجوب شريف يعطر ليالي الرياض ابداعاَ . (فديو ) وصور . (Re: عفاف علي ميرغني)
|
Quote: كانت امسية لمحجوب شريف باصدقاء يحملون لمحجوب انهار الوفاء ورهان المحبة |
محبة منبعها بحيرة الوطنية التي تفيض تجردا وتتلون باطياف السودان التي غطت ساحات القاعة حبا يفوح من نفوس الحضور اما حمامات السلام واسراب المحبة التي بنت بيت الفرح ليلة لمحجوب شريف, انهم مجموعة الاصدقاء الذين كانوا وراء كل ذلك الابداع لهم ولك التحية ياعفاف علي ميرغني
| |
|
|
|
|
|
|
Re: محجوب شريف يعطر ليالي الرياض ابداعاَ . (فديو ) وصور . (Re: نادر النور آدم)
|
العزيز / يوسف السماني
حقيقه كانت امسيه جميله وهذا اقل مايقدم لشاعرنا الاستاذ / محجوب شريف
توضيح
للمتسائلين حول عدم سماع خبر الاحتفاليه انا يمكن اكون اجد زول في الرياض وفي السعوديه يعني برلوم لكن حقيقه انا عرفت المعلومه من خلال بوست في هذا المنبر ومكتوب العنوان والتاريخ وهذا لايمنع من تكثيف الاعلان لرجل بقامه شاعر الشعب محجوب شريف
ودي
| |
|
|
|
|
|
|
Re: محجوب شريف يعطر ليالي الرياض ابداعاَ . (فديو ) وصور . (Re: حسين يوسف مكى)
|
Quote: التحية لييك يوسف ولاولئك المجبولين بحب الوطن والناس. |
لا يحس بجمال الابداع الا المبدعينن لذا اشادتكم نوط مسئولية علي اعتاق مجموعة الاصدقاء الجميلين الذين تصدوا لهذا العمل , وامانينا ان ينضم لهم كل مبدع لصياغة وجدان المغترب وفق موروثات الوطن عبر ليال ابداعية قادمة,
شاعر شباب بورداب الرياض حسين يوسف طلتك عبر المنبر افرحتنا لك التحية
| |
|
|
|
|
|
|
Re: محجوب شريف يعطر ليالي الرياض ابداعاَ . (فديو ) وصور . (Re: نادر النور آدم)
|
Quote: الأرباب .. هسي عليك الله العنوان دا واضح كدة ؟؟؟ |
بيني وبينك ..وماتقول لي زول .. تصدق ماواضح ..ههههههههه .. ( لكين الشباب إجتهدوا في توصيل الدعوات إلى كل الكيانات )
حبيبنا نادر .. لك العتبي ولكل الذين اشكل عليهم العنوان .. القادم أجمل بوجودكم ..
ليتك كنت هناك ... لإستمعته إلى المبدع جمال السنوسي .. إبتدرنا .. بصوت .. الراحل مصطفى سيد أحمد .. حتى رأينا ملاحمه في وجه المبدع جمال من الواسوق أبت تطلع .. ثم خاطب أرواحنا مباشرةً .. حتى أشققنا .. عليها .. والله نحنا مع الطيور المابتعرف ليها خرطة ولا في أيده جواز سفر ..
| |
|
|
|
|
|
|
Re: محجوب شريف يعطر ليالي الرياض ابداعاَ . (فديو ) وصور . (Re: Khalid Saeed)
|
Quote: بيني وبينك ..وماتقول لي زول .. تصدق ماواضح .. |
الارباب نصيحة تكبرك وتزيدك في عيوناأكتر من كدا ولو قلت أئ حاجة غير كدا تكون دغمسة ولولة ساهي . . العنوان دا مريت عليهو كعنوان فقط وقلت بعد القى ليهو مزاج رايق ولو كان واضحا كان حضورنا ملزما فوت علينا بعنوان مثقفاتي اكتبوا لينا بالبلدي يا اخوانا . . مع تحياتي
| |
|
|
|
|
|
|
Re: محجوب شريف يعطر ليالي الرياض ابداعاَ . (فديو ) وصور . (Re: عبدالله ود البوش)
|
حبيبنا ود البوش .. حبابك 1000 يازول يانيل .. نعلمك حد اليقين .. فمثلك لايمكنه التخلف عن مثل هذه الفعاليات الوطن .. الجايات كتير .. نرتجيك مع ضو الصباح .
تحياتي لي صاحبي فريد وأخوانه ..
خليك قريب .. الصور آتية .. فتلك الليلة لايصفها حرف .. كانت بقامة محجوب الإنسان .. لونها وطن.. وغنائها وطن .. ومعرض تراثها وطن .. وأطفالها وطن .. وحضورها وطن ..
| |
|
|
|
|
|
|
Re: محجوب شريف يعطر ليالي الرياض ابداعاَ . (فديو ) وصور . (Re: خالد المحرب)
|
Quote: العنوان دا مريت عليهو كعنوان فقط وقلت بعد القى ليهو مزاج رايق ولو كان واضحا كان حضورنا ملزما فوت علينا بعنوان مثقفاتي اكتبوا لينا بالبلدي يا اخوانا |
خالد الارباب شفتو الفلسفة بتسوى شنو؟؟ ناس ود البوش والمحرب ديل جايين من اصقاع بعد يرسلو ليك الكرت ويكتبو ا ليك فيه بمنزلنا الكائن والعاقبه عندكم فى المسرات.. بركبوا الولد حمارة يلف على الناس ويقول ليهم ابوى قال ليكم البوش يوم الاربعاء دور الليلة.... تجوا تقولو ليهم يذرذر الفرح بشيشه و ازدهار القكم يفوح وتعطيركم الساحات يشرفنا ودايرنهم يجوكم؟ حرم عزومتكم دى عندهم اخير منها عزومة المراكبية لوووووووووووووووول،،،،
| |
|
|
|
|
|
|
Re: محجوب شريف يعطر ليالي الرياض ابداعاَ . (فديو ) وصور . (Re: صديق الموج)
|
Quote: تجوا تقولو ليهم يذرذر الفرح بشيشه و ازدهار القكم يفوح وتعطيركم الساحات يشرفنا ودايرنهم يجوكم؟ حرم عزومتكم دى عندهم اخير منها عزومة المراكبية لوووووووووووووووول،،،، |
هههههه
حبيبنا الموج .. تعرف مره زمان .. جماعتنه مشوا عرس .. سيرتهم من العصر .. بعد المغرب جابو ليهم الكوكتيل .. جماعتك أكلوا الكوكتيل .. وذي الساعة 10 مشو للعريس .. وقالوا ليهو .. ها زول العشاء وينو .. ههههه
والله فقدناك ياخي .. كانت ليلة تفوح عبير .. أهديك هذه الصورة ..
| |
|
|
|
|
|
|
Re: محجوب شريف يعطر ليالي الرياض ابداعاَ . (فديو ) وصور . (Re: Khalid Saeed)
|
تبتبا تبتبا تبتبا تبتب
باكر تعرف تقرا وتكتب
وياما ترتب
نحنا بنحلم وكم نتمنى
هي تحقق كل ما تحب
تبني حياتا الند بالند
اي مكانة وخانة تسد
هدهدا هدهد كل الورد ينوم ويفرهد
زي عصفورة تطير وترك
تحبا وتمسك وتاني تفك
سيبا تفكفك سيبا تلكلك عايزة تنطط
بكرة حترسم وياما تخطط
بكرة حا يبنوا مدائن ضو
ما بيعكر صفو الجو صفارة حرب
تشطب من قاموس الدنيا
الضرب الشك الخوف
ينعموا كم بالشم والشوف واغاني الحب
افتح بابك آمن تب
زي ما النهر بيلقى مصب
اي حمامة بتلقى الحب
تلقى الورده الندى في الكم
تلقى حداها جناها الام
يرضع صافي حليب الحب
نقدل نحنا الجد والعم
تملا عيونا كهارب سد
باباً جاب الهم والزم والصد ينسد
نفرح لما ندمع جد
مد البصر الامل يمتد
العمل يشتد البنا ينتم الغنا يمتد
هدهدا هدهد
اكتبي اكتبي الف المد
حمام وسلام وسعادة بجد
اكتبي اكتبي ياء المد
سرير وعصير وعبير ينشم
اكتبي اكتبي واو المد
حقول وعقول تقرا المجهول كتاب الغد
اكتبي علم وسلم
لا حد يئن لاتسمع بم
لا ينزف دم
لا يعجز رد
لا يعجز طب
لا دمعه في خد
| |
|
|
|
|
|
|
Re: محجوب شريف يعطر ليالي الرياض ابداعاَ . (فديو ) وصور . (Re: Khalid Saeed)
|
ديل أنحنا القالو متنا وقالوا فتنا وقالوا للناس إنتهينا الليله جينا جينا زي ما كنا حضنك يحتوينا
غادرت الحفل بين الحسرة والشوق للقادم وسيف نورين يشعل سماء الحلم غناءً معافى .. والمجد للآلاف تهدر في الشوارع كالسيول .. واسماعيل عباس يحذرني بأن الطيارة حتفوتني والشاعرة التشكيلية نجاة عثمان والتشكيلي عبدالله الفي والتشكيلية منى عثمان فرحين مستبشرين برسومات الأطفال التي زينت القاعات والاستاذ عصام قام ببقية الدور في المعرض التراثي الرائع بعد أن غادرنا الزميل أسامة الذي كان شعلة من النشاط طوال أيام اللتحضير للحفل. الأطفال ملؤهم النشوة وهم يرتدون الملابس تطل من صدورهم صورة الشاعر محجوب شريف بإبتسامة عريضة ولسان الحال أن أجمل الاطفال قادمون ساعة فساعة .. تركت القاعة وتوجهت صوب المطار وأجلس الان في بيتي وفي النية أن أقوم بزيارة بكرة كان الله هون لمحجوب شريف وسأحمل له مطوية وفنيلة عليها شعار وقبل كل ذا مشاعركم النبيلة وأنتم تكرمون هذا الشاعر المناضل والانسان .. فور وصولي بيتي قالت لي التومات تاني ما بنخليك تمشي ونحنا ما دايرين هدوم .. تصدقوا في النت ما بلقى طريقة .. ويبقى
حنبنيهو البنحلم بيهو يوماتي
نزلو الصور وبحكي معاكم تفاصيل ما حدث في أمسية تكريم محجوب شريف والقادم أروع
| |
|
|
|
|
|
|
Re: محجوب شريف يعطر ليالي الرياض ابداعاَ . (فديو ) وصور . (Re: Khalid Saeed)
|
من اليسارعادل عبدالماجد وابتسامة الاحساس بالرضا . يلية الارباب خالد المحرب يصفق طرباً ثم حليمة عبدالرحمن تليها عفاف علي ميرغني ثم عفاف ابوحريرة .
من اليمين الاستاذ اسماعيل محمد علي الامين العام لجمعية الصحفيين السودانيين بالرياض . يلية الزميل الصحفي عمر ثم احد الضيوف يلية الاستاذ ضياء واخير المحامي فضل الله اجبر.
| |
|
|
|
|
|
|
Re: محجوب شريف يعطر ليالي الرياض ابداعاَ . (فديو ) وصور . (Re: يوسف السماني يوسف)
|
شعباً صمم فرداً فرد هبّ وهدّم حكم الفرد وجاهو عديل إعصار إعصار خطوه بخطوه وايد على ايد وسِلّم سِلّم ما بنسلم وشعب معلم قال اصرار عصينا عصينا على الحريه منو بوصينا نحن الشعب المابحتار اختار اختار ديمقراطيه بلا أميّه بأيدى قويه نحفر أعمق نرمى الساس للسودان الوطن الحر مرفوع الراس للحريه بلا دوريّه ولا تفتيش ولا حق ينداس
كنا في هذا اليوم نسجل حضورنا ونحن في ضيافة قامة بحجم وطن .. إنه الشاعر الإنسان محجوب شريف .. الكل كان يعمل حتى لا تضيع عليه فرصة الإحتفاء بشاعرنا الهمام .. داخل اللجنة وخارجها يعملون بجد حتى يخرج هذا اليوم بمثل ما رأيتموه .. وبحجم هذا الشاعر الكبير .. شكراً الجمعية السودانية للثقافة والآداب والفنون .. شكراً لجنة دعم شاعر الشعب محجوب شريف .. شكراً لكم لأنكم منحتونا شرف أن نكون ضمن هذه الكوكبة التي تكرم شاعر بحجم محجوب شريف .. والتحية والتقدير لكم مجدداً .. تاني .. وتالت .. حتى مطلع الفجر ..
كما لا يفوتني أن أشكر الصديقين ناصر يوسف وأسامة أحمد عبدالماجد على توثيقهم لرسالة الأستاذ من السودان عبر الفيديو ..
شفى الله شاعرنا الهمام .. ورد عافيته ..
| |
|
|
|
|
|
|
Re: محجوب شريف يعطر ليالي الرياض ابداعاَ . (فديو ) وصور . (Re: معتصم دفع الله)
|
Quote: كنا في هذا اليوم نسجل حضورنا ونحن في ضيافة قامة بحجم وطن .. إنه الشاعر الإنسان محجوب شريف .. الكل كان يعمل حتى لا تضيع عليه فرصة الإحتفاء بشاعرنا الهمام .. داخل اللجنة وخارجها يعملون بجد حتى يخرج هذا اليوم بمثل ما رأيتموه .. وبحجم هذا الشاعر الكبير .. شكراً الجمعية السودانية للثقافة والآداب والفنون .. شكراً لجنة دعم شاعر الشعب محجوب شريف .. شكراً لكم لأنكم منحتونا شرف أن نكون ضمن هذه الكوكبة التي تكرم شاعر بحجم محجوب شريف .. والتحية والتقدير لكم مجدداً .. تاني .. وتالت .. حتى مطلع الفجر ..
كما لا يفوتني أن أشكر الصديقين ناصر يوسف وأسامة أحمد عبدالماجد على توثيقهم لرسالة الأستاذ من السودان عبر الفيديو |
..
شكرا للاستاذ محجوب شريف الذي لولاه لما كان هذا الابداع , وشكرا للاصدقاء الذين كان بحجم الحدث , شكرا للضيوف الذين زينوا هذا اليوم . والشكر لك يامعتصم ولناصر يوسف واسامة عبدالماجد . ولكل من ساهم لانجاح اليوم .
| |
|
|
|
|
|
|
Re: محجوب شريف يعطر ليالي الرياض ابداعاَ . (فديو ) وصور . (Re: ناصر يوسف)
|
Quote: يا سلام عليكم يا شباب الرياض يا سلام عليكم كلكم دون فرز وقد أوفيتم أستاذنا الجليل هذا المحجوب الشريف حقه وشكراً لإستعراضكم للهبابة والفلم ،،، وهذا أقل ما كان يمكننا أن ننجزه معكم من علي البعد شكراً ليكم تاني وتالت ورابع وإلي ما لا نهاية |
الاخ/ ناصر يوسف لك التحايا معطرة باريج ابداع محجوب شريف الانسان الذي جعل تكامل كل تلك الجهود ممكنة, ليعبر الشعب السوداني بالمهجر عن حبه للشاعر محجوب شريف , شكرا لك وانت تنقل لنا صوت محجوب شريف عبرالفضاء الواسع ’ كما احي اخونا اسامة عبدالماجد الذي رافقك ,
| |
|
|
|
|
|
|
|