الجرادة في السِــروال

Quote: *الجرادة في السروال : مثل دارجي سوداني دارفوري ( جراداي في سروال و لا بأدّي ... إلّي قؤادو و لا هلو )

Quote: يا ربي ما فقدني في التيسوعه بنوت الفريق يوم داك لما إتلملمن شان الخبيز ؟ أها اليوم داك خمجن بالدقيق الدار ؟ و الصغيرونات يغفلن العجين الفار يشكلن الحلم ..سماعة ..طبشيرة و جيتار و الصغار ما همهم كان النهار قيل ولا ليل ولا كان حار العيد العيد ..هدوم العيد ..عجلة العيد الكورة و الجزمة التنور ياخي العيد دا ناقزين بيه شايلين ليهو طار !! " يا سعيد الليلة الوقفة و بكرة العيد " " يا سعيد الليلة الوقفة و بكرة العيد " " يا عيد تعود يا عيد ...يا عيد تعود يا عيد تعود يا ..." هييييي يا شفع ما تحومو فينا الحمة الينخسوها بعود و يا عيد تعود هنا عاد علينا ولا لقانا مقنعات بي طرحة او توب للبخش توش بي حبابكم او سلام العيد مبارك يا بنات القابلة بالعرسان هنا مافي زول بدخل عليك بدون تصريح و إستئذان هنا جانا لاسمعنالو تكبيره لا حس لا أذان انا قلتا ليهن يـــِـسمعن بنات حلتنا لو ما مرقنا خبيزنا دغشاً بدري قـــُــبال الاوان وكان كان خبيزنا حلو .. أحرش كما طعم الحزن زي عترت لسان الزول في فجوة خشمو لمن يقلعو ليهو سن معقولة ما فقدني يوم مرقن عصر للحنه و إنطلق الخبر زي الحريق السمحة وقفت للرقيص في الليلة ديك ضوت زغاريتن بكان الحلة ما كان فوكا ضي في الليلة ديك الامهات إتولن الدعوات بلاش بلاهي ما إتذكرني في حزة الدعاء إستجاب ولا طرني مع البنات إتحاوطن قطع الرحط و السمحة وقفت في السبات قالو العريس غلبو الثبات و إنطلقت الدعوات بلاش بعيدة بعيدة يا ست البنات سعيدة سعيدة يا ست البنات قالو العريس غلبو الثبات بعيدة سعيدة حالك للبنات في الليلة ديك انا كتا في البلد ام شمس كضابة بلداً فيها بينحت الصفق بي رضاها في عز الخريف فيها المحطات زي بنات الليل فساتينن حــُـمر ودايماً قصاااااار و الشعر دا أصفر يهفهف هف هف هف بلد لباسين الأرديه أبان عيونن خـُـدر سنة 56 ودعناهم بالقطر الليلة يومك دا انا جيتا فرادي هادي البلد في الليلة ديك كستني بالشدر العرايا برااااي برااااااي في عز المطر سعيدة بعيدة يا ست البنات يا صحبتي في الليلة ديك انا هان علي أرضى و أسامح غربتي في الليلة ديك انا كان علي أرضى و أسامح غربتي

Quote: جرداي في سروال ولابعضي الا بس قعادو ما حلو جقلو ولا مشي عرجة

كمان ناذر لو شاف لينا فيديو لي قصة (جقلو ولا مشي عرجة) يكون ممتاز

Quote: حجة آمنة .......لك التحية......شكراً لشرح المثل, حقيقة أو مرة أقرأه بتمعن وأفهمه...وكلامك جميل ومنظم..تقديرى وإحترامى.

Quote: يا ربي ما فقدني في التيسوعه بنوت الفريق يوم داك لما إتلملمن شان الخبيز ؟