|
|
 يـا الامـريـكــان لـيـكــم تـشـلـحـنــا (1)
|
بـانـورامــا الـرحـيــق1
Thursday, March 15th, 2012
يا الامريكان ليكم تشلحنا!!
§ القانون الامريكي لمحاسبة السودان جاء ، مفصلا ( قميص عامر) علي حكومة السودان في الخرطوم التي يقودها المؤتمر الوطني. اهم ما ركز عليه القانون جرائم الابادة الجماعية وجرائم الحرب والتعذيب وكل انتهاكات حقوق الانسان المتعارف عليها دوليا وجرائم الاضطهاد ، عقوبات القانون تشمل حتي الدول التي تدعم السودان وتلك التي يدعمها النظام . القانون اول مراحل (تشليح ) نظام الانقاذ !!ما كفاية عليهم الازمة الاقتصادية الطاحنة ؟؟.
الغاز ..الغاز ..الغاز!!
§ جمعيات ونيابات حماية المستهلك وهيئة المواصفات والمقاييس تغض الطرف عن جرائم الغش والتدليس التي تمارسها شركات تعبئة الغاز والتي رفعت اسعاره في السوق الاسود وافتعلت الندرة للضغط علي الحكومة لاعلان اسعار جديدة للغاز والحكومة تنفي حدوث ازمة غاز مما حدا بغالبية الشركات التلاعب في تعبئة الغاز الي نصف الانبوب بسعر الانبوب الكامل ليتضاعف الاستهلاك وحماية المستهلك قالواعندهم مهرجان لسباق الحمير.
طيب ما تاكلوا كيك!!
§ وزير ماليتنا يسأل في (استغراب) منو القال في ضائقة معيشية؟ ويواصل (مندهشاً) كيف الناس ما قادرة تأكل؟ الوزير ليهو حق يستغرب ويندهش لان الشعب السوداني لم يسأله حتي الآن وهو سيد ( الحيشان الثلاثة ) كيف استطاع ان (يصمد) والناس ما قادرة علي زوجة واحدة وهو لا يقرأ اعلانات المحاكم وازدياد حالات الطلاق. الوزير يعالج ابنه في امريكا وأعرق الاسر مالاقية حق الدواء وكل الشعب السوداني اختصر طعامه في وجبة (هزيلة ) واحدة تسمي (الغشاء).
سيراميك راس الخيبة..!!
§ لا يمكن باي حال من الاحوال أن يظل مدير مصنع سيراميك راس الخيمة اللبناني ينتهك السيادة الوطنية دون حماية من النافذين بالدولة وحتما هنالك شريك (كبير) ونافذ ، يفرض (جزية ) مقابل الحماية. العاملون السودانيون بالمصنع مستهدفون من قبل الادارة التي فصلت امين النقابة ويوم أمس فصلت الرئيس، العاملون الاجانب يعتدون علي العمالة السودانية بتشجيع من الادارة والتشريد ينتظر الجميع. لماذا تتدلل وزارة العمل واتحاد الغندور؟؟ ولا الحكاية معاندة من الشريك النافذ الخفي؟؟
المرا عندها كديسة!!
§ الراجل ، مرتو مربية ليها كديسة كل يوم تخربش..فيهو ،يوم زهج منها و شالها برة الحلة وجدعها..اول ما رجع البيت لقاها قاعدة…..تاني يوم شالها و وداها برة البلد و جدعها بعييد….و برضو جا راجع البيت لقاها قاعدة…تالت يوم زهج منها شدييد..شالها وداها برة البلد بعييييييد لحدي ما وصل الصحراء و جدعها هناك…….بعد تسعة ساعات ضرب لي مرتو قاليها :اسمعي، الكديسة دي جات؟ قالت ليهو : جات قبييل…قاليها : كدي اديني ليها خليها توصف لي البيت بي وين عشان انا رحتا !!
|
|
  
|
|
|
|
|
| العنوان |
الكاتب |
Date |
| يـا الامـريـكــان لـيـكــم تـشـلـحـنــا (1) | فيصل محمد خليل | 03-15-12, 10:17 AM |
| Re: يـا الامـريـكــان لـيـكــم تـشـلـحـنــا (1) | فيصل محمد خليل | 03-15-12, 03:46 PM |
| Re: يـا الامـريـكــان لـيـكــم تـشـلـحـنــا (1) | الامين موسى البشاري | 03-15-12, 03:53 PM |
| Re: يـا الامـريـكــان لـيـكــم تـشـلـحـنــا (1) | فيصل محمد خليل | 03-15-12, 03:56 PM |
| Re: يـا الامـريـكــان لـيـكــم تـشـلـحـنــا (1) | فيصل محمد خليل | 03-15-12, 04:33 PM |
| Re: يـا الامـريـكــان لـيـكــم تـشـلـحـنــا (1) | فيصل محمد خليل | 03-15-12, 04:38 PM |
| Re: يـا الامـريـكــان لـيـكــم تـشـلـحـنــا (1) | فيصل محمد خليل | 03-15-12, 08:09 PM |
| Re: يـا الامـريـكــان لـيـكــم تـشـلـحـنــا (1) | فيصل محمد خليل | 03-15-12, 08:31 PM |
| Re: يـا الامـريـكــان لـيـكــم تـشـلـحـنــا (1) | فيصل محمد خليل | 03-16-12, 07:45 PM |
| Re: يـا الامـريـكــان لـيـكــم تـشـلـحـنــا (1) | فيصل محمد خليل | 03-16-12, 09:16 PM |
| Re: يـا الامـريـكــان لـيـكــم تـشـلـحـنــا (1) | فيصل محمد خليل | 03-17-12, 10:30 AM |
| Re: يـا الامـريـكــان لـيـكــم تـشـلـحـنــا (1) | فيصل محمد خليل | 03-17-12, 05:55 PM |
| Re: يـا الامـريـكــان لـيـكــم تـشـلـحـنــا (1) | فيصل محمد خليل | 03-17-12, 09:41 PM |
| Re: يـا الامـريـكــان لـيـكــم تـشـلـحـنــا (1) | فيصل محمد خليل | 03-18-12, 10:53 AM |
| Re: يـا الامـريـكــان لـيـكــم تـشـلـحـنــا (1) | فيصل محمد خليل | 03-18-12, 05:33 PM |
| Re: يـا الامـريـكــان لـيـكــم تـشـلـحـنــا (1) | فيصل محمد خليل | 03-18-12, 08:46 PM |
| Re: يـا الامـريـكــان لـيـكــم تـشـلـحـنــا (1) | فيصل محمد خليل | 03-19-12, 10:03 AM |
| Re: يـا الامـريـكــان لـيـكــم تـشـلـحـنــا (1) | قلقو | 03-19-12, 02:11 PM |
| Re: يـا الامـريـكــان لـيـكــم تـشـلـحـنــا (1) | فيصل محمد خليل | 03-19-12, 08:01 PM |
| Re: يـا الامـريـكــان لـيـكــم تـشـلـحـنــا (1) | فيصل محمد خليل | 03-19-12, 08:24 PM |
|
| |
فيصل محمد خليل
فيس بوك
تويتر
انستقرام
يوتيوب
بنتيريست