|
|
 استثمار مربح جداً .. حديث مجالس الخرطوم هذه الايام
|
لا حديث في مجالس الخرطوم هذه الايام الا عن الزراعة وتحديدا زراعة المانجو والبرتقال والليمون وقبلها البرسيم ومعظم رؤوس الاموال اتجهت نحو زراعة هذه المنتجات بكثافة في منطقة شرق النيل وغرب امدرمان وبقدرة قادر تحولت تلك المناطق المقفرة والصحارى الجرداء الى مساحات مخضرة خلال فترة وجيزة واغلب رجال الاعمال اشتروا مزارع وشرعوا في تعميرها ووفروا كل معينات الانتاج .
صديق لي اشترى عدة افدنة في منطقة شرق النيل وهذا العام باع انتاجه من الليمون واكد لي ان ارباحه كانت 150% وانه باع الليمون على الاشجار ولم يكلف نفسه عناء حصاده .. وصديق آخر بدأ في تصدير البرسيم الى دول الخليج وارباحه تجاوزت الـ 200% وهناك عدة امثلة للبلح والمانجو..
لست خبيرا زراعيا ومعلوماتي في هذا المجال ضعيفةارجو من الخبراء واصحاب الشأن ومن لهم تجارب قائمة الاضافة للبوست .
|
|
  
|
|
|
|
|
|
|
|
Re: استثمار مربح جداً .. حديث مجالس الخرطوم هذه الايام (Re: عمار عبدالله عبدالرحمن)
|
لست خبير لكني مزارع وصاحب مزرعة
نعم هناك اتجاه قوي للزراعة وبخاصة البساتين موالح ومنقة وجوافة
الاخيرة داخل ولاية الخرطوم
والشاهد ارتفاع سعر فدان الارض بمشروع الشعب الزراعي (ملكية منفعة)
من 30 الف الى مائة الف بل (120) الف جنيه خلال فترة شهرين
ايضا وصل سعر قنطار تقاوي البرسيم الفي جنيه بعد ان كان في الموسم الماضي
الف جنيه واقل.. مع انو البحر ما غطى الجزائر.. يعني ماخلق كثرة على الطلب بسبب غرق
البراسيم في الجزائر والجروف
| |
|
|
|
|
|
|
|
|
|
Re: استثمار مربح جداً .. حديث مجالس الخرطوم هذه الايام (Re: على ميرغني)
|
ود القبائل الله يوفقك ماداير ازعزع يقين القانع ، لكن مع ضرائب الحكومة دى
البرسيم ده اللا يشيل عيار 24 قيراط و اللا هبهان حتى يربح
ياخى ديل عندهم الف ضريبة ، ابدأ من مدخلات الانتاج لحدى تبيع
هنالك ستاشر ضريبة و بعد داك زكاة كمان .. تقولى تربح ؟
والعجيبه كمان كان نقلت الانتاج ده من محل الزراعه الى اى ولاية اخرى
حدث ولاحرج،،،،
| |
|
|
|
|
|
|
|
|
|
Re: استثمار مربح جداً .. حديث مجالس الخرطوم هذه الايام (Re: طه كروم)
|
سلامات معتصم
في ما يختص بالبرسيم او الـــ(ALFA ALFA) فهو من اهم انواع الاعلاف في العالم ويستمد هذه الاهمية للعناصر الغذائية التي تساهم بشكل مذهل في زيادة اوزان المواشي وبالنظر الي قيمتة المادية بالمقارنه مع قيمته الغذائية فإن سعره معقول للمستهلك ومربح جدا للمنتج ولكن ارباحه لا تتجاوز ال15% الي20% بالنسبة للمصدر لكن بالنسبة للمنتج تصل ارباحه الي 45% وهي ارباح مذهلة ولكن المشكلة تكمن في التكاليف الرأسمالية فهي عالية جدا ..... بي اختصار حتى تتمكن من انتاج 100 طن برسيم في الشهر فإنك تحتاج الي رأس مال يتجاوز بقليل نصف مليون دولار
ونحن في الخدمة لتقديم المشورة في ما يختص بإنتاج و تصدير البرسيم
......
| |
|
|
|
|
|
|
|
|
|
Re: استثمار مربح جداً .. حديث مجالس الخرطوم هذه الايام (Re: مرتضى احمد عبد القادر)
|
| Quote: صديق لي اشترى عدة افدنة في منطقة شرق النيل وهذا العام باع انتاجه من الليمون واكد لي ان ارباحه كانت 150% وانه باع الليمون على الاشجار ولم يكلف نفسه عناء ح |
يا خوي الليمون عاوز ليه أربعة سنين عشان ينتج
بس ما مشكلة
الزراعة أصلنا وفصلنا وهي العلمتنا وبقتنا ناس
وكان ختت الضرائب والجبايات الكثيرة ومسيخة تاني بتلحق تشيل السودان
| |
|
|
|
|
|
|
|
|
|
Re: استثمار مربح جداً .. حديث مجالس الخرطوم هذه الايام (Re: Nasr)
|
حقيقة يا معتصم اليومين دي الموضة زراعة وكدا ودا كلام سمح والله كونو الناس يرجعو للاصل
الاسبوع الفات جابو لقاء مع مستثمر محلي أظن في قناة الشروق بيتكلم عن تربية نوع معين من الماعز مستورد من جزيرة مالطا علي ما اعتقد قال الماعز بتحلب 5 رطل لبن صباح و5 مساء يعني اليوم بتحلب 10 رطل والرطل بي جنيهين يعني عشرين جنيه في اليوم (ايراد أمجاد) وطبعا ماشة في تزايد لانو انت بتسعي ليك علي الاقل 10 ماعز جملة يعني 100 رطل لين يومي يعني 200 جنيه يعني ستة الف في الشهر شيل منها مصاريف 2 الف في الشهر بتطلع ليك صافي 4 الف جنيه ؟؟؟ دا غير انو سنويا بيتكاثرو يعني السنة الجاية حيكون عندك متوسط 15 انثي و 5 ذكر الذكر بتبيعو بعد سنة بي اقل حاجة 2 الف جنيه
ياخ في حد يقدر يلمنا في الراجل دا؟؟
وعايزين تفاصيل اكتر عنو انا سمعت انو في حلة كوكو بس ما متأكد
| |
|
|
|
|
|
|
| |
معتصم محمد صالح
عمار عبدالله عبدالرحمن
صديق الموج
Ahmed musa
حذيفه ابراهيم الكباشي
مرتضى احمد عبد القادر
Nasr
بكري الخير
فيس بوك
تويتر
انستقرام
يوتيوب
بنتيريست