|
|
 يا خبراء الفوتوشوب وغيرهم .. أفتونا في صورة وردي هذه هل هي مفتشبة؟
|
Quote:  |
الصورة التي أوردها زميل المنبر عبد الله عثمان في هذا الموضوع:
الأستاذ محمود محمد طه: صورة نادرة لوردي أصر على أن تكون بجوار الأستاذ
ملاحظة: أنا لم أنف أن يكون وردي قد تصور مع صورة لمحمود محمد طه
فقد تكون هنالك صور أخرى حقيقية - هذا ليس موضوعنا
ولكن موضوعنا هو هذه الصورة أعلاه وهل هي حقيقية أم مفبركة؟؟
في ظني أنه لا يمكن أن تكون يد وردي اليمين وكتفه بهذه الصورة في الطبيعة
مافي زول في (الحقيقة) بتكون يدو مشرشرة كده
وظاهر القص في نهاية كم التي شيرت مع اليد!!
ولو ما أخاف الكضب كنت قلت الراس ذاتو وباقي الجسم كل فردة من بلد
غايتو في انتظار الخبراء رغم إني متأكد المسألة ما محتاجة خبير
اللهم ارحم موتانا وموتى المسلمين
|
|
  
|
|
|
|
|
|
|
 Re: يا خبراء الفوتوشوب وغيرهم .. أفتونا في صورة وردي هذه هل هي مفتشبة؟ (Re: Sabri Elshareef)
|
الأخ محمد جلال..
رجائي أن تعرض عن هذا.. فأنت هنا تتحدث عن مصداقية شخص لا تعرفه. فالأخ والصديق الأستاذ الدكتور عبدالله عثمان خير ممن يؤمنوا على الروح قبل الجسد أو المال. صديقنا البروف هذا عالم قدم للإنسانية ما نعجر جميعنا عن مضاهاته.. بل نعجز جميعنا عن أن نسطر له أسمى أيات الشكر والعرفان. هو كنز من العلم والثقافة واللطافة وعاشق للفن والفنون.
ومن المؤكد أنك لا تعرف دواخل الاستاذ وردي، الذي أعرفه، وقد تجهل تقديره لفضيلة العالم الإنساني الجليل الأستاذ محمود محمد طه، والذي أخط لك كلماتي هذة وأنا اتطلع لصورته الضخمة التي تزين لي موضعي المتواضع هذا. هو من الأحباب الذين حببهم الله لي ومعه شيخنا البرعي، الشريف صديق الهندي، الشريف محمد الأمين الخاتم، الخليفة يوسف ود بدر، وآخرين حباهم الله وإختصهم بفضله، ممن عرفتهم عن قرب ونعمت بصحبتهم.
رحم الله عالمنا الفذ الأستاذ محمود محمد طه وغفر له.. ورحم الله فرعوننا الكوشي الأستاذ محمد وردي ورزقهما وكل شيوخنا الأفاضل أحباب الله، فسيح جناته. ويبقى إرثهم وفكرهم وعطائهم الذي تركوه لنا خير تذكار يخلدوا به أبد الدهر.
وحفظ الله لنا جميعاً، وللإنسانية ولطلابه، سعادة الأستاذ الدكتور الفاضل عبدالله عثمان، وأبقاه.
| |
|
|
|
|
|
|
|
|
|
Re: يا خبراء الفوتوشوب وغيرهم .. أفتونا في صورة وردي هذه هل هي مفتشبة؟ (Re: محمد الامين احمد)
|
طبعا شهادتي مجروحه جداً في عبدالله عثمان... اخوي جمهوري وطبيعي احامي ليه...
لكن اتمنى انه مصداقتي يكون ليها اثر
انا شفته الصورة الاصلية... وعارفه انه الواقف جنب وردي(رحمة الله علي)، سيدة.. والسيدة دي انا بعرفها معرفة شخصية... ده رقم واحد
رقم اتنين.. السيدة الفاضلة جداً دي، وزوجها اصدقاء لوردي.. وفي يوم كنت حزينة ومتكدره ومدبرسه.. اخدوني من بيتنا.. وقالوا لي سايقنك غدا برا... مشينا بيت بسيط... فتح لينا الباب وردي .. واكلنا معاهم قراصة بي ملاح بامية...
يعني ما بستغرب الصورة دي ابدا... وما بستغرب انه عبدالله أزال صورة عزيزتنا منها..
وشكرا
| |
|
|
|
|
|
|
|
|
|
Re: يا خبراء الفوتوشوب وغيرهم .. أفتونا في صورة وردي هذه هل هي مفتشبة؟ (Re: محمد فرح)
|
محمد فرح ..عمري ما إتكلمت معاك ولا خاطبنك ولا كنت ناوية
لكن أسمحي لي أقول ليك إنت مثير للغثيان
ياخ الصورة لعبو فيها لاخفاء شخصية سيدة محترمة ماعاوزين ينزلوها هنا عشان يجي واحد زيك يقول ليها زي تعليقك القلتو قبل كدا وسحبو ليك باصوردك عشانو
اها وقع ليك؟؟؟؟؟
________________
أها انا الليلة البوست دا حا أتابع فيهو البروتكول بتاع سودانيز
إنت شفت زول من جماعتك غلط بدل ماتقول ليهو غلطت ولا حتى تسكت تجي وتشتم معاهو بالباطل والكذب والتلفق
إيه الجابركم ياعالم؟؟؟؟؟
| |
|
|
|
|
|
|
|
|
|
Re: يا خبراء الفوتوشوب وغيرهم .. أفتونا في صورة وردي هذه هل هي مفتشبة؟ (Re: Rawia)
|
الأخ محمد فرح والأخت راوية
أرجو ألا تتعاركا في غير معترك
البوست حقق الغرض منه وهو إثبات أن هنالك فوتوشوب بالصورة
فل استوب!!
أما فوتوشوب بحسن نية أو بسوء نية أو هدفه
فهذا ما كان يجب على عبد الله عثمان تجنيبنا إياه
عندما نبهناه أنا وهاشم نوريت إلى ذلك في بوسته المعني
ولكنه أبى واستكبر وتجاهل كلامنا بل رمانا نحن بالكذب
فلجأت لفتح هذا البوست
| |
|
|
|
|
|
|
|
|
 Re: يا خبراء الفوتوشوب وغيرهم .. أفتونا في صورة وردي هذه هل هي مفتشبة؟ (Re: Afraa Sanad)
|
Quote:
محمد جلال
الأمر لايحتاج لخبير فوتوشوب
كل ذي عين فاحصه أو حتى ربع فاحصه سيكتشف فتشبة الصورة
التزوير واضح وباين وبالإمر إرتزاق رخيص بالقامة وردي رحمة الله
مؤونة عام من الود
|
ابو الزفت!!
-------
سؤال يا اخوانا ..
في زول فيكم عاوز شئ من [مؤونة عام من الود]
ول اقوم بيها براي .. و معاها واحدة تانية من (الود القديم) .. ؤوردي ذاتو
يازول جيت طاير جوز من وين انت!؟
كدي اقرأ البوست دا قبل ما تساهم في عمياني سااااي!
وبضاعتكم ردت اليكم في مسماها .. شيل ودك معاك
انت خليت فيها ود تاني نان بعد القلتو دا!؟
| |
|
|
|
|
|
|
|
|
|
Re: يا خبراء الفوتوشوب وغيرهم .. أفتونا في صورة وردي هذه هل هي مفتشبة؟ (Re: Rawia)
|
Quote: إنت الله ماليك؟؟؟؟؟؟؟
معترك شنو وأدى غرضو وين؟
مازال الليل طفلا يحبو
مالي غرض بمحمد فرح
لكن أنا ها أحدد البوست دا وأوصلو نهايتو
وأشوف هل إحنا مابنفهم ولا إنت عبقري؟
بس هسة مافاضية |
لا والله .. الله لي بإذن الله وهو مولاي ونعم المولى ونعم النصير
وبعدين شنو من شكلة محمد فرح جاية ناطة تشاكليني انا طوالي
الظاهر ما صدقتي لقيتي ليك موضوع من مافي
البوست ده ما بخصك لا من قريب ولا من بعيد
البوست ده بيني وبين عبد الله عثمان
وماتجي تقولي لي الشخصية الاخفيت في الصورة
دي بت عم حبوبة خالة عم صاحبتي
دي شخصية في علم الغيب لا اعرفها حتى الآن ولا يهمني معرفتها
وعبد الله عثمان مفروض كان يوضح النقطة دي في البوست المعني
| Quote: غايتو لي هسة ريحتهم طير طير |
والله الكلام ده لي هسي في البورد ده ما سمعت راجل قالو
ناهيك عن امرأة!! سبحان الله غايتو
في النهاية أنا لن أتلاغى ولن أتلاسن معك
لأنو من الواضح النتيجة محسومة من هسي #____#
| |
|
|
|
|
|
|
|
|
 Re: يا خبراء الفوتوشوب وغيرهم .. أفتونا في صورة وردي هذه هل هي مفتشبة؟ (Re: محمد جلال عبدالله)
|
Quote:
والله الكلام ده لي هسي في البورد ده ما سمعت راجل قالو
ناهيك عن امرأة!! سبحان الله غايتو
في النهاية أنا لن أتلاغى ولن أتلاسن معك
لأنو من الواضح النتيجة محسومة من هسي #____# |
آها جينا للاسطوانه إياها
أها النكلمك أنا شايفة روحي عندي حق التعبير عن نفسي وبالاسلوب الملائم لثقافتي زي زي الراجل ويمكن أكتر
الكلام مالو ؟ ومخيرين الرجال لو مابيقولوهو لكن ما حصل وعلى حسب حصيلتي المعرفية من الثقافة السودانية إنه خارج
وكمان ماقلت ليك إني مابخاف!!!
مابخاف من راجل يجي يحجمني ويقول لي يامرة إنقهري وماتقولي كلام الرجال
وكلامك دا أنا عارفاك عاوز تهرب بيهو من البوست
لكن هيهات.... أوعى تجي تقول لي مابقولوها الرجال كمان وكلمة خارجة
والبوست أنا مامديت إيدي ونشلتو من جيبك
لقيتو قـــــاعد في (الصقيعة) - ماتجي تقول لي كلمة خارجة-
ولقيتو في البورد ومتاح للغاشي والماشي
وإتبنيتو وعملتو حقي من هسة
ومن دون الجمهوريين حول العالم دكتور عثمان دا مابعرفو
وياريت لو كنت بعرف دكتورة أسماء العرفة البتخليني أدافع عنها
لكن إحنا ناس إختصهم الله بالوقوف في وجه الظلم ورده
وتمكين الحقيقة ....شفت كيف
| |
|
|
|
|
|
|
|
|
|
Re: يا خبراء الفوتوشوب وغيرهم .. أفتونا في صورة وردي هذه هل هي مفتشبة؟ (Re: Rawia)
|
Quote:
لا والله .. الله لي بإذن الله وهو مولاي ونعم المولى ونعم النصير
وبعدين شنو من شكلة محمد فرح جاية ناطة تشاكليني انا طوالي
الظاهر ما صدقتي لقيتي ليك موضوع من مافي
البوست ده ما بخصك لا من قريب ولا من بعيد
البوست ده بيني وبين عبد الله عثمان
وماتجي تقولي لي الشخصية الاخفيت في الصورة
دي بت عم حبوبة خالة عم صاحبتي
دي شخصية في علم الغيب لا اعرفها حتى الآن ولا يهمني معرفتها
وعبد الله عثمان مفروض كان يوضح النقطة دي في البوست المعني |
جاية ناطة ومن شكلة وماصدقت ولقيت موضوع
والبوست مابيخصني وداخلة بين البصلة وقشرتها
والصورة صورة بت حبوبة جيرانا وعبدالله ابى مايوضح
عليك الله دا كلام؟
بالمناسبة 90% من بوستات البورد ماقاعدة أفتحها
لكن الصدفة يومداك خلتني افتح بوست ليك بعنوان مثير
ولقيتك زول (كوبار) اي والله كوبار
وكوبار هذه ليست بكلمة خارحة ولا حكرا على الرجال فقط ولم يصرح بها للنساء بعد
كوبار دي يعني بتزيد البهارات من أجل الاثارة والاثارة فقط
دون النظر ولا مراعاة الحقيقة والاصل فيما تاتي به
شفت كيف؟
| |
|
|
|
|
|
|
|
|
|
Re: يا خبراء الفوتوشوب وغيرهم .. أفتونا في صورة وردي هذه هل هي مفتشبة؟ (Re: صلاح شكوكو)
|
لا حولاا ولا قوة إلا بالله
يا جماعة الخير كدي اهدوا
زول بيمارس في هوايتو وكاتبها ليكم في البروفايل بتاعوا، تقوموا تجوا براكم وتقعوا في "الكمين بتاعو"، هوي يا ناس إنتو ما عندكم روسين.
الزول دا كاتب في بروفايلو إنو هوايتو
| Quote: الهترشة والخزعبلة + نصب الكماين |
فخلوا الزول يهترش ويكتب في خزعبلاتو وينصب في كماينو، وعبدالله عثمان ابى ما يقع في الكمين وخلا الزول يهترش ومن كترت الهترشة جا فتح ليهو بوست تاني.
غايتو يا ناس سودانيز شكيتكم على الله
زول يمارس هوايتو ما تخلو
زول يكتب رواية ما تخلو
زول ينسي يجيب المصدر ما تخلو
وسلام للناس الفوق
مريم بت الحسين وراوية وعفراء واب الريش والعزائم وود يس وحبيبنا قيقا وكل من فاتنى ذكره.
ويا سيد البوست
واصل هترشتك وانشر في خزعبلاتك وانصب كماينك ولا يهمك، دا منبر من لا منبر له بس اختا صاح (المؤونة) بيوديك الخور والله صحي
| |
|
|
|
|
|
|
|
|
|
Re: يا خبراء الفوتوشوب وغيرهم .. أفتونا في صورة وردي هذه هل هي مفتشبة؟ (Re: محمد جلال عبدالله)
|
Quote: نعم .. معالجة ببرنامج لمعالجة الصور لا نستطيع أن نجزم أنه الفتو شوب
الغرض من المعالجة غير معلوم على وجه الدقة لكنه فتح أفقا للتكهن..
وتبقى هناك علامات إستفهام نأمل أن يجليها صاحب الصورة بمنتهى الهدوء
ودون تخوين من جانبنا .. |
تمت الإجابة عن كل التساؤلات في البوست الأصلي، ولم يكن أصلاً هناك داعي لفتح هذا البوست.
أعود وأسأل: ما المستفاد من كل هذا ..... وألى ماذا سنصل، سواء كانت الصورة مزورة أم غير ذلك؟
| |
|
|
|
|
|
|
| |
محمد جلال عبدالله
Mohamed Yassin Khalifa
محمد الامين احمد
مريم بنت الحسين
Rawia
محمد أبوالعزائم أبوالريش
محمد فرح
Afraa Sanad
قيقراوي
Kostawi
صلاح شكوكو
الصادق اسماعيل
نصر الدين عثمان
فيس بوك
تويتر
انستقرام
يوتيوب
بنتيريست