تيست ون عبارة تقال قبل بداية حفلات الأعراس لتجريب الساوند وتهيئة خلق الله من أهل العرس والضهب في أطراف الحلة ليأتوا من كل فج عميق لممارسة الهجيج والحت بكل انواعه.. هذا باختصار من أمر تيست ون المقصودة والله أعلم .. يتبع ......
03-02-2012, 09:29 AM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18035
والحفلة التى تبدأ هادئة إلى حد ما وغالبا ما يدشنها العريس والعروس برقصة سلولي على إيقاع رومانسي سرعان ما يغطي غبار الحت والهجيج أجوائها فيختلط الحابل بالنابل بعد أن يتسيدها السابلة والنابلة والضهب والغاشي والماشي رقصا وسكسكة وما إلى ذلك من صخب وطرب ومجون لكنها تبقي في النهاية خاصة بالعريس والعروس وأهليهما وأنصارهما بخيرها وشرها . قس على ذلك لكن من زاوية أخري فوز الأمل عطبرة على المريخ وتعادل أهلي شندي مع الهلال باعتبار أن الأمر لا يعدو ان يكون فورة بداية وهجيج غرباء وضهب في حفلات الأعراس التى تظل لأهلها إن طالت وإن قصرت .. يتبع ......
03-02-2012, 09:39 AM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18035
المناحات التى قامت هنا في هذا المنبر وإنتشرت في صحافة المدرجات والمشجعين المتعصبين بعد هزيمة المريخ وتعادل الهلال أمام الأمل وأهلي شندي تجسد بدقة جدا أزمة الكرة السودانية القائمة على العواطف والإنفعالات اللحظية والأحلام المستحيلة والتى لا تلبث أن تنتهي كالمعتاد بخذلان مبين وحسرة عميقة . الأمل عطيرة وأهلي شندي وهلال كادقلي ونسر النهود والعملاق طيبة الأحامدة كلهم مجرد تمامة عدد وكمبارس في مسرحية مملة المشاهد والفصول لا نهاية لها إسمها الكورة السودانية. كل هولاء يجرون جري الوحوش ويجقلبون جقلبة الخيل وفي النهاية كل الرزق والشكر والمدح والثناء للمريخ والهلال اللذين يكتفيان من الغنيمة المحلية بالأياب ليتحولا بدورهما إلى كمبارس وتمامة عدد وملطشة في البطولات الخارجية بعد أن كانا أبطالا وأساطيرا لا تقهر في عقول المساكين البسطاء من جماهير الكرة السودانية المؤبوة حتى النخاع . يتبع .....
(عدل بواسطة طلحة عبدالله on 03-02-2012, 09:42 AM) (عدل بواسطة طلحة عبدالله on 03-02-2012, 02:01 PM)
03-02-2012, 11:29 AM
د. ياسر عبد القادر
د. ياسر عبد القادر
تاريخ التسجيل: 05-31-2015
مجموع المشاركات: 62
كنت بفكر في ردة فغل إعلام المريخ عل الهزيمة وما هي خطته لإلهاء الجمهور عن هذه الهزيمة ..رجعت أفتش بعد طول إنقطاع عن مواقع الصحف الحمراء...فلم يطل إنتظاري ...وبدأت الخطة سريعا:
Quote: رئيس الإتحاد الزيمبابوي محاولات الإستفزاز لن تمنعنا من المواصلة في تحقيقات آسيا قيت
من جريدة الصدي ...وسيتبعها بقية الكومبارس و النواحات.....
سؤال: محمدو دا محترف زمبابوي؟؟؟؟
يعني ما إستفدنا شي يا طلحة
جمعتك مباركة
03-02-2012, 12:56 PM
هجو الأقرع
هجو الأقرع
تاريخ التسجيل: 07-19-2006
مجموع المشاركات: 9056
دكتور ياسر وهجو الأقرع كل جمعة وإنتم طيبين والله أنا ما في شىء محيرني في الدنيا دي إلا الهليلة والزيطة والزمبريطة التى تقوم قبيل وأثناء وبعد كل موسم كروي مكرر المشاهد والسيناريو .. يعني باختصار كدا وطالما أنو أصلا الهلال والمريخ هما وحدهما من يتبادلان الألقاب المحلية فلماذا الإزعاج والضجة والكواريك من الجمهور والإعلام والإداريين وبقية الأندية الأخري؟ ولماذا يفرح أو يحزن جمهور الهلال والمريخ بسبب فوز أو خسارة أيا منهما، طالما أن النهاية معروفة سلفا؟. المفروض وتوفيرا للزمن والجهد والقروش وحق حبوب وجع الرأس العاملينو لينا ناس الكورة ديل أن تقام مباراة بين المريخ والهلال ذهابا وإيابا لتحديد بطل الدوري وكذا الحال بالنسبة لكأس السودان على أن يتم تدبيج خطاب اعتذار طويل عريض للإتحاد الأفريقي لكرة القدم يتم فيه شرح حالتنا الكروية المتأخرة جدا والتى لا سبيل معها للمشاركة في البطولات الأفريقية في الوقت الحالي إلى أن تعاد صياغة الواقع الكروي في السودان بما يجعل أنديتنا قادرة على الصمود في المنافسات الخارجية .
03-02-2012, 03:57 PM
د. ياسر عبد القادر
د. ياسر عبد القادر
تاريخ التسجيل: 05-31-2015
مجموع المشاركات: 62
Quote: لكن يا دكتور ياسر بالغت و الله ، يا حبيب منتديات
الزعيم و صحفه ، لم تقصر ابدا ، بل حللت وافردت
الصفحات بشأن الهزيمة ، و لم تدفن صفحاتها فى
الرمال ، معقولة يا دكتور كدى راجع على الاقل
صحف اليوم.
تعرف يا هجو...أول جريدة فتحتها الصدي...من ضمن العناوين الرئيسية لقيت العنوان دا...نعم تحدثوا عن هزيمة المريخ...بس نفسي أعرف سبب العنوان دا كعنوان رئيسي و في توقيت زي دا شنو؟؟؟؟
بعدين يا هجو ياخوي من نهاية التسجيلات إعلامكم مدور...مريخ المقدرة ..وقلعنا نجوم التسجيلات بقروشنا من الهلال المفلس ...ناس كرنقو و قلع الضفر...وصوروا لينا الناس ديل كأنهم نمور....وبعد المليارات دي كلها وفي أول إختبار طلعوا نمور من ورق...رجعوا تاني يفتشوا لي الاتحاد الزيمبابوي قال شنو وسوي شنو؟؟؟فإعلامكم مايل
طلحة يا صديقي
Quote: المفروض وتوفيرا للزمن والجهد والقروش وحق حبوب وجع الرأس العاملينو لينا ناس الكورة ديل أن تقام مباراة بين المريخ والهلال ذهابا وإيابا لتحديد بطل الدوري
ذكرتني بالمرحوم الامير عبد الرحمن بن سعود رئيس نادي النصر السعودي رحمه الله...كان دائما بيقول: ياجماعة أعطوا الكأس للهلال وريحونا...خلونا كلنا نتنافس علي المركز التاني.
سأعود لكم...فنحن الان في إحتفال وداع زميل بالفندق سأعود
عارف انا و الله مبسوط من النتائج ديل بصورة ما عادية لانها من قولت تيت ريحتنا من فريق العلامة الكاملة و الكلام الكان حا يملوا بيه الجرايد فى صحافة الفريقين لكن طبعا بالجنبة كدة مبسوط اكتر لهزيمةالمريخ و بتمنى انها تتكرر مرات و مرات عديدة
تسلم
03-02-2012, 06:26 PM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18035
يا دكتور ياسر سلامات ياخ كل يوم أزداد يقين أنو هلال مريخ ديل سبب الغمة التى لا تريد أن تنكشف إحتكروا كل المشاعر والحاجات التانية البتخص الكورة وبدون فائدة .. الجمهور هلال مريخ، الإعلام هلال مريخ ، الإتحادات هلال مريخ، الجكس هلال مريخ، الحكام ذاتم هلال مريخ، ياخ حتى اللاعبين البلعبوا في الفرق التانية ناس النيل والاهلي والموردة وحي العرب والإتحاد برضهم هلال مريخ.
حيدر بشير تحياتي، والمشكلة ما في وجع الرأس بتاع العلامة الكاملة والثانويات دي بس المشكلة الكبيرة في أنو إحتكار الفريقين ديل للقمة من جميع النواحي هو الدخل الكورة السودانية في الشرم برم بتاعت ود الباوقة ديك .. بالمناسبة هي شرم برم يعني شنو يا حيدر؟
03-02-2012, 07:05 PM
عبد المنعم سيد احمد
عبد المنعم سيد احمد
تاريخ التسجيل: 10-13-2003
مجموع المشاركات: 11824
هدف يؤكد ان هناك خلل باين فى الدفاع المريخى مع توهان خط الوسط كرة من خارج خط ال18 والدفاع لم يستطع ان يتمركز بالطريقة الصحيحة صحيح ان المهاجم كان واعيا واختار زاويته جيدا للتهديف ولكن ايضا انظر اين يتمركز الدفاع دورى على صفيح ساخن نتمنى ان يتواصل بذات الايقاع ونرى فرقا تتقدم الصفوف فالبطولة الافريقية على الابواب وصحوة الفريق القومى المتاخرة تحتاج للاعب الوطنى
03-02-2012, 07:28 PM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18035
يا عبد المنعم السلام عليك ياخ المشكلة ما في وجود خلل في الدفاع أو الهجوم المشكلة في خلل العقلية بتاعت الكورة في السودان .. الأمل الغلب المريخ في عقر دارو دا المفروض بالمنطق كدا يغلبو هناك وبعد كدا ينافس على البطولة حتى النهاية لكن الح يحصل زي ما اتا عارف وأي مشجع كورة عارف أنو المنافسة ح تكون محصورة بين المريخ والهلال في النهاية وبالتالي فيبقي القول بأن هدف الأمل في المريخ جاء نتيجة خلل في الدفاع هو في الحقيقة تصوير لفريق الأمل بأنه فريق يستغل مكامن الخلل والأخطاء في دفاعات الخصوم ليسجل منها ودي نظرية فيها مبالغة شديدة قياسا على إمكانات الأمل العطبراوي كفريق يعتبر كمبارس لفريقي هلال مريخ زيو وزي بقية الفرق الأخري وسيكون كل طموحو أنو يظل في الدوري الممتاز خلف الناديين الكبيرين .
03-03-2012, 09:44 AM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18035
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة