|
|
 والحكومة نائمة تشخر
|
لغاية قبل نحو أيام قليلة جدا كتا معتقد أنو الحكومة دي بتعرف أية حاجة
في أية حاجة وأنه إذا وقعت ضبانة في قزازة بيبسي بنواحي البطانة الشرقية
فهي أي الحكومة قادرة على معرفتها والتأكد من انها ميتة واللا حية.
زمان لما خليل دخل أم درمان والشمس حية بشوية شفع وخمستاشر كيلو موز
قلت أكيد مليون في المية الجماعة مستهوننهم والحكاية ما بتستاهل قومة وقعدة
وأهو ممكن في دقائق يطقطقوهم زي ما الحصل حاجة ..
ولما الطيارات أم ضنب ضربت في بورسودان ورجعت زي القاعدة تتدرب والناس نيام
قلت ياخ دي تكنلوجيا حربية لا قبل لهم برصدها وصدها بالإضافة لمعرفتي سلفا بأنو
حكومتنا دي حليمة وبتتحكم كويس في رد أفعالا إمتثالا لقول الرسول الكريم (ليس الشديد بالصُّرَعة،
إنما الشديد الذى يملك نفسه عند الغضب) ودا حديث لأبي هريرة ذاتو و متفق عليه كمان.
المهم كتير من المواقف والطرايف واللطايف والإحراجات القاعدة تدخلنا فيها حكومتنا دي
لقيت ليهم فيها عذر ومخارجات لأيماني أنو أية حكومة في الدنيا لابد أن تكون عارفة أية
حاجة في أية حاجة ومفنجلة عيونا صاحية على الدوام .. لكن بصراحة حكاية الدهب المجدع
في الصقيعة ساي كدا يلقطوا فيهو المواطنين كتل كتل والحكومة آخر من يعلم فدا خلاني
أراجع قناعتي في أنو حكومتنا دي نائمة وما عارفة أية حاجة في أية حاجة لدرجة أنو
خيرات البلد الكامنة في جوف الأرض دي تزهج من الرقاد تحت الواطة وبراها تتطفح فوق السطح
زي سمك البحر الميت والحكومة ما عارفا وما جايبة خبر .
|
|
 
|
|
|
|
|
|
|
|
Re: والحكومة نائمة تشخر (Re: اسعد الريفى)
|
أقترح ع الحكومة إنشاء وزارة إضافية (زيادة الخير خيرين) تسميها وزارة
التنقيب العشوائي تستقطب فيها الخريجين والشباب العاطلين عن العمل وعاشقي
المغامرات بحيث يتم توظيفهم وتنظيمهم تنظيما متفق عليه للتنقيب عن الدهب والكروم
والفضة وأية حاجة،ويكون ذلك بتوزيعهم حسب مناطقهم الجغرافية ناس الشمال يمشوا
صحراء العتمور ومنطقة سمنة والدويشاب وصرص وأبو صاري وهكذا من أقصي الشمال
وحتى حدود العاصمة، وناس الشرق يتوكلوا على الحي الدائم ويغزوا سلسلة جبال البحر الأحمر
وجبيت وأرياب وما جاروها، وهكذا بالنسبة لناس جنوب النيل الازرق وكردفان ودارفور وبقية
مناطق السودان، وبي كدا نكون ضربنا كل الطيور بى نبلة واحدة مصنوعة من لستك عجلة شافع
صغيرة، حيث نوفر العمل للعاطلين ونزيد ثروتنا ذاتيا ونخلي بكرة أحلي .
| |
|
|
|
|
|
|
|
|
|
Re: والحكومة نائمة تشخر (Re: طلحة عبدالله)
|
أقول قولي هذا ولا يفوتني في هذا المقام أن أتقدم بالتحية والإحترام لناس علوم
الأرض والتعدين والجيولوجيون السودانيون وأتمني أقرأ رأيهم في الإقتراح المدهش
دا .
وشكرا
طلحة عبدالله
خبير اقتراحات ما تخرش المية.
| |
|
|
|
|
|
|
|
|
|
Re: والحكومة نائمة تشخر (Re: طلحة عبدالله)
|
خد عندك يا طلحة و شوف
ده من Gold Investing News
Gold Mining in Sudan
Thu, Jan 6, 2011 Feature Articles, Gold Articles
Post by Dave Brown, Gold Senior Reporter
By Dave Brown – Exclusive to Gold Investing News
__________________
Last November, Sudan signed 10 agreements for gold and iron mining, as the African nation plans to more than double its gold output to 50 metric tonnes in the current year. Four of the agreements were signed with international companies including a Sudanese subsidiary of the Guernsey-based Toro Gold Ltd. and a division of Rika Global Impex Ltd., based in Mumbai. The agreements grant the companies exploration rights in the states of Northern Kordofan, Al-Shamaliya, Nahr al-Nil and the Red Sea, which are all located in the north of the country. Sudan expects to sign 50 additional agreements in 2011 as it is experiencing “a rush” from foreign companies for gold exploration, including from Australia, Europe and the US, according to Sudan’s Mining Minister, Abdel Baqi al-Jailani. Mr. al-Jailani said that “over 200,000 of Sudan’s artisanal miners, who camp in arid land in search for gold, have produced 23 metric tonnes of gold between January and October.”
http://goldinvestingnews.com/10826/gold-mining-in-sudan.html
يتوقع أن يوقع 50 اتفاقا إضافيا في عام 2011 كما انها تعاني من "الاندفاع" من الشركات الأجنبية للتنقيب عن الذهب، بما في ذلك من استراليا وأوروبا والولايات المتحدة،
| |
|
|
|
|
|
|
|
|
Re: والحكومة نائمة تشخر (Re: طلحة عبدالله)
|
| Quote: وأتمني والله أن تكون الأولوية للشركات السودانية |
توقعات ببدء الإنتاج خلال عامين
شراكة سعودية سودانية لاستخراج الذهب والماس من البحر الأحمر
الخرطوم : محمد سعيد: وقعت الخرطوم والرياض على اتفاق يسمح بالتنقيب عن المعادن في المياه الاقليمية المشتركة بقاع البحرالاحمر في مشروع اطلق عليه «اطلانتس 2»، وتوقع الطرفان البدء الفعلي للانتاج في العام 2014.
ووقع وزير المعادن كمال عبداللطيف ووزير البترول والثروة المعدنية السعودي، علي بن ابراهيم في الخرطوم امس على مذكرة تفاهم للتنسيق والتعاون حول مشروع «اطلانتس 2» بقاع البحر الاحمر لانتاج الذهب والماس والزنك والمانغنيز والنحاس، وفقا لدراسات اثبتت وجود كميات ضخمة من الرواسب المعدنية، وشرعت شركة منافع السعودية التي حازت على امتياز التنقيب في نقل معداتها اللوجستية الى الموقع والاستعانة بشركات استشارية كبرى لاجراء مزيد من الدراسات الفنية حول المشروع، واستخدام التقنيات الحديثة لتنقيب اكثر من الفي متر مربع يبدأ من سطح البحر وحتى عشرين مترا تحت قاع البحر.
وقال وزير المعادن كمال عبداللطيف في حفل توقيع الاتفاق امس ان المشروع تجربة انسانية يستحق ان يكون انجازا فكريا للخرطوم والرياض، واشار الى اهتمام الرئيس عمرالبشير بهذا التعاون، ونقل عن تلقي وزارته توجيهات من القيادة بالدخول في مشروعات اضافية وتطوير المشروعات.
من جانبه، قال وزير البترول والثروة المعدنية السعودي، علي بن ابراهيم، ان الاتفاق يمثل تكريسا للارادة السياسية بين البلدين، مؤكدا انهم ينظرون بارتياح للمستوى المتميز في مجال التعدين والذي يأتي في اطار استغلال ثروات البحر الاحمر في المنطقة المشتركة.
في السياق ذاته، قال مدير هيئة الابحاث الجيلوجية وعضو اللجنة السودانية السعودية المشتركة، يوسف السماني، ان الدراسات اثبتت وجود كميات ضخمة من معادن النحاس والذهب والزنك والمانغنيز والماس وفقا لدراسات اجرتها اللجنة بواسطة خبراء .
وأكد ان شركة منافع السعودية التي حازت على امتياز التنقيب في الموقع استجلبت احدث التقانات للشروع في عمليات التنقيب، بجانب الاستعانة بالشركات الاستشارية الكبرى لاجراء المزيد من المسوحات الجيلوجية في الموقع.
وقال السماني لـ»الصحافة» ان المشروع يقع في المياه الاقليمية المشتركة على عمق اكثر من عشرين مترا تحت قاع البحر، والفي متر مربع على سطح البحر .
وكشف ان اللجنة المشتركة عقدت اكثر من خمسة مباحثات لاجراء التقييم اللازم للمشروع والشركة المنفذة بعد ان تقدمت شركة منافع السعودية بطلب لمنحها الترخيص لاستغلال ثروات قاع البحر الاحمر في المياه المشتركة .
واوضح ان الاتفاق بين البلدين حول المشروع بدأ منذ السبعينيات، وجمد لعدم توفر التقانات الحديثة التي تساعد على التنقيب
| |
|
|
|
|
|
|
|
|
|
Re: والحكومة نائمة تشخر (Re: اسعد الريفى)
|
و المثير انو فى مجلة اسمها Mining Industry News
قالت انو السودان صدر خلال الستة اسابيع الاولى من هذا العام 7.2 طن ذهب !!!
SUDAN GOLD MINING NEWS LIVE FEED
LATEST SUDAN GOLD MINING NEWS FROM MINING INDUSTRY TODAY
| |
|
|
|
|
|
|
|
|
 Re: والحكومة نائمة تشخر (Re: طلحة عبدالله)
|
| Quote: خبير اقتراحات ما تخرش المية. |
والله يا طنظير اقتراحك دا .. كان عملو بيهو .. احتمال بدل الدهــب .. يطلع ليهم اسد 
..
غايتو انا بتبرع ليك واتحمل طنظيرك دا ... عندي جدي دافن ليهو كمية مهولة من الدهب .. وانا حسع دي اشتريت لي كم جهاز بتاع كشف الدهب دا .. وجندته اولاد خيلاني وخالاتي واتفقته معاهم على القسمة النص بالنص .. ولذلك شلته منهم مقدم بتاع اول عملية تنقيب ..
المهم لو عايز معانا بديك رقم الحساب .. واهو انا بعتبرك خبير اجنبي .. احتمال يجي منك ..
| |
|
|
|
|
|
|
|
|
|
Re: والحكومة نائمة تشخر (Re: tmbis)
|
يا أسعد الريفي أطنان الدهب الطلعوها دي تساوي كم كدا يعني بالجديد ؟
غايتو آخر مرة قالوا عائدات الدهب جابت 4 مليار دورار في الشهر أقصد في السنة ..
إتوا القروش دي بتمش وين لأنو أنا وصاحبي تامبا الفوق دا لسه متغربين
وعاوزين نرجع كان الحكاية إتصلحت والإيسكريم رقد هبطرش والهواء بقي ساقط .
دا من ناحية ومن ناحية تانية يا أسعد نسيت أضيف برضو أنو من فوائد
التنقيب عن الدهب أنو الواحد مع إكتشافوا للدهب بكتشف مناطق في السودان
دي ما شافا قبل كدا في أحرف أطلس، أمسك عندك دي اسماء مناطق :
وادي الحمار، وادي السنقير، وادي العشار، أم طرابيش، الشريك، النجيم، الكرو،
وما خفي أعظم .
| |
|
|
|
|
|
|
|
|
|
Re: والحكومة نائمة تشخر (Re: طلحة عبدالله)
|
Quote: واتفقته معاهم على القسمة النص بالنص .. ولذلك شلته منهم مقدم بتاع اول عملية تنقيب
|
هههههههه ياتامبا يا حريف
وحرف الباء في آخر النص الأول والنص التاني سقط سهوا واللا بقيت قادي إملاء كمان .
غايتو لو جدك دا وافقك على نصبك دا أقصد اتفاقيتك دي يكون دقس .
| |
|
|
|
|
|
|
|
|
|
Re: والحكومة نائمة تشخر (Re: طلحة عبدالله)
|
| Quote: غايتو لو جدك دا وافقك على نصبك دا أقصد اتفاقيتك دي يكون دقس . |
أول حاجة يا طلحـة جدي دا اتلحس من زمن السجوك بالمتـر .. ولوو كان كتب في وصيتو انو البتاع دا دافنو في اي خطوط كنتور يا في اي خط طول او عرض .. يا بالميت خته لينا GPS حسع دي والله الواحد ما كان لاقى نوعيتكم دا ذاته ..
يعني بي صورة اوضح ..
حسع دي كان تلقاني زي الوكت دا راكب لي يخــت في سواحل ريودي جانيرو .. يا بالميت كدا عندي منجمين تلاتة في جنوب افريقيا
لكن جدنا دفن الدهب .. والبقية ملونا فقر ..
غايتو العرض قايم لحدت الآن .. ما نقوم نكتشف البتاع دا .. وتجي تعمل فيها صاحبي ومعرفة قديمة وكدا .. والله مليم احمر ما اديك
| |
|
|
|
|
|
|
|
|
|
Re: والحكومة نائمة تشخر (Re: tmbis)
|
Quote: ما نقوم نكتشف البتاع دا .. وتجي تعمل فيها صاحبي ومعرفة قديمة وكدا .. والله مليم احمر ما اديك
|
والله أنا خايف بى نيتك السودا دي علبة صلصة مصدية ما تلقاها..
وبعدين تعال هنا ريو جانيرو شنو البتمش سواحلا إتا .. أها بدينا في رمي القنابل ؟؟
ياخ إتا تلقاك من عينة البنزل يعوم بى بنطلونو لأنو في شوية حريم بالضفة التانية قاعدات
يغسلن تقول لي شواطي ميامي وما عارف شنو ؟
| |
|
|
|
|
|
|
|
|
|
Re: والحكومة نائمة تشخر (Re: طلحة عبدالله)
|
وصلت بيك أحلام الأستقراط للدرجة المشينة دي يا تامبا
| Quote: راكب لي يخــت في سواحل ريودي جانيرو |
ياخ دا دليب ما بعدو من دليب
أي واحد يلكز لينا أبو عمير الملقب بعمر الفاروق واللا المدعو ودو كماين
المعروف هنا بإسم ود الصايم واللا إن شاء الله جرجير اللهو محمد البشرى الخدر.
شكلو البوست دا ح يملاني بالذنوب ..
| |
|
|
|
|
|
|
|
|
|
Re: والحكومة نائمة تشخر (Re: طلحة عبدالله)
|
| Quote: وصلت بيك أحلام الأستقراط للدرجة المشينة دي يا تامبا |
دي ما احلام الاستقراط يا فقري انت ..
دي اسمها احلام البرجوازية الصغيرة
وحياتك ود الصايم راقعو ليك بي سبيكتين على اعتبار ما يكون .. يعني معشمو وبيناتنا مشاريع مشتركة يعني مشروع ريدو جانيرو دا اخف واحد ..
بالنسبة لي ودو كماين .. ياخ داك ذمتو مبالغة .. كان المنجم دا كلو اديتو منو (خاتم) عيار تمنية ونص .. بجي برشك لمن تقفل نخرينك ..
إنت قايلنا نحن بننقب عن الدهـب ساكت .. ما لازم كمان نكون مامنين ورانا ..
| |
|
|
|
|
|
|
|
|
|
Re: والحكومة نائمة تشخر (Re: tmbis)
|
Quote: بالنسبة لي ودو كماين .. ياخ داك ذمتو مبالغة .. كان المنجم دا كلو اديتو منو (خاتم) عيار تمنية ونص .. بجي برشك لمن تقفل نخرينك ..
|
والله ما أستغرب لأية حاجة تجىء من صاحب فكرة كمين العساكر دا
لكن بيني وبينك جرجير دا زول كويس فما تحاول معاهو الرشوة
لو جا هنا ح يرشك ح يرشك ولو جازفت ليهو تمثال من الدهب الخالص
دا زول الأيامات دي قاعد ينتقد في الحكومة ذاتا ح تغلبو إتا بشوية دهيباتك دي ؟
أستبعد والله .
| |
|
|
|
|
|
|
|
|
|
Re: والحكومة نائمة تشخر (Re: طلحة عبدالله)
|
اتنين فى واحد
و انا بسأل نفسى من فترة وزير المعادن وين
Quote: أخبار محلية - اقتصادية
حكومة القضارف تعلن استعدادها لتسليم شركات التعدين الحاصلة على إمتيازات للتنقيب المواقع المخصصة لها
القضارف فى 29-2-2012م (سونا)
أكد نائب والى القضارف الاستاذ/ محمد عبد الفضيل السنى حرص حكومة الولاية
على تسليم شركات التعدين التى حصلت على إمتيازات للتنقيب عن المعادن
بالولاية بواسطة وزارة المعادن المواقع المخصصة لها .
وجدد لدى لقائه صباح
اليوم وفد شركة (P.P) للأنظمة الهيدروليكية المحدودة التى ستبدأ التنقيب
عن معدن الذهب بمربع (11)j الواقع بمحلية البطانة ، استعداد الولاية
الكامل لفتح مجالات الاستثمار في التعدين وذلك للارتقاء بمستويات
المواطنين المعيشية ورفد الاقتصاد الكلى للبلاد بالعملات الصعبة .
واشار
نائب والى القضارف في حديثه للوفد الى الترتيبات التى تجريها الولاية
لتسليم الشركات المواقع المحددة للتعدين داعياً لاحكام الترتيبات للشروع
في عمليات التنقيب لتفادى اى عقبات قد تحدث .
ع و
|
و المهم
Quote: اقتصادي / وزير التعدين السوداني يقيم مأدبة عشاء تكريما لمعالي وزير البترول والثروة المعدنية
الخرطوم 05 ربيع الآخر 1433هـ الموافق 27 فبراير 2012م واس
أقام معالي وزير التعدين السوداني كمال عبداللطيف مساء اليوم مأدبة عشاء تكريما لمعالي وزير البترول والثروة المعدنية المهندس علي بن إبراهيم النعيمي الذي يزور الخرطوم حاليا.
حضر المأدبة سفير خادم الحرمين الشريفين لدى السودان فيصل بن حامد معلا وعدد من المسؤولين السودانيين. |
| |
|
|
|
|
|
|
| |
طلحة عبدالله
اسعد الريفى
tmbis
فيس بوك
تويتر
انستقرام
يوتيوب
بنتيريست