هل صار ( رفاعي عبدالعاطي حجر) أقرب للوطني ..؟؟؟!!!

Quote: بل هو بعيد عنه بعد الثريا يا ود موسى. هذا ليس خيال و قراءة واقعية و ليس ثمة مكان للكن هنا.

Quote: هل صار ( رفاعي عبدالعاطي حجر) أقرب للوطني ..؟؟؟!!!

Quote: سلامات للجميع الاخ احمد موسى تحياتى البوست عنوانو خلعنى ... ودى مااااا مشكلة.. متعودين عليها فى المنبر ده لكن المشكلة لما الزول يفتح بوست فيها ريحة اتهام لعضو فى المنبر لا يجوز ان يعمل بسياسة مداخلة وسنواصل يعنى فى بوست زى ده يا احمد يا اخوى حقو كان من المداخلة الاولى تكب كلامك كلو ... لانو موضوعك ده اصلو ما بسيط ولاهين لا ليك ولا لينا و لا لسيد الحق الاخ الرفاعى ما عارفة ظروفك شنو؟؟؟ اتمنى ليك كل خير لكن عليك الله رغم انو المناصحة بقت تعمل مشاكل وانا زاتى ما زولة مناصحة لكن النصيحة بوستك ده بالتناول ده وجعنى رجاء اكتب كلامك كلو فى مداخلة واحدة عشان الناس البتفتح و ما تلقى حاجة وتمشى ممكن ما تجى راجعة وكل زول بطلع بفكرة بطريقتو تعال نقلل القصة دى وتعال نقرأ ليك كل كلامك مافى داعى لسياسة الشحتفة فى موضوع زى ده اتمنى انى ما اكون زعلتك تسلم و تحياتى

Quote: كان لى عظيم الشرف ان التقى الرفاعى و نفر طيب من ابناء السودان الوطنيين النظيفين فى الصيف الماضى فى مدينة جدة فى السعودية و وجدت فيه الانسان السودانى الوطنى الغيور عليه الرفاعى رجل طيب و اخو اخوان و هو لا يهادن فى مصارعة اوباش المؤتمر اللاوطنى . لك كل الود الاخ الرفاعى و اتمنى ان اراك قريبا مرة اخرى فى جدة ان شاء الله

(عدل بواسطة الرفاعي عبدالعاطي حجر on 02-21-2012, 12:27 PM)

Quote: طبعا ناس البورد بتهمو اي زول يقوليهم لا ولا يجب حقيقة تطير واحدة من كذباتهم كوز يمكن عشان الرفاعي جا هنا وطلع الحقيقة في موضوع معاوية ولم يكتم الشهادة ... احمد قال الزول دا بقى كوز ولا شنو؟؟؟؟ الرفاعي بالجد احترمتك جدا وتمنيت لو اي زول معارض كان ذيك لا يكتم الشهادة ولا يكذب

(عدل بواسطة Azhari Mohamed on 02-22-2012, 06:42 AM)

Quote: انا المدعو صديق الموج و بكامل قواى العقليه واهليتى المعتبرة شرعاً

Quote: يمكن عشان الرفاعي جا هنا وطلع الحقيقة في موضوع معاوية ولم يكتم الشهادة ...

Quote: اتوقع بوست تحت عنوان هل لاذال ( رفاعي عبدالعاطي حجر) معاديا للوطني ..؟؟؟!!!

Quote: الاعزاء ابناء السودان في الشتات من جمعنا بهم المنبر او مجال الاغتراب مودتي وشكري لحسن الظن ومن باب حُسن الظن ان ينتفي عنك الانتماء للعصبة الفاسدة فقد برأت ذمته وسيلاقي الله على المحجة البيضاء ليلها كنهارها لان نفي الانتماء ولو طيفاً هو من باب البراء من الزمرة الفاسدة من اهل المؤتمر الوطني إلا من رحم الله وتركهم علانية لا سراً ومن الولاء للوطن الذي سيلفظهم عما قريب بحول ارادة الشعب الجبار معلم الشعوب الثورة والطهر والنقاء واصدع عالياً بأنني لن اكون يوماً من زمرة السوء بل كنت في سابقات المواقف ضد التواصل معهم ولو على المستوى الاجتماعي لكن الانقاذ التي افسدت واقتلعت اهل البلاد من نقائهم المعلوم الى افساد البلاد والايقاع بها في بئر الظلمات والفساد تلاعبت بكل الثابت وافاقت الفتنة بين الناس على اساس العرق واللون والدين الذي يبرأ منهم الى يوم الدين, ارجع واقول انني كنت من انصار مقاطعتهم في افراحهم واتراحهم فهم ليسوا منا ولسنا منهم ولو تعلقوا بأستار الكعبة , فهم لم يتخذوا الدين الا ستاراً وحجاباً للافساد والفساد والدليل بل الادلة بائنة بينونة كبرى في واقع البلاد المائل ومآل الحال السايب وغير المعلوم مصيره في ظل التنادي للاستقلال من كافة المكونات حتى ظننت ان كل مجموعة ستنادي لاقامة دولتها داخل الوطن المليوني سابقاً المنقسم على ذاته وبفعل الزمرة الفاسدة عصبة السوء من اهل الحركة الاسلاموية الخالية من ادنى قيمة اخلاقية او انسانية وهاهموا الان ينتصبون لتصفية حساباتهم مع بعضهم والاخبار المتواترة تقول بأن قوائم الضحايا آتية ولو ادخلوا البشير السجن فلن يغتسلوا من فساد عم القرى والحضر في ارض الظهر والجمال ووطن النجوم. المحامي احمد موسى ,,, احمد لمن لا يظلم عنده احد فها هو مفتتح بوستك يقول بأنها ربما قراءة شاذة ولم تقل خاطئة ولعلك تعلم مصدر الشذوذ فيها وما من تداعي للقول إلا بما استقر في عقل القائل وبما تخلق به فالخبر الطيب يخرج من مخبر طيب , وفي ذات سياقك قلت واحمد ربي ان طلبتها ان اتيحك فرصة توافر مساحة الثقة ولعل الثقة تأتي وفق الافعال ثم تصحبها الفعال هلا فعلت ما يستوجب الثقة ؟ اقول لك لا لم تفعل يا احمد موسى ذلك وبلسانك قلت للدكتورة نجاة في تزلف لم اشهده من قبل من احد بالمنبر انها قد بهتتك وتغفر لها وانت بهتني بإتهام ولا اغفره لك بل احلته ليوم وقوف العباد امام الواحد الديان يوم تشخص الابصار وتتعلق القلوب بما كسبت يومها اسأله سبحانه ان يبدأ حسابك ببهتانك اياي فيما لم اقترف طوال مسيرتي . احمد موسى المحامي الطريق للثقة بينا ان تمتلك قليل شجاعة وتنفي امام اهل المنبر اتهامك لي او تثبته وانت من اهل القانون وتعلم مردود قولي ومظلمتي التي اختصمك اياها امام الناس وهم شهدائي في الحياة وفي الاخرة لها رب عليم لا تخفى عليه خافية وليس عندي ما اخفيه او اخشاه فالحق يسطع من ذاته والباطل يتزلف الحياة حتى يصرعه الحق ذلك يقيني وقناعتي التي اعيش بها امام الناس . احمد موسى سبق وان ناقشتني عبر الفيس بوك وطرحت لك مرئياتي في طرحك وناقشتك بكامل الشفافية وهربت متخفياً وراء الكذب ولم تستمر وكم كنتُ اتمنى ألا تقع في هذا الموقف وتحليل السطحي لمواقفي المعلومة فامارس دوري في الحياة العامة واناقش اهل المؤتمر الوطني وفق مواقفي واعيد عليك انهم سألوني وفي حضور القنصل العام ونوابه وحضور والي الشمالية عن انتمائي ولم اخفيه اذ انني انتمي للحركة الشعبية لتحرير السودان وامثل فيها الامين العام وارعى واجباتي وفق قناعاتي وساظل على قناعاتي وانا من يملكها واتحرك وفقها واتركها متى رأيت انها لا تحقق برنامج اصلاح الحال المائل للوطن ولها اي الحركة الشعبية مواقف لا اؤيدها واقولها في حينها واطلقها للعنان وربما الان لا يستوعبني الوعاء الحزبي لكن لكل مقام مقال ولكل زمان رجال والرجولة عندي مصطلح يطلق على كل انسان كائن رجل كان او إمرأة وفق مواقفه ولك ان تراجع اللغة في ذلك وتتحقق من المعنى وانت عندي اختلطت عليك الامور فظللت تتتبع خطواتي ومواقفي وذلك جيد وتبصيري ونقدي ارحب به متى كان صادقاً وحقيقاً بمعنى الرجولة وعدم البهتان , عليه احزن لك في انك ما كتبت بوستاً واحدا مباشراً ووقفت فيه تصارع النقد وفق رؤية ثابتة غير مهتزة وسرعان ما تميل بالحوار الى الاستفزاز والهرب الى الذاتي لا الموضوعي في الامر المطروح عليه هذا قولي وانتظرك لحين تكملة رؤيتك دون ان يتحقق لك طلبك في منحك مساحة لمرور الثقة إلا في حال اثبات قاطع بما بهتني به في انني وشيت بالحزب في اركويت وبعض مما قلت سابقاً او نفي ذلك والاعتذار عنه علانية والسلام . يستمر الحوار وفق مشتهاك ومعك اكمل المشوار ما التزمت صدق النقد ووضوح الرؤية دونما تدليس. ..............................................................................حجر.

Quote: الموضوع لو خلته بسيط فعليك بمغادرة المكان الان بعد اعتذار كبير , في الامر ماوراءه ولو تركت لنفسك مساحة لقراءة المدخلات لعلمت عبرهم ان مبرراتك واهية في الخوض في امر هذا النقاش , سؤالك واضح مهما جلبت من غمام الكلم يا حضرة الافكاتو , فمثل مين الميكانيكي وعلان وفلان هي دعاوى انصرافية لا احفل بها ولا تعدو ان تقود الى ما استمرأت من هبوط عبر بوابة الاستفزاز للخروج بالبوست من حرج سؤالك وردود كثيف من الاصدقاء واهل المنبر , محاولة الخوض فيما لايفيد لا تعنيني اكمل قولك بكامل تحليله مااردت لكن سؤال اخر هل يمكن صياغة سؤالك في قالب آخر وهو هل المؤتمر اقرب لي من قربي منهم فلا قرابة بل غرابة كما قال ازهري موسى واهل المؤتمر الوطني ادعاء يمسكون بزمام الوطن فساداً وازدراءً لكل قيمه فلا احفل بقربهم او قربي بقدرما اجد منافذ للتبصير بسوء ايدولجيتهم , الامر متروك لك في البقاء او الانصراف . م جانبي حاضر لكل تهويماتك ولا عليك فربما على نفسها جنت براقش وحينها لا ينفهم التهرب , سبق وقلت لك واكرر لمرة واحدة في حياتك كن انت اطرح رأيك بمنتهى الشجاعة وستجدني حضوراً فيما تشتهي .

(عدل بواسطة Amani Al Ajab on 02-22-2012, 01:06 AM)

Quote: الأستاذ أحمد موسى .. إن الموضوع ليس بهذه البساطة كما تعللت .. لنا ألحق جميعاً أن نتسأل على الملأ.. ما الغرض من هذا البوست ؟! لقد عرفت الأخ العزيز حجر هنا في المنبر مناهضاً لسياسات الإنقاذ كغيرة من الزملاء والزميلات الذين تشرفني معرفتهم .. هذا العنوان المضلل فيه تجني على مواقفه الوطنية الثابته والتي لا تخطئها عين .. لكم جميعاً التحية والتقدير..

Quote: الاستاذ احمد موسى ترونه هيناونراه نحن جرم عظيم امامك احد خيارين اما ان تكون رجل وتاتى بالدليل واما ان تكون رجل وتعتزر مع اخترامى

Quote: الأستاذ أحمد موسى .. أن الموضوع ليس بهذه البساطة كما تعللت .. لنا ألحق جميعاً أن نتسأل على الملأ.. ما الغرض من هذا البوست ؟! لقد عرفت الأخ العزيز حجر هنا في المنبر مناهضاً لسياسات الإنقاذ كغيرة من الزملاء والزميلات الذين تشرفني معرفتهم .. هذا العنوان المضلل فيه تجني على مواقفه الوطنية الثابته والتي لا تخطئها عين .. لكم جميعاً التحية والتقدير..

Quote: أجمل ما في البوست تسليط الضوء على مواقف حجر الأجتماعية من جانبك

Quote: الأستاذ أحمد موسى تحية لك ولحجر و للضيوف مثلهما. قرب حجر من الوطني أو بعده لا يفيدك في شيء طبعا. الأولى أن تبتدر بوستا تتساءل فيه هل صار أحمد موسى عضوا مؤثرا في الوطني؟ على سبيل المثال وخلى الناس تجي حسب رؤيتها واقتباساتها تثبت أو تنفي. أجمل ما في البوست تسليط الضوء على مواقف حجر الأجتماعية من جانبك وهي شهادة عريضة تمتد من غلاة الوطني وحتى متشددى المعارضة ومرورا بأذناب الطرفين كما يحلو لكلٍ اتهام الآخر بالذنبية. ما أعرفه عن الرفاعي انه قريب من كل سوداني شريف .

Quote: استفذني هذا الفهم الغريب ..التقارب الاجتماعي ..ان تكون اقرب للفكر السياسي

Quote: ده كل مافي البوست

Quote: اذن يلزمك اعتذار عن العنوان الأستفزازي واختيار عنوان آخر يناسب نواياك السليمة ونحن هنا ملزمون بقبول الرفاعي لأعتزارك مع تحياتي

Quote: أ. اماني ..التقارب بين المؤتمر الوطني وبقية القوى السياسية ليس بجرم. فالآن جُل القوى السياسية بمافي ذلك يحصل (تقارب) بينها والمؤتمر الوطني بمافي ذلك الحركة الشعبية التي يؤمن بها رفاعي ويختلف معها بذات الوقت ..!!!!! ولكن ما اقصده هنا هو التقارب الذي حصل مؤخراً بينه وعدد من المحسوبين على المؤتمر الوطني وإلتقاءهم في عدة ملتقيات منها ما هو اجتماعي ومنها ماهو رياضي في إطار العمل العام فهل هذا حادث فعلاً ..؟؟ وهل هذا يُعتبر خيراً في الممارسة ام شر .؟؟

Quote: أما التعامل الإجتماعي أو الأسري مع منسوبي المؤتمر الوطني أو المتحالفين معهم لا يعني بأن الشخص أصبح قريباً من المؤتمر الوطني..

Quote: أحمد موسى تحياتي وتحية أطيب لصديقي الرفاعي من غير تملق أو نفاق الرفاعي زول عاقل جداً فهم الشغلانة وتخلى عن التعصب وريح نفسه لعن الله التعصب هو سبب المشاكل دي كلها مرات يا أحمد موسى قد تشوف عجاجتنا قايمه مع زول أقول في نفسي يا أخي ادي الزول دا فرصة يمكن تكون غلطان وتعصبك لرايك هو العاميك عن الحقيقة وحصل الكلام دا مع الرفاعي حجر في خضم معركة لقيت تلفونه اتصلت عليه لقيته زول جميل جداً وسبحان الله المكالمة بقت سبب موده بيني وبين الرفاعي ادعو الله أن يديمها والرفاعي اعترف لي في المكالمة ديك انو قاعد يتعصب في البورد كتير وما براه كلنا قاعدين نتعصب لكن أجمل مافي الدنيا أنو الزول يطلع من الزاوية الحاشر نفسه فيها ويمشي يعاين من جانب تاني ويشوف نفسه كان واقف وين ود العمله الرفاعي رغم دا اعترف اني قسوت على الرفاعي في حتات كتيرة ولمن يغيب بفقده ويشهد البورد دا على اكتر من بوست فتحته في انقطاعات الرفاعي المبهمه ديك التعصب موجود في ناس بتعصب في الكورة في السياسة في الاثنيات في الدين وغيره من الحاجات لكن الواعي ما بنزلق فيه بدي مجال مثال يعني هلالابي من حقه يفرح ويشمت في غلب المريخ من الهلال او فريق تاني في السودان لكن الحماقة لمن يفرح لي غلب المريخ من فريق اجنبي فقط تعصب مثال كلنا بنحب وردي وبنسمعه مما كنا اطفال لكن الليله شفت نوع غريب من التعصب من حبيب نوره حيرني وهكذا أكتمل حلم وردي وأصبح مطرب السماوات والأرض التعصب لمن يزيد بصل لمرحلة الهوس صبري الشريف قادينا طول عمره الهوس الديني وهو اكبر مهووس لأفكار سجمانه هو زاته ما قادر يحددها في ناس بتنزلق وتصل لدرجة الهوس زي حالة معاوية عبيد الصايم الأعماه تعصبه أنو يشوف هو ماشي وين بس فكرة وركبت في راسه ومعتقد انها صح مافي تراجع مافي مراجعة مايسمع إلا كل الأصوات البتوافق يدوس على أي حاجه القيم الاخلاق الصدق الأدب يستخدم اي حاجة الكضب اسرته اعراض الناس وفي النهاية يمكن يفيق يلقى نفسه عمل حاجات كتيرة خطأ وظلم ودمر أو يمكن يستمر في تعصبه لمن يموت يلقى نفسه قدام ربنا وقدام الناس الظلهم ويجيبو ليه كضبه وافتراءته الكيزان ولا المؤتمر الوطني ديل جايين من المريخ ما سودانين زينا وفيهم الأحسن مننا كان مال كان علم كان ادب كان اخلاق كان انسانية مثال ودالباوقة مؤتمر وطني ، صحي هو غياظ ودهنسته كتيرة لكن أي زول واعي عارف أنه ود بلد وراجل محترم ونزيه وفيه مروءة وإنسانية وإذا كان الامر اعتقاد فشهادة بعض من عرفوا ودالباوقة أكده معاوية عارف كدا لكن بي تعصبه شاف بس أنو ودالباوقة مؤتمر وطني خلاص مجرم حاجه كعبة يجب تدميره مشى أفترى عليه في نزاهته ومع الأسف معاوية فقد مصداقيته وخلى الناس تحترم ودالباوقة اكتر لأنو ترفع هسع معاوية في تعصبه دا رغم أنو عارف انو دكتورة نجاة دي ما كوزة وعارف هي منو وبتسوي شنو وتاريخها كله عنده لكن برضه بمشي يطاردها بالاكاذيب تعصبب معاويه حاميه أنو يشوف انو الناس دي كلها شايفه ويسمع كلام الناس العاقلين الجارين وراه يا معاويه لا يا معاوية غلط يا معاوية عيب متوهم أنو الناس أغبياء بي علاقته وسيرته القديمه ممكن يصدقوه وهو فقد مصداقيته من اول مما دخل البورد رفاعي زول عاقل تخلى عن التعصب وندعو الله أن يجنبنا التعصب مثال تاني يا أحمد موسى أنت زاتك قاعد تنتقد الحكومة كتير المعارضين أفتكروك شايف بي شوفهم المتعصب لمن اتكلمت عن نافع كلام كويس هاجموك وحتى معاوية رغم علاقتك التاريخية والمودة معه ما اتردد أنو يجي يتعرض لي بطريقة سخيفة لو بتتذكر بوست جس النبض بتاع اخوك من غير تملق برضه انت زول كويس بتشوف من غير تعصب تمدح في الجيد وتنتقد في السيئ ونظرتك الصحيحة خلتك تشوف أنو ناس المؤتمر الوطني ديل ناس وحقيقة وفيهم الجيدين وفيهم السيئين وفيهم المتعصبين لكن يجب التعامل معاهم كواقع الكيزان قاعدين قاعدين مافي طريقة لأزالتهم كان بي انتخابات كان بي انقلابات ودي حقيقة حقو توروها لي معاوية عشان يفتح ويشوف ليه طريقة تعاطي تانية ---------------------------------- يأ أحمد خفضت مداخلاتي من خمسة لي واحدة يوميا فما تستناني الليله بكرة نلتقيك والله يفرج

خالية من تعصب
انا متاكد كتير من الزملاء هنا بتحسسوا من لمات زي دي

Quote: هو وينو إعتذاري الحتلزم الرفاعي بقبوله يا محمد ؟؟ حتى نواصل نقاشنا حول المسالة هل أنت من بورداب السعودية ؟؟ لانني هنا اتناول قرب الرفاعي من المؤتمر الوطني بالسعودية في كثير من القضايا (العامة) ... لو كنت من بورداب السعودية لاجبتني هل ذلك صحيح ام لا ..؟؟ إن كان لا فإن إجابة سؤالي تكون (لا) لم يصير الرفاعي أقرب للمؤتمر الوطني فل استوب لم اعلم ثقافة الإعتذار عن السؤال من قبل

Quote: طيب وبكل أمانة عاوز ردة فعلك على هذا العنوان لبوست جديد: " هل أصبح أحمد موسى المحامي أحد سارقي قوت الشعب السوداني الفضل؟؟؟؟؟؟؟؟؟؟؟؟"

Quote: ليجي الرفاعي ويقول الناس ديل (ناس المؤتمر الوطني) لا بيني لا بينهم الا في فرح يلم او ترح يلم