|
الوليد الضيف غرقتنو كيف وا سواد أمه الأهله في الجريف
|
قصة حقيقية معروفة حدثت فى الثمانينات خلاصتها علاقة صداقة اخوية بين شابين احدهما من العاصمة تحديدا الجريف شرق بالخرطوم بحرى والثانى من مدينة شندى تناقلت الروايات انها قرية حوش بانقا قرر الشاب العاصمى الزواج فقدم له صديقه الدعوة لتكريمه فى قريته قبل الزواج وفى العصر وبينما كانت الاستعدات تجرى لاقامة حفل حناء للضيف وكعادة متعارف عليها زار الضيف النيل ومعه بعض من اهل القرية نساء ورجال شيب وشباب ونزل العريس الماء و لم يخرج بعدها بعد ان كان ذويه بالخرطوم بحرى ينتظرون زواجه بعد ثلاث ايام والدة صديق العريس الغريق صاغت كلمات عميقة الحزن والاسى تلوم شقيقاتها ونساء القرية ووصفتهم من شدة حزنها انهن اغرقن الضيف فى النيل مناحة اعتبرت من اكثر المناحات حزنا العميقة جرحا
|
|
|
|
|
|
|
|
Re: الوليد الضيف غرقتنو كيف وا سواد أمه الأهله في الجريف (Re: ASHRAF MUSTAFA)
|
الوليد الضيف غرقتنو كيف
جيبو لي هدوم الراقدة فوق القيف
خلني النمنح بالقرع والسيف
واا سواد امو الاهلو في الجريف
حليلك يا زمن هناي
حليلك يا زمن غناي
وقت بقول انت لي براي
وقع القدر خلى لي بُكاي
حليلك يا هدية
وحليلك ياالرضية
ابكن يا بنات وقولن اوب واحيا
وا سواد امو الحنتو العشية
جن بنات خلاتك من صغار وكبار
حزنانات عليك مليانات غبار
طول الليل ينوحن لمن جاء النهار
ناس الحلة جوا
والديوان ملوا
مشوا للبحر قالوا ما لقوا
واا سواد أمو الليلة وين ودوا ..
| |
|
|
|
|
|
|
Re: الوليد الضيف غرقتنو كيف وا سواد أمه الأهله في الجريف (Re: ASHRAF MUSTAFA)
|
طبعآ المداخلتين السابقتين منقولات من النت
والقصة معروفة لأجعص شافع في أجعص حي
لكن لا يمنع هذا من تداولها هنا وهناك
قصة مؤثرة ولا شك وكلماتها رنانة
الله عليك يا مصطفى مضوي
يا ود مدني يا جميل
يا صاحب منديلي راح مني الشالوا ما يتنيه
ويييييييييييييين الزول ده يا شباب
وليه تلفزيون السودان مهمله قدر ده؟؟!!
| |
|
|
|
|
|
|
|