امطرت لؤلؤا - الكابلي

مرحبا Guest
اخر زيارك لك: 05-08-2024, 03:00 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف الربع الاول للعام 2012م
نسخة قابلة للطباعة من الموضوع   ارسل الموضوع لصديق   اقرا المشاركات فى صورة مستقيمة « | »
اقرا احدث مداخلة فى هذا الموضوع »
01-31-2012, 06:22 AM

خليفة موسى حمدان
<aخليفة موسى حمدان
تاريخ التسجيل: 09-15-2008
مجموع المشاركات: 406

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: امطرت لؤلؤا - الكابلي (Re: saadeldin abdelrahman)

    جابنى الكلام السمح ورجعنى للزمن السمح .. فالتحية لك الاخ جعفر اسماعيل يا رجل يا سمح وانت تمخر بنا بسفينة الجمال والسحر عباب بحر الغناء السودانى الخضِّم ( الاستاذ السمح كابلى .. الاستاذ الكابلى من اساطين الغناء السودانى واسهاماته المتنوعة اثرت المكتبة الغنائية السودانية بكل جميل متفرّد , فغنى لكل طبقات الطيف السودانى وان كان المثقفين لم ينصفوا الكابلى حينما احتكروه ونسبوه لطبقتهم فاطلقوا عليه فنان (الطبقة المثقفة) . واذكر انه فى بداية سبعنيات القرن المنصرم ونحن اهل قرى وبوادى قد عمنا وذاع بيننا شدو الكابلى كان بقريتنا تاجر امى لكنه يعشق الكابلى لدرجة انك لو سألته عن اسم اى فنان فى ذلك الزمان لقال لك هذا كابلى , الى ان وصل بنا الامر حد السخرية منه فكنا نسأله ساخرين عن الموسيقى التى تسبق نشرة اخبار ام درمان فيقول دون تردد ( ده ما كابلى) .. فالكابلى فنان عظيم شامل وعبقرى فقد تجلت عبقريته عندما صاغ لحنا بديعا للعمل الادبى الملحمى الخالد للعظيم الشريف زين العابدين الهندى (اوبريت السودان) فان لم يغنى الكابلى الاهذا العمل الخالد لكان كافيا بتتويجه ملكا على عرش الغناء السودانى ..
    قصيدة بهذا الطول حفظها يظل معضلة ناهيك عن تلحينها
    .........................
    نص اوبريت السودان

    ساهر ؛ مساهر ليلك الطول نجوم وهجوع ..
    وغرقان قمره في جو السحاب مصروع ..
    بصارع فيك ضلام تمن سنين واسبوع ..
    واراقب فجرك الآذن زمانه سطوع ..
    وشايلك سيف نصر لا يطيش ولاهو بزوغ..
    ورابطك في حشاي من العطش والجوع ..
    واســـقيك مــني دم ... ودمـــوع ..
    واوقــــدلك جحـــيم وشــــموع .

    واقش منك دموع الضيم على خدودك بتتحدر ..
    واقبل فيك جبين مرفوع .. كراية النصر .

    وبيرق عزة رفرف في ركاب فاتحين ..
    واغسل ليك تراب الهجرة باليدين ..
    ويجيك المجد مدخور لك سنين وسنين ..
    من حبوبتك الوقفت ترد الدين ..
    وتطرد حملة الباشا .. ومع الغازين ..
    حليلة مهيرة كاسرة التوب وحد الزين .

    ومن جدك بكبر فوق جبل سرخام..
    ودافن ضهره في كرري ومتكنتر ركاب ولجام ..
    وسال في إيده سيف العود ببعج بيهو كبدة وهام ..
    وقبال دمعه مايرشح مع البارود ، يكون شتت عليك اجسام .

    أجسام من غزاة ما قدروا يسبوك ..
    ولاكشفولك المقنع ، ولافي الشينة ختوك ..
    ولاخلولك أحداقم ، ولاهم قدروا يدنوك ..
    ومما فاتوا لي هسع .. بدوروا رضاك واطروك .

    وكيف إنساك ؟ وكيف إنساك وذكراك لي دماهو عروق ..
    ومما الهجرة حلت ليهو، لابسك إنت عمة وطوق ..
    وعايشك جو وجدانه ، معايشة الحنين للشوق ..
    وممزوج فيك .. ممازجة اللسان للضوق ..

    بشوفك في عيون النيل ، وفي الأطفال ..
    وفي تاريخك الأخضر، على الأجيال ..
    وفي بحر الدمي ، اللسع بجم سيال ..
    وفي مستقبلا ، واعد كبار وعيال ..
    بشوفك بشرى فيك ، شقق جبال ورمال ..
    وفي حدقاته مفتوحات ، تلاتة ليال ..
    بترسم لي طريق نجم العشاء الولوال..
    وتكشف فيك ، أسرارا كتار واهوال ..
    ويلقاك ؛ ويلقاك حتى في رمش الغريب الضال ..
    مهموم في اليمن ، لا الحامدي لا السلال ..
    ويلاقيك في الخليج ، مشرورة حالك حال ..
    ويسكّل فيك .. ببيعوك بالدهب والمال !

    فلذاتك مبعثرة في البلاد مأجورة ..
    تبني على الرمال أحلامها ثم قصورها ..
    خلوك سايبة في أيد الطغاة مأسورة ..
    شان ما يسلموك الحلبي ، روب في كورة ؟

    أبشري ؛ أبشري نحن لسع في الخلا مرابطين ..
    ونحن عقاب عهود ، أنصار مع مهاجرين ..
    ونحن سهارى ما بنعرف غمضة العين ..
    ونحن فداك ، نذود عنك بقالنا سنين ..
    حالفين بيك قسم ، غالي وعزيز ويمين ..
    مانضوق راحة ، لانشوف زوجة لا والدين ..
    ولاندفن رؤوسنا على الرمال خايفين ..
    حتى نودي من أشلانا ، أعلامك على القصرين ..
    وحتى نسوي للقصفوك مقبرتين ..
    زي ماصنع تارا ، علي الألف ألفين ..
    وحتى نكسر السد ، وينقسم نصين ..
    ويكون عيدنا الكبيـــر ، في مقرن النيلين .
    وما بنساك ؛ وما بنساك عشان يطراك في الأزمان ..
    قريـــــــب منك ، قرابة الحدقة للإنسان ..
    وجايل فيك ، جولة الدم علي الوردان ..
    وقيمتك عنده ، زي قيمتك معاه زمان ..
    بعيشك هضبة ، بتشارف تلال قيسان ..
    ويحياك موية في دارفور، تبل عطشان ..
    ويديّم فيك من سنار، ترع خزان ..
    ويدفق خيره بي عند الرهد بستان ..
    ويقول للدندر الغاضب ، كفاك قيسان ..
    ويسهر لي وليداتك ، يعشي الحاري والجيعان ..

    منو الزيك ، منو الزيك ولد واستالد الأولاد ؟
    منو الزيك ، بجيبم ديمة عشرة اولاد ؟
    منو الزيك ، ببز الدنيا موية وزاد ؟
    منو الزيك ، ضروع وزروع ونيل مداد ؟
    منو الزيك ، بطانة وغابة دون حداد ؟
    منو الزيك ، سهول وادي وجبال اوتاد ؟
    منو الزيك ، أصل موروث من الأجداد ؟
    منو الزيك ، جراتق دم .. قدام وجداد ؟
    قشي الدمعة يابت الرجال ، ما بحكموك أولاد .

    بت الحر .. وأم الحر .. وأخت الحر ..
    وست الضنبه مردوم .. بي وراه يجر ..
    ست الفي الخشش من العصير بنتر ..
    وست الخيل ، وست الفي القلوب بنقر ..
    وأم الحلفوا بيك ، وبي العذاب المر ..
    ما بختولك الشينه ومناحة كر ..

    أولادك ؛ أولادك فضلة الموت وبتلجوبو ..
    ودايما سيرته في لسانم ، وبتسلوبو ..
    وزرعك من زمان المهدي ، طارح دوبو ..
    واحدين بحصدو ، وواحدين بفكو دروبو ..

    تيلادك مسكّر في الخزن محروس ..
    هجليج واندراب ، ومهوقني وأبنوس ..
    من صمغ الهشاب ، سوّى السنط كرتوس ..
    ومن شجرالتبلدي ، المويه كوس في كوس..
    ومن ضل النخيل ، الشمش دايرة تكوس ..
    ومن حرب المطر، فرع الحراز مدروس ..
    ومن شوك السدر، جيش السلم هكسوس ..
    ومن زهرالتبر، البادية باقية عروس ..
    وبي توب البرم ، سوى الطلح ملبوس..
    ومن شدر الأراك ، عطر الدعاش مبثوث ..
    ومن سيف العشر، جيش هكس صار مهروس ..
    والدوم واجي ، بي قيف الأتبراوي خروس..
    فيكي الفيل ، وفيكي العنجة والجاموس ..
    وفيكي التيتل ، الليّات قرونه تروس ..
    وفيكي الأصلة ، والدّابي اب درق وجروس ..
    وفيك أسد العرين ، رب العراك والدوس ..
    وفيك ريل الودي ، البي نالو راتع إجوس ..
    وفيك فهود ، وفيك نمور، وفيك طاؤوس ..
    وفيك صقر الكواهلة ، العينو كالفانوس ..
    وفي نيلك عشاري ، إشيل من الجاقوس.

    فيك الأزرق ، البي عرقو هد القيف ..
    وفيك الأبيض ، الماش منطرح ما بقيف ..
    وفيك رهد المفازة ، الوعده ما خلّيف ..
    وفيك الأتبراوي ، اللي الشواطي أليف ..
    وفيك الدندر، البهجم هجمة السيف ..
    وفيك الباسلام ، الفي الفشقة عامل هيف ..
    وفيك سيتيت ، منبّت من قناه صريف ..
    وفيك القاش .. بوري الرعدة والصاقعة الدوادم كيف.
    وفيك بحرالجبل ، حاقب عرى الرجاف ..
    وفيك بحر غزال ، والجور وبحر زراف ..
    وفيك سوباط ، ملولو زي دبيباً خاف ..
    وفيك بحرالعرب ، مليان نعام وزراف ..
    وفيك بحيرة قال نو، سيدها ماالأسلاف ..
    وفيك خور أب حبل ، شاقي البلد كشاف ..
    وفيك تمت العظيم ، شايل الكليت والشاف ..
    وعندك مقرنا .. حرّم سواك ما إنشاف .
    وعندك ألف خورفي الوادي ، والفين رافد ..

    وحسبان الجزاير والجروف ، ما وارد ..
    والنبروالحبيب ، لي عودو سيدو يقالد ..
    والساقية الحنين توريقها ، باكي وساهد ..
    والبلدات .. ونجاضات حليلة فايد ..
    وسمسم ، وام صقور، وسهل قبوب ود زايد ..
    وصقيعة ام بليل ، براقها قايم وقاعد ..
    والمطرالبكب ، أربع شهور ودارد ..
    وفيك قدمبلية ، وكمبو ستة الوارد ..
    وأم سينات ، تغازل دوكة ماشه تحادد ..
    الكفاي بقول للفشقة ، بهمك شارد ..
    كونو الفاو بقت .. ترع ، وجناين ، وموارد .

    في غروبك ؛ ربوع خصبة وتبر مبهول ..
    وديان من عقيق ، مغسولة مطر وسيول ..
    وكثبان تابة ، بطرز حواشي سهول ..
    تجود بالكركدي ، وصمغ الهشاب والفول ..
    وتدى القنقليس ، طول الشهور والحول ..
    وفيك حفرة نحاس ، وأبوتولو غير مصقول ..
    والعيش ، والسماسم ، والصمغ ، والكول ..
    والتور ، والخروف .. والناقة ، والكاتول ..
    علي دينار، كسب ليها الشرف والطول ..
    أبو زكريا أداب العصاة ، زول زول ..
    من وداي مكربت في ربوعها وجول ..
    لي الكفرة وصحاريها العجاف والفول .

    وجبل مرة الشمخ جايب مناخ لبنان ..
    فجر من ينابيعه العجاف بستان ..
    طارح عنب والزيتون مع الرمان ..
    وجاب من يافا تفاحا كبار ومكان .
    من مليط مكربت شاقي دار الريح ..
    نازل بارا وام فتنه بتسر وتريح ..
    وتياسرعلى التياره ، وصوتها بيصيح ..
    ونوخ تقلي ، في السهل الكبير وفسيح .

    ومن تقلي ، امبرم شايل جبال النوبه ..
    عامــــر قلبه ، بي برشم عريس الحوبه ..
    جلجال واللحيمر النارم إدفوبها ..
    وين مجدوب وشامبي ، الحارة بتسلوبها ..
    وفي شروقك ؛ في شروقك ربا العنافي قاطع تيهو ..
    وفي ضهرو الدوم ، دوباي حرارتو وتيهو ..
    وفي الشبرية ، راكبة حمامة بتغنيهو ..
    مسدارابشوارب .. ياخدو ووديهو .
    أمانة عليك بطانة أب سن ، بتنسي الكاعه ..
    يوم أكلت كباد ســـــاكت ، رخم وضباعه ..
    يوم محمود وناس عوض الكريم سمساعه ..
    واقفين في الشمش دايرين يغطوا شعاعها ..
    في ضحوة عجاج وسيوفم اللماعه ..
    ياكلن في التراقي .. ويقطعن في ضراعه .

    يا المعزوزة بي دمانا وعضام ابواتنا ..
    عارفنك مقريفة لي شراب قهواتنا ..
    زغرتي يا ام شيوم ، خلي الندق نحساتنا ..
    ونحاسب عقاب الجاتنا والماجاتنا .

    هسع قومي ، سوي السيرة جري النم ..
    خلينا النهشك فيك ونملاك دم ..
    ندفنلك شقوقك ، شور عضام ولحم ..
    ندفق ليك نحيراً لا وقف لا جم ..
    نشبع فيك صقور، وضباع ، وطير، ورخم ..
    لامن ترضي ضيفك .. ودور هناك انتم .

    كيفن عاد ؛ كيفن عاد بتــــعادينا ..
    وشوفي عزيمة للحمل ، الوقف راجينا ..
    شوفينا بنتر، ولا بنكف الشينه ..
    شوفينا بندكدك ، ولا ما هامينا ..
    شوفينا بنبشر فيك ، طوال إيدينا ..
    ولا نغطي بالطين والعجين إضنينا.

    وفي شروقك ؛ في شروقك ، أرض مليانة خير ومعادن ..
    وفيها السارح الناشق وفيها الساكن ..
    وفيها المن حلايب جايي غاشي سواكن ..
    وفيها الأركويت نسام أراك وجناين ..
    وفيها غزال جبيت وقل قصاد الشادن ..
    ومن صمت إنطرح لي أربعات .. بعاين .
    وناس أوشيك إخنقو في الربابة وغنو ..
    وأوهاج سل شوتالو وبركلو يسنو ..
    تمباك الدمك جو الكدوس حاشنو ..
    جبنات يابنات ، هريوا .. قامن وجنو.
    دبايوا؛ دبايوا أوجات كيها يا أدروب ، أبوك كيفنو ..
    روح تندلاي ، ولا الصهب فاتنو..
    قالوا الليله هبباي بركة زايد جنو ..
    ناس باكاش وحامد .. في أروما استنو.

    الكور دلو والمربيت بتمشي الوادي ..
    خت الدرقة والهاري السنين بي غادي ..
    وادني اللي انقلب قرب علينا ينادي ..
    والهوشاب برد .. بروي الغليل لي الصادي .

    وفي شمالك ؛ في شمالك نخيل بازخ ، يداعب الريح ..
    بقول للبركل الشامخ كفاك تبريح ..
    إت عارف كلامي ورايي بالتلميح ..
    جيب رايا قديــــم ، بيهو بتفيد وتريح ..
    قش دمع السواقي البي العذاب بتبيح ..
    واطرى العضام .. تحتك تنين وتصيح .

    أطرى السناجك ووقعة الخشخان ..
    واطرى النحاس وكتين إزم بطران ..
    ونادي أولاد جعل والينم ينم القرمان ..
    والخيل عركسن واتروقن ريقان ..
    وصقر الجو بحلق في السماء جيعان ..
    يا الكدك بدور.. كبدة ، وكلى ، ومصران.

    نادي المك نمر؛ نادي المك نمر، معلم أباة الضيم ..
    شاي الباشا شي ، خلاي جناهو يتيم ..
    ودفتردار بدك عند المتمة زميم ..
    أرفع صوت ، لعل الناسي يبقى فهيم ..
    أرفع صوت خلاص ، شرطنا شرب الهيم ..
    وكاد عاقلنا يصبح .. من سكاته بهيم .

    مر بالدامر البي ذكرو عز وجل ..
    واتنوخ فســيح ، وادي المجاذيب طلة ..
    شوف النارمتلعبه في المساجد ، ولا ..
    مات نورالضيا ، وجات بعده نار الجلة ..
    شوف المصحف ، الأربع قرون بدله ..
    ماسك وردو.. أم سحرتو عين خلق الله .



    عناقا على المحبة التقينا
    وصفوا احبتى ان عنكم نأيّنا
    وحتما نعود اذا حيينا


    فى امان الله

    (عدل بواسطة خليفة موسى حمدان on 01-31-2012, 06:47 AM)
                  

العنوان الكاتب Date
امطرت لؤلؤا - الكابلي Gaafar Ismail01-26-12, 02:08 PM
  Re: امطرت لؤلؤا - الكابلي omer osman01-26-12, 02:18 PM
    Re: امطرت لؤلؤا - الكابلي Gaafar Ismail01-26-12, 02:41 PM
      Re: امطرت لؤلؤا - الكابلي ود الخليفه01-26-12, 05:18 PM
        Re: امطرت لؤلؤا - الكابلي Gaafar Ismail01-27-12, 03:02 AM
  Re: امطرت لؤلؤا - الكابلي Al-Shaygi01-26-12, 07:46 PM
    Re: امطرت لؤلؤا - الكابلي saadeldin abdelrahman01-26-12, 11:47 PM
      Re: امطرت لؤلؤا - الكابلي Gaafar Ismail01-27-12, 02:23 PM
    Re: امطرت لؤلؤا - الكابلي Gaafar Ismail01-27-12, 07:16 AM
      Re: امطرت لؤلؤا - الكابلي محمد سيد احمد محمد01-27-12, 02:25 PM
      Re: امطرت لؤلؤا - الكابلي محمد سيد احمد محمد01-27-12, 02:26 PM
        Re: امطرت لؤلؤا - الكابلي Gaafar Ismail01-27-12, 02:50 PM
          Re: امطرت لؤلؤا - الكابلي Gaafar Ismail01-28-12, 07:30 AM
            Re: امطرت لؤلؤا - الكابلي khaleel01-28-12, 07:37 AM
              Re: امطرت لؤلؤا - الكابلي khaleel01-28-12, 09:55 AM
                Re: امطرت لؤلؤا - الكابلي Gaafar Ismail01-29-12, 00:03 AM
                  Re: امطرت لؤلؤا - الكابلي الفاتح ميرغني01-29-12, 11:41 AM
                    Re: امطرت لؤلؤا - الكابلي الفاتح ميرغني01-29-12, 11:50 AM
                    Re: امطرت لؤلؤا - الكابلي Gaafar Ismail01-29-12, 01:36 PM
                      Re: امطرت لؤلؤا - الكابلي Gaafar Ismail01-29-12, 02:46 PM
                        Re: امطرت لؤلؤا - الكابلي محمد المرتضى حامد01-30-12, 00:21 AM
                          Re: امطرت لؤلؤا - الكابلي الفاتح ميرغني01-30-12, 02:56 AM
                            Re: امطرت لؤلؤا - الكابلي محمد المرتضى حامد01-30-12, 07:43 AM
                              Re: امطرت لؤلؤا - الكابلي الفاتح ميرغني01-30-12, 09:59 AM
                          Re: امطرت لؤلؤا - الكابلي Gaafar Ismail01-30-12, 03:02 PM
                            Re: امطرت لؤلؤا - الكابلي Gaafar Ismail01-30-12, 03:49 PM
                Re: امطرت لؤلؤا - الكابلي Gaafar Ismail01-31-12, 03:25 AM
  Re: امطرت لؤلؤا - الكابلي Elmosley01-30-12, 09:57 AM
    Re: امطرت لؤلؤا - الكابلي saadeldin abdelrahman01-30-12, 10:35 AM
      Re: امطرت لؤلؤا - الكابلي خليفة موسى حمدان01-31-12, 06:22 AM
        Re: امطرت لؤلؤا - الكابلي Gaafar Ismail01-31-12, 07:47 AM
    Re: امطرت لؤلؤا - الكابلي Gaafar Ismail01-31-12, 01:24 PM
      Re: امطرت لؤلؤا - الكابلي Elmosley01-31-12, 06:45 PM
        Re: امطرت لؤلؤا - الكابلي Gaafar Ismail02-01-12, 12:56 PM
          Re: امطرت لؤلؤا - الكابلي Gaafar Ismail02-02-12, 02:44 PM
            Re: امطرت لؤلؤا - الكابلي khaleel02-04-12, 09:38 AM
              Re: امطرت لؤلؤا - الكابلي Gaafar Ismail02-05-12, 06:49 AM
                Re: امطرت لؤلؤا - الكابلي khaleel03-06-12, 04:01 PM
                  Re: امطرت لؤلؤا - الكابلي khaleel03-06-12, 04:23 PM
                    Re: امطرت لؤلؤا - الكابلي Gaafar Ismail03-07-12, 03:43 AM
                      Re: امطرت لؤلؤا - الكابلي khaleel03-07-12, 06:53 AM
                      Re: امطرت لؤلؤا - الكابلي khaleel03-07-12, 06:54 AM
                        Re: امطرت لؤلؤا - الكابلي محمد الامين احمد03-07-12, 07:51 AM
                          Re: امطرت لؤلؤا - الكابلي Gaafar Ismail03-07-12, 10:50 AM
                            Re: امطرت لؤلؤا - الكابلي khaleel03-17-12, 08:21 AM
                              Re: امطرت لؤلؤا - الكابلي khaleel03-17-12, 08:49 AM
                              Re: امطرت لؤلؤا - الكابلي saadeldin abdelrahman03-17-12, 09:10 AM
                                Re: امطرت لؤلؤا - الكابلي الطيب شيقوق03-17-12, 09:18 AM
                                  Re: امطرت لؤلؤا - الكابلي khaleel03-17-12, 09:24 AM
                                    Re: امطرت لؤلؤا - الكابلي khaleel03-17-12, 09:39 AM
                                    Re: امطرت لؤلؤا - الكابلي saadeldin abdelrahman03-17-12, 09:39 AM
                                      Re: امطرت لؤلؤا - الكابلي khaleel03-17-12, 10:37 AM
                                        Re: امطرت لؤلؤا - الكابلي Kabar03-17-12, 11:05 AM
                                          Re: امطرت لؤلؤا - الكابلي Kabar03-17-12, 11:15 AM
                                            Re: امطرت لؤلؤا - الكابلي Gaafar Ismail03-17-12, 02:28 PM
                              Re: امطرت لؤلؤا - الكابلي Gaafar Ismail03-17-12, 12:35 PM
                                Re: امطرت لؤلؤا - الكابلي haroon diyab03-17-12, 05:26 PM
                                  Re: امطرت لؤلؤا - الكابلي khaleel03-18-12, 05:33 AM
                                    Re: امطرت لؤلؤا - الكابلي Gaafar Ismail03-18-12, 01:54 PM
                                  Re: امطرت لؤلؤا - الكابلي Gaafar Ismail03-18-12, 01:45 PM
                                    Re: امطرت لؤلؤا - الكابلي saadeldin abdelrahman03-18-12, 03:21 PM
                                      Re: امطرت لؤلؤا - الكابلي khaleel03-18-12, 03:29 PM
                                        Re: امطرت لؤلؤا - الكابلي khaleel03-19-12, 06:10 AM
                                          Re: امطرت لؤلؤا - الكابلي khaleel03-19-12, 06:26 AM
                                            Re: امطرت لؤلؤا - الكابلي محمد عثمان03-19-12, 06:39 AM
                                              Re: امطرت لؤلؤا - الكابلي Gaafar Ismail03-21-12, 04:51 AM
                                        Re: امطرت لؤلؤا - الكابلي Gaafar Ismail03-19-12, 07:05 AM
                                          Re: امطرت لؤلؤا - الكابلي khaleel03-20-12, 06:37 AM
                                            Re: امطرت لؤلؤا - الكابلي khaleel03-30-12, 06:31 PM
                                              Re: امطرت لؤلؤا - الكابلي Gaafar Ismail03-31-12, 11:27 AM
                                                Re: امطرت لؤلؤا - الكابلي شهاب الفاتح عثمان03-31-12, 12:32 PM
                                                  Re: امطرت لؤلؤا - الكابلي Hololy03-31-12, 03:36 PM


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
 اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين 		News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de