|
الرُدود السَديدة لِلأَعْمِدةِ العديدة
|
في هذا العمود سَوف أرعى أعمِدتي وأُجيب فيه على الأسْئِلة والمُداخلات الجادة والمُسْتظرِفة والعبيط مِنها كذلِك -فإن في بعض العُضْوِية عبطٌ لا يستطيع المرء إكْتِسابهُ إلا بِعَونٍ مِن الله تعالى- في هذا العمود سَوف أكتُب مُداخلاتي/تعليقاتي التي كان مِن المُفْترض أن أكْتُبُها في موضِعها، أي في عمود/أعمِدة الأعضاء المُختلِفة (كورة/بيت فُراش/سِياسة/عولاق... إلخ).
وجمع الرُدود السديدة للأعْمِدةِ العديدة مرده محدودِية نصيبي مِن مُصيبي، فقد خُصِص لي فقط عدد [2] مُداخلة بِاليَوم واللَيلة (تبدأ بِالساعة 8 كل ما خرجت شمسٌ مِن عَيْنٍ حَمِئَةٍ) هذا التخيصي لم يأبه لِفرض أو النفل (رعاية عمود الذي أفْترِعهُ فرض/مُداخلاتي التي أكتُبُها في أعمدة العضوية نفل) لا بأس في ذلِك فإن مِن عاداتي أن لا أسأل الله رد القضاء –فإن في ذلِك مضَيعةٌ للوقت وحُمْق- لكِن أسألهُ أن يلْطُف فيه.. ما علينا.. لِنبدأ
في عمود: جابت..؟ ما جابت. تاج السر الملك
Quote: مضيت بعد ذلك في شأني وأنا في حيرة متعجبا في سري: أفرض جابت ولا ما جابت، المشكلة شنو؟ |
يا ملِك ما كُنت تقولا جهرًا؟ حرم في ثَورتِهِ دي عِلا يِجيب آخرك هههه هههه ــــــــــــــــ في عمود: يا الهي....... سودانير تفقد آخر رجالها المحترمين الله يرحم كابتن صديق عبدالجبار ويِحسِن إليه.. بس حِكاية إنو المرحوم آخر الرِجال المًُحترمين ده شطط مِنك ساي حرم، أو تكون ما بِتعرِف الرُجال.. ما عارِف ليه الزول عشان يِشكِر ليهو زول يِقوم بِالضرورة يِنبِذ زول تاني! ــــــــــــــــ في عمود: هل دينق أجنبي؟ .. وهل الأجنبي لا يحق له تناول مشاكل السودان بالمنبر؟ كان ولا يزال وسَوف يظل دينق وأي جنوبي عِرقًا (علشان نمرُق أبيي والباقي فوقا.. شِمالِية.. جنوبِية.. شِمالِية.. جنوبِية) أجنبي في بِلادي ولو كرِه المُتأوِهين وناس [البوتقة المُتجذِرة في أقانيم السديم في إطار مجرة فاطنة بِت عَوض الكريم] ـــــــــــــــ في عمود: هل يجوز أن تصبح الزيارات الخاصة مادة ( مصورة ) للبوستات العامة..؟؟
Quote: طبعا يجوز يا عاطف في سودانيز اونلاين فقط! خاصه اذا كان البعض هذا هو حدود نشاطه العام في الحياه! |
والغريبة إنو طراجي (صاحبة الإقتباس أعلاه) ما بِتْفَوِت أي لمه علشان تنحشِر فوقا وتتْصَور وتلقى الشلهتة دايرا تكْتُلا عشان بِتين ترجع البيت وتنزِل الصُور، ولامِن إنْفض البشر مِن حَوْلِها، قامت سَوت ليها فيديوهات.. وكلاما الفوق ده حُسُد سااااي حرم.
مبروك العمود إتْشخصن تااااب ــــــــــــــ في عمود: دعـــــــوة لتشكيل محكمـــة اسفيـرية بالمنبـــر
Quote: ونعلن عن الوظائف الاتية
عدد 4 قضاء عدد 2 قضاء استئناف عدد 4 كتاب عرائض عدد 2 حاجب عدد 4 رجال شرطة |
دايًما الأفكار النَيِرة (زي فِكرة ها العمود) بِكْتُلا الإسْتظراف أو العبط أو كِلَيهُما (زي الإقتِباس أعلاه) الطرح عِنْدك فوقو مُشْكِلة يا معاوية عبيد الصائم ــــــــــــــ عمود: هذا هو مصير العنصري عزام فرح بِالله زول مِن أصحاب المُداخلات غَير المحدودة في اليوم واللَيلة، يرفع لينا العمود أعلاه كُل فنية وأُخرى.. وكِده ــــــــــــــ (إنتهى)
أها يا ناس نشوفكُم باكِر أكان الله أراد
|
|
|
|
|
|
|
|
|