تلاتة مقاطع للشمس

(1)
ما بين شروقك والأمانى
امتد جسر الشوق عليك
فات المدى
ومشت مواكب الضو علينا
مرقنا نحن نغنى ليك
واينعت بيك الحكاوى
بقت عوالم من ندى
جانا طيفك
ولون الحلم البدا
ضجة الفرح المرق
دهشة الصوت الندا
ونشيل بهاك
روعة حكاوينا القديمة
نحضن سماك
وفرحة الغيمة الحميمة

(2)
ما بين عيونك والأغانى
الحان تدوزن
لهفة الليل والغياب
آهات حنين
انغام تموسق
وحشة الدرب السراب
فرحا ضنين
نمات أسى وحرقة عذاب
زولا حزين
بعدت مراسى وصولو ليك
صعب الإياب

(3)
ما بين عيونك والمعانى
وعد غيمات الخريف
حق يوم امس
انك تجينا معاهابكره
تدى النهار
معنى الضيا
تسقى الديار
من سلسبيلك
تكسى الكلام
من روح هديلك

يا شمس