|
|
 السودان يملك طائرة ركاب واحدة
|
وكشف اوشيك، ان عدد الطائرات التي تملكها الدولة تقلص من عشرين طائرة الي واحدة ،موضحاً ان شركة سودانير تعتمد على تأجير الطائرات في رحلاتها
........
المصدر : الصحافة
|
|
 
|
|
|
|
|
|
|
|
Re: السودان يملك طائرة ركاب واحدة (Re: Hisham Ibrahim)
|
Quote: بس الشعار ما يهبشـوا
ياهو البيفضل للاجيال القادمة عشان يعرفوا إنو زمان كان عندنا خطوط جوية سودانية
ودا شعارها ....
|
ليتهم يحافظوا علي الشعار لتذكيرنا اين كنا واين نحن الآن
ولكن بالطريقة دي الشعار ذاتو الله استر عليهو
تحياتي اخي هشام
| |
|
|
|
|
|
|
|
|
 Re: السودان يملك طائرة ركاب واحدة (Re: اساسي)
|
الشامي ...سلامات ..
| Quote: السودان يملك طائرة ركاب واحدة |
واحد من قرايبي شغال معاهم قال لي : تصدق يافايز نحن عندنا طيارة واحدة شغالة تلف العالم ده ؟!!! (قصده عالم الطيارة)..
ياخي عمنا شحوتاى عضو المنبر سافر قبل كم يوم مشيت وديتو المطار قام اليوم التاني وانا براى داومت اليوم التاني..
عادة لمن يكون عندي زول جاى من السودان بقول ليهو لمن تركب الطيارة رسل لي مسج ..
اها كريمتي جاى برحلة بورسودان وقالت لي نحن ركبنا الطيارة ..كلها نص ساعة لجدة فمشيت المطار قعدت 4 ساعات منتظر لامن خفت ..
لمن وصلوا قالت لي الطيارة من بورسودان ودوها دنقلا ...معقولة بس !!!
سودانير زي سودانيز عالم جميل ..مع اختلاف نوع الجمال
| |
|
|
|
|
|
|
|
|
Re: السودان يملك طائرة ركاب واحدة (Re: فايزودالقاضي)
|
عاطر التحايا اخي فايز
| Quote: ياخي عمنا شحوتاى عضو المنبر سافر قبل كم يوم مشيت وديتو المطار قام اليوم التاني وانا براى داومت اليوم التاني.. |
انا القدامك دا يا ود القاضي مشيت المطار يوم الخميس
سافرت صباح السبت ولمن وصلنا قالو الطيارة ماشا نيروبي وحتجي لانو في ركاب منتظرنها ماشين جدة
فعلا عالم جميل
| |
|
|
|
|
|
|
|
|
|
Re: السودان يملك طائرة ركاب واحدة (Re: اساسي)
|
| Quote: السودان يملك طائرة ركاب واحدة |
لا يمكن يكون الوضع احسن من كدة
سودانير وضعها يماثل - حافلة مغترب - ثلاثة ارباع دخلها يستفيد منه السواق والكمسارى
تماما مثل مجلس ادارة سودانير من مصلحتهم تظل شغالة حتى لو بجناح واحد
ولا يهم سمعة الشركة والوطن التى تمرغت بالتراب
| |
|
|
|
|
|
|
|
|
|
Re: السودان يملك طائرة ركاب واحدة (Re: احمد التجانى احمد)
|
الاخوة المتداخلون شكراً لكم جميعا
ولو كنت مشاركا في المذكرة التصحيحية الاخيرة
لقلت لهم اهتموا بانشاء اسطول جوي لان قطبي المهدي
قال اي حاجة في المذكرة دي نحن حنفذها
ولذكرتهم بان الاسطول الجوي هو عنوان اتصالهم بالعالم
الخارجي
| |
|
|
|
|
|
|
|
|
|
Re: السودان يملك طائرة ركاب واحدة (Re: احمد التجانى احمد)
|
Quote: تماما مثل مجلس ادارة سودانير من مصلحتهم تظل شغالة حتى لو بجناح واحد
ولا يهم سمعة الشركة والوطن التى تمرغت بالتراب |
تحياتي اخي احمد التيجاني
ولنا انا نتسآل لماذا طائرة واحدة فقط اين العشرين الاخري التي تمت الاشارة
اليها ام هذا هو الفساد الذي نهش الجسد السوداني من غير استثناء
| |
|
|
|
|
|
|
|
|
|
Re: السودان يملك طائرة ركاب واحدة (Re: اساسي)
|
| Quote: انا مستغرب ليه ما يعتزلوا الموضوع دا كله ما دام ما قادرين عليه |
دا المفروض يحصل حتي لا يحرجوا انفسهم والذين يرغبون في السفر علي السودانية
وهم لا يعلمون ما حل بها
تحياتي اخي اساسي
| |
|
|
|
|
|
|
|
|
|
Re: السودان يملك طائرة ركاب واحدة (Re: بلدى يا حبوب)
|
الحسرة والالم يمزقان أسياج قلبى وأنا أتلق مكالمة هاتفية
من إخوة أعزاء فى طريقهم الى السودان لتلقى واجب العزاء فى
والدتهم التى غادرت هذه الدنيا الفانية ..
من المفترض أن يغادروا الممكلة يوم السبت الموافق 14/1/2012
وبالناقل الوطنى .. لكن !!!!!!
لم تأتى الطائرة فى هذا اليوم والتاريخ .. أخطروهم بالحضور
يوم الاحد .. وبالفعل حضروا .. ولكن !!!
الطائرة أيضا لم تأت .. قالوا لهم ( هاتوا ) العفش وتم وزنه
لكن !!
أيضا الطائرة لايدرون أين هى ؟؟
تم ترحيلهم الى فندق الهفوف بجده .. ولكن !!
حتى اليوم الثلاثاء 17/1/2012م لايعرفون مصيرهم .. والطائرة محلك سر ؟؟
ياناس لمن الشكية .. فقط افيدونا ؟؟؟؟؟؟
وهذا مايؤكده هذا البوست ( السودان يملك طائرة ركاب واحده ) !!!
فتكم بعافيه
تاج السر
| |
|
|
|
|
|
|
|
|
|
Re: السودان يملك طائرة ركاب واحدة (Re: تاج السر محمد حامد)
|
الاشكالية المحيرة والتي تحتاج الى منطق ... هي ..
لماذا يصر السودانيون على استعمال هذه (الشركة)
واقول شركة وليس سودانير شركة السودان ..
هذه السودانير ومنذ سنوات طويله جدا جدا تقدم خدمة سيئة جدا
لعملائها سودانيين وغيرهم وهناك الوف او مئات الالوف من التجارب يمكن
لكل من استخدم هذه الشركة ان يحكيها ...
فما هو سر هذا الاصرار الغبي الطويل على تجريب المجرب
مقاطعة الناس لسودانير ستجبرها على اما ان تعمل بأسس تجارية وتحترم مسافريها كما
تفعل كل شركات الطيران فى العالم اما ان تغلق غير مأسوف عليها ,,
لماذا تدعم الحكومة الفشل والخسائر والعجز ..
احتفظوا بالشعار واسم السودان اذا كان له كل هذه القدسية وافتحوا للمقتدرين لتقديم هذه الخدمة
بدون عواطف لا يجني منها الناس الا التعب ...
المدعوه بسودانير والتي بدأت منذ 1947 مثال حي على اننا سبقنا العالم وخاصة من الاقليم من حولنا
لكن توقفنا فسبقنا الجميع
| |
|
|
|
|
|
|
|
|
|
Re: السودان يملك طائرة ركاب واحدة (Re: محمد الحافظ)
|
الخراب وقف في سودانير فقط؟؟؟
شركة الخطوط البحرية السودانية (ٍSudan line) التي كانت مضرب المثل في الدقة وقوة الاسطول
حاليا المحصلة (صفر) ولا باخرة
الفساد طال كل شيئ وما علينا الا نقول (عليه العوض ومنه العوض)
| |
|
|
|
|
|
|
|
|
|
Re: السودان يملك طائرة ركاب واحدة (Re: Habib_bldo)
|
Quote: الاشكالية المحيرة والتي تحتاج الى منطق ... هي ..
لماذا يصر السودانيون على استعمال هذه (الشركة)
واقول شركة وليس سودانير شركة السودان ..
هذه السودانير ومنذ سنوات طويله جدا جدا تقدم خدمة سيئة جدا
لعملائها سودانيين وغيرهم وهناك الوف او مئات الالوف من التجارب يمكن
لكل من استخدم هذه الشركة ان يحكيها ...
فما هو سر هذا الاصرار الغبي الطويل على تجريب المجرب
مقاطعة الناس لسودانير ستجبرها على اما ان تعمل بأسس تجارية وتحترم مسافريها كما
تفعل كل شركات الطيران فى العالم اما ان تغلق غير مأسوف عليها ,,
لماذا تدعم الحكومة الفشل والخسائر والعجز ..
احتفظوا بالشعار واسم السودان اذا كان له كل هذه القدسية وافتحوا للمقتدرين لتقديم هذه الخدمة
بدون عواطف لا يجني منها الناس الا التعب ...
المدعوه بسودانير والتي بدأت منذ 1947 مثال حي على اننا سبقنا العالم وخاصة من الاقليم من حولنا
لكن توقفنا فسبقنا الجميع |
برافو يا عبد الحميد
دايما اتسال مثلك وانا ارى بعض زملائى يتخذون هذه الشركة وسيلتهم الموسمية للسفر صوب السودان
فى الاجازات وهى لاتبخل عليهم اطلاقا بالمرمطة والبهدلة المستدامة حتى ايقنت بانهم يستمراون
البهدلة والمرمطة وضياع وقتهم فى مقابل بعض الكيلوجرامات الذائدة تمنحها لهم لاعبة على اوتار
نقطة ضعفهم الازلية , لا تعاطف لى مع كل من استمرا الذل والمرمطة من هذه الشركة وما تفعله
بهم يستحقونه بسبب انه لا عذر لهم لوجود خيارات اخرى عالية الكفاءة
| |
|
|
|
|
|
|
|
|
|
Re: السودان يملك طائرة ركاب واحدة (Re: احمد التجانى احمد)
|
الخطوط البحرية
Quote: هذه الشركة قد تمّ إنشائها خلال فترة الستينات فترة حكم الرئيس عبود، وهي من أقدم الشركات في الاقليمين العربي والأفريقي وكانت لها مكانتها المتقدمة من حيث عدد السفن والأداء إلا أنه قد أصابها مرض التدهور فتدنى أداؤها وانخفض أسطولها من السفن، فأصبحت الآن تمتلك سفينتين فقط من الحجم المتوسط سعة (12) ألف طن وهي شركة حكومية 100%.
خلال السنتين الماضيتين طرأ تحسن ملموس في أداء الشركة حيث سددت كثير من ديونها والتزاماتها نحو عمالها وقامت باصلاح وتأهيل الباخرتين واعادتهما للخدمة. واستطاعت أن تقوم بشراكة تجارية مع الجانب الماليزي في نقل الحاويات فحققت نجاحاً ملموساً.
حسب سياسات الدولة في التحرير الاقتصادي فإن الشركة بعد تحسن أوضاعها يمكن أن يتم ادخال مساهمين وشركاء معها لتطوير الأداء |
.
http://www.mot.gov.sd/index.php?option=com_co...icle&id=23&Itemid=26
| |
|
|
|
|
|
|
|
|
|
Re: السودان يملك طائرة ركاب واحدة (Re: MOHAMMED ELSHEIKH)
|
دي سودانير ..
و حبيب بلدو تحدث عن الخطوط البحرية ..
كلو سليم ..
و و الله السكة حديد نفس الشي ..
ولا وابور واحد ..
اقسم لي رجل تعدى السبعين و عمل 42 سنة في السكة حديد ..
بأن الوابورات و العربات تقطع ليلاً و تباع لـ (امجاد) حسب تسميته ..
3 نواقل (!) ؟
| |
|
|
|
|
|
|
|
|
|
Re: السودان يملك طائرة ركاب واحدة (Re: MOHAMMED ELSHEIKH)
|
الشامي يا عمكـ .. الأخبار ياخ!
طيارة واحدة .. وما طيارة كمان!
دي عبارة عن دفّار بيطير بس!!!
قبل فترة من الأزمان عندي قريبي ماشي السودان قلت ليهو أمش
بالسعودية أنا بجيب ليكـ الحجز والتذكرة لحدي عندكـ! قال لأ
حجزوا مضمون في سودانير!
وديتو المطار .. وجيت راجع البيت بعدها بأربع ساعات أنا زاتي
مشيت المطار وسافرت رحلة 17 ساعة .. والله صحي .. لما وصلت
اتصلت على البيت قالوا (قريبا) لسع قاعد في المطار!!
| |
|
|
|
|
|
|
|
|
 Re: السودان يملك طائرة ركاب واحدة (Re: محمد عبد الماجد الصايم)
|
عيد الأضحى قبل سنتين!!
ما عارف وضعي النفسي كان كيف لكن مشيت اشتريت
تذكرة سودانطير إلى الخرطوم .. المفروض نصل الخرطوم
(صباح يوم الوقفة) .. أنا صراحت قلت عندهم إمكانية
تأجيل الرحلة يوم كامل عشان نصل الوقفة بالليل!
أها يا جماعة سودانطير أحبسونا في المطار من عصر
الوقفة لحدددي صباحية العيد .. والله صحي!
يا دوب لحقت الغدا في البيت!!
| |
|
|
|
|
|
|
|
|
 Re: السودان يملك طائرة ركاب واحدة (Re: محمد عبد الماجد الصايم)
|
عمي أخو أبوي لزم .. جاي من السودان حالة إسعافية
(الحمد لله أجرى عملية جراحية في المخروقة وحاليا في مرحلة التأهيل)
أها .. قووووم يا الطيار أنسى تبلغ مطار الرياض بإنو معاهو حالة إسعافية
لأنو الإجراء مفروض الطيار يبلّغ ويجي إسعاف المطار يشيل الراكب يطلعوا
لمستشفى المطار .. ومن هناكـ تستلموا بإسعاف المستشفى وتتخارج!
المهم النجيضة عمي قعد في الطيارة أكتر من ساعتين ـ لاحظ حالة إسعافية ـ
عشان أخينا ما بلّغ المطار .. لا وزعلان بيهدد فينا إنو ح يرجع بالراكب
السودان لو ما اتصرّفنا وطلبنا إسعاف المطار!!
هاهاهاععع .. قايل عضمنا طري ..
يمين بالله أخرنا الطيارة زي الماف حاجة!
وطبعا بطيبة السودانيين خلينا الموضوع انتهى على كـدا!!
| |
|
|
|
|
|
|
|
|
|
Re: السودان يملك طائرة ركاب واحدة (Re: محمد عبد الماجد الصايم)
|
طبعا الطيارة الواحدة دي اسمها (القصواء) على ما أعتقد!
أها في مرتن أخرى ونحن راجعين من الخرطوم ومعانا واحد
زميل هنا في البورض .. قوم يا الكرسي بتاعو أطلع مكسور!!
الجزء الأسفل من الكرسي متحرّكـ من مكانو .. والله صحي!!
غير بدّل في النهاية قالوا ليهو معليش سامحنا ياخ!
كلنا ساعتين وشوية تصل الرياض وانتهى الموضوع!!
| |
|
|
|
|
|
|
|
|
|
Re: السودان يملك طائرة ركاب واحدة (Re: محمد عبد الماجد الصايم)
|
....
كونو سودنير دى بتتأخر و تتأجل دى مسألة زى بقت عادية و كدا،
و ما فى زول بيتوقف عندها كتير ، الناس المضطرين يحجزوا فيها
بقوا عارفين القصة دى و بيعملوا حسابهم بى يوم يومين .
الحاجة الما محتملة إنو يدوك تذكرة و تدفع فيها دم قلبك
مواعيد مؤكدة و مكتوبة و موثقة
تمشى المطار تلقى الطيارة الواحدة دى قامت قبل ساعة و ربع
أها .. وحاة الله حصلت.
....
| |
|
|
|
|
|
|
|
|
|
Re: السودان يملك طائرة ركاب واحدة (Re: محمد عبد الماجد الصايم)
|
مشكلة سودانير تعدت حكاية الفساد الاداري والمالي ووصلت لحدي
سلامة الركاب
وقبل ما اقول عن الحتة دي هاكم جديد سودانير
استأجرت طيارة بيونج 737 من شركة سودانية خاصة
قيمة الايجار وصلت لحدي الآن اربع مليون دولار
قيمة الطيارة في دبي حالياً ثلاثة مليون دولار
ويقال انوفي الايجار سبع فوائد.. اولها عمولات دولارية على كل ساعة طيران
| |
|
|
|
|
|
|
|
|
|
Re: السودان يملك طائرة ركاب واحدة (Re: على ميرغني)
|
من طرائف سودانير :
كان لصديقي حجز مؤكد على الرحلة المتجهة لجدة ـ وكان وقت الإقلاع حوالي 4 أو3 عصراً ـ قبل السفر بيوم سافر لأمر هام للأبيض ، على أن يعود في اليوم التالي مباشرة ـ وهو نفس يوم سفره ـ
صديقي العزيز ومن شدة الأرهاق غرق في نوم فوت عليه السفر في البصات السياحية التي تمكنه من اللحاق بطائرة سوداطير ـ فقنع من الحجز ـ وسافر في بص متأخر أوصله الخرطوم مع مغيب الشمس ـ وعلى طول شرع في عمل حجز بديل ، فاتصل على صديق له يعمل بأحد وكالات السفر ـ وكان ذلك حوالي الساعة التاسعة مساء ، ففؤجئ بأن صديقه طلب منه الحضور إلى المطار فوراً لأن سوداطير أجلت سفرية جدة لمنتصف الليل ـ صاحبنا بكل بساطة سافر في نفس السفرية ـ تخيلوا البص السياحي من الأبيض للخرطوم عندو دقة مواعيد فوتت على صاحبنا السفر من الصباح ، أما سوداطير فمواعيدا خلت الجاي من الواق واق يحصل السفرية
موقف أخر ـ في أحد الأيام ـ عملت حجز مؤكد جدة بورتسودان ـ السفرية كانت منتصف النهار ـ الود ريلاكس ـ قمت من النوم وضربت الفطور ومبسوط الف قيراط شحنت العربية عشان أستلمها في بورتسودان ـ أخدت ليوموسين ب50 ريال من وسط جدة للمطار ـ يشهد الله مشيت هناك لا لقيت سفرية ، ولا في كاونتر ، ولا في حد يوريك الحاصل شنو ـ بعد شد وجذب لقيت واحد منهم أتكرم علي بالإجابة ـ قال لي ياخ الطائرة الكان مفروض تسافر بوتسودان اليوم ـ مشت كانو عشان تودي حجاج نيجيريين ـ أجروها لشركة نيجرية عجزت عن توفير سفرية لحجاج نيجيريا ـ بكل بساطة أخدت ليموسين تاني مرة لوسط جدة بـ 50 ريال ـ إضافة لتأخيري لأكثر من ثلاث أيام حتى أسافر في أقرب باخرة
ولسع عندي المزيد من المأسي مع هذه السوداطير
| |
|
|
|
|
|
|
|
|
|
Re: السودان يملك طائرة ركاب واحدة (Re: على ميرغني)
|
اخبرني احد طياري سودانير، مش طيار وبس، لكن مدرب على طائرات الايربص 320
ان اختيار الطيارين لتلقي الكورسات التحويلية من طراز الى آخر تتم حسب توصية امام المسجد
والموضوع بقى خطر حتى على حياة الركاب .. مصدر تاني كشف انهم رسلوا طيار الى دولة اسيوية
للطيران التشبيهي على الايربص.. تعليق المدرب الآسيوي على مستوى الطيار السوداني انو بعيد من ان يكون كابتن
| |
|
|
|
|
|
|
|
|
|
Re: السودان يملك طائرة ركاب واحدة (Re: على ميرغني)
|
والمبكي المضحك في امر سودانير
اقتراح قدمه قيادي كبير بالشركة
ويعتبر المحرك الاساسي لها
عندما ارتفعت تكلفة التشغيل قدم هذا القيادي
اقتراح موباآآآآآآآآآآلغة لناس الشركة
قال للكباتن بعدما تصلوا للارتفاع العايزين تطيرو عليهو
وقفو مكنة وطيروا بواحدة بس
ياعمك سودانير خلاص وصلت الطينة
والعاقل يمشي على اي خطوط تانية .. انشاء الله الارتيرية ذاتو
| |
|
|
|
|
|
|
| |
الشامي الحبر عبدالوهاب
Hisham Ibrahim
اساسي
فايزودالقاضي
احمد التجانى احمد
Adil Hamza
Nasr
بلدى يا حبوب
تاج السر محمد حامد
Habib_bldo
MOHAMMED ELSHEIKH
عبداللطيف خليل محمد على
محمد عبد الماجد الصايم
الوليد عمر
محمد علي البصير
فيس بوك
تويتر
انستقرام
يوتيوب
بنتيريست