أغاني الشايقية في القرن التاسع عشر وبداية القرن الماضي

Quote: الكبر الحاجة الشول عبد الله يا حبايبي أنا كيف أتر الكبر رسل لي الخبر قال لي أنا الجيتك مرسل الكبر قال لي آ الشول سلام خبي خبي تعالي قوام صدقيني عملك نظام ليكي رتب وجع العضام الكبر قال لي سلام عليك أرفعي التعظيم بي ايديك انتي ماك عارفاني جاييك أشكي لله بطفق وشيك واصلي سيد دين ماب أخليك الكبر جا الليلي زعلان صار وشيهو وعاقد اللسان قال لي أوع تلفي دوران أنا اصلي ما خليت لي انسان الزول يشوف القبلو كيف كان كم فتر ناس متل الحصان الكبر جا الليلي محروق وفي كلامو تشوفو مخنوق قال لي دايما لبسي الدلوق اصلي ما خليت لي مخلوق كان مكضبي.. أطلعي السوق الكبر جا الليلي ينهر وقال لي منك ماني منتر أنا وقفت فيهو وحدر ما شي وين يا محني الضهر الرقيبة تكرب الوتر تعسما وتشبع في الكدر قال لي من ربك مرسل قت لو زي ما قالك اعمل قال لي كرعيك بعوجن قال لي ايديك البمشن ويجن اصلي لي الله بكعوجن وكل اعضاك يكون لجن الكبر رسل لي جواب قال لي ناويلك بالعذاب لا تجوطي انا جيت بي باب راحت العافي مع الشباب وين مريض كبوري كان طاب الكبر ضارب لي تلفون قال انا الجيتك بي فنون كل يوم اقلب لي ليك لون مرة دستور مرات جنون قتلو اوعك تغشا العيون ودايري احنسوا يعفا السنون قمت للخرطوم منو جيت اصلي لا طبت ولا دنيت قال لي انا الكبوري الغتيت البقعد سيدو في البيت عندي نيي اقوم لا مصر قال لي أصلو الحي يفكر أنا أصلي دايما ببراكي سر الكبر قال انا جيت خلاص لا تجضي وتوجعي لي راس ولا تتشكي تزهجي الناس يا حبايب ضيقي وقساي ختو بالكم لي كلو جاي انا الكبر جاني وبات معاي قال لي قنبت وعندي راي الوصية آ بنوت سعد لا تودني انا للولد لي طارد مرتو تحرد لي ام أزاهر أخاف النكد في العجوز أم يوما أسود تسوقني بتي ام طبعا سمح جمب وليداتا الاتبطح مرة أغمد ومرة أفتح داير اشيل السبحي اسبح للرسول امدح وامنح الكبر جاني مع الصباح قال لي جيتك جد مو مزاح انتي وين المتلك ارتاح وكل من قدرك حقو راح الكبر جاني مع الضهر مرة يقنت ومرات ينر قال لي دايما داير الصبر أصلي فوق المخلوق بمر الا زولا مات في الصغر قت لو عاد يا ود الحلال لا تسوي لي اضني تقال دايري اسمع حس النعال يا الرسول ما يتلف البال الكبر قال ما جيت براي جيت فوق معروف وفوق راي انا وصلت والموت وراي